و الله عيبه ف حق مصر قبل اى حد

أحدث اللاعب الدولي السابق إبراهيم حسن المدرب المساعد في نادي المصري المصري ثورة كبيرة عند الدقيقة 90 من مباراة فريقه اليوم بالجزائر ضد نادي شبيبة بجاية، حيث اعتدى على الحكم الجزائري الرابع جاب الله مرتين، قبل أن يتفّ على الحكم الرئيسي المغربي رمسيس .


وركل إبراهيم حسن أمام كاميرات التلفزيون المكروفون الموضوع أمام خط التماس بقوة، وقلب طاولة محافظ المباراة محدثا فوضى كبيرة على حواف الملعب .


ولم يكتف إبراهيم حسن بكل هذا، حيث قام بلقطة غير رياضية تجاه الجمهور الجزائري، وهو ما ولّد حالة كبيرة من الاستنفار وسط الانصار الذين شتموه بشدة .


وحسب شهود حضروا الواقعة عن قرب، فإن شرارة الحادثة إندلعت بعدما طلب الحكم الرابع من إبراهيم حسن العودة إلى ما وراء الخط المخصص للفنيين، حيث لم يتحمل الدولي المصري السابق هذا الأمر وصبّ جام غضبه على الحكم الجزائري متهما إياه بالتحيز لشبيبة بجاية، قبل أن يلطمه بلكمة على وجهه، الأمر الذي دفع بالحكم المغربي الرئيسي إلى طرده من الملعب، وهنا ثارت ثائرة إبراهيم حسن وقام بعدة أفعال مشينة لا تشرفه كلاعب معروف في الوطن العربي .


وقامت الشرطة الجزائرية فور نهاية اللقاء بإلقاء القبض على إبراهيم حسن بعد الشكوى التي تقدم بها الحكمين الجزائري والمغربي ضده، وتكون الشرطة قد أفرجت عنه في هذه الاثناء بعد الإستماع لأقواله، وحسب مصادر أمنية فإن هذه القضية مرشحة للتصعيد في الأيام القادمة .



وبدون شك فإن فعلة إبراهيم حسن الموثقة بالصور والفيديوهات لن تمر مرور الكرام، وستحدث ضجة كبيرة في مصر والجزائر، لاسيما أن المباراة بين الفريقين قد اقتربت، وقضية النجم الجزائري بلومي الملاحق من طرف الأنتربول منذ 1989 بسبب قضية رفعها عليه طبيب المنتخب المصري مازالت قائمة إلى الآن .


للإشارة تأهل فريق شبيبة بجاية إلى الدور النهائي لكأس شمال إفريقيا للأندية الفائزة بالكؤوس عقب تغلبه عشية اليوم بهدفين دون رد على المصري المصري، وكانت مباراة الذهاب قد انتهت في مصر بفوز النادي المصري بهدف نظيف، وسيلاقي شبيبة بجاية في الدور النهائي نادي الترجي التونسي .


الفيديو:
http://www.filgoal.com/Arabic/viewvideo.asp?AudioVideoId=792

ده العادى بتاع حسام و ابراهيم
حاجة مش جديدة عليهم
شكرا على الموضوع

لا المرة دى مش زى كل مرة يا كيكو.....و كفايه انهم مش ف مصر يعنى المفروض يلموا الحوار شويه...ابقى شوف الفيديو

بجد هما بيمسحوا كل تاريخهم وانجازتهم باللى بيعملوه ده 00عيب اوى بجد
وبعدين كمان ده بره مصر 000بجد اخلاقهم وحشه اوى اوى

عندك حق يا مصطفى مش أخلاق لاعيبة المفروض ان تاريخهم كبير
شكرا

على فكرة يا مصطفى مع احترامى الكامل لابراهيم وحسام حسن
هما لعيبة مش عنده اخلاق وكان باين بردو ساعة لما راحوا الزمالك وسابوا الاهلى ساعتها شتموا فى الجماهير بس نعمل ايه هيا جت عليهم ما فيه حاجات كتيرة بايزة يالا يكملوا علينا

اه انا اتفرجت على الكليب ده امبارح مع اخويا وكنا مزهولين...فعلا والله ميصحش كده مش اخلاق خالص اللى عمله ده ...وانا بسمع ان الجزائريين دول متعصبين اوى فى الكورة يعنى لو كان الجماهير اتلموا عليه كانوا هيوضبوه :D

على اساس انه طبق فول يا ايمان و لا ايه :joker:
و بعدين ده تانى ماتش ف تصفيات كاس العالم هيبقى مع الجزائر ف ملعبهم.....و هيبقى ماتش موت....للاسف حسام وابراهيم خلاص قضوا على نفسهم تماما

ههههههههههه طبق فول :D

ايوة الماتش ده هيبقى موت فعلا ربنا يستر ع المنتخب :D

بس الا التعليقات اللى ع اليوتيوب من الجزائريين ع المصريين بعد اللى حصل ده يا لهووووووووى فعلا تحيا الوحده العربيه هههههههههههههههههههههه :lol!:

انا شفت التعليقات حالا.....طبعا هم ارفانين منه...بس الردود دى بتعكس احترام و ادب الشعب الجزائرى الشقيق :D
بس بينى و بينك لو لاعب او مدرب عربى ايا كانت جنسيته عمل كده ف اى ملعب عندنا...الجماهير هتنزل تظبطه و يغنوا عليه بومبو يا بومبو :lol!:

عندك حق واحنا هنروح بعيد ليه

شوفت لما الاهلى رجع من اليابان الزمالك والاسماعيلى كانوا رافعين علم المكسيك ...دول ولا اليهود يا راجل

عشان كده احسن ان الزملكاويه اتغلبوا من بنى عبيد:P
اهو الكتاكيت الصفرا طلعت وحصلتها الفراخ البيضا ههههههههه

ده غير الشتايم اللى بتتقال فى الملاعب ....المفروض الرقابه يكون لها دور :D مش اسلوب خالص اللى بيحصل ده :lol!:

يعنى انا من رايى ان الامن كان المفرض يتدخل ويمسك ابراهيم ويضربه بجد والله

خلاص من بكره هشترى علم بنى عبيد و اعلقه ف البلكونه بس الاقيه الاول :pirat:
لا ما كانش ينفع يا ايمان...انا بعتبر الموقف ده على فكرة غلطه عمره...بس لو حصل اللى انتى بتقوليه ده كان هيعمل ازمه فعلا بين البلدين و هيولع الدنيا... و انا اتذكر انه و هو لاعب شاور مجرد اشاره بايده لجماهير المغرب ف ملعبها و اتحاد الكورة عاقبه بسنه ايقاف من اللعب الدولى....اما نشوف هتبقى عقوبته ايه بعد الهبل اللى عمله ده

ايه ده؟ ايه ده؟
ولسه ياما هانشوف منهم انا قلت من الاول دول مش لاعبين خالص
انا اصلا بكرههم من وهم بيلعبوا ف الاهلي
مافيش روح رياضيه مافيش اخلاق مافيش اي حاجه
بجد ايه ده؟
ابراهيم حسن ايه بس؟
ده ابراهيم حوادث ابراهيم عدم احترام
ده خلى سمعه مصر زي الهباب منهم لله

ميرسي يا مصطفى للمعلومات والاخبار

على رأيكوا فضلنا مستنيييييين يمكن واحد فيهم يطلع له شعر قصدى يبقى محترم
بس مفيييييييييييش فايدة

على فكرة امبارح اجتمع مجلس ادارة النادى المصرى.....و تم اصدار قرار بالاجماع على اقاله الجهاز الفنى بالكامل....بس اللاعيبه مش موافقين على القرار ده