الحل ............. لأصحاب العقول فقط

من طرف ahmed nassib السبت فبراير 05, 2011 5:01 am

للأمانة يا جماعة ومن وجهة نظري المتواضعة اللي دائما كنت اعتمد فيها علي الاستماع لكل الآراء سواء ديني سياسي (معارض أو مؤيد ) من موضع الحياد

1-المظاهرات في بدايتها لم تكن خطأ من ناحية المطالبة بحقوق الشعب ولكن كان الخطأ اللي مازلت اصر عليه هو غياب القيادة الحكيمة وغياب التخطيط الجيد إمام نظام سياسي محنك مستعد لأقذر الأساليب للتعامل مع كل من يعارضه فكانت النتيجة هي دخول الكثير ممن ليس لهم دخل بالثورة الشبابية وركبوها واتخذوا منها سلما لتحقيق أغراضهم وده سمح أيضا لاندساس عناصر سواء من النظام أو غيره لإحداث خلل في الصورة وهذا ما نشاهده الآن

ومحدش يقولي القيادة والتخطيط السياسي إزاي أنا مش سياسي محنك دي مجرد وجهة نظر شخصية

2-لا يمكن أن ننكر ما حققه شباب هذه الثورة من إنجازات تكاد تكون نفسية في اغلبها ولا استطيع الجزم بان جميع المطالب قد حققت لأن هذا في علم الغيب الآن

فوجب علينا شكرهم

واعتذر لهم عن أي سوء قد بدا مني

3- مسألة إن في أيدي من الخارج تتلاعب بينا زى إسرائيل وأمريكا وحماس وحزب الله وإيران

دي كلها قوي سياسي لا يمكن أن تتحد في وقت واحد فـاعتقد إن ده كلام ملوش أي أساس من العقل

لان لو بالعقل فكرنا في الموضوع ده هنلاقي إن من مصلحة إسرائيل وأمريكا إن النظام الحالي يبقى أو أن يأتي نظام مماثل له) حليف يعني )

فـتفسير اللي بيحصل على ما أظن إنه تلاعب بعقلية الشعب المصري

إزاي ؟؟؟

هتلاقي التصريحات كانت في الأول

النظام المصري قوي غير قابل للسقوط

وده له هدفين أولهم اخماد الثورة والتاني لو الأول محصلش يبقى فيه زيادة للغضب من الشعب ومحاولة قلب النظام ودي هيستفادوا منها برده زي ماحصل انهم بدأو في تصريحاتهم بالاتجاه الآخر خطوة خطوة قيل إننا نريد ضبط النفس من الطرفين

لمحاولة إقناع الشعب أن أمريكا من ناحية لا تريد التدخل ومن ناحية أخرى محترمة إرادة الشعب ثم آخر التصريحات وهي التنحي فورا لتأكد للشعب المصري أنها مكيدة خارجية وذلك بعد خطاب الرئيس ليكسب ود الشعب المصري مرة أخرى حتى يقول الشعب لا نسمح بتدخل ونريد الرئيس هذا ما تريده أمريكا الآن حتى تتمكن من معالجة الموقف بنظام آخر موالي لها

فـلازم نشيل الحكاية دي من دماغنا وإلا لماذا كان الرئيس حليف أمريكا وهيا الآن تريد سقوط وزعزعة النظام

مع البقاء على احتمال وقوع التلاعب والله اعلم

4- مسألة إن السيد الرئيس يطلع يلقي خطاب ونلاقي تاني يوم ناس بتموت مع العلم إن كان فيه تعاطف بعد الخطاب ونقول الرئيس بعت بلطجية ده اسمه جهل هو مش بالسذاجة دي

ده له تفسرين أولهم رجال الأعمال ورجال الحزب الوطني اللي خايفين على أملاكهم وعايزين الدنيا تولع زيادة

وده الأقرب للصواب من وجهة نظري

أو يكون مخطط من الحكومة لجعلنا نفكر في إن دول فعلا رجال الأعمال وعايزين يوقعوا بينا وبين الريس

عشان نقول عايزينك يا ريس

وده أنا استبعده

وفكرة إنه عمل كده عشان قبل الانتخابات يرشح نفسه أو ابنه فده اعتقد مستحيل

5- مسألة الخلاف بينا دي واللي تكاد تكون فتنة فعلا نابعة من إن كل واحد فينا بيسمع من مصدر مختلف وبقينا بنحكم بمشاعرنا قبل عقولنا فـحل الموضوع ده إنا نتمسك بمصدرنا الأول والأخير وهو كتاب الله وسنة رسوله صلي الله عليه وسلم مع العلم إننا لازم نعرف بناخد العالم ده من مين

روى مسلم بإسناده إلى الإمام محمد بن سيرين أنه قال:
{ إن هذا العلم دين فانظروا عمن تأخذون دينكم }

والحمد لله مشايخ الإسلام كتير فـلازم نسمع منهم كلهم ونعقل كلامهم ولما نلاقي اجمااع على رأي يبقى إن شاء الله هو الصائب

وَالَّذِينَ اجْتَنَبُوا الطَّاغُوتَ أَن يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى فَبَشِّرْ عِبَادِ , الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُوْلَئِكَ الَّذِينَ هَدَاهُمُ اللَّهُ وَأُوْلَئِكَ هُمْ أُوْلُوا الْأَلْبَابِ

اللهم اجعلنا ممن يسمعون القول ويتبعووووون أحسنه

فـياريت بقى لا نسمع محللين نفسيين ولا صحفيين ولا رجال نظام متقاعدين لان كل دول بشر

ونسمع كلام ربنا وكلام سيدنا محمد صلي الله عليه وسلم

6- السؤال هنا بقى الحل فيين ؟؟؟

سؤال في دماغ كل واحد فينا

ياترى هل نهدي ونهدي الدنيا ومحدش ضامن النتيجة ولا نكمل و الدنيا تخرب عشان نعيش كويس

لو اخترنا الأول

الايجابيات : الخراب هيقف - الدنيا هترجع لطبيعتها - الحياة هتبقى أمان وراحة بال اللي كلنا افتقدناهم دلوقتي ويتبقى الأمل في الوفاء بالوعد من قبل سيادة الرئيس وده أنا شخصيا أميل للرأي ده

السلبيات : محتمل إن لن يحدث تغيير – محتمل يحدث جملة اعتقالات وقمع للشعب وده أنا شخصيا مش متوقعه واعتقد إن ده لو حصل هتحصل ثورة اكبر مني اللي حصلت دي

ومحدش يقولي مش هنقدر لأ اللي خلاكم تعملوا الأولى هيخلينا نعمل التانية

لو اخترنا التاني

الايجابيات : سيحدث تغير للنظام فعلا ولكني أظنه والله نظام مزيف لأنه في ظاهره لصالحنا عن طريق بعض الإصلاحات لإرضاء الشعب أما باطنه فهو حليف لأمريكا لأنها لن تسمح بوجود ذلك النظام الجدير بالاحترام الذي يدفعنا للتقدم الذي نريده جميعا

إلا في حالة الحرب والانتصار وأصدقكم القول أننا لسنا أهل لهذه الحرب ليس لعدم وجود جيش أو رجال يحمون الوطن أو أسلحة أو أو أو أو

بل لأن الحقيقة تكمن في

وما النصر إلا من عند الله

وإن ينصركم الله فلا غالب لكم

واعدوا لهم ما استطعتم من قوة

ونحن والحمد لله ابعد ما نكون عن الله إلا من رحم الله ولا نملك القوة الكافية لمجابهة هذه الحرب و ليس خطأ أن نقول هذا

رحم الله امرئ عرف قدر نفسه

فلا يأتي النصر إلا بالله ومن الله

السلبيات :

خراب – تدمير- قتل- اعتقالات - تدهور أوضاع صحية واجتماعية ونفسية وعلمية للبلد

سواء كان مين السبب احنا ولا مش احنا فـسنكون المسئولون والمتحملون أيا كانت النتيجة

ومحدش يقولي لازم تضحيات عشان الحرية والكرامة ده لما تكون بفايدة في الآخر أو تكون تضحيات مبنية على أساس صحيح عشان منجيش نقول كل اللي عملناه راح والناس اللي راحت دي حقها ميروحش

أظن واضح للجميع العيب فين وليه وصل بينا الحال للدرجة دي وليه نتاج الثورة كانت مش مرضية وليه لو استمرت بهذا الشكل هتبقى عواقبها وخيمة أكتر من كده

فـيا من كل له عقل استحلفك بالله أن تفكر وان تقف خارج إطار الشاشة وتنظر نظرة حيادية وتعرف من أعداؤنا وكيف نتغلب عليهم وكيف نعد لهم العدة وكيف نتخطى هذه المحنة وكيف وكيف وكيف ؟؟؟

استمع الآن إلى نداء عقلك

طيب نعمل إيه وإحنا في ظروف زي دي

إحنا أمام حلين يا نهدي لحد كده ونستني

أو نكمل الثورة

والتفكير هيكون على أساس الاجابيات والسلبيات اللي تم طرحها

وبتحكيم العقل مش المشااعر ونحط تحتها 1000 خط

ولما نركز في الآيات والأحاديث الشريفة دي ونفهمها

ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

وما النصر إلا من عند الله

وإن ينصركم الله فلا غالب لكم

واعدوا لهم ما استطعتم من قوة

واعتصموا بحبل الله جميعا ولا تفرقوا

والكاظمين الغيظ والعافين عن الناس

(( وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ{157} )) البقرة

فالصبر الصبر

لقد كان لكم في رسول الله أسوة حسنه

عن عبد الله بن عمرو رضي الله عنه أن رسول الله صلى الله عليه وسلم قال : (( كيف بكم وبزمان يوشك أن يأتي يغربل الناس فيه غربلة وتبقى حثالة من الناس قد مرجت عهودهم( أي اختلطت وفسدت .) وأماناتهم فاختلفوا وكانوا هكذا - وشبك بين أصابعه - قالوا : كيف بنا يا رسول الله إذا كان ذلك ؟ قال : تأخذون بما تعرفون ، وتدعون ما تنكرون ، وتقبلون على خاصتكم ، وتذرون أمر عوامكم ))( رواه أبو داود (4/123 ) وابن ماجة (2/1307 ) .)

وفي رواية : عن عبد الله بن عمرو بن العاص رضي الله عنه قال : (( بينما نحن حول رسول الله صلى الله عليه وسلم إذ ذكر الفتنة فقال : إذا رأيتم الناس قد مرجت عهودهم وخفت أماناتهم وكانوا هكذا - وشبك بين أصابعه - قال : فقمت إليه فقلت : كيف أفعل عند ذلك جعلني الله فداك ؟ قال : الزم بيتك، واملك عليك لسانك، وخذ بما تعرف ودع ما تنكر، وعليك بأمر خاصة نفسك، ودع عنك أمر العامة ))(رواه أبو داود (4/124 ) . )

قال النبي صلى الله عليه وسلم:" إن بين يدي الساعة سنين خداعة يصدق فيها الكاذب ويكذب فيها الصادق ويؤتمن فيها الخائن ويخون فيها الأمين وينطق فيها الرويبضة. قيل:وما الرويبضة. قيل:المرء التافه يتكلم في أمر العامة ".السلسلة الصحيحة

ودوول موجودين كتير قوي الأيام دي

مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى

تركت فيكم ما إن تمسكتم بيه لن تضلوا بعدي أبدا كتاب الله وسنتي

قال الرسول عليه الصلاة والسلام ; سَأَلْتُ رَبِّي ثَلاثًا فَأَعْطَانِي اثْنَتَيْنِ، وَمَنَعَنِي وَاحِدَةً، سَأَلْتُ رَبِّي: أَنْ لَا يُهْلِكَ أُمَّتِي بِسَنَةٍ فَأَعْطَانِيهَا، وَسَأَلْتُهُ: أَنْ لَا يُهْلِكَ أُمَّتِي بِالْغَرَقِ فَأَعْطَانِيهَا، وَسَأَلْتُهُ أَنْ لَا يَجْعَلَ بَأْسَهُمْ بَيْنَهُمْ فَمَنَعَنِيهَا

أن الرسول دعا ثلاث دعوات استجيب له في اثنتين ومنع الثالثة يقول: دعوت ربي ألا يهلك أمتي بسنة السنة المراد الجدب يعبر عن الجدب بالسنين (وَلَقَدْ أَخَذْنَا آلَ فِرْعَوْنَ بِالسِّنِينَ وَنَقْصٍ مِنَ الثَّمَرَاتِ)

ألا يهلكهم بسنة عامة ودعوت ربي ألا يهلكهم بالغرق -يعني- بعذاب الاستئصال بغرق أو نحوه أو باجتياح عدو لهم كما جاء في الحديث المتقدم وأن لا يسلط عليهم عدوا من سواهم فيستبيح بيضهم، وإن اجتمع عليهم من بأقطارها .

وإني سألت ربي ألا يجعل بأسهم بينهم فمنعنيها فهذا مع ما قبله وما بعده كله يؤيد أن هذا القتال لا بد أن يجري، ولكن كون الرسول أخبر هذا لا يدل على الشرعية. إن هذا إخبار عن واقع؛ أن هذا سيكون فهو من أنباء الغيب كقوله عليه الصلاة والسلام: لتتبعن سنن من كان قبلكم

اتباع سنن الجاهلية هذا ضلال لكن الرسول أخبر بأنه واقع وفي الإخبار به تحذير من الدخول فيه فهو إن كان واقعا، وإن أخبر الرسول عليه الصلاة والسلام بوقوعه فهذا لا يسوغ الدخول فيه؛ فعلى المسلم ألا يكون طرفا في هذه الحروب ألا يكون طرفا، بل عليه أن يتجنب هذه الفتن

وقول الإمام احمد ابن حنبل

قال الإمام المبجل/ أحمد ابن حنبل -رحمه الله تعالى- كما في "أصول السنة" له:

ومن خرج على إمام من أئمة المسلمين – وقد كانوا اجتمعوا عليه وأقروا له بالخلافة ، بأي وجه كان ، بالرضا أو بالغلبة - فقد شق هذا الخارج عصا المسلمين ، وخالف الآثار عن رسول الله صلى الله عليه وسلم : فإن مات الخارج عليه مات ميتة جاهلية .

ولا يحل قتال السلطان ، ولا الخ......روج عليه لأحد من الناس ، فمن فعل ذلك فهو مبتدع على غير السنة والطريق

ولما نشوف بعض القواعد الجميلة اللي تدعو إلى العقل زي

إذا زاد الشيء عن حده انقلب لضده

(مثل )

درء المفسدة مقدم على جلب المصلحة

(قاعدة فقهية )

(( مثلما تكونوا يولى عليكم ))

ونركز على دي قوي

ولما نلاقي الطلبات في هذه الثورة بتزيد يوم عن يوم وده واضح للجميع بدون الدخول في نقاشات

من ده كله

هنلاقي إن كل اللي إحنا فيه بسببنا إحنا

وإنه ابتلاء من عند ربنا

وانه مش هايتغير إلا بتغيير أنفسنا أولا ثم أولا ثم أولا وهنلاقي برضه اننا مش هنهلك إلا من الداخل لما نبقى بنقتل في بعضنا وبنكره بعض وواقفين لبعض على الواحدة

وكل ده ومش عارفين الحل فييييييييين ؟؟؟؟؟

ومحدش يقولي حكام جاهلين والعيب فيهم آه هم جاهلين بس لازم نبقى احنا عاقلين ومنبقاش جاهلين زيهم

خلاصة الكلام إن العبد لله شايف من وجهة نظره المتواضعة إن في ظرف زي اللي احنا فيه مفيش قدامنا إلا الصبر والدعاء ولا اقصد الاستسلام انما الصبر والدعاء بجانب التغيير الفعلي

كلنا عارفين إن فينا عيوب يبقى لازم ننضف ونرجع لدينا ونعد العدة تحسبا لكل الاحتمالات

والله حصل اللي إحنا عايزينه كان بها وأدينا أتغيرنا داخليا وخارجيا

والله لو محصلش يبقى أدينا أتغيرنا داخليا واصبحنا قادرين على مواجهة الظلم وأهل للوقوف ضد الفساد وساعتها والله والله والله

ربنا هينصرنا

الصبر يا جماعة مش عييب ولا معناه إننا هناخد على دماغنا ولا معناه إننا مانستاهلش اللي الشباب ده عمله عشانا كلنا

لأ مفيش حاجة في الدنيا بتيجي مرة واحدة مابالكم إن دي سياااااااااسة

ربنا خلق السموات والأرض في سبع أيام عشان يعلمنا الصبر

انتصار أكتوبر واهو كان حربـ مكنش في يوم وليلة ومحدش يقولي صابرين بقالنا 30 سنه

طوول 30 سنة دول اللي إحنا عشنا فيهم 20 منهم 15 مش فاهمين حاجة

محصلش ثوره زي دي عشان تقول مش هيحصل حاجة بعدها

واحنا مش مستنيين اصلاح في 6 شهور احنا عايزين صبر بس على اللي احنا عايزينه منعا للفتنة اللي بعضنا لسة مش مقنع بيها

يا رب

كيف لنا كشباب يتحمل مسئولية أمة واغلبنا لا يفهم آيات القرآن وتمر عليه مر الكرام وأنا أولكم

كيف لنا واغلبنا لا يعلم الصحيح من الموضوع من أحاديث سيدنا محمد عليه الصلاة والسلام وأنا أولكم

كيف لنا واغلبنا مستواه العلمي والثقافي متأخر وأنا أولكم

كيف لنا واغلبنا قد فقد معني الأخلاق وأصبحت حياتنا مليئة بالألفاظ البذيئة التي أصبحت كالهواء الذي نتنفسه وأنا أولكم

كيف لنا واغلبنا قد أصبح كل همه هو الدنيا وأنا أولكم

كيف لنا كشباب يهتم بـتامر حسني وعمر دياب وبـتحصل خناقات بسبب الزمالك أو الأهلي أن نتقدم

بس في دي الحمد لله مش أولكم

كيف وكيف وكيف !!!!!!!!!!

اعتقد أن عيوبنا لاتحصي إلا من رحم الله

يارب اجعلنا منهم

هل هكذا سنتقدم كما نريد ؟؟؟

والله إننا لنتراجع للوراء وكلها أحلام زائفة

وفعلا إحنا مانستاهلش حاجة مش عشان عايزين نوقف الثورة لأ عشان الحل قدامنا وبندور عليه وبنقول ياعم هو إنت هتغير الكون !!!!!!!!!!!

بـعد تفكير لمدة أسبوع

(ياترى الصح مين )

عرفت إن كلنا صح كلنا عايزين حاجة واحدة بس مش عارفين نوصلها إزاي

دي كلمة حق لازم اقولها عشان هنتسأل على اللي إحنا بنعمله ده

شكرا لكل اللي نزل المظاهرات

شكرا لكل اللي قال رأي أو فكرة يساعد بيها

شكرا لكل اللي ضحوا بحياتهم احسبهم شهداء عند الله

شكرا لكل اللي ساهم في حماية أهله سواء كان في الشوارع أو في الميادين أو في البيوت

أرجوكم نلحق نفسنا ونحكم عقلنا ومانسمعش كلام أي حد لا مؤيد ولا معارض ولا صحافة ولا تلفزيون

أكيد عرفتم نسمع لمين

اسمع لدينك ثم لعقلك إذا التبس الامر بس صدقوني

لا يمكن أن يلتبس الأمر لو رجعنا لدينا

أنا عن شخصي قررت كده وبأقول ياريت كفاية لحد كده

على الأقل

لو أنا غلط هيكون احساس العار إني مشاركتش في ولادة الحرية أهون بكتيييييير من إحساس العار إني أكون شاركت في خراب بلدي وإراقة دماء اخوتي لأننا كلنا مسئولين عن الناس اللي ماتت دي

ولو أنا صح هابقى سعيد إني مشاركتش في حاجة زي دي واني قلت كلمة حق في يوم من الأيام

ولو كنت سبب في اخماد ثورة كان مقدر لها النجاح لن احزن لأن درء المفسدة مقدم على جلب المصلحة

وكفانا تفكير بقلوبنا

واللي هيرد عليَّ ويقولي لو كان اخوك أو إنت حصلك حاجة ماكنتش هتقول كده

هاقله لأ كنت هاقول عشان ميحصلش لحد تاني اللي حصلي أو حصل لأي حد عزيز عليَّ

وليَّ رب أعي أنه المنتقم

لأن اللي هيخليني مقولش كده هو الغضب اللي سيدنا محمد صلي الله عليه وسلم نهانا عنه

عن أبى هريرة رضي الله عنه أن رجلا قال للنبي ( صلى الله عليه وآله وسلم ) أوصني قال : لا تغضب فردد مراراً قال لا تغضب .

رواه البخاري

جاء رجل إلى النبي ( صلى الله عليه وسلم ) فقال : يا رسول الله : علمني علماً يقربني من الجنة ويبعدني عن النار قال : لا تغضب ولك الجنة

قال ( صلى الله عليه وسلم ) : " إن الغضب من الشيطان وإن الشيطان خلق من النار وإنما يطفئ النار الماء فإذا غضب أحدكم فليتوضأ "

قال أبو ذر الغفاري : قال لنا رسول الله ( صلى الله عليه وسلم ) " إذا غضب

أحدكم وهو قائم فليجلس ، فإن ذهب عنه الغضب وإلا فليضطجع "

قال عمرو بن العاص : سألت رسول الله ( صلى الله عليه وسلم ) عما يبعدني عن غضب الله تعالى قال " لا تغضب "

بعد هذا

كيف لي أن أشارك في ثورة الغضب ؟؟؟؟؟

احترموا وجهة نظري المتواضعة

واختم بالرسالة اللي داخلة دماغي قوي دي

رسالة من تلميذ مصري:

إلى أعزائي من شعب مصر في ميدان التحرير .. بخصوص الثورة اللي شغالة عندكم لا تنسوا أنها ستدخل في مادة التاريخ وإحنا اللي بنحفظ !! فاختصروا من فضلكم

ياريت اللي شايف في حاجة غلط يقولها عشان استفيد وياريت من غير لهجة السخرية اللي بنلاقيها من كتير الأيام دي

واقسم بالله يمين هتحاسب عليه

إن دي وجهة نظري ولا تنم عن آية انتماءات

وانا لا انتمي لأي احزاب سياسية أو اخوان أو أي شيء آخر

عشان أنا عارف اللي هيتقال من الناس اللي منشفة دماغها

اعتذر عن الأخطاء الإملائية إن وجدت

وما كان من خير فمن الله وما كان من سوء فمن نفسي ومن الشيطان

ولو في أي معلومة غلط أنا إنسان ولازم أغلط

:D

وشكرا

من طرف ahmed nassib السبت فبراير 05, 2011 8:31 am

كمان في حل عجبني قوي ويضمن إن الثورة دي متبقاش راحت بدون فايدة وهو تأسيس حزب للشباب عشان فعلا في يوم من الأيام يبقى لينا صووت مسموع ونقدر ناثر في المستقبل بتاعنا ياريت فعلا نتمسك بحاجة زي دي
و تبقى هنا الايجابية فعلا

من طرف Den.Esraa السبت فبراير 05, 2011 12:57 pm

ahmed nassib كتب:
3- مسألة إن في أيدي من الخارج تتلاعب بينا زى إسرائيل وأمريكا وحماس وحزب الله وإيران
دي كلها قوي سياسي لا يمكن أن تتحد في وقت واحد فـاعتقد إن ده كلام ملوش أي أساس من العقل
مبدئيا يا د\احمد..لا تفرض رأيك علي الاخرين بانك تقول ليس له اساس من العقل
حتي عنوان الموضوع
كلنا ليه عقول كل واحد بيبص من منظوره الخاص
المعارض والمؤيد ليه عقل..عشان كدا عنوان الموضوع مستفذ..اسمحلي
من ناحيه التدخلات الاجنبيه في اللي بيحصل دا فعلا حاصل
بس الجميع مش متحد ولا حاجه
كل واحد بيشتغل علي مصلحته من ناحيه وبالتالي هما مجتمعين علي المصلحه باختلاف هدف كل منهم
مذيع بالتليفزيون المصري اللي كان رايح يعمل حوار مع رئيس الوزرا
وهو واقف مع الجيش لاجراءات امنيه لقا سيده عجوزة جدا معاها شنطه بتقول فيها عصير توزعه علي روح المرحوم!!
ولما فتحوها لقو فيها تقريبا 15000 ج
وشويه فلسطيني ومعاه 10000 ج بيقول رايح اتفرج!رايح يتفرج ب 10000!!
ايه مصلحه دول؟؟متقوليش دا مذيع ف التليفزيون المصري ولازم يقول كدا؟؟

مين اللي خرج المساجين واللي باعتراف من المساجين كانت لهجتهم عرب؟؟
اكيد فيه عناصر سيئه من الشرطه حاولت تعمل كدا برده
لكن فيه ناس ثبت وحاولت تدافع واستشهدت

يعني مثلا اسرائل ..اكيد من حرب 73 وهي عايزة تنتهز الفرصه عشان ترد هزيمتها الساحقه وخروجها من سينا
اظن لو هما ضيعو فرصه زي دي ..يبقو اغبيه

وثائق ويليكس وانتشارها ميدلش انه فيه مؤامرة؟؟؟

لان لو بالعقل فكرنا في الموضوع ده هنلاقي إن من مصلحة إسرائيل وأمريكا إن النظام الحالي يبقى أو أن يأتي نظام مماثل له) حليف يعني )
الدول دي مبتغلبش .. يعني هما واخدين قرار من وجهه نظري باي حد هييجي هيحاولو يكون ليهم حليف
فيكسبو بالمرة ثقه المصريين بانهم ينادو بحريه الشعبب في ثورته

رجال الأعمال ورجال الحزب الوطني اللي خايفين على أملاكهم وعايزين الدنيا تولع زيادة
دا رايي ودا طبعا بالاضافه للعناصر الاجنبيه اللي داخل المظاهرة نفسها..دا برده رايي
فـياريت بقى لا نسمع محللين نفسيين ولا صحفيين ولا رجال نظام متقاعدين لان كل دول بشر
لازم نسمع لدول برده واحنا لينا دماااااااااااااغ وعقل يحكم..قد رايي يكون غلط
ويمكن يرجع دا لثقافتي السياسيه المحدوده
بس التحليل دا برده بناء علي وجهه نظري من ناحيه معينه

ونسمع كلام ربنا وكلام سيدنا محمد صلي الله عليه وسلم..ونعم بالله دا اكيد
6- السؤال هنا بقى الحل فيين ؟؟؟
ياترى هل نهدي ونهدي الدنيا ومحدش ضامن النتيجة
انا اختار دا
لو استمرت بهذا الشكل هتبقى عواقبها وخيمة أكتر من كده
اكيد دا اللي بنقول فيه من زمان
وكيف نتغلب عليهم وكيف نعد لهم العدة وكيف نتخطى هذه المحنة وكيف وكيف وكيف ؟؟؟
نمشي بقا من الميادين ونرتب امورنا ونسيب الدوله ترتب حالها
وتنظم الامور ونسيبها تفكر بذهن صااااافي
ونسيب الحياه تمشي طبيعي

والله لو محصلش يبقى أدينا أتغيرنا داخليا واصبحنا قادرين على مواجهة الظلم وأهل للوقوف ضد الفساد وساعتها والله والله والله
ربنا هينصرنا
انا معاك طبعا طبعا في كل الايات والاحاديث والكلام اللي في وسط الموضوع
الصبر يا جماعة مش عييب ولا معناه إننا هناخد على دماغنا ولا معناه إننا مانستاهلش اللي الشباب ده عمله عشانا كلنا
لأ مفيش حاجة في الدنيا بتيجي مرة واحدة مابالكم إن دي سياااااااااسة
ما احنا قلنا كدا برده..حضرتك شوف موضوع "نعم للشرعيه"المعظم المعظم قال كدا

باقي الموضوع كلللللللللللللللللللله اتفق تماما معاك فيه يا د\احمد
كلام قلناه ولسه بقوله
الحل الوحيد فعلا انا نتبع دين وشرع الله وسنه نبيه
ونبطل مظاهرات
بس هتقول لمين
دول قافلين ودانهم ومش راضيين حتي يسمعو
احنا بنقول هنا كلام جميل
وهما هناك بيثيروا في بعض وبيثبتو بعض علي نفس الفكرة ومتماديين في ثورتهم
اللهم اهدهم واهدنا جمييييييييييييعا

من طرف hend waheed السبت فبراير 05, 2011 1:00 pm

كلام صح جدا و حلو اْوى ميتقلش بعديه حاجه بجد .
اْنا شايفه ان الحمدلله اْغلبنا بنفكر فى نفس الحل ده و مش عايزين النار تزيد ربنا يهدى الناس اللى لسه متمسكه براْيها و متشدده اْوى فيه اْنا عمرى ما شوفت كده بصراحه اْنا ايا راْىى و انتا ليك راْيك زى ما اْنا بحترمه لازم انتا كمان تحترمه مش تشتم فيا و تتهمنى بالخيانه على فكره الناس دى هتتحاسب على كل شتيمه قالتها لان مش بالساهل كده تتطعن حد وتشكك فى وطنيته يااااااااااااااااااااه للدرجه ربنا يهديهم و يرجعهم لعقلهم و يبطلوا تهور و اندفاع و الله ممكن دلوقتى فئه من المتظاهرين مش عارفين هما اعدين ليه ولا بيطالبوا بايه اْصل شعبنا ده زياط بيحب يزيط فى الزيطه و خلاص و اءنا شايفه منظر الناس اللى فالمظاهرات مناظرهم تضحك والله تحس انهم بيستهبلوا ماشين بترمس و لب و شيبسى و اللى بيتصور و هو و المودام عالدبابه:D:D
يالا ربنا يهدينا كلنا و يرشدنا للصواب و للى فيه الخير لبلدناااا

من طرف DR\HEND السبت فبراير 05, 2011 1:02 pm

وحياه ربنا الواحد قلبه وجعه من الكلام وتحليل الموقف وده مع وده ضد ...بقت حاجه تشل !!!!

من طرف فوريو السبت فبراير 05, 2011 5:52 pm

جميل اوي الي انت قلته ده يا احمد فعلا جميل
بس متقولوش الكلام ده اكيد مش الي كنا بنقوله من اول يوم... كل يوم كان بيحصل تغييرات عشان كده الكلام بيتغير
انا بقول كده بس عشان مصطفى او اي حد ميفتكرش اني مكنتش برد عليهم عشان حاجه بس انا لقيت ان الناس كلها انقسمت و كله بيقول رايه سواء بطريقة حلوة او وحشة
انا قرات كل الكلام و المواضيع الي كتبتوها و ارائكو كلها
هوا طبعا محدش يعرف ايه الي ممكن يحصل ف الايام الجاية
بس ماشي انا هقول اني معاك ف رايك ده لحد دلوقت و لو حصل الي انت بتقوله ده او غيرك زي مابتقوله بالظبط يبقى كويس عالاقل الناس كلها هترجع لدنيتها
على فكرة انا معارض اوي لحكم مبارك فعلا معارض و مش مستحمل الي بيحصل
بس تاني هقول اني معاك لو حصل الكلام ده بس هيفضل عندي شعور و هوا الخوف
خوف من ان يحصل اي حاجه تانية
انا مش هتكلم كتييييير انا اكتر حاجه موافق عليها كل الي انت قلته يدعونا للتمسك بكتاب الله و سنته
و الله الموفق لما يريد
و جزاك الله خيرا على كلامك

من طرف ahmed nassib السبت فبراير 05, 2011 10:13 pm

Den.Esraa كتب:
ahmed nassib كتب:
3- مسألة إن في أيدي من الخارج تتلاعب بينا زى إسرائيل وأمريكا وحماس وحزب الله وإيران
دي كلها قوي سياسي لا يمكن أن تتحد في وقت واحد فـاعتقد إن ده كلام ملوش أي أساس من العقل
مبدئيا يا د\احمد..لا تفرض رأيك علي الاخرين بانك تقول ليس له اساس من العقل

مش معنى إني بقوول ليس له اساس من العقل إني بفرض رأيي على الاخرين يا دوك أنا بأقول الكلام ده من وجهة نظري ملوش أساس من العقل مع احترامي لكل الأراء طبعا

حتي عنوان الموضوع
كلنا ليه عقول كل واحد بيبص من منظوره الخاص
المعارض والمؤيد ليه عقل..عشان كدا عنوان الموضوع مستفذ..اسمحلي

بالنسبة لعنوان الموضوع فـأنا قصدي فعلا يبقى مستفز لمجرد إنه يلفت الإنتباه مش معناه خالص استهزاء بأي رأي تاني ده من ناحيه ومن ناحيه تانية اقصد بيه إننا منغلبش العواطف على العقل عشان المشاهد اللي بنشوفها والناس اللي بتمموت وكده
واعتذر لو كان في حد فهم العنوان بالطريقة دي بس هي مش مقصوده أكيد

من ناحيه التدخلات الاجنبيه في اللي بيحصل دا فعلا حاصل ......... عشان كده أنا قلت مع البقاء على احتمال وقوع التلاعب والله اعلم لأن رأيي نابع عن مجرد تفكير شخصي
بس الجميع مش متحد ولا حاجه
كل واحد بيشتغل علي مصلحته من ناحيه وبالتالي هما مجتمعين علي المصلحه باختلاف هدف كل منهم
مذيع بالتليفزيون المصري اللي كان رايح يعمل حوار مع رئيس الوزرا
وهو واقف مع الجيش لاجراءات امنيه لقا سيده عجوزة جدا معاها شنطه بتقول فيها عصير توزعه علي روح المرحوم!!
ولما فتحوها لقو فيها تقريبا 15000 ج
وشويه فلسطيني ومعاه 10000 ج بيقول رايح اتفرج!رايح يتفرج ب 10000!!
ايه مصلحه دول؟؟متقوليش دا مذيع ف التليفزيون المصري ولازم يقول كدا؟؟

مين اللي خرج المساجين واللي باعتراف من المساجين كانت لهجتهم عرب؟؟
اكيد فيه عناصر سيئه من الشرطه حاولت تعمل كدا برده
لكن فيه ناس ثبت وحاولت تدافع واستشهدت

يعني مثلا اسرائل ..اكيد من حرب 73 وهي عايزة تنتهز الفرصه عشان ترد هزيمتها الساحقه (تعقيب صغير بس هم كانوا 2 كيلو بس من الاراضي في سينا اللي اخدناها يوم 6 أكتوبر حرب 73 ) وخروجها من سينا (دا كان خروج جزئي لأن كانت لسة فيه اجزاء تحت المفاوضات زي طابا)
اظن لو هما ضيعو فرصه زي دي ..يبقو اغبيه

فالموضوع اعتقد بالنسبه لهم مش صعب قوي كده غير انهم داخلين خارجين في سينا وشرم الشيخ براحتهم بدون حرب فـإيه لازمة الحرب ليهم فظل النظام الحالي ولا أنكر إن في نيتهم الحرب طبعا بس قصدي في ظل النظام ده

ويبقى فالنهاية إن تفكير حضرتك جميل واحترمه

وثائق ويليكس وانتشارها ميدلش انه فيه مؤامرة؟؟؟

بالنسبة للموضوع ده أنا مش متأكد منه لأن اتقال برده إن على موقع ويليكس نفسه مفيش وثائق بتدل على الحكاية دي وانا بنفسي حاولت ابحث عن الكلام ده ملقتوش فـالحق لازم يتقال برده فـعشان كده أنا استبعدت موضوع الوثائق ده ومتكلمتش فيه لأني مش حاقدر أتكلم إلا لما أكون واثق من الخبر يكاد يكون صحيح ويكاد يكون إشاعة
ده المقصود يعني

لان لو بالعقل فكرنا في الموضوع ده هنلاقي إن من مصلحة إسرائيل وأمريكا إن النظام الحالي يبقى أو أن يأتي نظام مماثل له) حليف يعني )
الدول دي مبتغلبش .. يعني هما واخدين قرار من وجهه نظري باي حد هييجي هيحاولو يكون ليهم حليف
فيكسبو بالمرة ثقه المصريين بانهم ينادو بحريه الشعبب في ثورته

كلام جميل وماينمعش برده انهم يكونوا بيعملوا كده ليكسبوا ود الشعب المصري مرة أخرى حتى يقول الشعب لا نسمح بتدخل اجنبي كل الاحتمالات تكاد تكون وارده ده مجرد تفكير وتحليل

رجال الأعمال ورجال الحزب الوطني اللي خايفين على أملاكهم وعايزين الدنيا تولع زيادة
دا رايي ودا طبعا بالاضافه للعناصر الاجنبيه اللي داخل المظاهرة نفسها..دا برده رايي

فـياريت بقى لا نسمع محللين نفسيين ولا صحفيين ولا رجال نظام متقاعدين لان كل دول بشر
لازم نسمع لدول برده واحنا لينا دماااااااااااااغ وعقل يحكم..قد رايي يكون غلط
ويمكن يرجع دا لثقافتي السياسيه المحدوده
بس التحليل دا برده بناء علي وجهه نظري من ناحيه معينه

كان قصدي من الكلمة دي إن يكون مرجعنا هو الدين لأن لو مرجعي هو الدين مستحيل هيبقى غلط ومعني كلمة لانسمع هنا مش قصدي بيها إنا منسمعش ارائهم انما قصدي بيها مانقتنعش بالاراء دي لو كانت مخالفة لاراء الدين يعني لو عندي رأي محلل نفسي في موضوع ما وراي الدين بيخالفه اكييد هاسمع لرأي الدين ودة المقصود

ونسمع كلام ربنا وكلام سيدنا محمد صلي الله عليه وسلم..ونعم بالله دا اكيد
6- السؤال هنا بقى الحل فيين ؟؟؟
ياترى هل نهدي ونهدي الدنيا ومحدش ضامن النتيجة
انا اختار دا
لو استمرت بهذا الشكل هتبقى عواقبها وخيمة أكتر من كده
اكيد دا اللي بنقول فيه من زمان
وكيف نتغلب عليهم وكيف نعد لهم العدة وكيف نتخطى هذه المحنة وكيف وكيف وكيف ؟؟؟
نمشي بقا من الميادين ونرتب امورنا ونسيب الدوله ترتب حالها
وتنظم الامور ونسيبها تفكر بذهن صااااافي
ونسيب الحياه تمشي طبيعي

تماام قوي

والله لو محصلش يبقى أدينا أتغيرنا داخليا واصبحنا قادرين على مواجهة الظلم وأهل للوقوف ضد الفساد وساعتها والله والله والله
ربنا هينصرنا
انا معاك طبعا طبعا في كل الايات والاحاديث والكلام اللي في وسط الموضوع
الصبر يا جماعة مش عييب ولا معناه إننا هناخد على دماغنا ولا معناه إننا مانستاهلش اللي الشباب ده عمله عشانا كلنا
لأ مفيش حاجة في الدنيا بتيجي مرة واحدة مابالكم إن دي سياااااااااسة
ما احنا قلنا كدا برده..حضرتك شوف موضوع "نعم للشرعيه"المعظم المعظم قال كدا
باقي الموضوع كلللللللللللللللللللله اتفق تماما معاك فيه يا د\احمد
كلام قلناه ولسه بقوله
الحل الوحيد فعلا انا نتبع دين وشرع الله وسنه نبيه
ونبطل مظاهرات
بس هتقول لمين
دول قافلين ودانهم ومش راضيين حتي يسمعو
احنا بنقول هنا كلام جميل
وهما هناك بيثيروا في بعض وبيثبتو بعض علي نفس الفكرة ومتماديين في ثورتهم
اللهم اهدهم واهدنا جمييييييييييييعا

أمين يا رب
في النهاية وجهة نظري دي والله وجهة نظر لاتعبر إلا عن رأي صاحبها مع احترامي الشدييد لكل الاراء وده أنا قلته في أول الموضوع

أرجو إني أكون وضحت وجهة نظري مع إحساسي إن كان فيه لهجة شدة شويه في كلام حضرتك أكيد نابعة من العنوان بس ياريت تكوني فهمتي قصدي من العنوان

واختلاف الرأي لا يفسد للود قضية وده اللي نفسي فيه من زمان
وبكرر احترامي الشدييد لكل الأراء
أرجو إن محدش يفهمني غلط

من طرف ahmed nassib السبت فبراير 05, 2011 10:16 pm

hend waheed كتب:كلام صح جدا و حلو اْوى ميتقلش بعديه حاجه بجد .
اْنا شايفه ان الحمدلله اْغلبنا بنفكر فى نفس الحل ده و مش عايزين النار تزيد ربنا يهدى الناس اللى لسه متمسكه براْيها و متشدده اْوى فيه اْنا عمرى ما شوفت كده بصراحه اْنا ايا راْىى و انتا ليك راْيك زى ما اْنا بحترمه لازم انتا كمان تحترمه مش تشتم فيا و تتهمنى بالخيانه (دي اكتر حتى خلتني أكتب الموضوع ده) على فكره الناس دى هتتحاسب على كل شتيمه قالتها لان مش بالساهل كده تتطعن حد وتشكك فى وطنيته يااااااااااااااااااااه للدرجه ربنا يهديهم و يرجعهم لعقلهم و يبطلوا تهور و اندفاع و الله ممكن دلوقتى فئه من المتظاهرين مش عارفين هما اعدين ليه ولا بيطالبوا بايه اْصل شعبنا ده زياط بيحب يزيط فى الزيطه و خلاص و اءنا شايفه منظر الناس اللى فالمظاهرات مناظرهم تضحك والله تحس انهم بيستهبلوا ماشين بترمس و لب و شيبسى و اللى بيتصور و هو و المودام عالدبابه:D:D (والله والله الكلام ده كان بيحصل قدامي وده اللي دفعني فعلا للإعتراض عشان حسيت انهم جايين يلعبوا وبيهيصوا وخلاص وطبعا مش كلهم كان فيه ناس محترمة جدا لكن برده بحترمهم )
يالا ربنا يهدينا كلنا و يرشدنا للصواب و للى فيه الخير لبلدناااا

أمين يا رب

من طرف ahmed nassib السبت فبراير 05, 2011 10:18 pm

DR\HEND كتب:وحياه ربنا الواحد قلبه وجعه من الكلام وتحليل الموقف وده مع وده ضد ...بقت حاجه تشل !!!!

والله وانا كمان عشان كده شكلي هبطل كلام في الموضوع ده

من طرف ahmed nassib السبت فبراير 05, 2011 10:30 pm

فوريو كتب:جميل اوي الي انت قلته ده يا احمد فعلا جميل
بس متقولوش الكلام ده اكيد مش الي كنا بنقوله من اول يوم... كل يوم كان بيحصل تغييرات عشان كده الكلام بيتغير

لأ فعلا المظاهرات كانت طالعة ببيان مكنش فيه تنحي الرئييس كان فيه عدم ترشحه أو ابنه وده حصل وكان في عدالة اجتماعية وحرية إيه اللي إعدام الرئيس وايه اللي جاب عمرسليمان واحمد شفيق في البيان ؟؟
عشان كده بأقول المطالب زادت من الاحزاب مش من الشباب بس للاسف الشباب بيردد وراهم

انا بقول كده بس عشان مصطفى او اي حد ميفتكرش اني مكنتش برد عليهم عشان حاجه بس انا لقيت ان الناس كلها انقسمت و كله بيقول رايه سواء بطريقة حلوة او وحشة .........على فكرة والله الكلام مكنش ليه علاقة بيك خالص يا عمرو
انا قرات كل الكلام و المواضيع الي كتبتوها و ارائكو كلها
هوا طبعا محدش يعرف ايه الي ممكن يحصل ف الايام الجاية
بس ماشي انا هقول اني معاك ف رايك ده لحد دلوقت و لو حصل الي انت بتقوله ده او غيرك زي مابتقوله بالظبط يبقى كويس عالاقل الناس كلها هترجع لدنيتها
على فكرة انا معارض اوي لحكم مبارك فعلا معارض و مش مستحمل الي بيحصل
بس تاني هقول اني معاك لو حصل الكلام ده بس هيفضل عندي شعور و هوا الخوف
خوف من ان يحصل اي حاجه تانية
انا مش هتكلم كتييييير انا اكتر حاجه موافق عليها كل الي انت قلته يدعونا للتمسك بكتاب الله و سنته
و الله الموفق لما يريد
و جزاك الله خيرا على كلامك

وجزاك مثله
ربنا يخليك ياحبيبي

من طرف Den.Esraa السبت فبراير 05, 2011 11:39 pm

ahmed nassib كتب:
أرجو إني أكون وضحت وجهة نظري

اه انا فهمت حضرتك كدا...

ahmed nassib كتب:
مع إحساسي إن كان فيه لهجة شدة شويه في كلام حضرتك أكيد نابعة من العنوان

اسفه اذا كنت اتكلمت بشده بدون قصد والله
انا قرات كلامي تاني حسيت فيه لهجه هجوم..بس بجد مكنش قصدي
واكيد طبعا متقبله لرأي حضرتك تماما
والا مكنتش رفضت العنوان..حضرتك فاهمني؟

من طرف Dentistry Lover الأحد فبراير 06, 2011 1:21 am

كلام كويس يا ابو نصيب بس القول (ان هذا العلم دين ......الخ) هو قول لشيخ الاسلام ابن تيمية وليس بحديث عن النبي صلي الله عليه وسلم

من طرف ahmed nassib الأحد فبراير 06, 2011 2:09 am

Den.Esraa كتب:
ahmed nassib كتب:
أرجو إني أكون وضحت وجهة نظري
اه انا فهمت حضرتك كدا...
ahmed nassib كتب:
مع إحساسي إن كان فيه لهجة شدة شويه في كلام حضرتك أكيد نابعة من العنوان
اسفه اذا كنت اتكلمت بشده بدون قصد والله
انا قرات كلامي تاني حسيت فيه لهجه هجوم..بس بجد مكنش قصدي
واكيد طبعا متقبله لرأي حضرتك تماما
والا مكنتش رفضت العنوان..حضرتك فاهمني؟

اكيييد فاهمك يا دوك مفيش أي مشاكل أنا بحب النقاش جدا حتى لو كان حادد لأنه في كل الأحوال مفييييييد
وكلنا اخوات في الاخر
:bravo*:

من طرف ahmed nassib الأحد فبراير 06, 2011 2:16 am

Dentistry Lover كتب:كلام كويس يا ابو نصيب بس القول (ان هذا العلم دين ......الخ) هو قول لشيخ الاسلام ابن تيمية وليس بحديث عن النبي صلي الله عليه وسلم

ألف شكر هوده اللي أنا بقول عليه لو في غلط عشان كلنا نستفيد
تم التعديل
هو ده فعلا مش حديث اعتذر عن الخطأ
هو اثر
روى مسلم بإسناده إلى الإمام محمد بن سيرين أنه قال:
{ إن هذا العلم دين فانظروا عمن تأخذون دينكم }

اللى احنا فيه ده ثوورة مش مظاهرة يعنى مينفعش نتراجع

ولو على التخريب فده اللى احنا عايزين نغيره لان ده مش من الشباب ده من الحكومة والنظام الفاسد

والثورة كل يوم بتثبت ده يعنى فى الاخر حبيب العدلى ال............

طلع متورط فى تفجير القديسين

يعنى حتى من غير ثورة فى تخريب لمصالح شخصية وسكتنا

لما يبقى التخريب علشان مصالح عامة نتكلم ونعلى صوتنا؟

لو هنقول الاقتصاد بتاعنا واقف والبلد بتخسر فده كلام ملوش اى لازمة

لان البلد بقالها سنييييييييين بتخسر مليارات من ورا النظام

كفاية مشروع مدينتى بيتهيالى اللى البلد خسرته فى الثورة ميجيش حاجة جنب اللى خسرناه علشان الحكومة والنظام

انا مش عايزة اتكلم كتير فى الموضوع بس البلد لازم تتغير ولازم كلنا نضحى

اللى انا عايزة اقوله يا ريت اللى مش بيشارك فى الثورة دى سواء رافضها او خايف او نفسه يشارك بس مش عارف

ارجوكم احنا مشاركناش فى اللى بيحصل وبنجنى الثمار معاهم على الجاهز

فيا ريت لو مش هندعمهم منثبطش همتهم ولا نحبطهم ولا نحاول نطفى الثورة دى

على الاقل علشان الشهداء اللى ماتوا ارجوكم

من طرف ahmed nassib الثلاثاء فبراير 08, 2011 5:21 pm

Rahma كتب:اللى احنا فيه ده ثوورة مش مظاهرة يعنى مينفعش نتراجع

الثورة كمصطلح سياسي هي الخروج عن الوضع الراهن سواء إلى وضع أفضل أو اسوأ من الوضع القائم وللثورة تعريفات معجمية تتلخص بتعريفين ومفهومين ،التعريف التقليدي القديم وهو قيام الشعب بقيادة نخب وطلائع من مثقفيه لتغيير نظام الحكم بالقوة. اما التعريف أو الفهم المعاصر والاكثر حداثةً هو التغيير الذي يحدثه الشعب من خلال أدواته "كالقوات المسلحة" أو من خلال شخصيات تاريخية لتحقيق طموحاته لتغيير نظام الحكم العاجز عن تلبية هذه الطموحات ولتنفيذ برنامج من المنجزات الثورية غير الاعتيادية

واحنا لحد النهاردة مطلب تنحي الرئيس لم يستجاب له ومش قضيتنا التعبير سواء مظاهرة أو ثورة متفرقش كتير

ولو على التخريب فده اللى احنا عايزين نغيره لان ده مش من الشباب ده من الحكومة والنظام الفاسد

ده نظام اللي هو سيب وانا سيب أو خراب بخراب وده طبعا مش حلو لازم يكون في عقل وهدوء واحنا بنتعامل مع أي حاجة في حياتنا

والثورة كل يوم بتثبت ده يعنى فى الاخر حبيب العدلى ال............

طلع متورط فى تفجير القديسين

يعنى حتى من غير ثورة فى تخريب لمصالح شخصية وسكتنا

اكييد وده أنا شايفه من اكبر المكاسب اللي بنوصلها

لما يبقى التخريب علشان مصالح عامة نتكلم ونعلى صوتنا؟

احنا لازم نعلي صوتنا ضد أي تخريب سواء عام أو خاص زي مابنقف قصاد تخريب الحكومة لازم في نفس الوقت نحافظ على اللي باقي من البلد والا مش هنلاقي حاجة منها بعد كده المقصود إننا نطلع بأقل الخسائر

لو هنقول الاقتصاد بتاعنا واقف والبلد بتخسر فده كلام ملوش اى لازمة

لان البلد بقالها سنييييييييين بتخسر مليارات من ورا النظام

كفاية مشروع مدينتى بيتهيالى اللى البلد خسرته فى الثورة ميجيش حاجة جنب اللى خسرناه علشان الحكومة والنظام

انا مش عايزة اتكلم كتير فى الموضوع بس البلد لازم تتغير ولازم كلنا نضحى

الكلام ده كله كلام جميل ولازم نغير بلدنا وكل واحد منا له الطريقة اللي يقدر يغيها بيها

اللى انا عايزة اقوله يا ريت اللى مش بيشارك فى الثورة دى سواء رافضها او خايف او نفسه يشارك بس مش عارف

ارجوكم احنا مشاركناش فى اللى بيحصل وبنجنى الثمار معاهم على الجاهز

أحب أقول لحضرتك حاجة إن احنا شاركنا في الثورة دي وانا واحد من الناس اللي نزلت فيها مش من أول يوم بس نزلت وشاركت ولاقيت إن كتير من اللي هناك مش فاهمين هم نازلين ليه وجايين كأنها فسحة لأن ببساطة عندنا هنا في المنصورة مفيش اماكن مؤثرة أو صحافة عشان يبقى الموضوع مفيد ومستعد لو حد اقنعني إن الاستمرار صح إني أروح ميدان التحرير نفسه لأن التأثير والضغط على النظام بيبقى هناك أكتر

وبالنسبة للناس اللي كانت فالبيت فدول يقدروا يشاركوا بدعوتهم وارائهم سواء معارضين أو مؤيدين (للثورة مش لمبارك)

ده غير الناس اللي كانت بتنزل طول اليوم وترجع تنام عشان تنزل تاني يوم واحنا كنا بنقف نحرسهم بالليل في البرد فـالكلام بتاع خفين أو رافضين أو بنبرر ل نفسنا اللي سمعناه كتير ده ملوش لازمة
بالنسبة لموضوع بنجني ثمار الثورة عالجاهز فـكون إنك مصرية فـإنتي زي مااستحملي وضع نظام فاسد مالكيش إيد فيه ليكي حق إنك تنعمي بالتقدم اللي هتنتجه الثورة حتى لو مشاركتيش فيها والا هتبقي ثورة خاصة باللي قاموا بيها بس ومش هتبقى ثورة المصريين وساعتها هيبقى النظام الجديد نظام فاشل برده
كلنا مصريين بنحب بلدنا وكل واحد بيحبـها بالطريقة اللي شايفها صح

فيا ريت لو مش هندعمهم منثبطش همتهم ولا نحبطهم ولا نحاول نطفى الثورة دى

على الاقل علشان الشهداء اللى ماتوا ارجوكم

حضرتك أنا لاقلت انهم بياخدوا فلوس ولا بياكلم من عند كنتاكي ولا بقولهم يقعدوا في البيت وانا شايف إن لو الوضع استمر بهذا الشكل بدون خسائر تذكر زي اليومين اللي فاتم دول مفيش مانع انهم يكملوا وهكون معاهم

اللي احنا بنقوله إنا نفكر بالعقل مايبقاش كل تفكيرنا طالع من فيديو ناس بتموت أو عربية أمن بتخبط في الناس دي حاجة والحاجة التانية إني بأقول التغير بييجي من تغير النفس

كلنا نفسنا يبقى فيه عدل وتقدم فالبلد بس ده مش هيجي إلا لما احنا نفسنا نتغير
وعندك اكبر دليل المسلمين أيام عمر بن الخطاب
كان عمر رضي الله يخاف ان يحاسب علي عدم تمهيد الطرق للحيوانات
كان عمر رضي الله عنه لا ينام قبل ان يتفقد الرعية
كان العدل يمشي علي رجلين
كان الفاروق بين الحق و الباطل
كان و اصبح المثال للحاكم الذي نريده جميعا

ان عاجلا او اجلا
سيتغير الرؤساء و الملوك و ياتي غيرهم
ستتغير الحكومات و ياتي غيرها

ويتبقي الشعب و يبقي الناس

فان كانوا مثل الشعب الذي حكمه عمر
فسيكون لهم كل الحكام مثل عمر

و ان ظلوا كما هم
فلبحلموا للابد ان يحكمهم مثل عمر

دعونا نستمع لحكمة عمر في قوله
نحن قوم اعزنا الله بالاسلام فان ابتغينا العزة بغيره ذللنا

يعني الفكرة إننا بنحاول إن الناس تتغير للاحسن وانا مش شايف إن ده فيه تعارض أو إحباط للثورة ياريت نعتبر الثورة دي بداية للتغير ونغير من بره وجوه عشان تستمر ونوصل للي كلنا عايزينه

ياريت نفهم المقصود من الكلام إيه قبل مانهاجم أي حد

وفي النهاية لكي كل الاحترام على رأيك وادينا كلنا بنستفيد

من طرف Dr/Asmaa الثلاثاء فبراير 08, 2011 7:18 pm

وانا شايف إن لو الوضع استمر بهذا الشكل بدون خسائر تذكر زي اليومين اللي فاتم دول مفيش مانع انهم يكملوا وهكون معاهم

ده كويس اوي

كلنا نفسنا يبقى فيه عدل وتقدم فالبلد بس ده مش هيجي إلا لما احنا نفسنا نتغير
بالنسبة للنقطة دي فان مفيش خلاف ان الناس لازم تغير نفسها للاحسن بس من غير الثورة دي يا احمد كان بالظبط كانك بتزرع ورد في ارض مليانة زبالة وخرابة من الاخر اللي عملته الثورة او الانتفاضة دي او زي ما تسميها انها عايزة تنضفت الارض دي م الزباله وم العنكبوت اللي عشش فيها وبعدين ساعتها نقدر نزرع ورد وياسمين وكل اللي انتو عايزينو
انت لو غيرت نفسك اكيد انت هتكسب بس مش هتاثر كتير في الوضع اللي كان قائم تاثيرك هيبان ويظهر في مناخ صالح للتغيير ده
يارب اكون وضحت وجهة نظري

من طرف ahmed nassib الأربعاء فبراير 09, 2011 12:16 am

Dr/Asmaa كتب:وانا شايف إن لو الوضع استمر بهذا الشكل بدون خسائر تذكر زي اليومين اللي فاتم دول مفيش مانع انهم يكملوا وهكون معاهم

ده كويس اوي

كلنا نفسنا يبقى فيه عدل وتقدم فالبلد بس ده مش هيجي إلا لما احنا نفسنا نتغير
بالنسبة للنقطة دي فان مفيش خلاف ان الناس لازم تغير نفسها للاحسن بس من غير الثورة دي يا احمد كان بالظبط كانك بتزرع ورد في ارض مليانة زبالة وخرابة من الاخر اللي عملته الثورة او الانتفاضة دي او زي ما تسميها انها عايزة تنضفت الارض دي م الزباله وم العنكبوت اللي عشش فيها وبعدين ساعتها نقدر نزرع ورد وياسمين وكل اللي انتو عايزينو
انت لو غيرت نفسك اكيد انت هتكسب بس مش هتاثر كتير في الوضع اللي كان قائم تاثيرك هيبان ويظهر في مناخ صالح للتغيير ده
يارب اكون وضحت وجهة نظري

كلام جميل والله وووجهة نظرك مفهومة جدا بس أنا نفسي كلنا نحط ادينا في ادين بعض و بدل مانهدم نبني
نغير نفسنا ونغير مجتمعنا بس لازم نكون صاحيين ووبنفكر بعقلنا

يعني أنا واحد من الناس دلوقتي عايز الثورة تكمل بجد عشان الفساد ده ينتهي كله ولأني حلمت ببلدي إنها تكون فعلا من أحسن البلاد في العالم بس افترضي انهم قالولك في مرة عايزين تعديل الماده رقم 2 في الدستور اللي بتخص إن الدين الاسلامي هو دين الدولة
وزي مابيقولوا يخلوها دولة مدنية يعني يفصلوا الدين عن الدولة وتكون المرجعية الاولى والاخيرة للقانون
هل هتبقى دي نتيجة كويسة ؟؟؟؟ وهيبقى فيه تقدم بعد كده :D !!!!
والله اخاف الناس برده تفضل تردد وراهم وخلاص

أنا إن شاء الله بفكر أروح ميدان التحرير وأشارك في الثورة عشان بجد البلد تنضف بس أول حاجة هطالب بيها اللي المفروض كلنا نطالبـ بيها

المطالبة بتفعيل المادة الثانية مِن الدُّستور، ومراجعةِ كافَّة التشريعات المخالفةِ للشريعة، وصياغتِها مِن جديد بصورةٍ تُوافِق الشريعةَ

وساعتها هنبقى بنغير بجد

هو ده اللي أنا بأقول عليه بدل مانفضل نغلط في بعض لازم نفهم تفكير بعض ونشوف فين الصح والعقل ونعمله ويكون أساسنا هو الدين

من طرف Dr/Asmaa الأربعاء فبراير 09, 2011 2:04 am

ahmed nassib كتب:
Dr/Asmaa كتب:وانا شايف إن لو الوضع استمر بهذا الشكل بدون خسائر تذكر زي اليومين اللي فاتم دول مفيش مانع انهم يكملوا وهكون معاهم

ده كويس اوي

كلنا نفسنا يبقى فيه عدل وتقدم فالبلد بس ده مش هيجي إلا لما احنا نفسنا نتغير
بالنسبة للنقطة دي فان مفيش خلاف ان الناس لازم تغير نفسها للاحسن بس من غير الثورة دي يا احمد كان بالظبط كانك بتزرع ورد في ارض مليانة زبالة وخرابة من الاخر اللي عملته الثورة او الانتفاضة دي او زي ما تسميها انها عايزة تنضفت الارض دي م الزباله وم العنكبوت اللي عشش فيها وبعدين ساعتها نقدر نزرع ورد وياسمين وكل اللي انتو عايزينو
انت لو غيرت نفسك اكيد انت هتكسب بس مش هتاثر كتير في الوضع اللي كان قائم تاثيرك هيبان ويظهر في مناخ صالح للتغيير ده
يارب اكون وضحت وجهة نظري

كلام جميل والله وووجهة نظرك مفهومة جدا بس أنا نفسي كلنا نحط ادينا في ادين بعض و بدل مانهدم نبني

نغير نفسنا ونغير مجتمعنا بس لازم نكون صاحيين ووبنفكر بعقلنا
اكيد ده اللي بنتمناه كلنا

يعني أنا واحد من الناس دلوقتي عايز الثورة تكمل بجد عشان الفساد ده ينتهي كله ولأني حلمت ببلدي إنها تكون فعلا من أحسن البلاد في العالم بس افترضي انهم قالولك في مرة عايزين تعديل الماده رقم 2 في الدستور اللي بتخص إن الدين الاسلامي هو دين الدولة
وزي مابيقولوا يخلوها دولة مدنية يعني يفصلوا الدين عن الدولة وتكون المرجعية الاولى والاخيرة للقانون
هل هتبقى دي نتيجة كويسة ؟؟؟؟ وهيبقى فيه تقدم بعد كده :D !!!!
والله اخاف الناس برده تفضل تردد وراهم وخلاص
اعتقد ان الناس مش هتردد وخلاص لان في ناس كتيييييير جدااااااا رافضة المبدأ ده

أنا إن شاء الله بفكر أروح ميدان التحرير وأشارك في الثورة عشان بجد البلد تنضف بس أول حاجة هطالب بيها اللي المفروض كلنا نطالبـ بيها
روح وطالب باللي انتي عاوزه مادامت مطالب مشروعة وفي صالح الشعب وفي صالح مصر

المطالبة بتفعيل المادة الثانية مِن الدُّستور، ومراجعةِ كافَّة التشريعات المخالفةِ للشريعة، وصياغتِها مِن جديد بصورةٍ تُوافِق الشريعةَ

وساعتها هنبقى بنغير بجد

هو ده اللي أنا بأقول عليه بدل مانفضل نغلط في بعض لازم نفهم تفكير بعض ونشوف فين الصح والعقل ونعمله ويكون أساسنا هو الدين

انا من زمان بقول كده وعشان كده قولت في الفترة اللي فاتت ياريت نقل من النقاشات لان الكل كان بيخبط في بعض ولازم نفهم ان كلنا بنحب مصر بس كل علي طريقته ومش شط اوافقك في الراي عشان اثبت ان انا فعلا بحبها ربنا يهدي الجميع يارب

من طرف ahmed nassib الأربعاء فبراير 09, 2011 2:08 am

امين يا رب
إن شاء الله هنبقى أحسن وكلنا فعلا بنحب بلدنا وياريت كلنا ندعي ليها بالامن والامان وانها تبقى أحسن بلد في العالم
بس للامانه من النهاردة لازم نكمل

ربنا ينصرنا إن شاء الله
بس ياريت نكمل صح :idonknow*:

من طرف ahmed nassib الأربعاء فبراير 09, 2011 2:09 am

اللهم اربط على قلوب اهالى الشهداء كما ربطت على قلب ام موسى
اللهم افرغ عليهم صبرا كما افرغته على طالوت وجنوده الصالحين
اللهم انزل عليهم السكينة كما انزلتها على رسولك الكريم واصحاب الشجرة
...
اللهم ارنا الحق حقا وارزقنا اتباعه وارنا الباطل بطلا وارزقنا اجتنابه
اللهم اجعلنا ممن يستمعون القول فيتبعون احسنه
اللهم اهدنا لما اختلفوا فيه من الحق بإذنك
فانت ولى ذلك والقادر عليه

من طرف Dr/Asmaa الأربعاء فبراير 09, 2011 2:13 am

امييييييين يارب العالمين

والله انا متفائلة خير في البلد دي وان حالها هيتصلح بايدين الشباب دي وبايدينا
الفطرة السليمة تقول ان الحق معنا وربنا سينصرنا باذن الله
ياريت الشباب كله ينزل ويدعمهم

من طرف ahmed nassib الأربعاء فبراير 09, 2011 2:27 am

Dr/Asmaa كتب:امييييييين يارب العالمين

والله انا متفائلة خير في البلد دي وان حالها هيتصلح بايدين الشباب دي وبايدينا
الفطرة السليمة تقول ان الحق معنا وربنا سينصرنا باذن الله
ياريت الشباب كله ينزل ويدعمهم

على التحرير إن شاء الله :yes*:

بس ابقوا افتكرولي حاجة حلوة لو جرالي حاجة :lol*:

امين

ربنا ينصر الحق ان شاء الله

الحل ............. لأصحاب العقول فقط

الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط

رد: الحل ............. لأصحاب العقول فقط