يا جماعه الرحه لدريم بارك بجد مش هزار

من طرف Ahmed Hisham الثلاثاء ديسمبر 30, 2008 3:03 pm

كل سنة وإنتو طيبين يا دكتره

أنا قصدت أعمل موضوع جديد عن الرحله
الرحله إن شاء الله أكيد بس إحنا لسه بنرتب فيها بس إن شاء الله أكيد يوم الأحد الجاي إحنا عيزين نتجمع مع بعض ونقضي يوم حلو وعيزين عدد حلو عشان نطلع وهنزل جدول الرحله بس مبدئيا الرحله لدريم بارك وهتكون يوم الأحد اللي عايز يحجز أو يستفسر يتصل بيا على 0100904512 وبرضو اللي عندو إقترحات ممكن يقلها أتمنا كلنا نطلع ونغير جو عشان أكيد كلنا إتخنقنا من جو الإمتحانات ده وربنا يسهل

سلامي

من طرف doctor1992 الثلاثاء ديسمبر 30, 2008 6:32 pm

يوووووووووووووه هو انتوا كل شويه تقولوا مكان اثبتوا ع مكان الاول انا زهقت وشكلى مش طالعه رحلات :affraid:

من طرف dr_khaled الثلاثاء ديسمبر 30, 2008 7:49 pm

يا أحمد احنا قلنا اسكندرية
وأجمعنا على اسكندرية
قررتوا انتو حاجة تانية و ماشيين فيها برده

سبحان الله

من طرف m7md sala7 الثلاثاء ديسمبر 30, 2008 10:44 pm

يا جماعه ده برنامج اليكس ... شوفوا الاول وبعدين نبقي نكلم ...
اول حاجه قبل اليكس بنص ساعه كده في حديقه حيوان مفتوحه اسمها افريكانو بارك ( زي الفيلم كده :) .. بعدها الغدا وهيبقي في ستانلي كل المطاعم اللي هنا هناك بردو...وبعدها بحري والغروب هناك وهم وفي كل حاجه ممكن تتخيلها هناك... وفي بعدها منطقه مكتبه الاسكندريه ... وهم جدا هنقعد هناك فيها هتعجبكم بردو ... بعدها نتمشي علي طول الكورنيش اللي هنحفظوا انشاء الله لغايه ما نوصل عند سانستيفنوا انشاء الله .. هنقعد هناك لحد ما نوهق خالص ... وبعدها هنطلع علي المكس هنقعد في حطه وهم قدام فنار الاسكندريه وهناك كمان في كافيه هيبقي كلو بتاعنا يومها انشاء الله ... وده كل حاجه كفايه اوي كده :) قولولي ايه رأيكم بقي :)

من طرف hero الثلاثاء ديسمبر 30, 2008 11:03 pm

كويس يا صلاح البرنامج ده

من طرف dr_khaled الأربعاء ديسمبر 31, 2008 12:43 am

tmam
انا معاكم يا رجالة
اكلم مين بقى؟
وادفع كام؟
:lol: :lol:

من طرف dado الأربعاء ديسمبر 31, 2008 12:47 am

كويس الرنامج بس الرحله ديه تبع الجامعه ولا اتحاد الطلبه ومين المشرفين

من طرف Amr Wahba الأربعاء ديسمبر 31, 2008 2:01 pm

كويس جدا ...............
انا موافق وهطلعها إن شاء الله:cheers:
عايزين التفاصيل ؟
الرحلة دي تبع اتحاد الطلبة ولا لأ؟
وبكام ؟:D
وانا هعمل لكم دعاية جامدة :afro: