رد: النتيجه

من طرف Dr/Asmaa الأحد سبتمبر 19, 2010 8:12 pm

ربنا يجعلك من المتفائلين يا شريف

من طرف Ahmed Nabeeh الأحد سبتمبر 19, 2010 10:40 pm

ههههههههههههههه
والله حاسس
وحاسس انكوا كنتوا بتضحكوا عليا في السكشن انهردة
هههههههههههههههههه
ربنا يسامحك
هيهيهيهيهيهي

من طرف tobeadentist الإثنين سبتمبر 20, 2010 9:13 am

طيب لو هتبان النهاردة هتبان امتى وهتظهر على النت ولا فى الكلية

من طرف Dr/3sam الإثنين سبتمبر 20, 2010 9:22 am

بيقولوا أنها آخر الأسبوع
و يرجعوا يقولوا أول الشهر
وناسيين أن الناس دي عندها سكاشن مهياش كلية نظرية ذي حقوق ولا آداب
حد يقولي الناس دي بتفكر إزاي?
تيييييييييييييت كبيرة

من طرف eldeeb الإثنين سبتمبر 20, 2010 2:28 pm

انا وصلي خبرين واحد بيقول يوم الثلاثاء دا و التاني بيقول الإسبوع الجاي
الله اعلم بقى بس ربنا يستر

من طرف Dr/Asmaa الإثنين سبتمبر 20, 2010 3:33 pm

يا جماعه هي هتبان فجاة كده علي راي مني زكي عايزين يعملولنا فجاة
الشئون النهارده بيقولو 29 وانا معنتش رايحه ولا سالاهم انشالله تطلع علي امتحانات اخر السنة
ناس ماشية بالبركه

نبيه : انا فعلا مخنوقة م السكشن بس مكناش بنضحك عليك
سوال يطرح نفسه :هي الشهامه جرالها ايه ؟؟قاعدين كلكو مرصوصين والبنات اللي واقفه والمهم انكو سمعتونا واحنا بنتكلم وبرضه محدش قام ذي ما يكون بتسمعو وتطنشو
عجبت لك يا زمن

من طرف sheref ashraf الإثنين سبتمبر 20, 2010 3:53 pm

الشؤون مرة يقولو يو مالخميس و مرة يقولو النهارده اخر النهار او بكرة الصبح و مرة يقولو اخر الشهر ..... والله اعلم
مين دايقكو يا اسماء وانا اضربوهولكو ديدة

من طرف Mostafa ElShirbeny الإثنين سبتمبر 20, 2010 4:37 pm

كل شئ له نهايه والأيام بتعدى هوا المهم ربنا يوفقنا للخير وخلاص

من طرف Mostafa ElShirbeny الإثنين سبتمبر 20, 2010 4:38 pm

كل شئ له نهايه والأيام بتعدى هوا المهم ربنا يوفقنا للخير وخلاص

من طرف tobeadentist الثلاثاء سبتمبر 21, 2010 12:02 pm

لو سمحتوا ايه اخر كلام عن النتيجة

من طرف Den.Esraa الثلاثاء سبتمبر 21, 2010 1:03 pm

Dr/Asmaa كتب:
نبيه : انا فعلا مخنوقة م السكشن بس مكناش بنضحك عليك
دا صح فعلا
سوال يطرح نفسه :هي الشهامه جرالها ايه ؟؟قاعدين كلكو مرصوصين والبنات اللي واقفه والمهم انكو سمعتونا واحنا بنتكلم وبرضه محدش قام ذي ما يكون بتسمعو وتطنشو

احبك وانتي جريئه يا سمسمه
:smile2*:

وال الواحد بيستغرب ع الناس اللي في المواصلات "اللي ملناش علاقه بيهم اصلا"
لما شاب ربنا عاطيله صحه
يبقا قاعد والبنت واقفه
فمابلك بقا بزمايلنا الدكاااااترة اللي في السيكشن..!!
بعد كدا
معنتش هستغرب من اي حاااااااااااااااااااااااااااااااجه :angrrry2*:

من طرف Busicat الثلاثاء سبتمبر 21, 2010 2:34 pm

النتيجة بانت يا جماعة فى الكنترول خلاص

يعنى هتنزل خلاص فى الكلية
ومتقلقوش يا جماعة خير
ان شاء الله

من طرف M.Taha الثلاثاء سبتمبر 21, 2010 5:33 pm

صحيح بانت فى الكنترول
وكل ما اسأل حد جابها يقول انه نجح
عقابلكم ان شاء الله

من طرف tobeadentist الثلاثاء سبتمبر 21, 2010 8:12 pm

ماحدش يعرف هتبان على النت امتى وهى اتعلقت فى الكلية ولالأ؟

من طرف vergenia الثلاثاء سبتمبر 21, 2010 8:38 pm

الراجل قالى هتبان على يوم 29 رسمى بس انا سمعت انها بانت فى الكنترول النهارده
ودكتور يونا قالتلى ان 3 فسيولوجى و4 ماتريال و1 اناتومى هما اللى قعدوا فى المواد دى بس لسه معرفتش حاجه والله ربنا يسهل بكره كده نحاول نعرفها بس قالت لسه شويه على ام تتعلق

من طرف tobeadentist الثلاثاء سبتمبر 21, 2010 9:02 pm

شكرا ليكى يارب استر ياريت تبان بكرة ع النت ولا حاجة عشان ترتاح من القلق ياريت تبقى تطمنينى بكرة وتبقى مشكورة

من طرف vergenia الثلاثاء سبتمبر 21, 2010 11:36 pm

ماشى ن شاء الله

من طرف sheref ashraf الثلاثاء سبتمبر 21, 2010 11:40 pm

يا رب استر يا رب انا قلقت اكتر هههههههههه
بس ميرسي على التصريحات الجامدة دي يا فرجنيا انا هنشرها على الفيس بوك

من طرف vergenia الثلاثاء سبتمبر 21, 2010 11:51 pm

ايه هو انا قلت حاجه غلط ولا ايه
اعتقد ان اى حد بسالها بتقوله كده عادى يعنى
وانا والله ما جبت نتجتى علشان محدش يفتكر حاجه

من طرف sheref ashraf الأربعاء سبتمبر 22, 2010 12:17 am

لا اصل اول حد يسالها عن العدد انتي ف دا خبر جديد فعلا ربنا يستر يا رب

من طرف Dr/3sam الأربعاء سبتمبر 22, 2010 4:00 pm

آخر الأخبار:
انتقلت نتائج جميع الفرق من غرفة الكنترول لتكون بحوزه العميد في انتظار توقيعه
وهذا ومن المنتظر أن تظهر النتيجة بشكل رسمي في غضون الثلاثة أيام القادمة مع العلم أن كل من استطاع أن يقتنص نتيجته نجح وشبع نجاح

من طرف Ahmed Nabeeh الأربعاء سبتمبر 22, 2010 4:31 pm

اه بانت ولسه جايب النتيجة دلوقتي من الكنترول
وعلى فكرة دكتور يسري بيجيبها لاي حد
.............

من طرف Den.Esraa الأربعاء سبتمبر 22, 2010 4:41 pm

يعني نقول مبروك ياد\احمد؟
يارب خير لكل زمايلنا ياااااااااااااااااارب

من طرف Ahmed Nabeeh الأربعاء سبتمبر 22, 2010 4:55 pm

الحمد لله الله يبارك فيكي يا دكتورة اسراء
بس كل اللي دكتور يسري قالهولي أني نجحت لاني اتصلت بيه عالبيت وكان نايم
وقالي اروحله الصبح علشان أعرف التقدير بس خير ان شاء الله

من طرف doctor1992 الأربعاء سبتمبر 22, 2010 4:57 pm

اه فعلا بانت وناس كتير جابتها النهارده اصحابى جابوها من دكتور صلاح حجازى والحمدلله كل اللى سمعته لحد دلوقت ناجح الف مبروووووووووووووك ياجماعه لكل اللى نجح وعقبال يارب الباقى كله يكون ناجح ان شاء الله بس اللى معرفش ميقلقش النتايج كلها بصفه عامه حلوه الحمدلله

من طرف Dr/3sam الأربعاء سبتمبر 22, 2010 5:09 pm

مبروك ياعم نبيه
ألف وستوميت مبروك
ألف ألف مبروك
أي حد يقع مع الدكتور يسري الراجل الأمير الطيب لازم ينجح
وربنا يطمن كل الناس
أعداد صغيره جدا هي اللي قعدت تقريبا 7 أو 6