(( سياج )) ------- خاطرة

من طرف dr_khaled الأربعاء أغسطس 25, 2010 12:50 am

لا أدري أين تاه مني الشِعر
أين تساقطت الكلمات والحروف ؟ أين فقدتُ أخيلتي وبلاغاتي !
أين أضعتهم جميعًا ؟!
وتراني أمامكِ أتلعثمُ حينا وأصمت حينا آخرا
أعلنتُ تفضيل الصمت .
وأنتِ ترمقينني وتعلمين حالي .. وتشفقين لأجله وتساعدينني ..

فحالُ العشقِ لا يخفى
العشاق تفضحهم العيون
يفضحهم الصمتُ اللعين
ذلك الصمت الذي يعتريني حين أطرق مفكرًا فيكِ .. في جمالك
..في دلالك .. في جوابك .. في سؤالك .. في مجيئك
.. في رحيلك .. وفي خجلك .. في تهورك .. في
حالك .. كلامك .. في أنوثتِك .. في عالمك الوردي ..
وفي عينيك ..وشعركِ المسدل ..
في اهتماماتِك .. وفي حبك
حبك الغريزي الذي يعطي ... حتى لو لم يأخذ ..
حبكِ الذي افتقد زماننا لمعناه .. أيتها الوردة البكر الصبوح ..

أفكر في ذلك العالمُ الناعمُ الذي أخشى أن أخدشه برجولتي القاسية
.. أخشى أن أكسر فيه دون قصدٍ ما أريد بناءه .. أخشى
أن أكون أنانيا .. فأزين بكِ بيتا بنيته لنا .. وأهدم حريتكِ
وانطلاقك .. وعبثك .. وطفولتك ..

أطالع الكوكب الذي تسكنينه .. كيف تزينينه ..

وأبقى ساكنا .. وكلام العيون أفصح
أبقى في ذلك البحر المغرم بكل ما فيك .. فلا أنتبه إلا لكِ
توقظينني .. "صباح الخير" .

صباحُ الوردِ جميلتي ولكنْ .. كلامُ العيون أبلغ
وبالنسبةِ لكِ ... كلامُ العيونِ أحق أن يقال ..
خوفا على مسامعكِ الرقيقة ..

أتيقظُ وأنظر حولنا .. وحولكِ ..
كيف أن عالمك هذا البرئ يحيطه السياج من كل زاوية ..
سياج يصعب على مثلي تخطيه ..
وضعوه ليحموكِ .. ليحموكِ مني .. ومن أمثالي من مريدي
الجمال ..
وأنا أعذرهم ..
فمن يملكُ الماس .. لابد أن يملك له خزائنًا ..

وضعوا السياج ليحرموكِ عليّ .. وعلى مثلي ..
ولم يراعوا أن يهدموا حلمي أو حلمك ..

أنظر لذلك السياج المحيط .. ثم أنظرُ لكِ .. وأتطلع إليكِ في
حزنٍ .. فتشفقين لحالي .. وتتدلى من عينيك دمعةٌ رقراقة
.. رقيقة مثلكِ تماما .. تحملُ منكِ عصارة الوفاء ..
عصارة العشق العنيد ..

أنتفضُ لبكائكِ ..
يهزني بكاؤك ..
وأقتربُ أزيل دمعكِ بيدي ..
فإذا جميلتي ..

...
...
...

يمنعني السياج .

من طرف esraamohsen57 الأربعاء أغسطس 25, 2010 12:50 pm

اية الجمال دا ياعم
بجد روعة
الشعر بتاعك جميل خالص

من طرف dr_khaled الأربعاء أغسطس 25, 2010 1:50 pm

esraamohsen57 كتب: اية الجمال دا ياعم
بجد روعة
الشعر بتاعك جميل خالص

:D
ميرسي يا إسراء
ده من زوقك
انا مبسوط ان الخاطرة عجبتك

من طرف roma الخميس أغسطس 26, 2010 12:54 pm

وتتدلى من عينيك دمعةٌ رقراقة
.. رقيقة مثلكِ تماما .. تحملُ منكِ عصارة الوفاء ..
عصارة العشق العنيد ..

أنتفضُ لبكائكِ ..
يهزني بكاؤك ..
وأقتربُ أزيل دمعكِ بيدي ..
فإذا جميلتي ..

...
...
...

يمنعني السياج .

جميله ياخالد
خاطرة رقيقه رومانسيه حزينه
عجبتنى جدا كلامهامعبر ومحسوسه
تسلم يادوك

من طرف dr_khaled الخميس أغسطس 26, 2010 1:02 pm

roma كتب: وتتدلى من عينيك دمعةٌ رقراقة
.. رقيقة مثلكِ تماما .. تحملُ منكِ عصارة الوفاء ..
عصارة العشق العنيد ..

أنتفضُ لبكائكِ ..
يهزني بكاؤك ..
وأقتربُ أزيل دمعكِ بيدي ..
فإذا جميلتي ..

...
...
...

يمنعني السياج .

جميله ياخالد
خاطرة رقيقه رومانسيه حزينه
عجبتنى جدا كلامهامعبر ومحسوسه
تسلم يادوك

ميرسي يا سماح
بس بلاش دوك دي الله يكرمك

من طرف roma الخميس أغسطس 26, 2010 1:13 pm

ههههههههههههههه
شفت بقي دوك وحضرتك والكلام الرسمى ده بيضايق ازاى
اوكى ياسيدى حاضر من غير دوك
ماشي
بس اياك القيك بتقول حاجه من التلاته الى بيضيقونى

من طرف dr_khaled الخميس أغسطس 26, 2010 1:19 pm

ماشي يا جميل
:P

من طرف roma الخميس أغسطس 26, 2010 1:27 pm

يالهووووووووووى تانى
عارف انت هتخلينى اروح اقعد اقول جميل جميل جميل عشرين مرة
عشان مضايقش كده

متقولهاش تانى يادوك يادوك يادوك يادوك
:p:P

من طرف dr_khaled الخميس أغسطس 26, 2010 1:39 pm

خلاص خلاص
أصل بصراحة غلط انك تقولي ال 3 كلمات اللي بيضايقوكي
كده اي حد يعرف يضايقك
انتي اتسرعتي
:D

من طرف roma الخميس أغسطس 26, 2010 1:50 pm

هههههههههههههههههه
اه صح
بس انامكنتش متخيله انك عاوز تضايقنى ياخالد
طب مش تقول ياعم كنت اوجب معاك

متقلهاش تانى يادوك يادوك يادوك
الاقلي هو انت ايه الى بيضايقك ومش هقول لحد :D

من طرف dr_khaled الخميس أغسطس 26, 2010 1:56 pm

لا والله مش عاوز اضايقك
عيب عليكي .. أنا بس بهزر :D

بتضايق لما يكون حد صاحبي أو زميلي ويقولي يا دكتور

من طرف roma الخميس أغسطس 26, 2010 2:01 pm

طيب حلو كده
طب يادكتور
يادكتور
يادكتور
يادكتور
اناهخلى المنتدى كله يقولك يادكتور
الدكتور راح الدكتور جه
هههههههههههههههههه

من طرف dr_khaled الخميس أغسطس 26, 2010 2:04 pm

طب انا معدتش هقولك اي حاجة م اللي بتضايقك
ده وعد

:D

من طرف roma الخميس أغسطس 26, 2010 2:07 pm

ههههههههههههههههههههههه
وانا خلاص معتش هقولك يادكتور تانى
promis

من طرف loka الجمعة أغسطس 27, 2010 9:50 am

جميلة اوي اوي ياخالد
كالعادة طبعااااا
ويارب دايما للامام

من طرف dr_khaled الجمعة أغسطس 27, 2010 1:04 pm

loka كتب:جميلة اوي اوي ياخالد
كالعادة طبعااااا
ويارب دايما للامام

ميرسي يا لوكا

ربنا يخليكي

من طرف Dr/Asmaa الثلاثاء أغسطس 31, 2010 7:56 pm

رقيقة جدااااااا يا خالد
خليك في الخواطر احسن :D

من طرف dr_khaled الثلاثاء أغسطس 31, 2010 9:43 pm

احم
قصدك يعني اني مبعرفش اكتب شعر :D

قشطة
بس الخواطر بتوصف اي حاجة من غير قيود
الشعر متقيد

من طرف Dr/Asmaa الثلاثاء أغسطس 31, 2010 11:33 pm

لا وحياة دي النعمة ما قصدت كده :D

بس الخاطرتين اللي كتبتهم كانتا رائعتين
والشعر طبعا حلو بس احيانا من تقيد الشعر اللي انت بتقول عليه في قصايد بتيجي منك اوت

من طرف dr_khaled الأربعاء سبتمبر 01, 2010 1:15 am

لو قلتيلي القصايد بتاعتي الأوت هكون شاكر جدا
:D

من طرف heba الخميس سبتمبر 02, 2010 7:27 pm

حلوة قوى ما شاء الله
تسلم ايدك

من طرف dr_khaled الجمعة سبتمبر 03, 2010 6:06 pm

heba كتب:حلوة قوى ما شاء الله
تسلم ايدك

ميرسي يا هبة
مرورك أحلى

من طرف manmon السبت سبتمبر 04, 2010 3:58 pm

هو السياج ده
يعنى اشتم يعنى؟؟؟
عصبونى الله يسامحهم
ماحد يهده ويريحنا بقى
بجد جميله اوى اوى اوى
بس مش كفايه كده وجع قلب
ولا انت هترجع فى كلامك ولا ايه؟
عموما تسلم ايديك ويارب للامام دايما

من طرف dr_khaled الثلاثاء سبتمبر 07, 2010 2:56 am

manmon كتب:هو السياج ده
يعنى اشتم يعنى؟؟؟
عصبونى الله يسامحهم
ماحد يهده ويريحنا بقى
بجد جميله اوى اوى اوى
بس مش كفايه كده وجع قلب
ولا انت هترجع فى كلامك ولا ايه؟
عموما تسلم ايديك ويارب للامام دايما

يارب السياج ده حتى يقل شوية
:D
ان شاء الله هحاول اعمل حاجة فرايحي
تحت امرك

من طرف Dr/Asmaa الأربعاء سبتمبر 08, 2010 10:05 pm

dr_khaled كتب:لو قلتيلي القصايد بتاعتي الأوت هكون شاكر جدا
:D

معلش اتاخرت في الرد بس كنت بخلص الاول من اللي كنت فيه

في اخر قصايد كتبتها محبتش اصل الورد

وعموما قصائدك الفصحي احسن بكتير من العامية
بحس انك بتجيد استخدام اللغة العربية والفاظها وصورها بشكل ملحوظ عن العامي

ولو ناوي تبعت لليوم السابع حاجه برشحلك (لست ادري ) و (السياج ) و (شخصا يشبهها)

ونفسي بقي اشوفلك قصيدة تكون طويلة كده صفحتين تلاته كده وياريت تكون عن القدس تتناولها من جانب انساني
شايفة انك هتكتبها حلو اوي بس جرب كده

يلا شوية اراء كده ع الماشي بس اوعي تكون بتزعل من النقد

(( سياج )) ------- خاطرة

(( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة

رد: (( سياج )) ------- خاطرة