احنا جامعتنا حر ليه ؟ نظريه المؤامره..

ف لحظه تأمل وربنا يكفيكو شر تأملاتي:-P استرعى انتباهي شئ غريب جدا :O
الجامعة بتاعتنا دي حر ليه؟ قضاء وقدر
ولا تعمد ؟!
ولأن نظريه المؤامره تخلخلت ف نفوسنا من الي بنشوفه بدأت أحس بالغموض ف سبب الحرر ده !
ايام ما كنا في اعدادى كان الواحد بيدخل من البواابة اللى عند علوم ويفضل ماشي طريق طويل عريض على انه يلاقي حتة ظل يمشي فيها ابدا مفيش
وكأن خط الاستواء بيمر في النص الجامعة مثلا والشمس في حال عمودية على ارض جامعتنا الموقرة
لا حول ولا قوة الا بالله ربنا يتولانا برحمته
تيجى بقى اما خلصنا من هم اعدادى ومشوارها اللى كان الواحد بيروح منه واخد ضربة شمس
الحمد لله الواحد قال هيدخل اسنان وزى الفل البوابة لازقة في الكلية لان هى اساسا كلها شبه علبة الكبريت مفيهاش حتة الواحد يمشي فيها اصلا
لكن للاسف الواحد فوجىء انه كا ن بيروح طب وهناك في طب
لانهم كانوا قصوا كل الشجر الي كان بطول الجنينه ف مدخل الكليه وحلقولوا زيرو..
وبالتالي الجنينه بقت حر جدا وعلي البر المقابل اللي كان ظل من المباني حطولك خشب وسقالات !!
تدخل يمين تلاقي ساحه الكليه حرر وف الحته الظل عملوا باركنج للعربيات !! العربيات أولي برضه...
تدخل جوه عند الكافتريا تلاقي الاستراحات الي معموله عشانا متصممه بزاويه عجيبه بحيث انها تفضل عموديه تحت الشمس مباشره مهما حضرتك اتشقلبت !! وف الحته الظل المقابله حطوا استاندات !! يعني بيقولك وربنا لانت واقف ف الشمس هههه
تدخل جوه كمان تلاقي رمل وطوب وحديد وحاجات بتطلع ولعه اتوماتيك ! وف الحته الظل....اتبنت تمريض !
:-D :-P
تفضل الحراره متقده ع ادمغتنا لحد الساعه ٣ وأول ما الجو يظبط وتيجي تقعد تلاقي الخرطوم طلع تشتشششتشش
بتعمل إيه ياعم ؟ بنرش يادكتور أصل النهارده الخميس !
مش فاهمة أنا طيب إيه علاقه الرش بالخميس وتلاقيه بيرش الكراسي الأول عشان تقف
واول ماتقف يرش الأرض ! عشان تجري
تيجي تجري تلاقي الخرطوم مخرم ١٨٠ ألف خرم عشان يشهيصك وانت بتجري
... وسبحان الله ياجدع الراجل ده بيرش أي حاجه تيجي ف سكته
انسان ، حيوان ، جماد تشتششش

تفتكروا دي :
_ غلاسه فقط..
_جوده فقط..
_ جوده وغلاسه..
_ نشر روح الود بين الطلبه عشان واحنا بنجري اكيد هانتعرف ع بعض :-P
_ كتر ميه

وفى الاخر احب اقول ده بكل بساطة واحد من احد اهم اسباب كرهى لجامعة المنصورة
ولسه....

:-D :-D

fkrteeny leh bs y omyma tb e7na nw fy byotna msh bnnzl omal b2a lma nod5l elgam3a tany w ntshwy tany hn3ml eh :S:S:(( da ana lsa 3ndy 3lamt elgoda bta3t eldrasa wshy lonen w kfy lon w b2et edy lon tany lma bboslha bb2a 3ayza a3yt :D m3 eny b7b elsef wlahy bs mn 3`er el7r daaaaaaaaaaa bgd 7r awy w msh bs elgam3a dy mans kolha nela 7r kda da 7ata betna 7r:D yala hn3ml eh b2a mktob 3lina :D:D howa mfesh e5tra3 y7l el2zma dy :D
bs 3gbany 7tt el5rtom dy awyy :D:Dbs wlahy by5ly elgow trawaaa :D:D:D
blnosba llso2al el25er 7drtk htob2a el2gaba :D3`lasa 3la kotr maya 3la hbl w shoiten r5ama 3la 3 shoiat fada b3ed 3nk da momkn ykon rsh maya mn 5 min w tla2eh byrosh tany fady b2a yala no prop :D:D:D
topic follaaa

والله يا هند انا لسه بغانى من مأساه الشمس دى لنى بروح الاى سي دى ال كل شوية
لحد ما بقيت شبه الفحمة اه والله
انا شايفة ان الحل الوحيد انهم
يدخلوا التكتكت داخل الجامعة
عشان لو حد حب يروح مشوار بعيد جوة الجامعة بدل ما يمشي ويسيح اساسا قبل ما يوصل ياخد التكت كوهيبقى حل مثاالى
ايه رايك في الحل ده؟؟؟؟؟؟

هي جامعتنا حر?
بالعكس
أن أول ما أدخل الجامعة بحس أن أنا عاوز أنااام

ليه انت مركب مروحة
اول مرة اشوف حد يقول جامعتنا مش حر
ارااء برده

عاجباني قوي كلمة نظرية المؤامرة
ياسلام.... نظرية المؤامرة
ولا أفلام الجاسوسية

هههههههههههههههههههههههههههههه

جااااااااااااااااااااااااااااامده

انا من الكلام بحسبك ولد اصلا

غلبتيني

ههههههههههههههههههههههههه

بالرغم ما يحمله الموضوع من مأساة الحر يعني وكده

فاسلوبه مضحك اوي اوي اوي

عاجباني قوي كلمة نظرية المؤامرة
ياسلام.... نظرية المؤامرة
ولا أفلام الجاسوسية

ايوة فيه مؤامرة اكتر من كده

رفيق دربي كتب:هههههههههههههههههههههههههههههه

جااااااااااااااااااااااااااااامده

انا من الكلام بحسبك ولد اصلا

غلبتيني

ههههههههههههههههههههههههه

بالرغم ما يحمله الموضوع من مأساة الحر يعني وكده

فاسلوبه مضحك اوي اوي اوي

ولد ..بنت بقى مش فارقة اهو كل اللى يجيبه ربنا كويس

شكرا يا دكتور كويس انه عجب حضرتك

ma ana kont hnak wlahy elnhrda y omyma w a5eeeeern 2dmt :@ b3d mo3ana rbna ynt2m mnhom b2a :( w et7r2t l7l :D:D elgow s3b gdn gdn ana b7s eny bfkd kol elmya ely fy gsmy mn el7r da ana bshrb maya btre2a msh tbe3ia msh 3arfa hn3ml eh fy rmdan rbna ysbtna ISA
BS ELTOKTOK E5TRA3 GAMD :d:d ETL3Y BARA Y OMYMA :D toktok eh bs
ana mn r2yy tb2a 3gla w bshmsia:D:D:D tb wlahy shoft malezia rakba 3gla w labsa 3la rasha t2ya kan shklha ms5raa:D:D

hend waheed كتب:ma ana kont hnak wlahy elnhrda y omyma w a5eeeeern 2dmt :@ b3d mo3ana rbna ynt2m mnhom b2a :( w et7r2t l7l :D:D elgow s3b gdn gdn ana b7s eny bfkd kol elmya ely fy gsmy mn el7r da ana bshrb maya btre2a msh tbe3ia msh 3arfa hn3ml eh fy rmdan rbna ysbtna ISA
BS ELTOKTOK E5TRA3 GAMD :d:d ETL3Y BARA Y OMYMA :D toktok eh bs
ana mn r2yy tb2a 3gla w bshmsia:D:D:D tb wlahy shoft malezia rakba 3gla w labsa 3la rasha t2ya kan shklha ms5raa:D:D

,
والله يا هند انا بره ك يوم تقريبا هناك عشان البتاع ده وامهم انهم بيدونى مواعيد امتحانات في عز الظهر عشان اتفحم واخد ضربة شمس حلوة كده واجى

وبالنسبة للتكتكت يا ستى لو مش عاجبك بلاش منه خالص
خليها طفطف واهو من باب التغير برده
ها ايه رأيك
تكتك ولا طفطف؟؟؟

dr.omnia كتب:حلوووووووووووووووووووووووووووووو اوووى اووى يا اميمة بجد عبّرتى عن المأسااااه اللى كنا بنعنيها اصلا انا بكره الصيف بيبقى مستفز فى الكلية وبره الكلية بتبقى الشوارع زحمة والعربيات مبتتحركش وحاجة قرف :@
كلوا بقى الا حكاية الرش دى هههههههههههههههههههه حلوة اوى انا كنت بستغرب برضو اشمعنا الخميس D:

مرسي ا امنية
منورةالتوبيك والله
بس برده ما قلتيش يا ترى الحل هيكون ايه ندخل التكتك ولا الطفطف جوة الجامعة؟؟

نوره كتب:من كتر اللى بيعملوه فينا.

اه والله يا نورا

Dr/Asmaa كتب:
ههههههههههه

بغض النظر عن الحر والخرطوم والرش اللي مش مستوعباه لغاية دلوقت ......اسلوبك حلو اوي ومضحك جداااااايا ميما

ياريت تكملي تاملااااااااات :D

هههه مش مستوعباه ليه يا سمسمة ده كله من الواقع المرير يا بنتى
ربنا يخليكى يا اسماء
ده من بعض ما عندكم