بيان بمطالب طلبة كلية طب أسنان المنصورة

ان شاء الله مش هيبقى فيه اعتصامات . لو فيه هيبقى سلمي ومن غير تجريح في حد

يا ريت يجماعه تنشروا الموضوع علشان نستفيد بكل الأراء والمطالب

بيان بمطالب طلبة كلية طب أسنان المنصورة (مُعدل )

الصيغة الإبتدائية بمطالب طلبة كلية طب أسنان المنصورة :

بسم الله الرحمن الرحيم

السيد الأستاذ الدكتور عميد كلية طب أسنان المنصورة ,

السيدة الأستاذ الدكتور وكيل شئون الطلبة ,,

تحية طيبة وبعد , ,, ,

إليكم بيان بمطالب طلبة كلية طب أسنان المنصورة من أجل النهوض بالعملية التعليمية ومساهمة منا في صنع مستقبل أفضل . وذلك إيمانا منا بسعة صدوركم وتقبلكم أراء أبنائكم .

1 : الإشراف على السادة المحاضرين ومراجعة صلاحياتهم الواسعة والحد منها بما لا يقلل من شأنهم

2 : معاملة الطلاب بشكل كريم يحفظ لهم حقوقهم وكرامتهم ومعاقبة السادة أعضاء هيئة التدريس في حالة مخالفة ذلك كما هو الحال عند إساءة الطلاب , فالعدل أساس الملك .

3 : توفير الإمكانات والمواد اللازمة في الجانب العملي .

4 : تقسيم السنة الدراسية إلى فصلين دراسيين .

5: توفير الكتب الدراسية اللازمة لنجاح العملية الدراسية في كافة المواد أسوة ببقية الطلاب في شتى الكليات العملية على مستوى الجمهورية على أن تكون قيمتها المادية معقولة ومناسبة

6 : إقصاءحرس الكلية التابع لوزارة الداخلية واستبداله بموظفين مدنيين يقوموا بمهامهم .

7 : دعم حق الطلاب في تحديد مواعيد الامتحانات ومعرفة تفاصيلها وقيمة درجات كل منها.

8 : إنشاء مسجد خاص بالكلية شاملا المرافق

9 :السماح للمنتقبات بحضور الإمتحانات بعد الكشف عن هويتهن من قبل احدى الموظفات

10 : ادراج يوم عطلة اضافي إلى جانب يوم الجمعه مع مراعاة استغلال اوقات الفراغ المتاحة في الجدول وذلك منعا لـتمديد فترة الدراسة إلى وقت متأخر

11:

اتخاذ التدابير اللازمة لتسهيل وجود حالات ( patients )

اسهاما من إدارة الكلية في رفع المعاناة عن

الطالب

12: إجراء انتخابات الإتحاد الطلابي بشكل نزيه يضمن مشاركة الجميع دون تفرقة

13: صرف مكافئات التفوق وعدم التواني في ذلك

14:إبراز النشاط الطلابي بشكل يمنح كافة الطلاب الراغبين في المشاركة فرصة لإثبات الذات

هذا وإنه ليس بين الحق والباطل قرابة , ولا يضيع حق وراءه مطالب.



وعلى الله قصد السبيل .



التوقيع .

أولا جزاكم الله خيرا على مجهودكم ..
أرجو قبول آرائي المتواضعة
1 : الإشراف على السادة المحاضرين ومراجعة صلاحياتهم الواسعة والحد منها بما لا يقلل من شأنهم

مش فاهمة المطلب ده
ايه هي بالظبط الصلاحيات الواسعة للمحاضرين اللي المفروض انها مدايقانا ؟؟؟
والحد منها هيكون في صورة ايه ؟؟
على فكرة ده مش اعتراض .. انا فعلا مش فاهمة

2 : معاملة الطلاب بشكل كريم يحفظ لهم حقوقهم وكرامتهم ومعاقبة السادة أعضاء هيئة التدريس في حالة مخالفة ذلك كما هو الحال عند إساءة الطلاب , فالعدل أساس الملك .

هو طبعا مطلب مشروع ومهم جدا بس انا مش موافقة على موضوع عقاب هيئة التدريس
أنا شايفة انه كفاية نطالب بالمعاملة الكريمة والتأكيد على هذا المطلب..
لكن حكاية المطالبة بالعقاب دي هتخلي الدكاترة يفهموا اننا مش عايزين نعاملهم بالاحترام والمهابة الكافية .. وعايزين الطالب يبقى كاسر عين الدكتور.. أي كلمة يقولها ما تعجبنيش هاروح اشتكيه ... من رأيي نعيد التفكير في النقطة دي
وبعدين انا أعرف ان المفروض لما يحصل تجاوز احنا نروح لرئيس القسم بتاع الدكتور ده وهو يتخذ معاه الإجراء اللازم

3 : توفير الإمكانات والمواد اللازمة في الجانب العملي .

متهيألي لو كانوا يقدروا يوفروا ادوات كانوا وفروا من غير ما نطلب
يعني لو قالولنا مفيش ميزانية أو مانقدرش أومش بايدينا افتكر يبقى معاهم حق
وعشان يوفروا أدوات أعتقد في الحالة دي المصاريف هتبقى أضعاف اللي احنا بندفعه
بس مفيش مانع طبعا اننا نطالب

4 : تقسيم السنة الدراسية إلى فصلين دراسيين .

أنا مش حاسة انها تفرق كتير .. يعني ترمين أو سنة على بعضها بالنسبة لي سيان
شوفوا رأي الأغلبية


5: توفير الكتب الدراسية اللازمة لنجاح العملية الدراسية في كافة المواد أسوة ببقية الطلاب في شتى الكليات العملية على مستوى الجمهورية على أن تكون قيمتها المادية معقولة ومناسبة

موافقة جدا جدا طبعا والأهم من كده ان الكتب تبقى مستواها علميا كويس
ياريت تضيفوا في صيغة الطلب ان الكتب تبقى كتب محترمة زي كتاب الباثولوجي بتاع طب مثلا ممكن نفهم منه ونذاكر منه ... مش عارفة دي هتتكتب ازاي بس لازم تتقال ..
بس متهيألي عشان الكتب تتوفر زي باقي الكليات بردو ده هيتضاف على مصاريف الكلية ولا ايه رأيكو ؟؟

6 : إقصاءحرس الكلية التابع لوزارة الداخلية واستبداله بموظفين مدنيين يقوموا بمهامهم .

هو انا سمعت ان ده هيحصل فعلا وده اللي خلى الدراسة تتأجل عشان يسحبوا حرس الداخلية من الجامعات
بس السؤال بيقول:ما الفرق بين كون الأمن تبع الداخلية أو مدني ؟؟ ده بردو سؤال وليس اعتراض
بتهيألي اللي تبع الداخلية أمن أكتر .. بس أكيد انتو شايفين حاجة انا مش شايفاها

7 : دعم حق الطلاب في تحديد مواعيد الامتحانات ومعرفة تفاصيلها وقيمة درجات كل منها.

ده يعتبر حصل بنسبة كبيرة في امتحانات الميدترم السنة دي .. وامتحانات آخر السنة بتبقى قرارات على الجامعة كلها وقيادات الكلية عندنا مالهمش دخل فيها .. عشان كده بردو مش عارفة تنفيذ القرار ده هيبقى في صورة ايه ؟؟


8 : إنشاء مسجد خاص بالكلية شاملا المرافق

تمام جدا

9 :السماح للمنتقبات بحضور الإمتحانات بعد الكشف عن هويتهن من قبل احدى الموظفات

ماشي

10 : ادراج يوم عطلة اضافي إلى جانب يوم الجمعه مع مراعاة استغلال اوقات الفراغ المتاحة في الجدول وذلك منعا لـتمديد فترة الدراسة إلى وقت متأخر

هل ده بمعنى ان كل سكشن يبقى في جدوله يوم أجازة ؟؟ ولا يبقى في يوم أصلا مش فيه شغل في الكلية ؟؟؟ .. عموما لو الاجازة تبقى السبت أو الخميس يبقى كويس .. ولو اني أعتقد ان ده مش هينفع على الأقل الترم ده لأننا أصلا هنبقى مضغوطين في المناهج ولو طالوا يخلو الأسبوع 9 أيام هيعملو كده

لكن استغلال اوقات الفراغ انا موافقة عليه من غير كلام


11:اتخاذ التدابير اللازمة لتسهيل وجود حالات ( patients ) اسهاما من إدارة الكلية في رفع المعاناة عن الطالب

تمام وتبقى الكلية هي اللي بتنظم وتاخد أسماء البيشنت .. والطلبة يروحو يطلبو بيشنت من موظف مختص .. بدل ما يلفو الكلية ويتفقوا لوحدهم .. المشكلة الوحيدة ان محدش هينقي الحالة اللي يشتغلها .. يعني سهلة او صعبة هو ونصيبه

12: إجراء انتخابات الإتحاد الطلابي بشكل نزيه يضمن مشاركة الجميع دون تفرقة

ماشي

13: صرف مكافئات التفوق وعدم التواني في ذلك

ماشي

14:إبراز النشاط الطلابي بشكل يمنح كافة الطلاب الراغبين في المشاركة فرصة لإثبات الذات

موافقة طبعا ..مع اننا عندنا أسر وأنشطة طلابية كتير .. اعتقد ان المشكلة ان الطلبة هي اللي مش بتشارك بالقدر الكافي .. لو احنا شاركنا دور النشاط الطلابي هيتفعل لوحده


لكن أرجوكم لو سمحتم بلاش موضوع الاعتصام ده .. لأني حاسة انه زاد عن حده جدا .. في ناس كانت مدايقة وبتقول ان الثورة وقفت حال البلد وده مكانش حقيقي .. دلوقتي موضوع ان كل واحد عنده مطلب يعتصم هو اللي هيوقف البلد بجد .. لو كل مستشفى وكل مدرسة وكل كلية وكل كشك سجاير هيعتصم مش هنخلص .. احنا هنقدم المطالب للدكاترة .. وان شاء الله ينفذوها .. لكن لو مش اتنفذت أرجوووووكم فكروا في حاجة تانية غير الاعتصام

ده رأيي الشخصي وأرجو تقبله
وجزاكم الله خيرا

اهم حاجة يبقى فيه اجماع ع الحاجات المقدمة
و مفيش اعتصام و لا اى حاجة هيتقدم الادارة الكلية عادى جدا و براحتهم الاسبوع الجاى يجتمعوا و يناقشوا براحتهم

فيه مطلب انا كنت كاتبه ارجو اضافته ف البيان او مناقشته الاول مع الزملاء
مدة امتحان اخر السنة تكون فى حدود 5 اسابيع

رايى الشخصى
بالنسبة الايام الاجازة و حتى الحمامات و الكلام ده اعتقد حله مع المبنى الجديد اماكن اكبر و اكتر
بالنسبة للمسجد طبعا حاجة كويسة بس اعتقد مش هيبقى فيه مسجد منفصل ممكن يكون فيه مكان فى المبنى الجديد و ده المفروض

كمان انتخابات اتحاد الطلبة لاختيار طلبة المفروض انهم بيوصلوا مشاكل زمايلهم للادارة..مش زى ما بيحصل ف الجامعة كلها بالاختيار

كمان الانشطة الطلابية للاسف كليتنا عاملة زى بلدنا كده مش عارف فيها كام حزب...كليتنا بردو الاسر فيها كترت اوى و تقريبا مفيش نشاطات واضحة غير المعرض للكل تقريبا باستثناء حاجات بتتعمل على فترات
المهم انا نفسى مش كل حد جديد ييجى يعمل اسرة جديدة لأ المفروض يبقى فيه تسليم للدفعات الاصغر منه لما ميبقاش فاضى للاسرة او على وش تخرج مثلا

i post this issue in this forum before i discuss any thing on face book but all discussions seem to be on face book i took 3 points from here > u can > if u want to discuss ur ideas join us on f b

sherbiny .......... ah el bian feeh point bekhosos ur opinion

والله يا جماعة انا شايفة ان كل المطالب دى سهل تحقيقها من قبل العميد بس بمناقشة من رئيس الجامعة وده لو هو عايز بس انا ادايما بحس ان هم بيخافوا من التغيير بس ان شاء الله كله هيتغير غصب عنهم ، عامة أنا كان عندى مطلب تانى هو مشابه ل
ثالثا ً : توفير الإمكانات والمواد اللازمة في الجانب العملي .
هو ان المعامل بتاعتنا لازم تتجدد كليا ، انتو بتلاحظوا المعامل بتاعة طب وصيدلة يا جماعة ، ان نفسى والله بتحسر لما بشوفها بحس ان الناس دى بيعقدونا بس ان شاء الله كل ده هيتغير حتو ولو كان على المدى البعيد .
وفى حاجة تانية عايزة اضيفها ...هو ان طول ماعندنا ناس بيعرفوا يكتبوا المطالب بشكل رسمى كده أكيد هنتقدم ان شاء الله بخطى ملحوظة وسريعة .