اسمها ؟؟ اسمها ايه ؟!! مش فاكر !!

اسمها ؟؟ اسمها ايه ؟!! مش فاكر !!

مصري : يا عم ده كان على طرف لسانى دلوقتى...طب استنى كده لما أفتكر أنا كنت عايز أقول ايه ؟؟
مصري : مممممممم
مصري : اه..هى اسمها مصرى ولا وطنى ؟
وطني : تقصد ايه ؟
مصري : أقصد الإنتخابات اللى فاتت بتاعت مجلس الشعب دى كانت لكل مصر و لا الحزب الوطنى بس ؟
وطني : لأ طبعا لمصر كلها..
مصري : انت متأكد ؟؟
وطني : طبعا ياعم..دى مصر كلها راحت تنتخب..ليه هو حصل حاجة ضايقتك ؟؟
مصري : دول حاجاااااااات كتيييييير جدا ياعم..
وطني : طيب احكى و أنا يمكن أساعدك.
مصري : ماشى..تقدر تقولى ليه الحزب الوطنى اختار اتنين مرشحين فئات و كمان اتنين عمال..ولا هو العدد فى اللمون قصدى فى المرشحين..
وطني : عادى يعنى..انتم مش عايزين تغيير..اهه مش حارمينكم من أى حاجة..
مصري : !! طب تقدر تقولى ايه الشعار السخيف اللى هما اختاروه ده ؟
وطني : شعار ايه يا عم ؟؟
مصري : اللى هو اختار الحزب الوطنى علشان تطمن على مستقبل ولادك..معناه ايه ده ؟ هو احنا عارفين نطمن على الحاضر بتاعنا لمّا هنطمّن على مستقبل ولادنا و بعدين يا سيدى المستقبل مجهول و فى علم الغيب...صح ؟
وطني : يا عم متكبرش الموضوع قوى كده..احنا هنخلى كل حاجة تمام ان شاء الله..متقلقش...الناس هتكلم نفسها من كتر ماهم فاضيين..فى أى حاجة تانية ؟
مصري : ماشى..هعديهالك..طب المفروض باب الترشيح يفضل مفتوح لحد الساعة 7 ..ده المفروض..ايه رأيك ان انا رحت الساعة 3 قالولى اللجنة اتقفلت ؟؟
وطني : قالولك ؟ هما مين دول ؟
مصري : الأمن اللى هناك..كانت البوابة مقفولة مع إن كان فى ناس كتير جوه..
وطني : ياراااجل ؟ بجد ؟
مصري : هأكدب عليك يعنى..بجد و الله..
وطني : معلش..الناس زهقت بقى من الحر و الزحمة و كده يعنى..متكبرش الموضوع أوى كده..دى لجنة ولا اتنين مش هيأثروا يعنى..خليك ديموقراطى..
مصري : انت بتهزر بقى..ماشى ماشى..طيب ليه المواصلات كانت نادرة جدا قبل الانتخابات بيوم و كمان فى يوم الانتخابات..و احنا نتبهدل و نروح بيوتنا الساعة 11 بالليل..لأ و ايه ؟؟ أصحاب التاكسيات كانوا فى منتهى الطمع و كانوا بيطلبوا أكتر من الأجرة العادية بمرتين و تلت مرات كمان...طب ليه كل ده يحصل ؟
وطني : شوف برده..يا عم متبقاش رجعى...خليك مودرن..ياعم لازم يشارك فى تقرير مصيره أما بالنسبة للتاكسيات فــ سيب الناس تاكل عيش دى فرصة ياعم..خليك ستايل متبقاش قافل كده..
مصري : !! و دى الديموقراطية بتاعتكوا يعنى...ماشى يا عم..يوم الفرز كانت الكارثة..المرشح اللى جايب 300 صوت فجأة بقى ليه 28.000 صوت دول ساعات بيكونوا أكتر من الأصوات اللى انتخبت أصلا ؟؟
وطني : برده مفيش فايدة...يا عم دى البركة بتاعت الإنتخابات..
مصري : بص أنا اتخنقت منك و من كل اللى انت قلته ده..
وطني : طب تحب نعمل ايه ؟
مصري : ايه رأيك نسأل الناس و نشوف رأيهم..
وطني : موافق...

الرجاء من كل الأعضاء الموقرين أن يخبرونا برأيهم
" هي مصري ولا وطني "
أرجو أن ينال الموضوع إعجابكم

By/ President 2030

مصري : !! و دى الديموقراطية بتاعتكوا يعنى...ماشى يا عم..يوم الفرز كانت الكارثة..المرشح اللى جايب 300 صوت فجأة بقى ليه 28.000 صوت دول ساعات بيكونوا أكتر من الأصوات اللى انتخبت أصلا ؟؟
وطني : برده مفيش فايدة...يا عم دى البركة بتاعت الإنتخابات..

هههههههههههههههههههههههههههههههههههههه
هي وطني على الاخر
على الاخر
موضوع جميل بجد
تسلم ايدك

ياعمى
انا قرأت فى احد الصحف ان مرشح اخد صفر فى
عدد الاصوات زى صفر المونديال
واللى كتب الموضوع قال ان تقريبا المرشح ده
مصوتش لنفسه وصوت لبتاع الوطنى لانه شاف انه احق منه
شوفت الديموقراطيه بقى عمرك ماتلاقيها فى اى بلد فى العالم الا فى دوله الوطنيين
ده غير بركه الانتخابات اللى قولت عليها
ربنا يخلى احمد عز باشا

مهو انتى مش واخده بالك ياسماح
هو هايرصف الطريق بالكام مليون والطريق مرصوف طيب ده فل قوى الحساب فى البنك هيزيد
والموقف برده مش واخده بالك هايلغى القديم ويعمل واحد جديد فين بقى؟؟؟؟
لما تلافى مكان اصبح يمتلك فيه اراضى يبقى هو ده
وطبعا بعد الموقف السعر هايزيد وكله فى صالح الحساب
ده غير بقى الحاجات التانيه
يعنى من الاخر الاستاذ مرشح عن نفسه فقط (نفسى ثم نفسى ثم نفسى)
ومش مشكله الشعب اهو بيستحمل جات على دى

للاسف ده الحال فى بلدنا الوقتى ياسماح الا مارحم ربى
كله عاوز مصلحه نفسه بس حتى لو على حساب الناس
ادخل المجلس واكون تبع حزب الريس علشان نفوزى يزيد واحقق كل مصالحى
والبروجرام ده ما اظنش هايتححق حاجه فيه اصلا اصل المده خمس سنين ومش هايكفوا

يعنى لما الحزب يححق 419 من 508 ( ساب 89 بصراحه كتير)
اكيد الحزب معيشنا فى نعيم مقيم علشان كده احنا اخترناه و 89 زوروا ودخلوا المجلس غلطه

حسبنا الله ونعم الوكيل