يعني ايه كوك زيرو ???

من طرف president2030 الجمعة ديسمبر 31, 2010 1:20 am

يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!

يعنى يعملوا مؤتمر سنوى لأنجازات الحزب الوطنى ......و الناس كلها عارفة ان مؤسسة رسالة هى اللى فاتحة بيت ناس كتييير قوى فى البلد!!!!

يعنى واحد محترم زى عمرو خالد قادر على التأثير فى الشباب ايجابيا ..نحاربه و نطرده برة مصر...... و نفرض حراسة مشددة لحماية منزل السفير الأسرائيلى!!!!!!

يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!

يعني نصدر الغاز لاسرائيل مدعم لعشرين سنه جايه ... واحنا مش لاقيين انبوبه واحده !!!!

يعني انك تمنع التدخين جوه القطر علشان تحافظ علي ارواح لناس .. ويروح القطر بكل اللي فيه حاضن قطر تاني !!!!

بعد كل ده...لسه فى أمل..مينفعش نستسلم
مهما حصل دائما تذكر...بسم الله الرحمن الرحيم
" و من يعمل من الصالحات و هو مؤمن فلا يخاف ظلما ولا هضما "...صدق الله العظيم

من طرف Mostafa ElShirbeny الجمعة ديسمبر 31, 2010 4:09 pm

يعنى يرفدوا رئيس قسم المفاعلات النووية النهاردة..و مفيش فى مصر مفاعلات اصلا غير انشاص اللى مقفول من سنين
بلد كوميدية بجد

من طرف نوره السبت يناير 01, 2011 1:27 pm

يعنى مصر عمرها ماهتتقدم طول مالكرسى مابيتغيرش...

من طرف Amal Anan الأحد يناير 02, 2011 10:44 am

طول ما في حياه في امل
ولازم يبقي في ظلام عشان نحس بقيمه النور
المشكله مين الي هيجييييييييب النور
لازم نتعود يبقي لينا شخصيه بتعمل الي عليها ووقتها ممكن ربنا يجيب النور علي ايدينا
لو مكنش باباك تعب وجاب شقه مكنش اتفرض عليه الضريبه
ولو مكنش عمرو خالد انسان ناجح مكنوش طردوه
الحل المؤقت ان نجاحنا يبقي اكبر من استبدادهم

من طرف dezner الأحد يناير 02, 2011 10:48 am

ماهو هتفضل كوك زيرو طول مافيش تغيييير فى البلد دى

وطول ما الضمير جوه نفوس البشر ضايع

طول مالفساد والرشوة فى كل مجال وكل مكان

من طرف Mostafa ElShirbeny الإثنين يناير 03, 2011 5:51 pm

للاسف الفساد و الرشوة احيان كتير بيبقى سببهم الفقر و قلة الحيلة
يعنى كله مسؤول عن الوضع اللى احنا فيه

من طرف بقايا إنسانه الإثنين يناير 03, 2011 7:09 pm

الكل مسئول بدءا مننا والى مالانهاية
ولازم كلنا نتغير
وبلاش نفضل نلعن في النظام وفي اللي فوق
وكل واحد يبدا بنفسه
وباذن الله الموضوع يتحسن
ان الله لا يغير مابقوم حتى يغيروا مابانفسهم
الاية بتقول قوم
مش بتقول اكابر القوم
ياريت تفهموا وجهة نظري

من طرف beating heart الإثنين يناير 03, 2011 7:36 pm

بقايا إنسانه كتب:الكل مسئول بدءا مننا والى مالانهاية
ولازم كلنا نتغير
وبلاش نفضل نلعن في النظام وفي اللي فوق
وكل واحد يبدا بنفسه
وباذن الله الموضوع يتحسن
ان الله لا يغير مابقوم حتى يغيروا مابانفسهم
الاية بتقول قوم
مش بتقول اكابر القوم
ياريت تفهموا وجهة نظري

تمام دى عجبانى أوى
بس لايمنع وجود إشراف برضة لازم يبقى المرشد
بس أصلا إذا كان الناس اللى بتتحكم
نفوس مش نضيفة
نظام الحكم هيعمل اية
فعلا مشكلتنا مشكلة نفوس ناس عاوز تعمل وناس عاوزة تاخرنا
بس عموما السلبية اللى حاطة لازم تتغير ودى هتبقى بداية من فوق

من طرف president2030 الأربعاء يناير 05, 2011 6:06 pm

Mostafa >>

الموضوع أسهل من إن احنا نقعد نتألم و نشكى من الوضع اللى احنا فيه
الموضوع أكبر من كده بكتيييير..الحكاية مش محتاجة بطل علشان تتحسن أحوالنا..لازم كلنا نتكاتف من أجل بلد افضل لنا اولا مش زى الحزب الوطنى ما بيقول ( علشان تتطمن على مستقبل أولادك )..

من طرف president2030 الأربعاء يناير 05, 2011 6:16 pm

[quote/]="نوره"يعنى مصر عمرها ماهتتقدم طول مالكرسى مابيتغيرش...[/quote]

أنا معاكى بس لو احنا حطينا ايدينا على خدينا و فضلنا نقول كده..صدقينى هيكون الوضع أسوأ من الآن..
الحل إن كل واحد يبدأ بنفسه...التغيير يبدأ بشخص واحد و صدقينى هيكون الشخص ده مركز الدائرة اللى هتزيد و من هنا هنكون أحسن..

شكرا على رأيك

من طرف president2030 الأربعاء يناير 05, 2011 6:27 pm

Amal Anan كتب:طول ما في حياه في امل
ولازم يبقي في ظلام عشان نحس بقيمه النور
المشكله مين الي هيجييييييييب النور
لازم نتعود يبقي لينا شخصيه بتعمل الي عليها ووقتها ممكن ربنا يجيب النور علي ايدينا
لو مكنش باباك تعب وجاب شقه مكنش اتفرض عليه الضريبه
ولو مكنش عمرو خالد انسان ناجح مكنوش طردوه
الحل المؤقت ان نجاحنا يبقي اكبر من استبدادهم

كلامك جميل و صح
اللى هيجيب النور كل واحد فينا... لو احنا مستنيين حد يحل لنا مشاكلنا فعمرها ما هتتحل...زى بالظبط مشكلة فلسطين و العرب عموما..احنا دايما مستنيين حد يحل لنا المشكلة بس احنا المشكلة و احنا الحل..
كل واحد يبدأ بنفسه و لازم نساعد بعض..أكيد لازم تكون فى غيره بس مش لازم تتحول لحقد..
مرة د/الخضرى كان بيسال فى محاضرة عن أهدافنا فى الحياة فقولت ليه نفسى يكون الحب موجود بين الناس و مش يكون فى كراهية أو حقد..نفسى الناس تحب بعضها بجد..و نفسى أكون رئيس الجمهورية فى يوم من الأيام..كانت الإجابة ان هو ضحك و قال إن ده صعب أو مستحيل...بس صدقينى أنا نفسى أعمل حاجة بجد و الحمد لله بدأت من زمان و مش عندى استعداد ان انا استسلم أبدا إن شاء الله..

شكرا لرأيك

من طرف president2030 الأربعاء يناير 05, 2011 6:37 pm

dezner كتب:ماهو هتفضل كوك زيرو طول مافيش تغيييير فى البلد دى

وطول ما الضمير جوه نفوس البشر ضايع

طول مالفساد والرشوة فى كل مجال وكل مكان

كلام كويس بس لو عرفنا المشكلة هنعرف الحل إن شاء الله..أكيد الرشوة و الفساد و الحاجات اللى احنا بنختبرها كل يوم ليها أسباب و كمان أكيد ليها حلول..
زى ما انت قولت..المشكلة إن الضمير غايب..
الحل : إن تنصروا الله ينصركم..عن طريق إعادة إحياء دين الله فى قلوبنا و قى أنفسنا و لا أبالغ بقولى إعاده إحياء لأن فى ناس كتيييييييييير جدا مش بتروح الجامع إلا يوم الجمعة و يمكن كمان ماتروحش..
" الصلاة عماد الدين " أكيد لما الرسول (صلى الله عليه وسلم) قال كده كان مؤمن بإن الصلاة فعلا هى عماد الدين و أصل التقدم..أبسط حاجة: قولى كام واحد صلى العشاء فى المسجد من المسلمين يوم ماتش الأهلى و الزمالك ؟؟
أقولك : أعداد ضئيلة جدا ممكن تعدهم على أصابعك..
فى مسئوليات و حاجات أهم من ان احنا نضيع وقتنا فى حاجات تافهة..
عموما موضوع إن احنا نتغير مش سهل بس مش مستحيل و زى ما قولت لازم يبدأ من كل واحد فينا...الموضوع يحتاج إلى كلام كتيير جدا بس المبدأ الأساسى إن كل واحد يقرب من ربنا اكتر..

و شكرا لرأيك

من طرف president2030 الأربعاء يناير 05, 2011 6:46 pm

بقايا إنسانه كتب:الكل مسئول بدءا مننا والى مالانهاية
ولازم كلنا نتغير
وبلاش نفضل نلعن في النظام وفي اللي فوق
وكل واحد يبدا بنفسه
وباذن الله الموضوع يتحسن
ان الله لا يغير مابقوم حتى يغيروا مابانفسهم
الاية بتقول قوم
مش بتقول اكابر القوم
ياريت تفهموا وجهة نظري

أكيد كلامك صح و أنا متفق مع كلامك و زى ما قولتى الموضوع لازم يبدأ من داخل كل واحد........
علينا جميعا أن نعرف أن الطريق لحياة او لبلد افضل لن تكون مفروشة بالورود فلابد أن كل واحد يعرف امكانياته الأول..
عن نفسى أن عرفت نفسى كويس جدا الحمد لله و بدأت الطريق و الأيام دى بكمل كتابى الأول اللى بيتكلم إزاى نكون أحسن علشان بجد عايز كل واحد يكون احسن و ربنا يكون راضى عننا..

زى ما قولت الموضوع محتاج حاجات كتيير و كلام مفيد بجد..بس لازم يوصل صوت و صورة لكل واحد علشان يكون التاثير أكبر و أشمل..يعنى هنحاول إن شاء الله نجتمع مع بعض و نتكلم و كل واحد يوصل أفكاره للآخر..

شكرا على رأيك

يعني ايه كوك زيرو ???

يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???

رد: يعني ايه كوك زيرو ???