تخيل معايا

كلام جميل جدا

بس اكيد فيه ناس ان شاء الله
بتبقى اصدقاء دوما
واكيد فيه ف الدنيا ناس عندهم صداقة وحب مخلص بدون مصالح
وهيا دى الناس اللى بتفضل

لكن الناس اللى بتصاحب للمصالح
طبعا طبعا مستحيل حتى يفتكروا اسمك بعد 30 سنة

موضوع جميل وكلام مؤثر

موضوع حلو ياعطار
الناس اللي يسيبو في نفسك بصمه حلوة واللي لو رسمو لثانية ابتسامه علي وشك واللي يساعدوك أنك تقف علي رجلك بعد الشدة واللي ع الخير معاك وفي الشر يقوموك
واللي معاك ع الحلوة و المرة
استحاله
استحاله
استحاله
تقدر تنساهم
عارف ليه!
لأنهم ذكرياتك و كل تاريخك
وهو في حد ينسي تاريخه?!

هبقا نايم

Dr_Yomna كتب:كلام جميل جدا

بس اكيد فيه ناس ان شاء الله
بتبقى اصدقاء دوما
واكيد فيه ف الدنيا ناس عندهم صداقة وحب مخلص بدون مصالح
وهيا دى الناس اللى بتفضل

لكن الناس اللى بتصاحب للمصالح
طبعا طبعا مستحيل حتى يفتكروا اسمك بعد 30 سنة

موضوع جميل وكلام مؤثر

أكيد فى لسه صداقة حقيقية وده كنز كبير الواحد لو لقاه المفروض مايفرطش فيه

شكرا جزيلا على مرور حضرتك

Dr/3sam كتب:موضوع حلو ياعطار
الناس اللي يسيبو في نفسك بصمه حلوة واللي لو رسمو لثانية ابتسامه علي وشك واللي يساعدوك أنك تقف علي رجلك بعد الشدة واللي ع الخير معاك وفي الشر يقوموك
واللي معاك ع الحلوة و المرة
استحاله
استحاله
استحاله
تقدر تنساهم
عارف ليه!
لأنهم ذكرياتك و كل تاريخك
وهو في حد ينسي تاريخه?!

هو ده الهدف والمغزى من الموضوع

كلامك مظبوط مليون فى الميه

تسلم على الرد يا عصام ومبسوط انه عجبك

Dr/Asmaa كتب:
كلام جميل يا محمد

انا موافقة عصام في الراي
اي واحد اثر في حياتك ولو تاثير بسيط جدا هتفتكره بالخير
وكذلك انت علي حسب تاثيرك في حياة الناس سواء ايجابا او سلبا هتكون ذكراك عندهم برده خير او شر
بس الاكيد ان الناس بتتغير مش شرط للاسوء
بتغير اتجاهاتها ومعتقداتها وقناعتها وبتكون صداقات جديدة وعلاقات جديدة وبتتوسع في حياتك بكل اتجاهاتها
اهم حاجة في كل ده انك تكسب نفسك متخسرهاش بتغير ظروف الحياة

تقبل مروري

وانا موافقك جدا على كلامك

شكرا لردك المميز يا أسماء

Ahmed Nabeeh كتب:هبقا نايم

2040/7/2

زى 2010/7/2

عندك كله واحد

ههههههههههههههههههههههههه

انا اتوقع بعد 30 سنة هكووووووون

يدووووووبك فى رابعة اسناااااااااااااااااااااااااااااااااااان :D

بس انت ادعيلى الحق

موضوع جميل

ههههههههههههههههههههه

كنت متوقع ردك ده ياسيف وان شاء الله تلحق تخلص فى المدة القصيرة دى

ههههههههههههههههههههههههه

بعد الشر ان شاء الله خير و خلى فى ثقة فى ربنا

شكرا يا سيف وشكرا لحضرتك يا د/نورة

Dr_Nehad كتب:موضوع رااااااائع يا دكتور محمد

انا بعد 30 سنة مش عارفة هكون موجودة في الدنيا ولا لأ
بس أكيد كل اللي بتمناه ان ربنا لو كتبلي عمر سواء طويل أو قصير
يكون سيرتي بين الناس حلوة ويفتكروني بخير

وأنا من دلوقتي باوعدكم ان كل اخواتي اللي اتعرفت عليهم في الكلية
هفضل فاكراهم بأحلى ذكريات ومواقف طول عمري
مش 30 سنة بس

وان شاء الله ربنا يقدرني و نفضل أصحاب ويكتبنا من المتحابين فيه
أحبكم في الله

أكيد ان أهم شىء انك تسيب انطباع طيب وسيرة حسنه بين الناس

فما أعظم ان تكون غائبا حاضر على أن تكون حاضرا غائب زى ما بيقولوا

وربنا يتقبل هذه الدعوة ويكتبنا من المتحابين فى الله ونقع تحت ظل عرش الرحمن يوم تدنو الشمس من الرؤوس

شكرا لمرورك العطر يا دكتورة

بقايا إنسانه كتب:جمييييييييل بجد
جميل لابعد الحدود
وله هدف رائع
فعلا زي ماقال الدكاترة اي حد ساب بصمة حلوة في حياتك حتفضل فاكره مهما العمر لف بيك
بس يكون له بصمة وحلوة كمان

يااه كتير بيبقوا جمبنا وقت ما بنستكفى من الدنيا ومش بنبقى عايزين حاجة لكن وقت ما نعوز حد او نتكلم من جوانا نلاقي النقد اشتغل وقالوا شغل هبل

اتوقع بعد تلاتين سنة باذن الله لو عشنا
باذن الله

يكون الواحد كبر وعقل عن كدا
متوقش ان كتير علاقتهم تستمر باصدقائهم قليل جدا ده حيحصل
مهما كانت عمق الصداقة دي
ياااه الوحد بتلبخ في حياته بعد كدا وبنسى نفسه
بس صدقوني عمره ما بنسى موقع حلو لحد وقف جمبه

دمت بخير دكتور محمد
ودمت مميزا

ده حقيقى فعلا يا د/رقية الدنيا فعلا كلها مشاغل وتلهى الناس عن اخوانهم واصدقائهم

وفعلا اللى خلانى اتكلم فى ده ان والدتى النهاردة جالها تليفون من واحدة زميلتها فى الكلية ماشفتهاش من اكتر من 20 سنة ومتعرفش عتها حاجة

لكن دايما كانت تكلمنى عنها بكلام طيب و قد ايه شوفت الفرحة فى عيون والدتى بهذا الاتصال وقد ايه زميلتها قعدت تدور وتبحث لحد ماوصلت لرقمها

الشاهد ان السيرة الطيبة والصحبة الصالحة هيا أجمل ذكريات الماضى وهيا الباقية من أثر أى شخص بنقابله

شكرا لمرورك الرائع يا دكتورة