القرضاوي

اصلي مستغربه اننا بناخد الحاجات كده واحنا غاضين بصرنا واذانا وقلوبنا وعقولنا

حد يهدي للخراب ونقوله (اااااااااامين)

دي احنا حتى يا بنتى لوكنا بنفاضل بين العلماء
كلهم (سيبك بقي من الجندي وحسان و........

ابن تيميه بيقول(ستون سنه بامام ظالم خير من ليله واحد بلا امام)

انا مش عارفه الناس دي بتفكر ازاي!!!!!!1

ربنا يهديكو وبتطلو الموضوعات اللي مبتجيبش الا الخناق والفرقة بين الشباب
عشان هي مش وقتها خالص
وذي ما بتقولو مش عايزين فتنة ولا هو كلام وخلاص

انا بجد اتصدمت فيه
مفروض عالم اسلامى له رايه المسموع من الناس
ازاى يحرضهم علىالذهاب لميدان التحرير فى وسط الفتنة دى بدل اما يهدى الناس
مش شايف الناس اللى بتقتل بعضهم فريقين مصرين بيقاتلوا بعض لاختلافهم فى الراى

ليه كده ليه !!!عاوزين يعملوا ايه فى البلد اكتر من كده
مش مكفيهم الخراب والدمار دا
ليه كل واحد بيجرى ورا مصالحه الشخصية
وكثير من ينساقون وراء هذه الرموز (دا المفروض يعنى انهم رموز كانت بتحتذى)

مفروض اى حد دلوقتى معارض او مؤيد مايهمهوش الا مصلحة البلد والاستقرار
اكيد اى حد ميرضيهوش اللى بيحصل دا
مفروض حتى المعارضين واللى مش عاوزين الرئيس لازم يضعوا مصر نصب اعينهم وهو كده كده ماشى وان شاء الله النظام هيتغير والكام شهر دا لا هيقدم ولا هيتاخر بس هيحقق الامن والاستقرار وهيحبط المحاولات لزيادة الفتنة دى

عن عبد الله بن عمرو بن العاص قال:
بينما نحن حول رسول الله صلى الله عليه وسلم؛ إذ ذكر الفتنة، فقال:
"إذا رأيتم الناس قد مرجت عهودهم، وخفت أماناتهم، وكانوا هكذا (وشبك بين أصابعه) ".
قال: فقمت إليه، فقلت: كيف أفعل عند ذلك جعلني الله فداك ؟ قال:
"ا...لزم بيتك، واملك عليك لسانك، وخذ بما تعرف، ودع ما تنكر، وعليك بأمر خاصة نفسك، ---ودع عنك أمر العامة"
رواه الامام أحمد وابو داوود و النسائي والحاكم

انا مش مشكلتي القرضاوي دلوقت
اي موضوع ذي ده دلوقت هتلاقي مويدين ومعارضين واحنا مبنعرفش نتناقش مع بعض واعترفو بكده بقي احنا فاشلين في التحوار مع بعض
اي موضوع هيتحول لمشادة بين الاعضاء تبقي خناقة وخلاف ونتقسم بقي ده تبع مبارك وده تبع القرضاوي وده تبع البرادعي وعندك الفيس اكبر دليل علي كده يبقي استفدنا ايه
اعتقد المناقشات اللي زي دي مش وقتها خالص دلوقت عشان نتجنب الفتنة ده كل الل اقصده

اووووووكي

(i respect your point of view(

دكتورة هند
مع احترامي الشديد لحضرتك
بس في نقاط كتييير جدا أختلف معاكي فيها
أي نعم الشيخ القرضاوي له فتاوي تودي في داهية بس الي يفجر نفسه في وسط يهود في الحرب ما يبقاش منتحر إلا إذا كنتي مختلفة معايا في الرأي والسبب يطووول شرحه ومش هقدر أكتبه دلوقتي لأني مشغول
ثانيا في ردك الأول على الدكتورة نورة ((دي احنا حتى يا بنتى لوكنا بنفاضل بين العلماء
كلهم (سيبك بقي من الجندي وحسان و........))
معلش أسم الجندي لا يكتب بجوار إسم الشيخ حسان وهناك فرق كبير بين العالم الشيخ حسان والجندي أيضا لا يتسع المجال لذكر الفرق

وأنا أتفق معاكي تماما في مصيبة أن القرضاوي يذنب من لا يشارك في المظاهرات لأن الإنقلاب على الحكام لا يجوز شرعا وأعيد لا يجوز شرعا وحطوا تحتها 200 خط
إلا إذا أتى بكفر بواح

يبدو أن النقاش في موضوع زي ده مع حضرتك هيطول حبتين بس معلش مش هقدر أدخل في النقاش ده حاليا

متأسف على الإطالة
وربنا يهدي الحال وينقذنا وينقذ بلدنا من هذه المحنة الشديدة
ربنا يستر

ههههههههه ياDRMS
مع احترامي الاشد لحضرتك
انت مختلفتش الا في نقطتين بس مش كتير اوي ولا حاجه
انا عارفه ان حته الفلسطينين اللي بيفجروا نفسهم دي غلط في الموضوع (والكل عارف كده طبعا)

(بس بصراحه اتعمدت اسيبها عشان اشوف الناس هتقرا الموضوع كله ولا هتكروت ).....
(شفت منتهي البراءه:D)
اما
عن الشيخ خالد الجندي والشيخ محمد حسان فالجمع بينهم في هذا الموضغ يهدف فقط (لا تفاق رايهم في الوضع الراهن)
وليس بغرض المقارنه بينما كان للا فضليه في الراي بينهم وبين القرضاوي والمقارنه بابن تيميه

ولو انى بحترم الشيخ الجندي جدااااااواقدره
(وطبعا شكلك مبتحبوش وعااااادي ده رايك
انت لا تقتنع به ... (حقك)
بس ابقي قول الفرق عشان ابقي اخد بالي مش اكتر
وان شاء الله خير
انا متفائله

ربنا يهديكم جميعا :)

ارجو التنويه الي ان اللي بيضربو المتظاهرين في التحرير مجرد بلطجية ماجورين من شلة حسني مبارك و كلهم امناء شرطة .. ف كدا اصلا مفيش فتنه ولا حاجه لان دول مش مواطنين عاديين دول ناس فاسدين بيقتلو ناس عزّل .... و قال رسول الله من تل دون مظلمته فهو شهيد .... و افضل الجهاد كلمة حق عند سلطان جائر .... اذن بما ان هؤلاء البلطجية ليسو مواطنين ولا مواليين لحسني اصلا و انما هم ماجورين .. فلا فتنة في الامر... و بما ان التظاهر في التحرير سلمي من جهتنا فهو واجب لانه جهاد متمثل في كلمة الحق عند السلطان الجائر

كما ان محمد حسان كان موجودا بميدان التحرير فعلا و يمدح في الشباب الذي لم يكسر لوح زجاج و لم يحرق ورقة ... كما ان عمرو خالد مدح الثورة و من قام عليها .... لا اعرف حقا من اين تاتين بهذا الكلام يا دكتورة هند

ولا ادري ما حكاية الهراء الذي تتناوله القنوات المصرية الفاشلة التي فشلت حتي في الكذب ،،، و ما هي الغية من عدم نقل الحقيقة،،، و ما تلك الافتراءات عن وجود اطراف ايرانيه و اسرائيليه ... كيف يجتمع الضدان هههههههه،،،، اظن ان السبعة ملايين اللذين جابو شوارع القاهرة و المنصورة و الاسكندرية و المحلة و السويس يوم الثلاثاء الاول من فبراير ... هم اكثر بكثير من مجرد شرتزم و فلول الحزب الوثني يحملون صورة حسني مبارك السفاح ليقبضون ٢٠٠ جنيه باخر النهار.......... اطلب من خالد العسقلاني عرض الوثائق التي تثبت ان كل وقفات الموالية لحسني السفاح هي ماجورين من قبل المحافظين ...

و من يقولون ان البلد بها بلطجية و حرامية .... هل هذا ذنبنا ام ذنب عصابة حسني و الداخلية اللذين اطلقو علي شعب مصر البلطجية و السالبين و سحبو كل افراد الامن من البلد ... لم يكن هناك و لو عسكري مرور .... و كان الحكومة تعاقب الشعب المصري و تقول له هل تري ما سنفعل بك ... اما حياة ذل في استقرار.... او حياه حرية في صراعات...... اسلوب حقير من حسني الحقير و اعوانه

هل رايتم اي الامن المركزي و هو يدهس المتظاهرين تحت عجلات مدرعاته؟؟؟ هل رايتوهم يرشون المتظاهرين بالماء و هم يصلون؟؟؟؟ هل رايتم الامن و هو يمطرنا بغاز مسيل للدموع منتهي الصلاحيه منذ سنوات و مصنوع في اميريكا ... هل رايتم الامن المصري و هو يضرب النار الحي عليي المتظاهرين عندما لم. يفلح معهم المطاطي .... كل هذا و نحن عزَّل ....... من الممكن الا تكونوا قد رايتم ذلك لانكم تتابعون الاخبار علي قناة مودرن سبورت او النيل للاخبار.... لانكم لا تتابعون الجزيرة التي تنقل بالصوت و الصورة كل هذا .... فلا اعرف اين التهويل في ذلك ..... الخبر يكون موثق تماما ... اذن اين التضخيم في ذلك....... اعترض علي قطر نعم ... اختلف احيانا مع الجزيرة نعم... لكنها كما قال عمار الشريعي هي القناة الوحيدة التي تنقل الحقيقة.......

و من يقولو في الحكومة اننا شباب ٢٥ يناير شباب جميل مطالبه مشروعه....... لماذا اذا كنا نتارض و نعتقل و نهدد قبل اطلاقنا للثورة ؟؟؟؟؟ مضحك والله
و لما كانت مطالبنا شرعية لما لم تنفذ؟؟؟؟؟؟
اين قانون الطواري
اين الاشراف القضائي
اين حل مجلس الشعب و الشوري
اين تنفيذ ما جاء ببيان التغيير
اين حل الحزب الوثني؟؟؟
كل. هذه المطالب كانت مطالبنا مذ اول يوم

فلم ياتي حسني منها بشيئ غير انه لن يترشح ((( و ماذا عن العائلة)))
و تحدث عن النظر ههههه النظر في الطعون المقدمة في عضوية بعض اعضاء مجلس الشعب ...... طبعا دي بتاخد سنين مش شهور هههههههه.....و بعد يا فاشل هل الان فقط اعترفت ان المجلس مزور؟؟؟؟؟ هل اعترفت الان فقط ان نظيف فاشل ... هل الان فقط تعترف بان العادلي مجرم؟؟؟ و هذا صفوت الشريف مرعوب لا ينام بعد ان كان يتكبر علي من يعارضه......
اين المطالب اللذي نفذها اذن يا رفاااااااااق

الان يريدون جعل احمد عز و من معه كبش فداء ليمتصوا حماسنا ..... و يصنعوا من بعده الف احمد عز ..... لا يريدون الانتقال فذ السلطة الان الا قبل ان ينتقمو من كل من قام بالثورة ..... و من بعدها يذهبون بالبلاد الي ما هو اسوء ...... يجب ان ينتهي ذلك النظام الان

المادة السادسة في الدستور تنص علي ان ارادة الشعب تسقط الشرعية عن الحاكم .... و بحكم محكمة يوم السبت ٢٩ يناير.... نص الحكم علي ان شرعية نظام مبارك قد تم اسقاطها يوم الجمعة ٢٨ يناير بعد نزول سبعة ملايين متظاهر يناهض مبارك

مبارك اللذي قال في لقاءه بمجلس الشعب .. ان بالرغم من بعض التجاوزات لن ننظر اليها ... و قال سيبو بتوع البرلمان الموازي يضيعو وقت و يتسلو...... الوقتي بيقول يجب النظر في الطعون هعهعهههههههههههههههه كوميديااا بجد
و بيقول لن اترك الحكم لان الاخوان هيسيطرو علي الحكم انا مش فاهم يعني ايه يسيطرو علي الحكم دي .... مش في انتخابات ؟؟؟؟