حسان والبرادعي(يا قلب لا تحزن)

من طرف DR\HEND الأحد يناير 23, 2011 9:19 am

انت احمر ولا اسود؟!!!

الشيخ محمد حسان: الإضرابات والاحتجاجات لا تُرضي الله ولن تحل مشاكلنا

الداعية الإسلامي الشيخ محمد حسان أكد الداعية الإسلامي الشيخ محمد حسان أن الأمة الإسلامية لن تخرج من أزماتها بالإضرابات والاحتجاجات، المخربة التي تسفك فيها الدماء وتخرب فيها المحال والسيارات.

وأضاف حسان: ''أعداؤنا يريدون لبلدنا وأمتنا أن تتحول إلى فوضى، وإن حدث هذا لن يأمن أحد منا على نفسه ولا ولده ولا ابنته، ولتتعلم الأمة من واقع العرق الأليم.. لا نريد أن نمنح هذه الفرصة لأعداء هذا البلد''.
وتابع حسان:'' الاضرابات والتخريب لن توسع الرزق.. كذا الدماء التي تسفك لا ترضى ربنا.. وعلى كل مسئول ان يتقي الله عز وجل ويتدخل لإرضاء الله .. كلنا في سفينة واحدة إن نجت نجى الصالحون والطالحون.. وان غرقت غرق الجميع''.
يذكر أن قوى سياسية وحركات معارضة وجهت دعوة لجموع المصريين بالخروج يوم 25 يناير القادم في وقفة احتجاجية على غرار ما حدث في تونس، وذلك بالتزامن مع احتفال وزارة الداخلية بعيد الشرطة.
إلى ذلك، أكد الدكتور رفعت السعيد، رئيس حزب التجمع، على رفضه للوقفة الاحتجاجية التي دعت إليها بعض قوى المعارضة يوم 25 يناير الحالي أمام وزارة الداخلية.
وأضاف السعيد، في تصريحات صحفية السبت، :''هذا اليوم هو يوم لتكريم الشرطة ويوم بطولي نحتفل خلاله بالدور الهام لقوات الشرطة التي لا تألو جُهدًا في الدفاع عن الوطن والمواطنين وتأمين حياتهم ولا يجوز تشويه هذا اليوم العظيم للنضال''.

________________________________________________________

البرادعي: المصريون ربما ينجحوا في الإطاحة بالنظام كما فعل التونسيون

لدكتور محمد البرادعي - رويترز

القاهرة - أكد الدكتور محمد البرادعي المدير السابق للوكالة الدولية للطاقة الذرية إن هناك تبيناً في الأوضاع بين مصر وتونس التي أطاحت ثورة شعبها بالرئيس زين العابدين بن علي، مشيراً إلى أن المصريين أيضاً ربما ينجحوا في الإطاحة بالنظام الذي يحكمهم كما فعل التونسيون.
وقال الدكتور البرادعي في حوار له مع مجلة دير شبيجل الألمانية تنشره في عددها الذي يصدر يوم الأثنين المقبل إنه ''من المحتمل أن تنتقل عدوى ثورة الياسمين إلى مصر، إذ حقق التوانسة غايتهم فيمكن للمصريين أيضا تحقيقها''.
و أشار الدكتور البرادعي إلى إنه ''لا يستبعد أن تندلع موجة من الاحتجاجات في بلاده مصر بعد بضع مظاهرات أولية تشبه كرة جليد يمكن أن تتحول إلى انهيار جليدي''.
وتواجه مصر صعوبات اقتصادية واجتماعية شبيهة بتلك التي ادت الى حركة الاحتجاج الشعبية غير المسبوقة في تونس واسفرت عن اطاحة الرئيس زين العابدين بن علي، وشهدت مصر عدة محاولات انتحار حرقاً كتلك التي اشعلت فتيل الازمة في تونس.
وأعلن الدكتور البرادعي عن دعمه وتأييده لتظاهرة يوم الثلاثاء المقبل أملاً في الا تتحول التظاهرات الى مواجهات''.
وطلب البرادعي من الرئيس المصري حسني مبارك ''العدول عن الترشح في الانتخابات الرئاسية المقبلة والمزمع إجرائها في سبتمبر المقبل، قائلاً :ليسمح بتعديل ليسمح بتنظيم انتخابات حرة، ورفع حالة الطوارئ المعمول بها منذ وصوله الى السلطة قبل 29 عاما.
ويتوقع المراقبون أن يخوض البرادعي الانتخابات الرئاسية، المقرر إقامتها الخريف المقبل، كمنافس للرئيس محمد حسني مبارك، فيما أعرب لبرادعي أنه مستعد مبدئياً لتقديم ترشيحه للانتخابات الرئاسية شرط ان تكون ''الانتخابات حرة وعادلة''.

من طرف beating heart الأحد يناير 23, 2011 11:24 am

أنا مش معترف بالبردعى خاااااااااااااااااااااااااااااااااااااالص
وكمان معترض إن إحنا نخرب
وكمان عارف إن إحنا فى سلام من سنة 1981
المفروض دلوقتى كنا نبقى قوة لا يستهان بها
إنما فية حالة بطئ شديدة ومن حق الناس إنها تشوف فكر جديد
بس المشكلة إن إحنا مش بنتوجة بعقل للأسف فية ناس كتير نفسها مصر تقع ومتقمش تانى
لازم نتوجة بعقل مش بهمجية

من طرف DR\HEND الأحد يناير 23, 2011 11:34 am

beating heart كتب:أنا مش معترف بالبردعى خاااااااااااااااااااااااااااااااااااااالص
وكمان معترض إن إحنا نخرب
وكمان عارف إن إحنا فى سلام من سنة 1981
المفروض دلوقتى كنا نبقى قوة لا يستهان بها
إنما فية حالة بطئ شديدة ومن حق الناس إنها تشوف فكر جديد
بس المشكلة إن إحنا مش بنتوجة بعقل للأسف فية ناس كتير نفسها مصر تقع ومتقمش تانى
لازم نتوجة بعقل مش بهمجية

(معلووووووووووووم)

من طرف نوره الأحد يناير 23, 2011 1:29 pm

انا طبعا مع راى الشيخ محمد حسان...ومش من مؤيدى البرادعى...بس انا معترفة ان لازم يحصل تغيير وقريب جدا لان حالنا بقى لا يليق باسم كيان دولة عظيمة زى مصر....واحنا بالعوامل المميزة لمصر كان زمانا من اوائل الدول فى العالم...

من طرف Mostafa ElShirbeny الأحد يناير 23, 2011 2:18 pm

انا مع كلام الشيخ حسان طبعا
التغيير ييجى بالاحتجاج السلمى مش بالتخريب و اكسر عربية اخويا و ادمر بيت اختى ما هى كلها ممتلكاتنا ف الاخر
كمان مش مؤمن بموضوع 25 من اصله
و اى حد يطلع يقول تغيير الناس بتصدقه
فاكرين ايمن نور اللى كان عامل فيها سبع رجالة ف بعض؟

من طرف sheref ashraf الأحد يناير 23, 2011 3:53 pm

محمد حساان ربنا يهديك .... اللي بيخربو بيكونو تبع الامن و بيكونو بلطجية اللي بيجيبوهم في الانتخابات ... ربنا يهديك يا شيخ و يخليك تنطق بالحق

من طرف same7 الأحد يناير 23, 2011 4:11 pm

sheref ashraf كتب:محمد حساان ربنا يهديك .... اللي بيخربو بيكونو تبع الامن و بيكونو بلطجية اللي بيجيبوهم في الانتخابات ... ربنا يهديك يا شيخ و يخليك تنطق بالحق

اولا مينفعش تتكلم عن شيخ حسان بالأسلوب ده .....

واكيد فضيلة الشيخ عنده علم كبير بمقاومة الظلم مثلا حاجة بسيطة جدا ... الرجل اللي قال لسيدنا عمر بن الخطاب " فإن اعوججت يا عمر قومناك بحد سيوفنا " ..؟؟؟

لكن هو احنا لما نخرب المرافق العامة ونعطل الدنيا كلها يبقى كده قومنا الحاكم الظالم ؟؟؟

البرادعي له أهداف سياسة . مش من الحكمة انه يظهرها قبل الهنا بسنة . يستنى لحد الإنتخابات صدقني لو حصل تزوير . الشعب هينتفض وهتبقى ثورة عارمة ....؟؟؟؟

.......................... الشيخ حسان اكبر من ان احنا نتكلم في حقه بكلمة سوء ....................

من طرف beating heart الأحد يناير 23, 2011 6:39 pm

ههههههههههههههههههههههههههههههههههههههههههههههههههههههههههههههههههههههههههههههههههههههههه

من طرف Dentistry Lover الأحد يناير 23, 2011 9:49 pm

sheref ashraf كتب:محمد حساان ربنا يهديك .... اللي بيخربو بيكونو تبع الامن و بيكونو بلطجية اللي بيجيبوهم في الانتخابات ... ربنا يهديك يا شيخ و يخليك تنطق بالحق

بعد اذنك يا شريف عيب كده وعيب اما تكلم علي عالم بالطريقة دي وتشكك في مصداقيته واعلم ان لحوم العلماء مسمومة ومن أطلق لسانه في العلماء ابتلاه الله بموت القلب قبل موت الجسد ثم ان الاصلاح والتغير يبدأ من كل فرد في المجتمع فلو كل واحد أصلح نفسه لصلح المجتمع كله وليس الاصلاح بالمظاهرات والتخريب والانتحارات فلا الشرع يؤيد ذلك ولا الواقع يؤيده وارجع الي ما حدث في الجزائر والمليون شهيد لتتأكد من ذلك واسف ان كان كلامي فيه شدة او حاجة بس اردت ان ابين الحق لأخوي العزيز واسف ع الاطالة

من طرف DR:SAMEER الأحد يناير 23, 2011 10:11 pm

sheref ashraf كتب:محمد حساان ربنا يهديك .... اللي بيخربو بيكونو تبع الامن و بيكونو بلطجية اللي بيجيبوهم في الانتخابات ... ربنا يهديك يا شيخ و يخليك تنطق بالحق

ياااااااااااااااه
ونطق الرويبضة
صدقت يا رسول الله
شوفت بقا الفرق بينك يا شريف وبين العالم الجليل محمد حسان
الشيخ حسان خايف عليك وخايف على بلدك وانت......؟؟؟
نفسك يحصل فيك زي ماحصل في شباب تونس ؟؟!!
نفسك بيتك يتسرق زي ما سرقت البيوت في تونس؟؟!!
نفسك يسفك دمك زي ما سفكت الدماء في تونس؟؟!!
نفسك تحرق السيارات مثل ما حرقت في تونس؟؟!!
نفسك تعيش في توتر وصراع ودم واضطراب وخوف وقلق ورهبة وعدم اطمئنان ؟؟!!
شوفت بقا الفرق بين واحد بيحب بلده وخايف على مصلحتها ومصلحة ولاد بلده وواحد نفسه في جنازة يشبع فيها لطم
عرفت الفرق بين العاقل والجاهل
عيب عيب لما تتكلم عن عالم بهذه الطريقة
احذر .... احذر ..... احذر
زي ما سبقني محمد مختار وقال:إن لحوم العلماء مسمووووووومة
ياريت تراجع نفسك
عذرا على الاطالة

من طرف Mostafa ElShirbeny الأحد يناير 23, 2011 10:39 pm

محمد حساان ربنا يهديك

كويس انك مقلتش عليه م الحزب الوطنى بالمرة زى ما بتقول دايما

من طرف Dr/Asmaa الأحد يناير 23, 2011 11:34 pm

يا جماعه بالراحة النقاش يكون بالراحه هو مغلطش فيه هو قال راية وقال ربنا يهديك هو دعا عليه ولا حاجه

من طرف sheref ashraf الإثنين يناير 24, 2011 12:57 am

انتو بتتكلمو على اساس اني سببته او لعنته؟؟؟؟؟ انتو مش مركزين خاالص ،، و بعدين قلنااا اللتدمير و السرقة بيكون من ناااس بلطجية تبع الشرطة اصلااا،، و اسءلو المحلاوية مين اللي خرب المحلة ف ٦ ابريل ٢٠٠٨ ،، و زي ما محمد حسان طلع و قال انا بثمن دور الحكومة ف حماية حدودنا (( دا بعد البدء بي بناء الجدار الفولازي بينا و بين اخواتنا في غزة)) طلع يمنع الناس من تظاهرة سلمية مهوش عاوز الناس تتكلم ببقها و تقول مطالبها ،، و لما ادعيلو بالهداية هل دا يجعلني باكل في لحمه المسموم يا دكاترة هههههههههه

من طرف sheref ashraf الإثنين يناير 24, 2011 1:11 am

شكراا جدا يا اسماء على تفكيرك الراقي و احترامك للراي الاخر

من طرف dr_khaled الإثنين يناير 24, 2011 1:16 am

يا جماعة شريف بيدعيله مفيش مشاكل

وبالنسبة للتوبيك
وانا احمر واسود والكلام ده

الاتنين واحد يا اخت هند

الشيخ محمد حسان ضد التخريب والتكسير

وده مش اللي عايزينه يحصل
يوم 25 يناير ان شاء الله تظاهرة (سلمية) وحطوا تحت "سلمية" 100 خط

يعني مفيش موضوع

اللي مكسل بقى او سلبي او عايز ينام وكده ميحاولش يبرر سلبيته لنفسه

من طرف Mostafa ElShirbeny الإثنين يناير 24, 2011 1:23 am

انا محجرتش على رايك يا شريف
بس انت يتقول ربنا يهديه و يقول الحق
و هو مش من طباعه انه يتكلم لصالح حد على حساب حد
فهمت؟

من طرف Mostafa ElShirbeny الإثنين يناير 24, 2011 1:27 am

اللي مكسل بقى او سلبي او عايز ينام وكده ميحاولش يبرر سلبيته لنفسه

صدقنى مش كل اللى رافض الموضوع ده يبقى سالب او خايف
بس المشكلة ان فيه ناس فاكرة نفسها صح دايما وان المخالف ليه دايما غلط
و شريف قبل كده قال ان الموضوع متحدد من زمان قبل ثورة تونس 25 ضد تعذيب الشرطة
ماشى
طب ليه فجاة هيبقى ثورة شعبية
انا معترض ع الاساس نفسه

من طرف dr_khaled الإثنين يناير 24, 2011 1:31 am

معترض على أساس ايه ؟

من طرف sheref ashraf الإثنين يناير 24, 2011 1:33 am

انا نش عارف ليه كل ما اقول اننا سلميين و لو حصل تخريب يبقا مش تبعنا الناس بتتعمى عن كلامي،،،، سلمية سلمية سلمية سلمية حلو كداااا

من طرف Mostafa ElShirbeny الإثنين يناير 24, 2011 1:33 am

معترض على اساس اننا بنقلد تونس و خلاص
و ان مكانش ده هيحصل لو محصلتش ثورة تونس
زى ما يوسف القرضاوى طلع قال بوعزيزى شهيد
طلع كام واحد هوبا يلا نولع ف نفسنا

من طرف sheref ashraf الإثنين يناير 24, 2011 1:48 am

يعني لو مكنش تونس سبقتنا كنتوو عتنزلووو؟؟

من طرف Mostafa ElShirbeny الإثنين يناير 24, 2011 1:51 am

ممكن ليه لا
و دى وجهة نظر شخصية بردو
ده يتوقف على حاجات كتير بالنسبة لى
مش اى حد يقول اضراب او مظاهرة اقول هيييييييه و انزل معاه

من طرف Dr/Asmaa الإثنين يناير 24, 2011 2:09 am

يعني يا مصطفي هو المشكلة دلوقت ان احنا بنقلد تونس
ولو مكنتش تونس سبقتنا كنت هتنزل ليه لا ؟؟!!
وليه متعتبرش ان اللي حصل في تونس كان حافز مش اكتر لاحتجاج او ثورة سموه زي ما تسموه كان جاي جاي
واننا مش شرط ننفذ كل اللي حصل في تونس من تدمير وخراب وناخد اللي يفيدنا بس
ايه المشكلة لما الناس تقول مطالبها طالما ان المظاهرة سلمية
وليه معتبر ان كل اللي نازل بيقلد تونس وخلاص ونازلين يقولو هييييه مع اللي نازل ليه متقولش ان الناس ماصدقت تلاقي طريقة تقول فيها عن الفساد والقرف اللي احنا عايشين فيه او زي ما بيقول شريف انه كان مرتب لليوم ده من قبل تونس والناس فقط اتشجعت اكتر لما شافت اللي حصل في تونس

من طرف dr_khaled الإثنين يناير 24, 2011 6:55 am

مصر سنة 52 عملت ثورة وصلحت البلد
وبعدها قلدتها كل الدول العربية
دلوقتي مش شايف حاجة عيب يعني اننا حتى نقلد اي حد طالما صح

ماهو لو احنا عايشين في ترف والناس قالولنا هييييه ثورة محدش هيسمع الكلام

من طرف sheref ashraf الإثنين يناير 24, 2011 9:26 am

يا رب تقبل نيتنا الصالحة مهما كانت النتائج

حسان والبرادعي(يا قلب لا تحزن)

حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)

رد: حسان والبرادعي(يا قلب لا تحزن)