ارجوو ...لكل من يكره البرادعي او لديه صورة سيئة عنه ..الدخول

طبعا كتير عنده فكرة سيئة عن البرادعي و كتير بيهاجموه , و كتير يرفضه و يرفض النقاش في شأنه ...
و لكن حينما أسال احد منهم ((ليه بتهاجم البرادعي)) و هاتلي دليل او سبب على كرهك الشديد ده ليه ...
يقولي:

دا شكل عم شكشك بتاع بوجي و طمطم
دا بيتهته في الكلام
دا مش فقير و مش هيحس بالفقرا
دا بنته بتلبس مايوه


ساعتها بضحك اوي ... و بعدين بحس بالتفاهة ... من الي قال كدا

و في ناس تانيه تقولي :
انت مش عارف هوا عمل ايه في العراق
انت مش عارف انه عميل امريكي
انت مش عارف انه عميل اسرائيلي

ساعتها مش بضحك .. لكن بحس بجهل كبير عند الي قدامي , لا ينم عن شخصية سيئة , و لكن عن سذاجه و تصديق لاي شيئ يسمعه دون ان يكون متأكد من مصدر الخبر الي يسمعه .

طيب تعالو نشوف الجرايد القومية الاهرام على سبيل المثال كانت بتقول ايه زمان على دوكتور محمد البرادعي و نعرف من هو البرادعي حقيقة في الفيديو دا



محمد البرادعي هو من قال لا سلاح في العراق .. و لا تجوز الحرب عليها ....في الوقت الذي سمح النظام المصري للبارجات الحربية الامريكية العبور في مياه قناة السويس
محمد البرادعي من قالت امريكا عنه انه يتخاذل في موضوع النووي الايراني
من قال ان من حق سوريا الحلم بالطاقة النووية
من لم يخف كلمة الحق .. و كانت النتيجة تدخل امريكا في عدم انتخابه لفترة جديدة في هيئة الطاقة النووية .

محمد البرادعي الذي كان اول من فتح النار علي الفساد الذي استشرى في النظام الالذي اسقطناه أخيرا بطريقة العصيان المدني ... و الذي كان هو ايضا اول من هدد النظام بها

محمد البرادعي الذي جعلنا نجمع التوقيعات على البيان ..الذي التفت عليه كل قوى المعارضة باختلاق اطيافها في شكل غير مسبوق
هو صاحب الفضل في الحراك السياسي في السنتين الماضيتين مما نزع حاجز الخوف من قلوب الكثير


محمد البرادعي الذي كان يعلم انه اذا بدا الثورة معنا من البداية كان العالم سيحارب الثورة .... لانه مرفوض من امريكا ... كموقف الاخوان المسلمين ..قد نزلو بعد نزول الجموع العادية ...حتى لا يتهم العالم انها ثورة الاخوان ...

محمد البرادعي الذي قال انه على استعداد ليقودنا في المرحلة الانتقالية ...اي انه لن يستطيع ترشيح نفسه لفترة رئاسية قادمة ...اي انه لا يطلب السلطة ولا الجاه .... كونه يقبل بقيادتنا سنة واحده ... مع العلم بان منصبه في الامم المتحده اعلى بكثير من رئاسة مصر في ظل حكومة برلمانيه مخطط لها باذن الله ان يكون دور الرئيس فيها ليس دورا واسعا كسابق العهد .... اي ان الرئاسة بالنسبة له لا تشبع طمعه السياسي

تتهموه بالعمالة لاسرائيل و امريكا .... و نسيتم ان امريكا و اسرائيل في بداية الثورة كانو يصرحون بخوفهم من محمد البرادعي .... و تقولون انه اجتمع مع السفير الامريكي و لا تعرفون ما جاء بالاجتماع ..من تهديد و محاولات اقناع و اغرائات بعدم الترشح ...

رجل نال العديد من الجوائز التي تبين ذكائه السياسي الكبير و تكشف انه من افضل الشخصيات التي تقدر علي قيادة البلاد

*جائزة نوبل للسلام

* جائزة فرانكلين د. روزفلت للحريات الأربع (2006) (The Franklin D. Roosevelt Four Freedoms Award)
* جائزة الطبق الذهبي من الأكاديمية الاوروامريكية للإنجاز (The Golden Plate award from the American Academy of Achievement)
* جائزة جيت تراينور (Jit Trainor) من جامعة جورج تاون للتميز في الأداء الدبلوماسي
* جائزة أمن الإنسانية من مجلس العلاقات العامة الإسلامي (The Human Security award from the Muslim Public Affairs Council)
* جائزة المؤسسة من مجلس كرانس مونتانا (The Prix de la Fondation award from the Crans Montana Forum)
* جائزة الأثير، أعلى وسام وطني جزائري
* جائزة الحمامة الذهبية للسلام من الرئيس الإيطالي
* حامي شرفي لجماعة الفلسفة في كلية الثالوث في دبلن (2006)، مماثلا لآخرين ممن نالوا جائزة نوبل للسلام مثل دزموند توتو وجون هيوم
* وشاح النيل من الطبقة العليا، أعلى تكريم مدني من الحكومة المصرية
* جائزة الإسهام المتميز في الاستخدامات السلمية للتقنية النووية من الاتحاد النووي العالمي (سبتمبر 2007)
* جائزة موستار 2007 للسلام العالمي من مركز موستار للسلام والتعاون بين الإثنيات

كما نال البرادعي شهادات دكتوراة فخرية من جامعات نيويورك، وماريلاند، والجامعة الأمريكية في القاهرة، والجامعة المتوسطية الحرة في باري، وجامعة سوكا في اليابان، وجامعة تسنغوا في بكين ومعهد بوخارست للتقانة، والجامعة التقنية في مدريد، وجامعة كونكو في سيول، جامعة فلورنسا، وجامعة بوينوس آيرِس، وجامعة كويو الوطنية في الأرجنتين وجامعة أمهرست وجامعة ترينيتى.

بيان البرادعي بشان السلاح النووي بالعراق

ما دخل زويل بالسياسة ...زويل قال انه يستطيع افادتنا في مجال التعليم فقط
و الناس هاجمت البرادعي بس ..لان الاعلام شوه صورته هوا بس .... و محدش هاجم زويل مثلا ولا فاروق الباز ...لان دول متكلموش في سياسة مصر غير بعد الثورة ...انما البرادعي كان خصم للنظام القديم منذ البداية

ايوا كلامك دليل انه ملوش في السياسة لانه اشترك كاي فرد عادي بعد الثورة انما لم يدرس سياسة و لم يكن بها خبيرا ... على فكرة البرادعي لن يترشح فانا مش بدافع عنه عشان اعمله بروباجاندا لكن كلمة حق فقط
اما زويل راجل شريف شارك براية في الثورة بشكل الي انتي قلتيه ..الغريب ان رايه عكس رايكو تماما ايام الثورة والوقتي بتكلمو عليه كانه بيمثل تفكيركو

و هل كنتي يا دكتورة هند مع شا يوم 25؟
انتي كنتي رايك مناهض لفكرة الثورة اصلا انتي وكتير تانيين
لكن البرادعي كان موالي لينا و بيساندنا , و رفض زي ما قلت الظهور من الاول عشان متبقاش الثورة لها قائد .. و لو اتطلعتي على صحف عالميه كتير زي الجارديان مثلا او الديلي تلجراف هتلاقي محللين قالو ان سبب نجاح الثورة عدم وجود قائد ليها يعني البرادعي بذكائه السياسي محبش يبداها عشان الموضوع دا و عشان تنجح ... ز ما الاخوان رفضو يبداو الثورة من البداية عشان ميبقاش اسمها ثورة الاخوان

الثورة لم تبدا يوم 25 يناير ...الثورة بدات من زمان و الحراك السياسي بدا من سنتين او اكتر من بداية ظهور البرادعي ...

و باي حال كونه يترشح دي بقت حاجه بعيدة اوي ... نشوف بقا عمر موسي الي بيهرول نحو الرئاسة و بيظبط الوضع في جامعه الدول عشان يمشي منها و هوا اصلا عندو 75 سنة

انا مبحبوش
و تصريحاته استفزت ناس كتير ف الثورة
"انا مفوض من الداخل و الخارج"..."اذا لم يرحل مبارك سنقضى على الاخضر و اليابس"..."على استعداد لرئاسة مصر فى مرجلة انتقالية"...
انا بالنسبة لى اللى يفكر كده ميسواش عندى حاجة
حرية شخصية
و كل ده ملوش علاقة بالعراق و لا غيره

يا جماعه اى حد ييجى باذن الله احنا معاه زويل بقه وللا برادعى وللا عمرو موسى
مش هتفرق المهم يخاف على البلد
وكلهم ماشاء الله وجوه مشرفه

شباب الاخوان نزلو يا دوكتور هند فعلا بشكل شخصي مش بشكل تفويض من الاخوان كجماعه .. و اسئلينا انا و احمد هشام مثلا شاهد على كدا لاننا كنا شغالين من قبل الثورة ما تبدا و كويس اننا التقينا في نقطة عمرو موسى :D

كن واثق يا شربيني ان في ملايين لسة بتساند البرادعي في اماكن معينة و ثقافات تانيه الي هما ليبراليين متمسكين بالبرادعي جدا .. احنا هنا في الاقاليم مش بنبعد ع نالليبرالية شوية ف هتلاقي شعبيته هنا اقل
و موضوع مفوض من الداخل و الخارج مسمعتهاش
والاخضر واليابس دي فاكر اني سمعتها و كان سياق الكلام واضح جدا جدا جدا انه بيقول لمبارك امشي قبل ما البلد تخرب يعني بيقوله امشي بدل ما الناس تفضل في الشارع و يفضل في صراع و البلد تضيع بلاش تحريف في المعني و اعتقد دا كان على الجزيرة
و لعلمك على استعداد لقيادة مصر في مرحلة انتقالية دي دليل على نزاهته ...يبني المرحلة الانتقلية دي بتكون قصيرة جدا و مش من حق الرئيس بتاعها الترشح تاني دا يدل على ايه بالله عليك؟؟؟؟؟؟؟

البرادعى عالم، وبالتالى لا أشك لحظة فى أنه سيدفع بعجلة العلم فى
مصر للأمام
البرادعى عاش فى البلاد التى تعرف الحرية وبالتالى سيكون من مؤيدى
الحرية،
البرادعى وجه مقبول دوليا،

وهذه النقطة يشترك فيها البرادعى مع كافة المرشحين الآخرين، إنه من خارج المؤسسة العسكرية ومصر فى حاجة الآن لرئيس مدني

.......................................................................
السؤال
إية اللي لم الشامي علي المغربي البرادعي ذو الفكر الليبرالي والإخوان المسلمين ذو الفكر الإسلامي والذذي
يعاكس تماما الفكر الليبرالي

تدعو للتحرر من سلطة علماء الدين والفصل بين آراء علماء الدين الإسلامي وبين الإسلام ذاته، ويميلون لإعادة تفسير النصوص الدينية وعدم الأخذ بتفسيرات رجال الدين القدامى للقرآن والسنة، حيث يرون أن الإسلام بعد تنقيته من هذة الآراء والتفسيرات فإنه يحقق الحرية للأفراد خاصة فيما يتعلق بحرية الرأي والتعبير وحرية الاعتقاد. من
أشهر رواد التوجه الإسلامي الليبرالي جمال البنا،
منقولا من ويكيبديا
..........
ما معني أن البرادعي مفوض من الداخل والخارج!!!!!!
...........
أخيراأقول أن البرادعي لة حق الترشح وأعتقد أنة أنة سيترشح للرئاسة القادمة أو الي بعدهها وسجلولي الكلمة دي
...........
ممكن أرشح البردعي حسب أجندتة إن تفوق علي باقي المرشحين
...........
ملحوظة هامة جدا أرفض أن يصنفني أحد لأي فكر سياسي أو ديني لأني فقط زملكاااااااوي
.........
تقبلو مروري والسلام

و لعلمك على استعداد لقيادة مصر في مرحلة انتقالية

محدش طلب منه اصلا
و لو ناسى ان الجبهة الوطنية للتغيير انضمت للائتلاف الوطنى و مكانتش معاه

كن واثق يا شربيني ان في ملايين لسة بتساند البرادعي في اماكن معينة

يساندوه ايه المشكلة...ده رايى الشخصى فيه اللى تفكيره زيى و فيه اللى تفكيره غيرى..عادى جدا و طبيعى
و لعلمك انا من الناس اللى وقعت على بيان التغيير من كام شهر بتاع الجبهة و ده دليل انى مش باخد الكلام بعند او بفتعل التناقض مع الناس زى ما قلتلى قبل كده و ف نفس الوقت جبهة التغيير ليست هى البرادعى

الجمعية الونطنية للتغيير رئيسها محمد البرادعي على فكرة يا شربيني يعني هوا منضم اصلا للائتلاف والائتلاف سياسيا معناه ..تجمع عدد من التجهات المختلفة باختلاف تياراتها ..يعني مفهاش مشكلة خالص خالص

سؤال برئ: لماذا رفض الإئتلاف الوطني للتغييرإقتراح محمد البرادعي أن يفوضوة رئيسا لمرحلة إنتقالية طالما دة تضحية من البرادعي للبلد

هشام رد قبلى
انهم مبصوش للبرادعى و لم يفوضوه اصلا و هو المفروض انه جزء مهم ف الجبهة و انضموا للائتلاف ف نفس الوقت اللى البرادعى طلع لوحده و قال عايز اروح اتكلم مع الجيش و بعدها قال معايا الاخوان و مش عارف ايه

و اول تصاريحه بعد التنحى قال مش هترشح و تانى تصاريحه قال انا هحتفل و مش هفكر ف الموضوع ده دلوقتى...مش هشكك ف نوايا حد بس ساعة الترشيح هنشوف هيطلع يقول ايه...و فى النهاية فى كل الاحوال لا اقبل به كرئيس او رئيس وزراء

دى اراء و ده رايى الشخصى

عشان الائتلاف والجمعية مش عاوزين يحرقوه في المرحلة الانتقالية و عاوزينه يخش في الانتخابات الرئاسية نفسها و يفضل مدتين :) باينة يعني
يا برنس لا تقبل اوك متنتخبوش بس , فبلاش نتكلم بقا عن اي حد و نقول معلومات و ننشر حاجات تتفهم غلط .. لان فعلا بتاخدو كلام الراجل و يتغير السياق والكلام يتفهم بشكل تاني ...سيبو بقا كل واحد من الي هيترشحو يعرض ورقه في الاعلام و نختار

حاجات ايه اللى تتفهم غلط
انا رايى فيه واضح و بقول من زمان و لا ليه علاقة بالعراق و لا شغله ف وكالة الطاقة الذرية اصلا
و اى حد يقول كده انا مش مسؤول عن كلامه او عدم معرفته بحقيقة الكلام ده

تمام و اذا كانوا عايزين يسيبوه للرئاسة يسيبوه لانه قال بلسانه مش هنزل و ده اللى قلته فوق

بس

عشان الائتلاف والجمعية مش عاوزين يحرقوه في المرحلة الانتقالية و عاوزينه
يخش في الانتخابات الرئاسية نفسها و يفضل مدتين :) باينة يعني

أرجوك يصديقي العزيزتراجع تصريحات أعضاء الإتلاف الوطني بعد عرضة دة ليهم وكان السياق عامل إذاي
هم لم يفوضوة ولم يصرح أحد بما قلت
وكانو يقولون أنهم لا يريدون أحدا أن يقفز علي الثورة
لاحظ يشريف أنهم مش بيحبوة أوي للدرجة أنهم يفوضوة مكانهم دة سباق سياسي مشروع
وأنا مازلت عند رأيي عندما أري الأجندات سأختاروإذا وضح الدكتور البرادعي موقفة من حتة علماء الدين دي وفكرة الليبرالي في أي إتجاة