مقتل 21 و اصابة 43 فى انفجار سيارة مفخخة بالاسكندرية

ربنا يستر ووالموضوع مايبقاش ليه بقيه واللي عامل كده يتحاسب

تصدق يأخى
لو مسلم اللى يعمل كدة
يبقى كلب وحيوان ومينتميش للإسلام بأى صلة

الله يرحم السادات لما كان حصل فتنة أيامة شوفوا كان عمل أية
الله يرحم قوة الشخصية الله يرحم كل مسلم عارف يعنى أية إسلام

وطبعا أكيد هدية بيستغلوا فيها ضعاف النفوس علشان يعملوها

وهم لو مسلين كانوا عملوا كده
يعنى مش عارفين قتل النفس البريئة والافساد فى الارض عقوبته ايه........
لاحول ولاقوة الا بالله

أنا ماكنتش ناوي أرد بس للأسف في كلام إستفزني أوي
السادات

السادات بعد مش الفتنة بقي بعد الإعتداء علي أقباط القاهرة من قبل الجماعة المحظورة و بعد التهديدات من الجماعة للكنائس و للريس شخصيا ً
قام السادات بإعتقال البابا شنودة وحدد مكان إقامته في الدير و قبض علي كبار قادات الكنيسة من أساقفة و أباء قساوسة و علمانين و إترموا في السجن و إتعذبوا
بس إظاهر إن التاريخ بيغير كل حاجة كالعادة بس المرة دي مش هايغير حاجة لأن أثار التعذيب لسه موجودة في أجسام الناس دول لحد دلوقتي

بالفعل انا عارف إن كان السادات والبابا شندودة كان على علاقة غير طيبة خالص
بس كل الفديوهات اللى أنا سمعتها أيام حادث الفتنة اللى حصل أيامة
كان إعتقل فيها أستاذة جامعات مسلمين ومسحين
وعزل البابا شندودة وولى خمسة قساوسة
لإن بالفعل كانت فتنة كبيرة
فلازم يبقى فية موقف حازم اللى هو المفروض يحصل دلوقتى
لإن كلنا مصريين مش شغلتى إنى جاى أقولك أمن واللا أية
اهم حاجة ان كل الديانات بتدعو للود والمحبة والتسامح

للأسف برضه كله سمع
كل الجماعة المحظورة أفرج عنهم بعد ما إتهدت الدنيا عليه و بعتلوا تهديد أننهم يموتوه هو و أهله و يعملوا إنقلاب علي الحكم

و لما خرجوا إتفقوا عليه و قتلوه برضه لأنهم إخوان

قام السادات بإعتقال البابا شنودة وحدد مكان إقامته في الدير و قبض علي
كبار قادات الكنيسة من أساقفة و أباء قساوسة و علمانين و إترموا في السجن و
إتعذبوا

تاريخيا الكلام ده صح بنسبة كبيرة يا جورج بس ده كان سياسة بدليل ان ده حصل لمسلمين بردو فى عهد عبد الناصر و السادات
دلوقتى احنا بنتكلم ان مش حاجة زى دى تحصل فى كنيسة دماغك تقول ده مسلم او تحصل فى مسجد دماغك تقول ده مسيحى و اصحاب المصلحة اللى عملوا ده اصلا ده هدفهم م الاول يولعوا الدنيا و مع كل حادثة شبيهه بينجحوا فى هدفهم اكتر للاسف
لازم الخطاب الدينى يكون عقلانى فى الطرفين عشان ميبقاش فيه احتقان عند البعض زى ما هو موجود دلوقتى و مش مجرد حادث بيحصل و يحيا الهلال مع الصليب و انتهينا و خلاص
المهم يكون الكل من جواه مؤمن بالوحدة بجد ساعتها الحاجات دى مش هتهزنا و لا تفرقنا
و الاسلام برىء من كل العالم المتخلفة اللى بتفكر بالشكل ده لان الدين ابعد ما يكون عن الهبل اللى ف دماغهم
و الموضوع ف حاجة زى كده مش اختلاف ديانة لان اى انسان عاقل لازم يرفض اللى حصل اما اللى يقبل بده و يشجع عليه يبقى حيوان مش انسان

geko_1990 كتب:للأسف برضه كله سمع
كل الجماعة المحظورة أفرج عنهم بعد ما إتهدت الدنيا عليه و بعتلوا تهديد أننهم يموتوه هو و أهله و يعملوا إنقلاب علي الحكم

و لما خرجوا إتفقوا عليه و قتلوه برضه لأنهم إخوان

أكيد فى ناس معندهاش اى تفكير فى اى حاجة
ممكن يعملوا اصعب من كدة
مش ضرورى يكون إخوان أو غيرة
بس فعلا الأغبية كتير
ربنا يعوض علينا كلنا

وعلى فكرة والله انا اعرف إخوان كتير طيبين جداااااااااااااااا