رســـــالة إلى شعــب مصر الحبيب

يا شعبى حبيبى يا روحى يا بيبى يا حاطك فى جيبى يابن الحلال
يا شعبى يا شاطر يا جابر خواطر يا ساكن مقابر و صابر و عال
يا واكل سمومك يا بايع هدومك يا شايل همومك و شايل جبال
يا شعبى يا نايم و سارح و هايم و فى الفقر عايم و حاله دا حال
أحبك محشش مفرفش مطنش و دايخ مدروخ و أخر انسطال
أحبك مكبر دماغك مخدر ممشى أمورك كدا باتكال
و أحب اللى ينصب و أحب اللى يكدب و أحب اللى ينهب و يسرق تلال
و أحب اللى شايف و عارف و خايف و بالع لسانه و كاتم ماقال
و أحب اللى قافل عيونه المغفل و أحب البهايم و أحب البغال
وة أحب اللى راضى و أحب اللى فاضى و أحبل اللى عايز يربى العيال
و أحب اللى يائس و أحب اللى بائس و أحب اللى محبط و شايف محال
و أحبك تسافر و تبعد تهاجر و تبعت فلوسك دولار أو ريال
و أحبك تطبل تهلل تهبل عشان مطش كورة و فيلم و مقال
و أحبك تأيد تعضض تمجد توافق تنافق و تلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلى مخك و تفتح جدال
و تبدأ تشاكل و تعمل مشاكل و تنكش مسائل و تسأل سؤال
و عايز تنور و عايز تطور و تعملى روحك مفرد رجال
ساعتها هجيبك لا يمكن هسيبك و راح تبقى عبرة و تصبح مثال
هبهدل جنابك و أذل اللى جابك و هيكون عذابك دا فوق الاحتمال :lol:
و أمرمط سعادتك و أهزق سيادتك و أخلى كرامتك فى حالة هزال
و تلبس قضية و تصبح رزية و باقى حياتك تعيش فى انعزال
هتقبل ححبك حترفض حلبك هتطلع هتنزل هجيبلك جمال

حلوه اوي الف شكر
لو معاكي موبايل الريس ابعتيهاله في رسالة

جميلة اوى

جامدة
بس متقوليش لحد اصل احنا عملين مش واخدين بالنا

NAPEEH كتب:حلوه اوي الف شكر
لو معاكي موبايل الريس ابعتيهاله في رسالة

ماهو للأسف قافل موبايله من امبارح بالليل .. وانا قلقانة عليه موووووت :D :D

cool.bannota كتب:

NAPEEH كتب:حلوه اوي الف شكر
لو معاكي موبايل الريس ابعتيهاله في رسالة

ماهو للأسف قافل موبايله من امبارح بالليل .. وانا قلقانة عليه موووووت :D :D

طيب لو كده ننزل نعدي عليه اهو نطمن عليه برضه لان انا كنت حاسس انه شايل من سوزي امبارح
ولو رد عليكي قوليله متنساش ال10.5 جنيه اللي عليك لاحمد

dr.seif كتب:جامدة
بس متقوليش لحد اصل احنا عملين مش واخدين بالنا

إحنا فعلا فاهمين وعارفين بس عاملين نفسنا مش واخدين بالنا عشان نعيش ونكمل بس تلات ارباع شعب مصر بيعمل كده فعلا بيغمض واللي بيحاول يفتح بيشوف اللي عمر ماشافه (مش بيقدر يغمض عنيه )

بس كوووووووووووووووول خالص وهتعدي انا متأكدة والله

وأخيـــــــــرا فتح موبايله ( لما عرف انه هنزوره ) أصله راجل محافظ مش بيحب الزيارات
ع العموم هوا بيقوللك إنه هيحاول يقسط المبلغ على 10 شهور كده ولا حاجة بس بيستأذنك يبقى من غير ارباح او فوايد لاحسن الحالة مأزمة معاه .. وغنت عارف بقى فلوسه كلها في بنوك بره ... بس طلب مني اتوسطله عندك في النص جنيه معلش تسامحه فيه ؟؟؟؟؟ ( ده وراه سبعيييين مليون )

فعلا ابسط حاجه ان سعر (البنزيم ) رخص للربع في العالم كله الا مصر ومحدش بينطق ولا حد هينطق لان ببساطة اللي بيكلم بياخد بالجزمه على دماغه
مش عارف ليه يمكن علشان النت فصل في مصر كلها ف ملحقوش يقولولنا ؟؟؟؟؟؟؟؟
حد يعرفني

cool.bannota كتب:وأخيـــــــــرا فتح موبايله ( لما عرف انه هنزوره ) أصله راجل محافظ مش بيحب الزيارات
ع العموم هوا بيقوللك إنه هيحاول يقسط المبلغ على 10 شهور كده ولا حاجة بس بيستأذنك يبقى من غير ارباح او فوايد لاحسن الحالة مأزمة معاه .. وغنت عارف بقى فلوسه كلها في بنوك بره ... بس طلب مني اتوسطله عندك في النص جنيه معلش تسامحه فيه ؟؟؟؟؟ ( ده وراه سبعيييين مليون )

سبعين مليون هو مديون ليهم كلهم بعشره جنيه برضه !!!!!!!!!!
وعالعموم قوليله ان انا مسامحه في النص جنيييه
بس همضيه على شيك بالعشره جنيه الباقيييييين
وقوليله انه لو حاول يهرب هبهدله معايا

مش عارف ليه حاسس ان بابا وماما هييجوا يزوروني كل يوم جمعه في سجن المنصوره بعدالكلام اللي انا قلته ده :afro: :afro: :afro: :afro:

ههههههههههههههه ... بص بلاش تلبيخ .. كفاية كده وإلا هشرف معاك في سجن المنصورة ... أنا هاقوم بقى أوصيلك على العيش والحلاوة

الله يخليكي بس والنبي لو جبتي حلاوه خليها الرشيدي

حلوة اوى بس باين عليكى بتحبى مصر اوى

hero كتب:حلوة اوى بس باين عليكى بتحبى مصر اوى

والله بحبها أوي وبموووووت فيها بس مش بحب اللي بيحصلها أكيد .. بس والله بعشقها

وعلى راي شيرين ( مشربتش من نيلها .. طب مدفعتش فواتيرها ؟؟ )

NAPEEH كتب:الله يخليكي بس والنبي لو جبتي حلاوه خليها الرشيدي

ممممممممم طيب عايزها سادة ولا بالمكسرات
ولو بالمكسرات تبقى بالفستق ولا عادي بكله
ولو بالفستق يبقى بقشره ولا من غير
ولو من غير يبقى مطحون ولا عادي
ولو مطحون يبقى كبير ولا صغير
ولو صغير ...................أقوللك بلاها أحسن :D

أنا بعتذر لــalex
لأن الموضوع ده هوا كان منزله في المنتدى من فترة يعني منزله قبلي بس والله أنا مخدتش بالي خااالص

لا لا لا لا لا
انا كده ممكن اقضيها جبنه مش ارحم

cool.bannota كتب:أنا بعتذر لــalex
لأن الموضوع ده هوا كان منزله في المنتدى من فترة يعني منزله قبلي بس والله أنا مخدتش بالي خااالص

ولا يهمك اهو التكرار يعلم الشطار

على الفواتير بندفع كتير تحبى اعدلك

NAPEEH كتب:لا لا لا لا لا
انا كده ممكن اقضيها جبنه مش ارحم

يعني انا عملت الحوار ده كله عشان اخلص من عزومة الحلاوة تطلعي إنت في الجبنة ؟؟؟؟ لا الحلاوة أرحم :evil:

طيب كفاية كدة احسن نصحى الصبح منلقيش الموضوع دة ولا نلاقى نبية كمان ولا كول

you are right

بس أمانة ساعتها تبقى تسأل علينا ... مع إني متأكدة ساعتها هتقول ولا أعرفهم وهتخلع انت منها

لا يا جماعة احنا اتفقنا قبل كده ان احنا رجالة وهنستحمل
بس هو يرفع ايده بس وانا هقول عليكو عالطووووووووول :lol: :lol: :lol:

هي دي برضه الجدعنه انتوا هتبيعونا في اول سجن