رد: نعم للشرعيه

من طرف Mostafa ElShirbeny الأربعاء فبراير 02, 2011 11:14 pm

اظن ساعتها لو معجبكوش ابقى اتجمعوا ع الفيس و اعملوا سبتمبر الغضب
على اساس انك مش تحب المظاهرات .. واحنا اللي بنعشق المظاهرات ؟؟؟

طب ليه يبقى رقابة دولية وندخل قوى الغرب بينا ما القضاء اهو .... حكم

عشان لو فيه قضاء غالبا هيبقى فيه رقابة حقوقية دولية معاها
و بكره تعرف الكلام ده

من طرف Mostafa ElShirbeny الأربعاء فبراير 02, 2011 11:17 pm

طب تصدقي فكره جاتلي دلوقتي شوفتي صوره خالد سعيد بعد اما مات متهيالي انه
هيتسال عنه زي ما عمربن الخطاب هيتسال ع الدابه ومتهيالي خالد ده انسان

ربنا هيحاسبه عن 80 مليون
بس اللى خلانا مستحملين 30 سنة نستحمل 7 شهور
مش فاهم ايه العيب ف كده
اللى ف التحرير دول فاكرين انهم لو منزلوش يبقى ضحوا بدم الناس اللى ماتت و خانوا الامانة و بقوا جبناء و و و
لكن العقل مطلوب دلوقتى

كمان نسيت اقول حاجة لسامح
مكنش ده رايك قبل 25 على فكرة و ابقى شوف كومنتاتك قبلها
كان نفسى تكون واضح من الاول انت كده مش واضح فى رايك

من طرف DR\HEND الأربعاء فبراير 02, 2011 11:24 pm

وبتهيالي ربنا هو اللي يحاسب مش احنا
وبتهيالي ان اي حكم او سلطه في الوجودمنحكمش عليها بالمنطق ده

لان لا مبارك عمر بن الخطاب
ولا احنا عايشين في المدينه الفاضله

العقل يقول كل سلطه ليها اخفاقات وضحايا
نعم خالد سعيد هو بطل وشهيد والسلطه تهاونت في حقه
لكن يجب ان نتذكر الان في اللحظات دي ان مصر هي اللي باقيه
والاشخاص زائله
مش عشان فرد نظلم اجيال

من طرف Amal Anan الأربعاء فبراير 02, 2011 11:28 pm

يا جماعه هو مين قال ان انا عاوزه مبارك يمشي دلوقتي
انا بقول يفضل لحد الانتخابات بس الانتخابات تكون تحت اشراف قضلء لان هو لو متحكم وقتها ممكن يعمل زي ما بيعمل ف انتخاباته
بسسسسسسسسسسسسسس
انا اصلا قولت احنا منعرفش حد كويس نثق فيه
وكمان قولت انه لازم يتحاكم بس وقتها

لكن حاليا وطالاما هو موجود وعارف انه كده كده ماشي يصلح بقه والي قاله ده كلمه من جمله لازم تكمل وياريت يكملها

من طرف Amal Anan الأربعاء فبراير 02, 2011 11:31 pm

اومال القصاص ذكر ف القران ليه؟؟؟؟؟؟؟؟؟؟؟؟؟؟؟؟؟
علي فكره عمر بن الخطاب مكنش عايش ف المدينه الفاضله
دا حلل السرقه في عام الجوع

من طرف نوره الأربعاء فبراير 02, 2011 11:44 pm

كعادة البشر وخاصة العرب انهم لم يتفقوا على شئ الا الاختلاف...وانا من يوم 25 الى الان بصحى على غم وانام ان كان بيجيلى نوم من القلق على غم...
انا وغيرى من زمايلى توقعنا اللى هيحصل وقولنا بكره هنندم عليه وبالفعل تصورنا ان هيحدث خطر ولكن لم يكن بهذا الشكل المروع...
لاول مرة فى حياتى اشعر بانى منظرة عدو يهجم على بيتنا فى اى وقت وانا فى بلد لم يتاثر بالحداث الا فى جرائمها فقط ...تدمير وحرق لمصلحة من الله اعلم ....ترويع وخوف ورعب واعداد نظم الفاع عن النفس تحسبا لاى شئ ولاول مرة اشعر انى مستعدة ان اضحى بنفسى لكى تعود هذه البلد امنة....
وماحدش يقولى كنا فى فساد 30 سنة ولابد ان نمارس الديموقراطية وحرية التعبير عن الراى ...الكلام اللى امريكا بتضحك علينا بيه وتدعو مصر الى ضبط النفس والحكمة..
معلشى حضرتك طالع بثور من غير قائد لم تعرف من يحركك ومن يندس ومن يهجم ليخطف ما تبنيه دون خطة متى واين ولماذا؟؟
دون ان ترسموا الاضرار التى ستقع...
لماذا تتحدثون باسم الشعب وانتم لم تتجاوزوا 3 فى المائة منهم...
هذا الرجل الذى تسبوه وتشتموه وتهينوه لو كان خائنا غير مخلصا لترك هذه البلد وهارب الى الخارج وقال " فى 60 داهية اللى يجى من ناس مابتقدرش "
هتقولولى هوماغيرش الوزارة اللى بعد ماطلعنا بكام يوم بعد ماراح شهداء هقول ان كان سبب المصايب حبيب العادلى بيوصلوا اخبار غلط هتقولولى ماكانش بيتفرج فى التلفزيون هقولوكوا راعوا ظروفه المرضية اهله مابيقلولوش هقول
استحالة اشوف والدى تعبان وقاله اخبار هباب زى دى ...
بس انا اعترف واقر انه اكتفى بالسياسة الخارجية امن واستقرار البلاد وترك البلد لجكومة فاسدة....نهايتها سودة ان شاء الله..
طلعتوا بالمظاهرات وممات شهدا وقولتوا طالبتكوا وعملكوا كل حاجة عين عمر سليمان وكم كنت اتمناه رئيسا لللجمهورية ...قولتوا مش هنمشى الا لما يمشى طلع وقال اللى انتو عايزينه...قالت الناس المتخلفة واعذرونى فى هذا اللفظ لكنى لم اقدر ان اكتمها بداخلى مش ماشيين ...انتم بتتلكوا لو قالكم انا ماشى هخترعوا مطالب تانية..
وبعدين هى العذبة بتاعكو هتقعدوا وتمشوا اللى على مزاجكوا..
انا لومكانوا هاعمل زى السادات ابادة جماعية ....لان اللى فى الشارع دول ناس ماجورة وخائنة لا تفكر الا فى نفسها...
لو مشى زى ماكنتوا عاوزين من اللى هيمسك ؟؟؟البرادعى الشيطان ...والريس بيكرمه كان فى منهى الفرحة..واللىى لوحصل حاجة اول واحد هيهرب
كم كنت اتمنى ان ترى الناس ردود الفعل الداخلية والخارجية:
كل اخبار العالم انتهت لم يبقى سوى مصر 24 ساعة فتنة...
امريكا ردود افعال تقول للاعمى فتح مش عايزة غير الخراب..
اسرائيل تعد العدة وترمى بالكلام....ولو هذا السيناريو استمر ستجدها امامك تحقق احلامها...ويضيع دماء شهداء اكتوبر..وابقى قابلنى لو حد من بتوع حقوق الانسان وقف جنبك..
اندساس عناصر اجنبية مدربة لقيادة الفتنة...
والذى احزننى وقهرنى انى لم اجد ولا دولة عربية واحدة تعرض مساعدة مصر...
كل دول العالم تريد زعزة امن ذا البلد كيف بضرب صاحب امانها وهو اثارة ضد محمد حسنى مبارك...
داخليا "اقتصاد منهار-بطالة-جماعات اجرامية-تعليم متوقف-صحة متعطلة-اموات-امن ضائع-ناس منهارة ويلكم من الله"منكم لله
اظهرت هذه الازمة من هو الاصيل الخائف على بلده ممن لا يعرف الرحمة واريد ان اقول له الديان لايموت...
وبالنسبة للناس اللى فى الميدان ومش عاوزين يمشوا منكم لله ولكل واحد يحرضهم على كده...واقول له انك انسان بدون قلب لاتشعر بالام الاخرين...
اتمنى ان اكون فى مظاهرات التاييد ...لاننى شعرت ان هذا الرجل اختزل تاريخه فى بطانة فاسدة...
كل ده ومقولتش كل اللى جوايا من حزن وقهر على هذه البلد العظيمه ...وثبت بالفعل ان هذه البلد اضاعها شعبها..

من طرف Mostafa ElShirbeny الأربعاء فبراير 02, 2011 11:49 pm

بس انا اعترف واقر انه اكتفى بالسياسة الخارجية امن واستقرار البلاد وترك البلد لجكومة فاسدة

صح جدا كان بيهتم بتامين الخارج اكتر بكتير

من طرف نوره الأربعاء فبراير 02, 2011 11:52 pm

Amal Anan كتب:اومال القصاص ذكر ف القران ليه؟؟؟؟؟؟؟؟؟؟؟؟؟؟؟؟؟
علي فكره عمر بن الخطاب مكنش عايش ف المدينه الفاضله
دا حلل السرقه في عام الجوع

يا اختى الفاضلة قصاص من مين هتضيعوا بلد فيها 82 مليون بنى ادم علشان كام شخص ...
بعدين اهم حاجة عايزة اقولها ان كان هو فاسد فاحنا كمان فاسدين لو انا وحضرتك ومعظم الناس بتعمل اللى عليها مااعتقدش كانت ادت فرصة ليهم انهم ياثروا علينا...
ممكن ترحمونا شوية ممكن ترجعلونا ارضنا اللى خربت... واللى حضر العفريت يصرفه...مش معقوله كده..
ارحما من فى الارض يرحمكم من فى السماء ....خلاص 30 سنة مستحملين ال6 شهور دول مش قادرين..
كفاية كده حرام عليكم حرام ..

من طرف DR\HEND الأربعاء فبراير 02, 2011 11:59 pm

ههههههههههههههههه
اجري استخبي يا امل دلوقتى

نورهان شرها وحش (اللهم اخذيك يا شوشو)

من طرف نوره الخميس فبراير 03, 2011 12:09 am

DR\HEND كتب:ههههههههههههههههه
اجري استخبي يا امل دلوقتى

نورهان شرها وحش (اللهم اخذيك يا شوشو)

ليه ياهند هو انا قولت حاجة تزعل امل....انا بقول رايى واتمنى ان امل او اى حد مؤيد لما يحدث ان يجلس لو لحظات ويفكر فى حاجة واحدة وهى مصر...
انا لن ازايد على حب اى شخص من اللى كتب رايه لمصر بس غالبا حماسة الانتفاضة اخدتهم عن مصلحة 82 مليون مرعوبين...
ظلم عام ولا فوضى ساعة...تلك هى الفوضى الخلاقة التى تحدثت عنها الشيطانة كوندليزا رايس...
مخطط ...وليعلم لعرب جميعا ان بسقوط كيان هذه الدولة لسقطوا جميعا...
عذرا لانفعالى...وانا مستعدة ان اتناقش مع اى شخص معارض لاقناعه او اقناعى...باسلوب منطقى خالى من الشوائب...
نفسى اعمل حاجة للبلد دى ومش عارفة...

من طرف KAZKOZA الخميس فبراير 03, 2011 12:11 am

أنا دمي محروق .. أوي
كل ما أفتكر المناظر اللي شفتها والناس بتتبهدل وتضرب وتموت
والقنوات الفضائيه مختاره أهدى حته مسلطه عليها الكاميرا وساعة ماطلعت مظاهرات تأييد الرئيس جابت المنظر كله والمذيع يقول أول مره أشوف منظر بالشكل ده ههههههههه ، طب المظاهرات اللي قبل كده دي كانت حلم؟؟
ودمي محروق لما حسيت ان الرئيس زي مايكون مش داري باللي بيحصل في بلده والدنيا والعه وكان نفسي أعرف البرود ده جابه ازاي
مع اني ارتاحت شويه بعد خطابه الأخير وراضيه عن القرارات اللي خدها والبقيه إن شاء الله تأتي ، بس نديله فرصة الكام شهر الفاضلين ، ماهو البقيه أكيد مش هتأتي بزرار
ومش موافقه الناس اللي بتقول ده ممكن مايعملش أو ممكن ماعرفش ايه ، أعتقد الشعب اتغير تماما معدش هيخاف أو هيسكت عن حاجه مش عايزها وأكيد الرئيس عرف كده
وراضيه انه هيفضل موجود لحد الانتخابات ، عشان الحكم يتنقل بنظام من غير فوضى وتدخلات من اللي يسوى واللي مايسواش
تخيلوا كده زي ما ناس كتير عايزه لو الرئيس مشى دلوقتي ....
متخيلين الهرجله والاضطراب والطمع ف الحكم اللي ممكن يحصل؟
ياجماعه ده الرئيس لسه موجود ومفيش حاجه حصلت وبالرغم من كده الناس بتقتل ف بعض
أمال لو قالوا اختاروا حد يمسك حكومه انتقاليه زي مابيقولوا هيعملوا إيه !!

من طرف ahmed nassib الخميس فبراير 03, 2011 12:27 am

same7 كتب:
ahmed nassib كتب:مؤيد تام لرأي مصطفى وDR\HEND

احنا دفنينوا سوا يا نصه .هههههههههههههه

إذا كان سيادتك قصدك على الحزب الوطني فـأنا من أول المعارضين للحزب الوطني والمنقلبين ضده ولا يعني إن في يوم من الأيام كان معايا كارنيه الحزب إن أنا مؤيد ليه وأحب اقولك إني لم أدخل مقر الحزب الوطني ولا مرة لحد النهاردة
وده على فكرة رأيي من قبل 25 يناير ومازلت مصر عليه

وكفاية بقى شعارات سياسية وانقلابات حزبية احنا مش فاهمنها احنا بنتكلم دلوقتي على شباب فعلا بيحب مصر وخايف عليها لازم يكون لينا هدف واحد دلوقتي إن احنا نحافظ على المتبقي من البلد لو لسة عندنا ذرة عقل

من طرف Amal Anan الخميس فبراير 03, 2011 12:27 am

ايه يا جماعه ده
متهيالي اني وضحت وجه نظري
عشان كده
انا مبحبش اتكلم ع المنتدي ده غير ف حاجات الهزار حاجات تضييع وقت وبس غير كده طبعا واضح

من طرف KAZKOZA الخميس فبراير 03, 2011 12:31 am

واللي بيحرق دمي بردو اني بحس ان فيه ناس لو تراجعت شويه عن أراءها و وجهات نظرها تبقى كأنها فرطت في كرامتها
أنا ف البدايه كنت مؤيده للمظاهرات مادامت سلميه بس مؤيده أكتر لإصلاح النظام مش إسقاطه
ولما قال الرئيس قراراته لقيت ان خلاص كده كويس وكفايه وباقي الطلبات هتيجي بالتدريج
مش لازم أفضل متمسكه ومنشفه دماغي ف حاجه لاتحمد عقباها
ربنا يستر بقا والليله دي تعدي والتحرير يهدى واللي ورى الفتنه دي يتشعلق ف أكبر مروحه عشان أنا معدش فيا نفسيه خلاص

من طرف ahmed nassib الخميس فبراير 03, 2011 12:45 am

يا جماعة كلمة اخيره معلش
يا ريييييييييييييت نبطل كلام في السياسة عشان الكلام مش هيجيب نتيجة
ياريت كل اللي بيتكلم في السياسة يوفر مجهوده للدعاء إن الفتنة دي تزوول وإن ربنا يعديها على خيير بجد لو بنحب بلدنا نسكت وندعي ربنا أحسن لأن هو اللي عارف فين الصح من الغلط

لا اله الا انت سبحانك انى كنت من الظالمين

اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .اللهم إني أعوذ بك من غلبة الدَّين ، وغلبة العدوِّ ، وشمائة الأعداء. اللهم إني ظلمت نفسي ظلماً كثيرا ولا يغفر الذنوب إلا أنت . فاغفر لي مغفرة من عندك ،

اللهم اضرب الظالمين بالظالمين واخرجنا منهم سالمين
قولوا اميين بالله عليكم

من طرف Den.Esraa الخميس فبراير 03, 2011 1:03 am

اااااااااااااااااااااااااااااااااااااامين

من طرف ahmed nassib الخميس فبراير 03, 2011 1:22 am

اللهم الف بين قلوبنا ووحد كلمتنا ووحد صفوفنا
اللهم أرنا الحق حقا وازقنا اتباعه وارنا الباطل باطل وارزقنا اجتنابه

من طرف khaled gamal abd elmouemn الخميس فبراير 03, 2011 1:29 am

اميييييييييين

من طرف ahmed nassib الخميس فبراير 03, 2011 1:39 am

يارييت كلنا نصوم بكرة يا جماعة وندعي بجد إن ربنا يعدي الفترة دي على خير

من طرف same7 الخميس فبراير 03, 2011 8:17 am

كمان نسيت اقول حاجة لسامح
مكنش ده رايك قبل 25 على فكرة و ابقى شوف كومنتاتك قبلها
كان نفسى تكون واضح من الاول انت كده مش واضح فى رايك
????

يا عسل المظاهرات ما كنتش بطالب بإسقاط النظام من اول يوم .. وكمان الأخوان ماكنوش نازلين ومكنش فيه دع انا قلت وقتها : لو حدث تغيرات فانا هبقى ندمان اني مشاركتش ولو محصلش يبقى كويس اني ما شاركتش في حاجه فاشلة

.........

تطورات الأحداث هي التي تملي عليك ارائك .. اما الناس اللي موقفها ثابت مهما حصل من تغيرات اكيد ناس غلطانة ... وما بتفكرش نهائي؟؟؟؟؟

انا مؤيد لبان الريس الأخير بس ناقص الماده 88 بتاعت اشراف القضاء ... ولو معاه رقابة دولية مش هيضر بس ما تبقاش رقابة دولية بس

ده كلامي لحد الساعه 2 امبارح ...

من الساعه 2 لحد النهارده ..... دمي اتحرق بما فيه الكفاية والصورة تغني عن الف كلمة ....

عرفت ليه رايي مش واضح ؟؟ لأني بفكر ؟؟؟

من طرف same7 الخميس فبراير 03, 2011 8:21 am

KAZKOZA كتب:واللي بيحرق دمي بردو اني بحس ان فيه ناس لو تراجعت شويه عن أراءها و وجهات نظرها تبقى كأنها فرطت في كرامتها....عندك حق يا دكتورة مش لازم أفضل متمسكه ومنشفه دماغي ف حاجه
كلام منطقي جدا جدا

من طرف same7 الخميس فبراير 03, 2011 8:28 am

ahmed nassib كتب:
same7 كتب:
ahmed nassib كتب:مؤيد تام لرأي مصطفى وDR\HEND

احنا دفنينوا سوا يا نصه .هههههههههههههه

إذا كان سيادتك........ حلووووووووووووووه حلوه
فـأنا من أول المعارضين للحزب الوطني ... ومعاكي كارنيه عضويته .... ممكن كل شيء جايز ؟؟؟
والمنقلبين ضده ..... مكنتش اعرف دي ؟؟؟
ولا يعني إن في يوم من الأيام كان معايا كارنيه الحزب إن أنا مؤيد ليه... مكن يكون حب استطلاع برده التجربة مفيده ..
وأحب اقولك إني لم أدخل مقر الحزب الوطني ولا مرة لحد النهاردة ... انا ما قولتش انك مقيم فيه ...
وده على فكرة رأيي من قبل 25 يناير ومازلت مصر عليه ...... كويس

وكفاية بقى شعارات سياسية وانقلابات حزبية احنا مش فاهمنها احنا بنتكلم دلوقتي على شباب فعلا بيحب مصر وخايف عليها لازم يكون لينا هدف واحد دلوقتي إن احنا نحافظ على المتبقي من البلد لو لسة عندنا ذرة عقل.... معاك

يا نصه انت متنرفذ اوي ... هو الحزب لوطني بقى شتيمة ؟؟ بصراحة اه وعار على اي حد انه ينتمي ليه ؟ وانصح اي حد ينتمي ليه بالإنسحاب منه .. كفاية مسخرة ....

كويس انك انسحبت منه ...

انا شخصيا كنت بانضم لهم ايام توزيع المعونات على الفقرا

ربنا يعديها على خير

من طرف Mostafa ElShirbeny الخميس فبراير 03, 2011 10:42 am

يا ريييييييييييييت نبطل كلام في السياسة عشان الكلام مش هيجيب نتيجة

مش معاك يا نصيب
انا اعتقد اننا لازم النهارده ع الفيس دورنا نوضح للناس دى انه كفاية كده و نحاول نقنعهم

تطورات الأحداث هي التي تملي عليك ارائك .. اما الناس اللي موقفها ثابت
مهما حصل من تغيرات اكيد ناس غلطانة ... وما بتفكرش نهائي؟؟؟؟؟

لا محدش بيملى عليا ارائى غير عقلى الحمد لله
و شكرا على الاهانة انى مبفكرش نهائى و هفوتها بمزاجى
اللى عايز يتناقش معايا يكون باحترام و يا اقنعه يا يقنعنى لان نفسى طويل جدا فى الحوار و مش هتخلى عن رايى الا لو حسيت انى غلطان و لحد دلوقتى الواقع بيقولى انى مش غلطان
و هقولك نفس الكلمة اللى قلتها ع الفيس ما دام النقاش بقى كده
اللى مش عاجبه كلامى يبقى يبلغ عنى النظام الجديد بعد ما تسقطوا الرئيس

من الساعه 2 لحد النهارده ..... دمي اتحرق بما فيه الكفاية والصورة تغني عن الف كلمة

اذن انت زى بعض الناس مؤمن ان فيه مؤامرة لعودة الرئيس و انه نزل بلطجية عشان المظاهرات و الكلام الحلو ده
صح ؟

من طرف Den.emoOo الخميس فبراير 03, 2011 11:22 am

بجد حرام جدا اللى بيحصل دا ........خراب ودمار ولا فيه دين ولا عقل يقبل اللى بيحصل دا

ايوا عملنا مظاهرات وعملنا اللى محدش ان يفكر انه يتعمل .... انما اللى بيحصل دلوقتى فدا بقى مالوش تفسير ...بنضر فى بعض و الناس بتتخانق وبتشتم ولا كان دا مصرى ودا اسرائيلى ...طب ما اللى بيضربوا فى بعض دلوقتى يفرقوا ايه بقى عن سياسه وزاره الداخليه والعنف اللى كانت بتستعمله مع الناس..بقينا دلوقتى زيهم

ميفعش بجد اننا ننساق وراهم ...انا كنت مع المظاهرات جدا ونزلت كمان وشاركت ...بس خلاص معظم اللى طالبنا بيه اتحقق ...والناس اللى بتول الرئيس يمشى دلوقتى هو لو مشى البلد كدا هتهدى والله هتولع زياده واتفرجوا على تونس اللى لحد الان مش عارفين حتى يشكلوا وزاره...وبجد لو كان الرئيس مبيحبش مصر كان مشى وسابها تخرب ..بس هو عارف انه لو مشى دلوقتى بجد هتخرررررررررب

اما الجزيره بقى فلا تعليق بجد عليها...حسبى الله ونعم الوكيل

ولا البرادعى اللى بيتناقش مع السفيره الامريكيه...ههههه...هو دا بقى اللى هيحل الازمه...بجد منه لله اى حد عايز البلد دى تولع او بيساهم فى اللى بيحصل

ربنايستر ويعدى الايام دى على خير

ربنا يحميكى يا مصر

من طرف Den.Esraa الخميس فبراير 03, 2011 11:30 am

Mostafa ElShirbeny كتب:
اذن انت زى بعض الناس مؤمن ان فيه مؤامرة لعودة الرئيس و انه نزل بلطجية عشان المظاهرات و الكلام الحلو ده
صح ؟

بص يا د\مصطفي .. احنا مننكرش انه فيه بلطجيه نزلو فعلا
ودي شهود من ناس اعرفها شخصيا..
ودي حسيتها فعلا في بعض بعض الناس اللي خرجت تؤيد
كانو ماشين بشكل منظم وجمال وحصنه وحاجات غريبه؟؟
بس دا مش لعوده الرئيس!!
دا من اعضاء الحزب الوطني
لانهم خايفين علي مناصبهم
معني ان النظام يتشال يعني هما هيروحو في الباي باي
"دا تفكيرهم"

"بس طبعا طبعا لازم مننكرش ان فيه ناس وناس كتير جدا نزلت تأيد مبارك فعلا
وناس كتيييييير بتحبه ومازالت بس القله المسلطه من الحزب الوطني اساءت ليهم كلهم
وكلهم تسمو انهم تبع النظاااااام تبع الرئيس"؟؟طبعا لازم يسموها كدا ماهما عايزين اسقاطه"

وان كنت متأكده او هنقول عندي احساس
ان مبارك لو استمر اكيد هيشيل الاحزاب دي لانه وعد انه هيحقق اللي الناس عيزينه
لكن النااااااااااس مش عاطينه اي فرصه بصراحه
القرارات دي محتاجه وقت وتفكير وحكمه ومينفعش كلها تيجي مرة واحده
ودا اللي نفسي اوصله للمعارضين في التحرير
ودا بيدعم كلامي السابق
يعني انا برده لسه عند رأيي
مش لاني مبحبش اغير كلامي او كدا
بس دا فعلا اللي مقتنعه بيه
انا حاسه الناس فعلا مبقتش قاعده هناك لمجرد انها تسقط النظام
دي عايزة تكسب" الماتش "اللي داخلاه وباي تمن وخلاص
الوضع لاااااازم يتح وبسرعه
الناس ناويه تعمل "جمعه الرحيل" بكرة
دي مصر هتنتهي بجد!!!

من طرف Mostafa ElShirbeny الخميس فبراير 03, 2011 11:54 am

دا من اعضاء الحزب الوطني

الله ينور عليكى
قلت كده امبارح و قلت كمان ان فيه ناس مش مصرية او ناس غير دول ماجورين من جهات خارجية و الناس ضحكت و اتريقت
بس بكره تشوفوا ان حزب الله و الموساد و بعض الفلسطينيين المسلحين كانوا موجودين ف الفترة دى
و افتكروا الجملة اللى فاتت دى كويس اوى

خليكوا ورا الجزيرة واحدة متصلة تقوله مينفعش اللى بتقوله ده ازاى الرئيس ياجر بلطجية
يقولها يا اختى مش ممكن يكونوا اعضاء م الحزب الوطنى قالتله ايوة قالها و الرئيس هو رئيس الحزب الوطنى قالتله ايوة قالها خلاص يبقى هو اللى بياجر بلطجية
بجد حاجة تضحك و يقولك الجزيرة منحازة لارادة الشعب
فوقوا يا جدعان

انا حاسه الناس فعلا مبقتش قاعده هناك لمجرد انها تسقط النظام
دي عايزة تكسب" الماتش "اللي داخلاه وباي تمن وخلاص

بصى فيه ناس من بتوع 25 اصلا اعلنوا ف البرامج انهم بطلوا ينزلوا و ان ده كان مطلبهم الاساسى انه مسترشحش تانى انما فيه ناس ساقت فيها

الناس ناويه تعمل "جمعه الرحيل" بكرة

محدش عارف هتبقى رحيل مين بالظبط بالشكل ده
ربنا يستر

والناس اللى بتول الرئيس يمشى دلوقتى هو لو
مشى البلد كدا هتهدى والله هتولع زياده واتفرجوا على تونس اللى لحد الان مش
عارفين حتى يشكلوا وزاره

يا رب الناس تفهم صوتى اتنبح بس كانى بكلم نفسى بالظبط الناس سايقة فى العناد و يقولك تمثيلية و دم الشهداء
طب خلاص يا سيدى خليك ف الشارع
و كمان كام يوم الناس مش هتلاقى فلوس و لا رغيف العيش و نعيش حرب اهلية بقى
عجبى