اصعب سوأل فى الحب !!!!!!!!!!!

من طرف manmon الخميس يوليو 29, 2010 8:08 pm

السؤال ده بيحصل كل يوم فى كل بيت وكل مكان...
سؤال الافلام جاوبت عليه بطريقتها...لكن لو جالك السؤال ده فى الواقع...يا ترى هتعملى ايه.

لو لقيتى الانسان اللى بتحلمى بيه وتتمنيه من وانتى صغيرة
الانسان اللى يحرك احاسيسك ومشاعرك وكل شى جميل جواكى
الانسان اللى تشوفى فيه طفولتك وشبابك ومستقبلك وكل ايامك
الانسان اللى يحبك انتى بس ويحترمك ويقدر مشاعرك وكل زرة حب جواكى

ويكون الانسان ده كمان هو فى نفس الوقت..انتى بالنسبة له كل حاجة..وانك الانسانة اللى حلم بيها واتمناها من طفولته
وقال ليكى من قلبه ومن صدق...انا بحبك...بحبك انتى بس ومش عايز من الدنيا اى حاجة الا انتى بس
انتى دنيتى اللى هعيش فيها..وليها..حبيبتى انا ليكى...ومش عايز اكتر من انك تقولى من قلبك انك ليا

واتعاهدتم طبعا على الحب فى الحياة وما بعد الحياة...وان مش هيفرقكم شى فى يوم الا الموت
وبعد كده جه الانسان ده عشان يتقدم ليكى عشان تكتمل الفرحة..والحياة اللى مش هتبقى حياة الا وانتم الاتنين مع بعض
ولانه ما يقدر يعيش لحظة واحدة وانتى مش معاه ....
لكن.....
الاهل رفضوه لاسباب تافهة...مثلا (الانسان احنا مش شايفينه لايق ليكى...دة مش من مستوانا...بكرة يجيلك احسن منه...دة قدامه كتير عشان يوصل للمستوى اللى نتمناه فى عريسك احنا غرضنا مصلحتك)

وطبعا الانسان دة لانه بيحبك اتقدم اكتر من مرة...وجه على كرامته فى حجات كتير عشان خاطرك
لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة البنت

لغاية ما قال ليكى فى يوم...حبيبتى...انا اتمنيتك انتى من الدنيا كلها...
وضحيت بحجات كتيرة وده لانى حبيتك انتى بس ومن قلبى .....واختارتك انتى عن الدنيا كلها
ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح
بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟
ويا ترى راى الشباب فى الموضوع ده ايه برضه

من طرف Dr/3sam الخميس يوليو 29, 2010 8:16 pm

أهلها طبعا بدون نقاش
وأي شخص رايح يتقدم لواحدة لازم يراعي البعد الأجتماعي
يعني ما أروحش اتقدم لواحدة أنا مش من مستواها بمعني أني مش هقدر اعيشنا في نفس المستوي اللي عاشت فيه مع اهلها
أنا لو بحبها المفروض أنا اللي اسيبها لأن احب اطلع بيها لمستوي عالي مش آخدها وانزل بيها تحت مسمي الحب
ده مش حب دي أنانية

من طرف Dr/Asmaa الخميس يوليو 29, 2010 8:30 pm

انا هختار اهلي حتي لو كنت بحبه حب لا مثيل له
والسبب الوحيد اني عمري ما استغني عن اهلي حتي لو عشان حب حياتي
لو هفضل تعيسة طول عمري مش هختاره علي حساب اهلي ابدااااااااااا

من طرف بقايا إنسانه الجمعة يوليو 30, 2010 12:44 am

يا مواضيعك يا منمون
خطيرة يابنتي

لوحبني بجد زي ماقال
عمره مايعد مقارنة
بستغربداس على كرامته فين وهو عارف اني بحبه وموافقة مممم
يعني متهيالي الاحساس بالاهانة لما الشخص ذات نفه يرفضني
مش اهلها مثلا

المهممقتنعة بمبدا ان اللي بحب حد او حاجة مثلا بعمل المستحيل اه والله المستحيل
عشان يملكها
مممممم
مش بنختار اضعف الحلول ونظام ياتخسريني يا تخسريهم

طيب هل هو لو حبني يقول كدا طيب
اللي بحب حد مش بحرمه من اعز ناس عنده

حختار اهلي طبعا
فيه مثل بقول
اللي ملوش خير في اهله ملوش خير في حد
وكونه سال سؤال زي ده يبقى من السهل جداااااااااااا يفرط فيا

من طرف manmon الجمعة يوليو 30, 2010 5:55 am

Dr/3sam كتب:أهلها طبعا بدون نقاش
وأي شخص رايح يتقدم لواحدة لازم يراعي البعد الأجتماعي
يعني ما أروحش اتقدم لواحدة أنا مش من مستواها بمعني أني مش هقدر اعيشنا في نفس المستوي اللي عاشت فيه مع اهلها
أنا لو بحبها المفروض أنا اللي اسيبها لأن احب اطلع بيها لمستوي عالي مش آخدها وانزل بيها تحت مسمي الحب
ده مش حب دي أنانية

شكرا ع رايك

من طرف manmon الجمعة يوليو 30, 2010 5:59 am

Dr/Asmaa كتب:
انا هختار اهلي حتي لو كنت بحبه حب لا مثيل له
والسبب الوحيد اني عمري ما استغني عن اهلي حتي لو عشان حب حياتي
لو هفضل تعيسة طول عمري مش هختاره علي حساب اهلي ابدااااااااااا

دايما كداهون تحطى العقدة فى المنشار
ده انتى حتى ماحاولتيش تكسبى الاتنين
وبعدين مافيش حاجه اسماه رفض نهائى
فى صبر وكلام واقتناع
سيبك انتى من الكلام ده
عامله ايه؟؟؟؟؟؟؟ظ
منورة والله

من طرف manmon الجمعة يوليو 30, 2010 6:06 am

بقايا إنسانه كتب:يا مواضيعك يا منمون
خطيرة يابنتي
والله ده انتى اللى خطيرة يابنتى
وع طول والله فاتحه نفسى
لوحبني بجد زي ماقال
عمره مايعد مقارنة
هو ده الكلام
بستغربداس على كرامته فين وهو عارف اني بحبه وموافقة مممم
يعني متهيالي الاحساس بالاهانة لما الشخص ذات نفه يرفضني
مش اهلها مثلا
بس برده انه يجى كل شويه ويترفض
بصراحه يعنى يبقى استحمل كتير

المهممقتنعة بمبدا ان اللي بحب حد او حاجة مثلا بعمل المستحيل اه والله المستحيل
عشان يملكها
اه والله المستحيل
مممممم
مش بنختار اضعف الحلول ونظام ياتخسريني يا تخسريهم
ده مش اضعف الحلول ده يأس
لان ده مش حل اصلا
طيب هل هو لو حبني يقول كدا طيب
اللي بحب حد مش بحرمه من اعز ناس عنده
ولا هيبعد عنه

حختار اهلي طبعا
فيه مثل بقول
اللي ملوش خير في اهله ملوش خير في حد
وكونه سال سؤال زي ده يبقى من السهل جداااااااااااا يفرط فيا
انتى عظيمه والله
حليتى الموضوع ببساطه

بقولك ايه
ابقى تعالى هنا ع طول
فرحينى كده ياشيخه

من طرف e_pirate الجمعة يوليو 30, 2010 4:58 pm

والله دمعتى فرت :smile*:

لو بيحبها عمره ما هيقولها كده
لأنها مش تستاهل منه غير انها تخرج من بيت اهلها معززه مكرمه حاجه كده كبيره فى عين اهلها وفى عين الناس
حتى لو وصل بيها الامر انها تقوله نهرب وحورات الافلام دى
المفروض هو يحافظ عليه ما يدمرش صورتها
واللى ليه نصيب فى حاجه بياخدها

من طرف Dr_Yomna الجمعة يوليو 30, 2010 7:39 pm

اولا لو خيرها الاختيار دا
يبقى بصراحة مش بيفهم

(اللى ملوش خير ف أهله ملوش خير ف حد)
وطبعا لازم تختار اهلها
وهيجيلها نصيبها واللى يقدرها هيا وأهلها

ميرسى ع الموضوع دا

من طرف manmon الجمعة يوليو 30, 2010 11:05 pm

[quote="e_pirate"]والله دمعتى فرت :smile*:

ههههههههههههههههههههههههههه
معلش معلش
لو بيحبها عمره ما هيقولها كده
لأنها مش تستاهل منه غير انها تخرج من بيت اهلها معززه مكرمه حاجه كده كبيره فى عين اهلها وفى عين الناس
حتى لو وصل بيها الامر انها تقوله نهرب وحورات الافلام دى
فعلا لو بيحبها بجد عمره ماهيفرط فيها ولا يخيرها الاختيار ده
بس انا هموت واعرف ايه علاقتك بالافلام
المفروض هو يحافظ عليه ما يدمرش صورتها
واللى ليه نصيب فى حاجه بياخدها
هو النصيب ده

شكرا اوى يادكتور ع رأى حضرتك
بجد اسعدنى مروك

من طرف manmon الجمعة يوليو 30, 2010 11:29 pm

Dr_Yomna كتب:اولا لو خيرها الاختيار دا
يبقى بصراحة مش بيفهم
ده يبقى بيتلكك وتعب وزهق

(اللى ملوش خير ف أهله ملوش خير ف حد)
وطبعا لازم تختار اهلها
وهيجيلها نصيبها واللى يقدرها هيا وأهلها
والله مش احنا اللى بنختار فى الاخر
ربا هو اللى بيختارلنا كل حاجه
ميرسى ع الموضوع دا

ميرسى ليكى انتى ياايمنى ع رأيك
بجد منورة الموضوع

من طرف Dr:Hesham الأربعاء أغسطس 11, 2010 5:43 am

انا بقى من راى يا جماعة
انه فعلا لوبيحبها عمره ما هيخيرها بينه وبين اهلها
بمعنى انه هو يمكن هيبقى حزين وكده بس دى هتبقى قمة التضحية منه وبكده هيزيد ف نظرها اكتر من الاول
بس طلعا هى لو بتحبه اكيد هتقدر الموقف دا منه وتحاول تضغط على اهلها وتفهم انها بتحبه وهو كمان بيحبها وتحاول بكل الطرق ولو مش حصل خير يبقى ربنا عاوز كده
ثانكس ع التوبيك

من طرف roma الأربعاء أغسطس 11, 2010 11:07 am

حلو التوبيك
بس انابقي من رايي انها لاتفرط فيه ولاتفرط في اهلها
تقوله يصبر شويه وتحاول هى مع اهلها تشوف الناس الى اهلها بيقتنعوا بكلامهم وتخليهم يقنعوهم او انها تزعل شويه وتتاثر وهما كل ميشوفوها حزينه كده اكيد ده هيحرك شئ جواهم او يشوفو سبب الرفض ايه ويصلحه وبعد كده يروح يتقدم تانى يعنى هى وهو يحاولو 100مرة وبعد كده لو كل ده منفعش يبقي ربناعاوز كده
وملهاش نصيب فيه وبكرة تلاقي الى يسعدها ويلاقي الى تسعده

لكن متضحيش باهلها لان هماسندها في الدنيا يعنى لو في يوم من الايام جرت مشكله بينهم هتتكسف ترجع لاهلها في حل المشكله دى عشان هى باعتهم زمان فاكيد هيقولولها مش ده الى انتى اختارتيه غصب عننا اشربي بقي
لكن مينفعش تضحى بالاهل بس ده في حاله واحده

لو كانو يستاهلو فعلا انها تضحى عشانهم يعنى يكونو خايفين ع مصلحتهافعلا مش عشان الفلوس والتفرقه والحجات دى

ميرسي عالتوبيك

من طرف manmon الأربعاء أغسطس 11, 2010 4:25 pm

Dr:Hesham كتب:انا بقى من راى يا جماعة
انه فعلا لوبيحبها عمره ما هيخيرها بينه وبين اهلها
بمعنى انه هو يمكن هيبقى حزين وكده بس دى هتبقى قمة التضحية منه وبكده هيزيد ف نظرها اكتر من الاول
بس طلعا هى لو بتحبه اكيد هتقدر الموقف دا منه وتحاول تضغط على اهلها وتفهم انها بتحبه وهو كمان بيحبها وتحاول بكل الطرق ولو مش حصل خير يبقى ربنا عاوز كده
ثانكس ع التوبيك

اللىانا واثقه منه ان اكيد ربا مابيعوزش حاجه وحشه لحد
وعموما كله فلاخر اختيار ربنا
المهم احنا نعمل كل اللى نقدعليه ونسيب الباقى ع ربنا
وشكرا اوى ع مرورك يادكتور هشام

من طرف manmon الأربعاء أغسطس 11, 2010 4:30 pm

roma كتب:حلو التوبيك
مرورك هو الاحلى ياسموحه
بس انابقي من رايي انها لاتفرط فيه ولاتفرط في اهلها
هوده رايي انا كمان
بس مش عارفه ليه الناس حاطه العقده فى المنشار
تقوله يصبر شويه وتحاول هى مع اهلها تشوف الناس الى اهلها بيقتنعوا بكلامهم وتخليهم يقنعوهم او انها تزعل شويه وتتاثر وهما كل ميشوفوها حزينه كده اكيد ده هيحرك شئ جواهم او يشوفو سبب الرفض ايه ويصلحه وبعد كده يروح يتقدم تانى يعنى هى وهو يحاولو 100مرة وبعد كده لو كل ده منفعش يبقي ربناعاوز كده
وملهاش نصيب فيه وبكرة تلاقي الى يسعدها ويلاقي الى تسعده
اكيد وكله فى الاخر اختيار ربنا
لكن متضحيش باهلها لان هماسندها في الدنيا يعنى لو في يوم من الايام جرت مشكله بينهم هتتكسف ترجع لاهلها في حل المشكله دى عشان هى باعتهم زمان فاكيد هيقولولها مش ده الى انتى اختارتيه غصب عننا اشربي بقي
فى اهل يقولو لبنتهم اشربى بقى؟؟؟
لكن مينفعش تضحى بالاهل بس ده في حاله واحده

لو كانو يستاهلو فعلا انها تضحى عشانهم يعنى يكونو خايفين ع مصلحتهافعلا مش عشان الفلوس والتفرقه والحجات دى

ميرسي عالتوبيك

ميرسى ليكى انتى ياروما ع رايك الجميل ده

من طرف MiSHMISH الجمعة أغسطس 27, 2010 2:21 am

جامد التوبيك ياامنيه
بس فعلا لو الشخص ده بيحبني مش هيخيرني لكن هيحاول يرضي اهلي ويوصل للصوره اللي هما عاوزينها
ودايما الاهل علي حق

اصعب سوأل فى الحب !!!!!!!!!!!

اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!

رد: اصعب سوأل فى الحب !!!!!!!!!!!