دخَّلْهم يا حسين

لو كان الأمر بيدي لمنحت سيناريست حملة «خلطة مش منطقية من دولسيكا» أوسكار أفضل إعلان مصري ، وبالرغم من ضآلة شأن المنتج الذي تروج له الحملة (آيس كريم بالعسلية) فإنه جاء معبراً عن روح مصرية خالصة ، فهو يروج لخلطة غير منطقية في بلد يعمل بنفس الميكانيزم تماماً، وإذا كان شعار الناس في بداية السبعينيات «أفرم أفرم يا سادات» فالشعار الذي يليق بالمرحلة هو «دخَّلْهم يا حسين»، وحسين هو الشخص الذي يُدخل في ماكينة غريبة (رائد فضاء مع ماكيت القرية الذكية) فيخرج من الماكينة آيس كريم بالعسلية.. وهكذا تجري الأمور في مصر... خد عندك..

700 جرام سليكون + مدير أعمال صايع (دخَّلْهم يا حسين) والناتج مطربة تكسر الدنيا.

كرتونة بيض + جهاز ديكودر (دخَّلْهم يا حسين) والناتج استوديو تحليلي.

شقة مفروشة + رخصة جريدة (دخَّلْهم يا حسين) والناتج حزب معارض.

شقة إيجار قديم + رخصة سلاح (دخَّلْهم يا حسين) والناتج الحزب الوطني.

قطعة أرض صحراوية + مدير ائتمان في بنك حكومي... والناتج ملاعب جولف.

80 متر قماش + سيارة نصف نقل بميكروفون... والناتج عضو مجلس شعب.

موبايل بجراب + جاكيت جلد... والناتج أمين شرطة.

مدينة الإنتاج الإعلامي + 12 لفة قمر الدين... والناتج شهر رمضان.

اتنين مابيحبوش بعض + تقرير عن اعتصام أمام مجلس الشعب... والناتج برنامج توك شو.

أتوبيس نقل عام + محصول الأرز عن 2009... والناتج مستشفي الصدر.

طبلة وصاجات + نعي لناس ماتت... والناتج جريدة قومية.

طبلة مكتومة + نعي لناس عايشة... والناتج جريدة مستقلة.

مهاجر غير شرعي + سيارة نقل محملة بالبطيخ... والناتج عصام الحضري.

عائلة مصابة بإسهال + ماكينة ري .. والناتج بائع خضار في سوق العبور.

عيدية رمضان + 3 إيشاربات ملونة فوق بعض... والناتج تحرش جماعي.

سلعوة بـ 3رجلين + شريط حبوب مخدرة... والناتج سواق ميكروباص.

أم بتدعي + شحنة أعلام مصرية قادمة من الصين .. والناتج كأس الأمم الأفريقية.

شاب حاصل علي بكالوريوس تجارة + تشكيلة من الصابون المعطر... والناتج دكتور صيدلي.

مسَّاحات عربية مرفوعة + شخص هارب من أحكام بالسجن... والناتج باركنج.

جهاز قياس الضغط + لبانة سكرها راح... والناتج مشجع زملكاوي.

مع العلم بان انا زملكاوية

هههههههه
عمر طاهر ده مسخرة.....انا كمان بحبه
شكرا يا دكتورة

توبيك فظيع بجد

ههههههههههههههههههههههههه

للأسف ده حال العرب كلهم

عشوائية فى كل حاجة ونقول رضا ماهى ماشية

ألف شكر على الموضوع يا دكتورة ميما

شكرا لمروركم
د/حليمو: ايوة فعلا عمر طاهر ده كتاباته جامدة
د/ديزنر: ومصر بالزات ام العشوائية
نورتوا التوبيك

فعلا
شر البلية ما يضحكـ
بس الموضوع كان ماشى زى الفل
لغايه جملة( جهاز قياس الضغط + لبانة سكرها راح... والناتج مشجع زملكاوي)

جيتى على الجرح يا د/ أميمه

جميل جدا....شكرا جزيلا

تقريبا كل اللى رد فى التوبيك زملكاوية

ههههههههههههههه

ربنا يتولانا

شكرا لمروركم
د/ محلاوى: طب ليه كده بس؟؟؟مالها الزمالك
د/جينيس: هههه والله انا كمان زملكاوية
د/مودى: شكرا لمرورك
د/ ديزنر : واللى كاتبه الموضوع برده زملكاوية هههه

نورتوا التوبيك

شاب حاصل علي بكالوريوس تجارة + تشكيلة من الصابون المعطر... والناتج دكتور صيدلي.

هههههههههههههههه
جاتلكو الاهلويه
مين بينادى حد ليه شوق في حاجه ؟؟؟؟؟؟؟؟؟؟
:D:D:D:D
بس بجد توبيك جميل يااميمه والله
ميرسي ياقمر
تسلمى

هههههههههه يا اعوز بالله يا روما اهلاوية
منورة التوبيك

يا عيني ع الزمالك الي محشور ف كل حاجه كداهوه بس جبااااااااار الموضوع ماهي بقت سلطة ويا عالم حسين هيدخل ايه تاني ويطلع ايه

شكرا لمروركم
ايه: ههههههههه دولسيكا بالعسلية فاكرة ؟؟؟؟
كيوت: اه والله يا كيوت الزمالك دلوقتى بقى تريقة للى يسوى واللى ما يسواش بس انشاء الله ربنا هينفخ فى صورته

نورتوا التوبيك