مسرحية هزلية ( في المدينة الجامعية )

بسم الله الرحمن الرحيم

محاولة لكسر الملل ......... مسرحية هزلية يارب تعجبكم ........

معظمها أحداث حقيقية

الشخصيات :

هاتعرفوها لما تقروا المسرحية

المكان :

مش عايز ذكاء...... ما انا باقول في المدينة الجامعية

الأحداث :

مش ناقصة خنقة اقرءوا وانتو تعرفوا .. شكلكوا هتنرفذوني م الأول اهو



:::"" الشخصيات الموجودة في المسرحية قد تتشابه مع شخصيات واقعية موجودة معانا ع المنتدى أو في الكلية , واللي عايزني أدخله في المسرحية واكتب اسمه ........... طبعا ما هش سيبة ... وبعينه .... )

الكبير ... اللي هو انا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ـــــــــــــــــــــــــــــــــــــــــــــــــــــــــــــــــــــــــــــــــــــ تمت بواسطة

سامح جمال السيد أحمد محمد أبو الخير



مسرحية هزلية ... ( في المدينة الجامعية )

الفصل الأول ....

غرفة 301 مبنى البدراوي .. غرفة سامح ... محدش موجود في الأوضه غيره .... وجايب مرزوق يبات معاه ....
أصله بيخاف ينام لوحده ..

مرزوق : قوم يا ابني اعمل لنا عشاء

سامح : أوم اعمل لنفسك ... انت مكسح

مرزوق: ياد أنا ضيفك .. خلي عندك شوية دم

سامح : انزل اشتري من الكانتين

مرزوق: ( بيستهبل ) : خد فلوس اهيه ... ( مطلعش حاجه ) .... وانزل حــــــات لنا ساندوتشين

سامح : ( عايز يوزعه ): مش قادر خالص والله .. انزل انت ....

مرزوق ( لسه حاطط ايده في جيبه بس مطلعش حاجه ): خلاص ياعم مش عايز منك حاجة ..... دا انت تطلعت ايحة ...

سامح (يفتح درج المكتب ) : بص انا ممعيش غير حتة الحلاوة دي ورغيف العيش ده .. تأكله وتسيبني جعان .. ( بصوت عالي )

مرزوق ( بيحدف فيه الكتاب ) : قعد .. قعد .. مش عايز من شكلك حاجة . بس اللي يا كل لوحده .............

سامح : يشبـــــــــــــــــــــــــــــــــــ ع

مرزوق: هنذاكر ايه النهارده ؟؟

سامح : هو اليوم اللي بتبات معايا فيه بنذاكر !!!! ليت شعري ؟؟؟

مرزوق: طيب اخفى اعمل لنا كوبيتين شاااااااااااااااااا ي

سامح : ال..............

مرزوق( بيقوم من ع السرير ) : هتروح ولا سيبك تبات لوحدك !!

سامح :عمي ... وعم عيالي
:ـــــــــــــــــــــــــــــــــــــــــ

سامح : الشاي يا سي زفت ... اطفح

مرزوق: حــــــات .... انت بتقطعه من جلدك

سامح : اشرب وانت ساكت .. مش كفاية .. . عاملك شاي الساعة 1.00 ... ربنا ينتقم منك

مرزوق :عندك بكره حاجة الساعة 8

سامح : سكشن أورال

مرزوق: مين اللي بيديك ؟؟

سامح : الرخم البيضة ... م . أ

مرزوق( يضحك ويتف شوية شاي ) : أحسن علشان يطلع عليك أعمالك السودة .

سامح : تف يا اخوي تف ما هو مال سايب .. آآآه ما أنتو أغنيا وعندكو ... كوبشة فدادين

مرزوق: حرام عليك يا ظالم . انت من ساعة ما بصيت فيهم .. والأرض ما عدتش بتجيب حاجة ... وأخويا جاله البواسير .... يا خربيت عينك ....

سامح : اه ...داري على شمعتك ...... تولع .......

هههههههههههههههههههههههههههههههههههههههههههههههههههههه
تعلو المكان

مرزوق: المهم سيب لي المفتاح علشان انا عندي سكشن الساعة عشرة .. بص ابقى صحيني معاك ...

سامح : ماشي اتخمد نام بقى

مرزوق: معاك سماعة

سامح : ليه ..؟؟ اااااااااه .. اسااااااااااااامة .ههههههههههههههه ..... على جثتي ..... البيت ده طاهر وهبفضل طول عمره طاهر ....ههههههه

مرزوق ( يرفس الغطا ) : انا قولت أقوم م الأول واسيبك ... تغني ظلموه لوحدك

سامح ( جري ... ) : اتفضل ياباشا .... دا أنت لو طلبت مني قلم جاااااف مش خساارة فيك ....

مرزوق: عالم ما بتجيش غير بالسك على افاها .

سامح : اسمع بقى بيتين الشعر دول .. علشان لما تكلم الموزة بتاعتك .. تنصفنا قدامها كده ....

ترن ترن ترن ترن ترن ترن .!!!!!!!!!!!!!!!!!!
سامح : مين ؟؟

مرزوق : اييييم .... الموذة .. ( يفتح عليها )

سامح (بصوت واطي ) : هيا بتيجي ع السيرة ....هههههههههههههههههههههه

خد خد البيتين دول ....

مرزوق( بيرفع التليفون من على ودنه ) : أكتبهم .

سامح ( يعطي له ورقه مكتوب فيها بخط زبالة ) : يا نجمة الأمل ...... مري على أملي
وضمدي جراحي ..... والثمي فؤادي


مرزوق ( للموذة ) : أنا كاتب فيك بيتين شعر من كتاب عندي ..هههههههههههه

اسمعي يا ستي ...... يا نجمة " الأمْلِ ِ" ...ــــــــــــــــــــ

سامح ( وقع من ع السرير ) : دا على أساس انها من عيلة البراغيييييت ... هههههههههههههه

مرزوق( بعد ساعة ) : طيب مع السلامة .

سامح : ما بدري يا روميو .......

مرزوق ( بيهرس في سامح ) : فضحتني . ... عاملي نفسك فيها عنتر بن شداد ..

سامح ( مش قادر يمسك نفسه من الضحك ) : انت اللي شكلك خريج محو أمية ....

مرزوق : اندعأ نام

سامح : تصبح على نقالة ..........

مرزوق: حسبي يالله ونعم الوكيل فيك . أدعي عليك بس اقول ايه . وانت فيك كل العبر ...
ــــــــــــــــــــــ
الساعة ــــــــــــ7.30 الصبح

ترن ترن ترن ترن ترن ترن ترن ترن ترن

المنبه

سامح : واد يا زفت ..... اصحى يالا

مرزوق: هههههههههههمممممممممممم ...

سامح : اصحى يالا الساعة بقت 9 .!!!!!!!

مرزوق: أنا ظبطت موبايلي امشي انت

سامح : أنت حر

يتوضا ..... ويصلي ...... ويلبس ..... ويمشي .....
الساعة عشرة ................... يرجع من الكلية .. رايح الأوضة يفطر ...
يقابل مرزوق في الطريق رايح الكلية ..... ياخد منه مفتاح الأوضة ....
يدخل سامح الاوضه ... يجد غلاف حتة الحلاوة .. حتة عيش على سريره ........
سامح : ااااااااااااااه يا طفس

انتهى ,,,,,,,,,,