مهاجمة القوات الاسرائيلية بحريا وجويا لاسطول الحرية

قتل العشرات من ناشطى السلام بأسطول الحرية لكسر الحصار عن غزة.. وعشرات المتظاهرين الأتراك يقتحمون القنصلية الإسرائيلية فى أنقرة واسطنبول ردا على استهداف القافلة.. على غرار وعد "بلفور"

إسرائيل تقتل العشرات من ناشطى السلام بأسطول
الحرية لكسر الحصار عن غزة.. وعشرات
المتظاهرين الأتراك يقتحمون القنصلية
الإسرائيلية فى أنقرة واسطنبول ردا على
استهداف القافلة.. على غرار وعد "بلفور"
================================================================================
Youm on Monday 31st of مايو 2010 11:40:44 AM

الإذاعة العامة الإسرائيلية مقتل العشرات من
ناشطى السلام بأسطول الحرية لكسر الحصار عن
غزة عل يد قوات الاحتلال الإسرائيلية
والاستيلاء على القافلة قتلت قوات الاحتلال
الإسرائيلى - بدم بارد- ما لا يقل عن 20 ناشطا
وإصابة 50 آخرين من ناشطى السلام بأسطول كسر
الحصار عن قطاع غزة "الحرية" فى عرض البحر
أثناء اقترابها من القطاع فجر اليوم بعد أن
تصدت لها قوات الكومندوز الإسرائيلية
واستولت عليها بشكل همجى. وقالت الإذاعة
الإسرائيلية إن المئات من الجنود
الإسرائيليين اقتحموا بشكل متزامن جميع
السفن مستخدمين أسلحة نارية وغازات مسيلة
للدموع. متظاهرون أتراك يقتحمون القنصلية
الإسرائيلية فى أنقرة واسطنبول ردا على
استهداف قافلة "الحرية".. والحكومة التركية
تعقد اجتماعا طارئا للرد على الانتهاكات
الإسرائيلية اقتحم مئات من المتظاهرين
الأتراك القنصلية الإسرائيلية فى أنقرة فى
أعقاب استيلاء البحرية الإسرائيلية على سفن
كسر الحصار على غزة، فيما منعت قوات الأمن
التركية المتظاهرين الغاضبين من اقتحام مقر
القنصلية الإسرائيلية فى اسطنبول احتجاجا
على الهجوم الإسرائيلى على سفن "أسطول الحرية
لغزة"، الذى يحمل مساعدات إنسانية
للفلسطينيين المحاصرين فى القطاع مما أدى إلى
مقتل أكثر من 16 على الأقل من المتطوعين
المرافقين للقافلة وإصابة عشرات آخرين منهم.
وقد تجمعت أعداد كبيرة من المواطنين الأتراك،
وأعضاء جمعية حقوق الإنسان والحرية "آى إتش
إتش" المشاركة بثلاث سفن فى القافلة أمام
القنصلية الإسرائيلية فور سماع نبأ الهجوم
الإسرائيلى على السفن المشاركة فى الأسطول،
والذى تشير معلومات إلى أنه استهدف فى الأساس
السفن التركية مما أدى الى انقطاع الاتصال مع
الأسطول. وفى نفس السياق قررت الحكومة
التركية عقد اجتماع طارئ لكبار المسئولين
الأتراك لبحث وتقييم الموقف وكيفية الرد على
الرعونة والانتهاكات الإسرائيلية. حماس:
الهجوم على السفن الدولية يمثل جريمة دولية
وفضيحة سياسية قال رئيس الحكومة الفلسطينية
الحمساوية، إسماعيل هنية، إن الهجوم
الإسرائيلى على السفن الست يمثل جريمة دولية
وفضيحة سياسية. ودعا هنية السلطة الفلسطينية
الى وقف المفاوضات مع إسرائيل سواء كانت
مباشرة أو غير مباشرة. صحيفة يديعوت أحرانوت
قطر ترحب بوزير الصناعة الإسرائيلى فى
المنتدى الاقتصادى العالمى ذكرت الصحيفة أنه
من المقرر ان يصل وزير الصناعة والتجارة
الاسرائيلى، بنيامين بن اليعازر، مساء اليوم
للعاصمة القطرية "الدوحة" ليترأس الوفد
الإسرائيلى المشارك فى المنتدى الاقتصادى
العالمى. وأوضحت مصادر إسرائيلية ان المنتدى
المنعقد فى الأيام الجارية بالدوحة سيبحث فى
اطر التعاون الدولى والإقليمى وطرق تعزيز
النمو فى دول العالم بعد الخروج من الأزمة
المالية. وأشارت الصحيفة إلى أن زيارة الوزير
الإسرائيلى تعتبر الأولى من نوعها من حيث
المستوى منذ عام 2001 ونوعية الوزير المتخصص فى
قضايا الاقتصاد علما بأن آخر زيارة لمسئول
إسرائيلى كانت عام 2008 عندما وصلت وزيرة
الخارجية الإسرائيلية تسيبى ليفنى العاصمة
القطرية ضمن زيارة رسمية. على غرار وعد
"بلفور".. الرئيس الأمريكى يعطى نتانياهو وعدا
تاريخيا بتعزيز القدرات العسكرية
والإستراتيجية الإسرائيلية كشفت صحيفة
يديعوت أحرونوت فى اليوم أن رئيس الوزراء
الإسرائيلى بنيامين نتانياهو تلقى قبل
أسبوعين ضمانات مؤكدة من الرئيس الأمريكى
باراك أوباما تنص على أن واشنطن ستقوم بتعزيز
القدرات الإستراتيجية الإسرائيلية وقدرتها
على الردع العسكرى. وأكد مسئول إسرائيلى
كبير فى مدينة "اوتاوا" مساء أمس أن الضمانات
الأمريكية تشتمل على رفع حقيقى لمستوى
العلاقات بين البلدين فى مجال التفاهمات
الإستراتيجية. وقال أوباما فى رسالة رئاسية
بعث بها إلى نتانياهو قبل بضعة أيام أن أى
قرار يتخذه المؤتمر الدولى لمراجعة المعاهدة
الدولية للحد من انتشار الأسلحة النووية لن
يمس بمصالح إسرائيل الحيوية. وقالت مصادر
سياسية للصحيفة إن نتانياهو عمل خلال الأشهر
القليلة الماضية عبر عدة قنوات لضمان عدم
تأثير قرارات المؤتمر الدولى على أمن
إسرائيل، مشيرة إلى أن المؤتمر قد حث فى بيانه
الختامى يوم الجمعة الماضى إسرائيل على
الانضمام إلى المعاهدة ودعا إلى جعل منطقة
الشرق الأوسط خالية من أسلحة الدمار الشامل.
صحيفة معاريف الشرطة الإسرائيلية تتأهب فى
جميع أنحاء إسرائيل تخوفا من أى هجمات ردا على
استهداف قافلة "الحرية" ذكرت الصحيفة أن
الشرطة الإسرائيلية وضعت قواتها فى جميع
أنحاء إسرائيل على أهبة الاستعداد وخاصة فى
الشمال الإسرائيلى وفى القدس ويافا تحسبا لأى
عمليات انتقامية ردا على استهداف البحرية
الإسرائيلية لقافلة كسر الحصار عن غزة.
وأضافت الصحيفة أنه سيترأس مفتش الشرطة العام
الجنرال، دودى كوهين، جلسة باشتراك كبار ضباط
الشرطة لتقييم الموقف، كما وضعت طواقم مؤسسة
نجمة داود الحمراء فى حالة تأهب. وأغلقت
إسرائيل جميع المعابر الى قطاع غزة، وعادت
عشرات الشاحنات المحملة بالمواد الغذائية
التى كانت ستدخل القطاع عبر معبر "كيريم
شالوم" لأماكنها مرة أخرى. الفنادق والمولات
التجارية والنوادى الليلية والمطاعم فى حيفا
فى حالة طوارئ اليوم ذكرت الصحيفة أن
الفنادق والمراكز التجارية والنوادى الليلية
والمطاعم بمدينة حيفا فى هذه الأيام لتمارين
مفاجئة للشرطة تستمر عدة أيام لمحاكاة وقوع
اعتداءات ولفحص مستوى استعداد والأمان فى تلك
المرافق بهدف البقاء على الاستعداد عند وقوع
حوادث حقيقية. وأضافت الصحيفة أن قائد منطقة
الشاطئ العميد، رونى عطية، الذى أصدر
توجيهاته إلى رجال الشرطة وشعبة العمليات
للخروج فى عمليات مفاجئة فى المرافق التجارية
والفنادق والنوادى الليلية فى منطقة "حيفا
وكرايات والخضيرة. وأشارت الصحيفة أن النتائج
الأولية حول مستوى الاستعداد تشير إلى أن
المستوى منخفض جدا، موضحة أن أربعة من بين كل
خمسة فنادق فى حيفا فشلوا فى الاختبار الذى
أجرته الشرطة عندما لم ينجح رجال الأمن فى تلك
الفنادق فى اعتقال شرطية دخلت من أبواب
الفندق فى حقيبتها جسم مشبوه وطلب من أصحاب
تلك الفنادق التوقيع على تعهد بإصلاح هذا
الخلل. وقالت الصحيفة إن الشرطة كانت قد فحصت
أمس عشرات النوادى الليلية فى المنطقة ووجدت
ثغرات أمنية فى أكثر من عشرين منها ومن بينها
أنه لا يوجد ما يكفى من الأمن وأن عدد من رجال
الأمن هناك لم يتلقوا تدريبات مناسبة تأهلهم
لهذا العمل وكذلك وجدت ثغرات فى أنظمة
الطوارئ وعدم استيفاء شروط الترخيص. صحيفة
هاآرتس وزير الخارجية الإسرائيلى المتطرف
يزعم بأن قافلة "الحرية" استفزازا لتل أبيب
زعم وزير الخارجية الإسرائيلى اليمينى
المتطرف، أفيجادور ليبرمان، أن منظمى
القافلة تجاهلوا سماح إسرائيل بإدخال
المساعدات وجميع ما يحتاجه سكان القطاع
،زاعما بانه لا توجد أى أزمة إنسانية فى
القطاع. ورأى الوزير المتطرف خلال نقاش أجراه
أمس بمقر وزارته مساء أمس أن الهدف من تسيير
قافلة السفن الدولية ليس إلا استفزاز تل
أبيب، مضيفا بأن منظمى قافلة السفن الدولية
كان عليهم أن يطالبوا السلطات الحمساوية
بتمكين الصليب الأحمر الدولى من زيارة الجندى
الأسير لدى حماس جلعاد شاليط إذا كانوا
يهتمون أصلا بحقوق الإنسان على حد قوله
ومزاعمه. إصابة الشيخ رائد صلاح فى عملية
الهجوم على سفن كسر الحصار على غزة نقلت
الصحيفة عن وسائل الإعلام الدولية أن عملية
استيلاء قوات البحرية الإسرائيلية على السفن
الـ 6 التى كانت تتجه نحو قطاع غزة لكسر الحصار
المفروض عليه منذ سنوات أسفرت عن مقتل 15 شخصا
وإصابة نحو 50 آخرين بجروح. وأضافت الصحيفة أن
الشيخ رائد صلاح رئيس الجناح الشمالى للحركة
الإسلامية فى البلاد أصيب بجروح خلال عملية
القوات الإسرائيلية. وقالت الصحيفة إن
الخارجية التركية طالبت بتوضيح عاجل من
إسرائيل حول عملية الاستيلاء، وصفت الخارجية
التركية هذه العملية بهجوم غير مقبول.

حكومات العرب لا حول لها ولا قوة

للأسف اسرائيل لو دخلت حرب ضد البلاد العربية كلها لوحدها هتكسب

ده الانحطاط اللى احنا وصلناله ده

حسبى الله ونعم الوكيل

لا فى اصلاح داخلى فى البلاد ولا عارفين نرد رد حازم وقاطع على اللى بحصل لا وشاطرين اوى بس اننا نزعل عشان ماتش كورة والهيافات دى

بجد بقت حاجة تحرق الدم

ندين و نستنكر
انا بيتهيقلي الكلمتين دول زهقوا مننا
وللاسف احنا مبنزهقش منهم
كل حاجه ندين ونستنكر
دا احنا حتي معملناش زي اسبانيا وتركيا واليونان واللي هما مش عرب
ومع ذلك سنظل ندين ونستنكر ونقول اسرائيل كخه

نائب رئيس الوزارا الاسرائيلي بيقول احنا مضربناهمش ف المياه الدوليه احنا ضربناهم علي الخط الفاصل بين المياه الدوليه والاقليميه
شغل صهاينه وكلامه كله اصلا ينقط
حسبي الله ونعم الوكيل

نسيت اشكر حضرتك على الراى الصائب. وبالنسبة لماتشات الكورة اللى فرقت بينا .احنا يا دكتور بنطبق مبدا مش قادر على الحمار قادر على................... حتى دى معندناش قادرين عليها.
.

و من امتي اصلا كان الفوز في الحرب بقوة الاسلحه ولا عدد الجنود

ربنا يتولانا برحمته

كل حكومات الصهاينه كده يا محمد من يوم ما عرفناهم
شعوب على باطل بس بدافع عن افكارها الغلط

واحنا على حق ومش عارفين نوصل صوتنا عشان شاغلين نفسنا بالتفاهات وخايفين من اللى جاى


والله اللى جاي عمره ما هيكون اسوا

اتحركوا بئا

ده اللى اقصده والله يا محلاوى

صدق رسول الله صلى الله عليه وسلم

بل انتم يومئذ كثير لكنكم غثاء كغثاء السيل

اكتر حاجة تحرق الدم ف الموضوع و انا بشوف الاخبار ان عدد من الدول الاوروبية استدعت سفراء اسرائيل الموجودين على اراضيها بينما محدش ف العرب فكر يعمل كده حتى لا و كمان وزير الصناعة الاسرائيلى موجود دلوقتى ف قطر عشان منتدى الدوحة الاقتصادى!!!
و الاتراك طلعوا على القنصلية الاسرائيلية يا رب يدمروها
و احنا موقفنا مش هيبقى اكتر من بيان ف التليفزيون
اسرائيل ايه بس يا عالم و الله لو طلعنا عليهم عشر رجالة مصر ياكلوهم بسنانهم بس فين بقى ف عصر التفاهات و عصر امريكا اللى احنا عايشين فيه ده

شكرا يا دكتورة

ندين و نستنكر
انا بيتهيقلي الكلمتين دول زهقوا مننا
وللاسف احنا مبنزهقش منهم
كل حاجه ندين ونستنكر
دا احنا حتي معملناش زي اسبانيا وتركيا واليونان واللي هما مش عرب
ومع ذلك سنظل ندين ونستنكر ونقول اسرائيل كخه

نائب رئيس الوزارا الاسرائيلي بيقول احنا مضربناهمش ف المياه الدوليه احنا ضربناهم علي الخط الفاصل بين المياه الدوليه والاقليميه
شغل صهاينه وكلامه كله اصلا ينقط
حسبي الله ونعم الوكيل

فعلا هم اللى زهقوا منا.وبعدين احنا منقدرش نعمل زي اسبانيا وتركيا واليونان لانهم فى مركز قوة اما احنا فى مركز ضعف.احنا عاملين زى الاطفال طب دى حتى الطفل والله بيتمسك بحقه وبياخده باى طريقة.شكرا على راى حضرتك الصائب.

فعلا هم اللى زهقوا منا.وبعدين احنا منقدرش نعمل زي اسبانيا وتركيا واليونان لانهم فى مركز قوة اما احنا فى مركز ضعف

وايه اللى خلانا فى موقف الضعف ده

بلدك مش عارفه تعمل اكتفاء ذاتى مش لاقين غاز وبنصدر لليهود

عايشين على المعونة لو قلنا لا طنط امريكا هتقطعها عننا

كان فى حاجة جميلة اسمها جامعة الدول العربية معتش ليها اى اهمية ولا بيتاخد بقرارتها

مفيش حاكم عربى قادر يعلى صوته

ربنا يتولانا

اكتر حاجة تحرق الدم ف الموضوع و انا بشوف الاخبار ان عدد من الدول الاوروبية استدعت سفراء اسرائيل الموجودين على اراضيها بينما محدش ف العرب فكر يعمل كده حتى لا و كمان وزير الصناعة الاسرائيلى موجود دلوقتى ف قطر عشان منتدى الدوحة الاقتصادى!!!
و الاتراك طلعوا على القنصلية الاسرائيلية يا رب يدمروها
و احنا موقفنا مش هيبقى اكتر من بيان ف التليفزيون
اسرائيل ايه بس يا عالم و الله لو طلعنا عليهم عشر رجالة مصر ياكلوهم بسنانهم بس فين بقى ف عصر التفاهات و عصر امريكا اللى احنا عايشين فيه ده

شكرا يا دكتورة

العفو يا دكتور.يا دكتور احنا مانقدرش نستدعى فراش اسرائيلى على طول بيان اسرائيلى يطلع يهددنا واحنا نعتذر.

اسرائيل ايه بس يا عالم و الله لو طلعنا عليهم عشر رجالة مصر ياكلوهم بسنانهم بس فين بقى ف عصر التفاهات و عصر امريكا اللى احنا عايشين فيه ده

يادكتور والله الاسرائيليين دول اجبن واضعف خلق الله دول قوتهم بس فى سلاحهم وعلمهم ووقوف امريكا جنبهم.بس الحمد لله اللى مطمنى ان نهايتهم على ايدينا باذن الله بعد عملر طويل.

جامعة دول ايه بس
و لا امم متحدة و لا مجلس امن ليهم لازمة طول ما حق الفيتو موجود هم فالحين يحطوا عقوبات على كوريا الشمالية و ايران و ليبيا و سوريا بس
و غاز ايه ده حتى بيتصدر بأقل من تسعيرته المحليه
يا راجل دى حاجة تحرق الدم و تفقع المرارة

وصلت للى عاوز اقوله

كان فى كيان على الأقل بحرك الشعوب العربية اسمه جامعة الدول هو دلوقتى زى قلته ومالوش لازمه

ياعم بلا حرقة دم

انا بجد اتخنقت من حكومات العرب

انا انزل اجيلك احسن يا درش

معاكى حق يا دكتورة

وكلنا بنتكلم من منطلق واحد

ان قوتنا مش هتيجى من فراغ

لازم يكون فى اتحاد عربى صارم موحد على كلمه واحده

ويجى حاكم لا يخشى فى الله لومة لائم

والاتحاد العربى مش هيجى اللى ام يبقى الحاكم معندوش نقط ضعف يضغط عليه بيها. والحمدلله كل الحكام العرب اقوياء جدا. يادكتور الوطن ده مش هيبقى صح الا اما احنا نبقى صح.احنا لازم نتغير احنا بنرجع مليون خطوة للوراء.

بسم الله الرحمن الرحيم

(ان الله لا يغير ما بقوم حتى يغيروا ما بانفسهم )

والله انا حاسة ان كلنا صلاح الدين لو خدنا خطوة ايجابية هنكسر اسرائيل واعوانها.ربنا يسترها علينا.
على فكرة انا حاسة ان انا هتمسك قريب

و تحيه كبيره اوي لدول الخليج بالذات :@

خصوصا امير قطر
اللي كلف خاطره وجه علي نفسه و عمل مؤتمر عشان يقول فيه نحن ندين و نستنكر
سبحان الله
ربنا يهدي
انا سمعت اننا اخير علي ما الوزراء بتوعنا صحيوا م النوم (اصل نومهم تقيل شويه وكمان كانوا مرهقين من سهرة امبارح)
سمعت اننا اخيرا استدعينا السفير الاسرائيلي
يارب نعمل حاجه اجابية مره في حياتنا بقي

و تحيه كبيره اوي لدول الخليج بالذات :@

فعلا يا دكتور والقهوة اللى بيقدموها على طول المرة دى على حساابى

خصوصا امير قطر
اللي كلف خاطره وجه علي نفسه و عمل مؤتمر عشان يقول فيه نحن ندين و نستنكر
سبحان الله
ربنا يهدي
انا سمعت اننا اخير علي ما الوزراء بتوعنا صحيوا م النوم (اصل نومهم تقيل شويه وكمان كانوا مرهقين من سهرة امبارح)
سمعت اننا اخيرا استدعينا السفير الاسرائيلي
يارب نعمل حاجه اجابية مره في حياتنا بقي

امير قطر ده بالذات قهوته (الهيل بتاعه على حسابى )يقتل القتيل ويمشى فى جنازته كفاية القواعد الامريكية العسكرية اللى فى بلده .وامير الكويت والامارات والبحرين وضعت امريكا عندهم رادار يقدر يكشف اى خطر والرادار على اتصال بالرادار الى فى اسرائيل.الله اكبر بنحافظ على امن اسرائيل القومى.ده مفيش اى رد فعل امريكى لحد دلوقتى.
يا دكاترة اسرائيل مينفعش معاها لا مفاوضات ولا غيره الحل الوحيد هو الحرب وده مستحيل.

بصى يا نوره انا كان نفسى ارد ع الموضوع من الاول بس انا طبعا مش متابعه الحركات السياسيه
فانا هشكرك ع الموضوع
و كمان كلامك عجبنى