انفراااااااااااااااااااااااد امتحان اللغة العربية لعام 2009

من طرف cool.bannota الجمعة يناير 02, 2009 11:59 am

السؤال الأول: التعبير

اكتب ما لايقل عن 650 سطر فى أحد الموضوعات التالية

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب

ــــــــــــــــــــــــــــــــــــــــــــــــــ ـــــــ
السؤال الثانى: القصة

من قصة ' وعهد الله ما انت داخل الانتخابات' .. اقرأ القطعة وأجب عن الآتى:

(ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟)

الأسئلة:

1-ما هى اللحمة؟ أو على الأقل حدد أقرب معنى خيالى لها

2-مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

3-لماذ ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى) اختر

4-حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا

ــــــــــــــــــــــــــــــــــــــــــــــــــ ــــــــــــ
السؤال الثالث النصوص

أجب عن أحد النصين الآتيين

من نص ( ماشربتش من نيلها)..اقرأ ثم أجب

(ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها)

1-بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

(المسيسبى - الأمازون – يونج يانج)

2-هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه

3-أكمل الأبيات إلى آخر كحكة فى الكليب

4-قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى

ــــــــــــــــــــــــــــــــــــــــــــــ
السؤال الرابع الخط

كوز المحبة انخرم..طرطش على كمى..ياحبيبى بطل جفا وارحم عذاب امى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء..

:arrow: :arrow: :arrow:

من طرف cool.bannota الجمعة يناير 02, 2009 12:01 pm

أظن مفيش أسئلة كوووول عن كده :D :D

من طرف Ahmed Nabeeh الجمعة يناير 02, 2009 12:08 pm

تحبي تخشي انهو سجن؟؟؟؟؟؟؟

من طرف Dr_Nehad الجمعة يناير 02, 2009 12:12 pm

لذيـــــــــــــــــــــــــــــــــذ جـــــــــــــــــــــــــــــــــدا
بس ده تعجيز
ده اصعب من امتحان الفيزيا بتاعنا

من طرف cool.bannota الجمعة يناير 02, 2009 12:13 pm

NAPEEH كتب:تحبي تخشي انهو سجن؟؟؟؟؟؟؟

ههههههههههههههه .... السجن اللي فوق الهرم .

شكلك تبت من الموضوع اللي فات .. عشان كده معلقتش .. عادي هخشه لوحدي

من طرف cool.bannota الجمعة يناير 02, 2009 12:41 pm

*...N...* كتب:لذيـــــــــــــــــــــــــــــــــذ جـــــــــــــــــــــــــــــــــدا
بس ده تعجيز
ده اصعب من امتحان الفيزيا بتاعنا

هوا فعلا تعجيز بس يعني شغاال يتحل بصي أنا حليت آخر سؤال .. وسيبت الباقي أصل السؤال الأخير ده كان السؤال الاختياري الوحيد في الامتحان فكان لازم احله :lol:

من طرف KiKo الجمعة يناير 02, 2009 2:15 pm

صحيح ده
امتحان الفيزياء اسهل
شكرا ع الموضوع

من طرف cool.bannota الجمعة يناير 02, 2009 2:19 pm

KiKo كتب:صحيح ده
امتحان الفيزياء اسهل
شكرا ع الموضوع

طيب ايه ؟؟ معرفتش تحل ولا سؤال !!!

من طرف solwan الجمعة يناير 02, 2009 6:02 pm

:lol: :lol: :lol: :lol: جميل جدا ....بس لازم تنزلى نموذج الاجابة

من طرف cool.bannota الجمعة يناير 02, 2009 6:16 pm

solwan كتب::lol: :lol: :lol: :lol: جميل جدا ....بس لازم تنزلى نموذج الاجابة

مانت قلت قبل كده اني معرفتش أجاوب غير السؤال الأخير لانه الوحيد الاختياري فكان لازم أعصر كل معلوماتي وأجاوبه.. الامتحان خلاني أتحسر على عمري اللي فات وانا بدرس عربي معرفش المعلومات راحت فين!!!!