دائما ما يتهم المجتمع الشباب...!

موضوع كويس وواقعى وبشكرك ع طرحه هنالاننا كلنا لازم نستفيد منه بجد
بس انا من رايى ان الانسان قدوته من جواه من قرارة نفسه ذاته لان هو اللى هيحدد مصيره بايديه مش بالتمنى
مش ممكن انى اخد قدوة ادامى بس مجتهدشى عشان اكون زيهاانما انا لو مصر واجتهدت واخدت بالاسباب اكيد هوصل للى عاوزه باذن الله

وبشكرك تانى ياايمان ع الموضوع ده

موضوع جميل وعندك حق دلوقتي الشاب بعيد عن الدين عاوز يضمن لأهله و ولاده حياه محترمه و مريحه وطبعا دي بتيجي بالايمان بالله بس بعيد عن الدين هنلاقي ان مجتمعنا متشقلب العلماء و المحترمين عايشين بالعافيه و احسنهن عايشين حياه متوسطهو العالم الزباله هم اللي عايشين حياه حلوه وليهم مكانه في المجتمع وعلى راسهم المغنيين و الممثلين ومش هقول لعيبة الكوره لأنهم مبيعملوش حاجه غلط بس معلش انا مجبش واحد معاهوش شهاده ولا علم وكل اللي يعرفه انه مهاري و بيلعب كوره كويس و اديلو فلوس اكتر من الراجل المتعلم اللي تعب في حياته عشان يبقى انسان متعلم ومحترم في نظر نفسه بس في نظر المجتمع اللي احنى عايشين فيه العالم التافهه هي اللي بقت محترمه يعني واحد زي عمرو دياب ده لو ليه اي مصلحه في اي جهه حكوميه الموضوع هيمشي زي السكينه في الحلاوه على عكس لو دكتور في الجامعه مثلا ملوش واسطه هيطلع عينو وممكن كمان مياخدش حقه

فواحد شاب ويي مثلا لما اشوف ده و اشوف ده هختار مين ؟!!!!!!!! انا اتنيلت و اخترت اسنان ههههههههه مع اني كان نفسي اكون لعيب كوره بس العيب في المجتمع مش فينا و لو اهلي مكانوش ربوني صح مكنتش كملت في العلم وكنت جريت ورا الكوره

العيب في المجتمع من الاخر و ده رأيي و المجتمع اللي متحكمين فيه ناس كبيره مش شباب و في الاخر يقولك اصل الشباب مش عارف ايه ..... جتهم نيله عالم مش قد المسؤوليه ربنا ينتقم منهم

ثانكسسسسس على الموضوع يا ايمان
بس اكيد لو الشاب قرب من ربنا وتعب وعمل اللي عليه ومش هقول ياخد قدوة معينة لان الاحسن انو يبص لكذا شخصية عشان يكون لنفسه شخصية من طموحاته اللي عايز يوصلها اكيد هيبقى حاجة كويسة تخليه يعيش بكرامته ومرتاح
غير الشاب اللي قاعد في القهوة ليل نهار ومش ورا غيرانو يهزر ويشرب في سجاير ويبص على اللي رايح واللي جاي ومايكلفش نفسوا يدور على اي شغل يخلي يعيش بكرامتو حتى لو مش معاه شهادة وفي الاخر يقولوا مظلومين!!!(دول بقى عايزين يتحرقوا)واكيد هما دول اللي المجتمع بيتهمهم ويستاهلوا
اللي اقصدوا ان الواحد يعرف هدفه ويعمل اللي عليه ويعتمد على ربنا حتى لو في الاخر موصلش للى عايزه بس هيبقى احسن من حال اللي محاولش