رد: هام للمجموعة الأولى في الشفوي

من طرف M.Taha الخميس مايو 27, 2010 12:53 pm

صدقونى ياجماعه مش هيكون كويس خالص حكايه الصبح دى
وبعدين مش تنسوا ان هيكون فى امتحانات الصبح
سواء عندنا او فى طب
انا بالنسبالى معظم المواد تانى يوم يعنى مش هتفرق
فشوفوا اللى هاتتفقوا عليه واعملوه
وربنا يوفقنا كلنا

من طرف جميلة الخميس مايو 27, 2010 1:22 pm

نا شايفه ان كلام خالد معقول

يعني فعلا احسن لنا نكسب يوم زياده للاناتومي بدل ما يبقي يوم واحد

مش هنلحق نكح حتي جنب الكتاب

و يا احمد يعني ماتخفش ولا حاجه ده هستولوجي مش تقيل يعني و ان شاء الله نجاوب فيه و هو مش مستاهل

بتهيالي الجنرال في حاجات كتير شيلاه

كلنا قفلنا ورقه الميدترم و العملي و ان شاء الله النظري هيبقي تمام مش مشكله لو حصل حاجه في الشفوي

لكن الاناتومي احنا اتشقلطنا في العملي و الميدترم فا مش ناقصه بقي

اتفقوا و انجزوا علشان نلحق نعمل حاجه

اوكي؟؟؟؟؟؟؟؟؟

من طرف Dr/Asmaa الخميس مايو 27, 2010 1:27 pm

مش فارقه يا جماعه الصبح هتبقي اعصابنا بايظه وكذلك بعد الامتحان
ويوم الاناتومي زي يومين
معدتش تفرق والله العظيم
فسيبوها لله وريحو دماغكو شويه

من طرف Dr_simsima الخميس مايو 27, 2010 1:51 pm

أنا مش فاهمة والله
حد يخاف من الهستولوجي و يقول عالاناتومي مش هتفرق
دا مفيش أي وجه مقارنة بينهم خاااالص
يا جماعة دا هستولوجي يعني لو كانت اي مادة تانية كنتو تختلفوا لكن دا هستولوجيييييييييي
ياريييييت نتفق عشان نلحق نعمل حاجة

من طرف Eman Iran الخميس مايو 27, 2010 2:24 pm

هههههههههههههههه لا حول ولا قوة الا بالله

يعنى الماده اللى كلنا جايبين فيها درجات عاليه فى الميد ترم دى اللى انتو خايفين تدخلوا الشفوى فتنقصوا فيها او متعرفوش تجاوبوا فاعصابكوا تبوظ !!

والاناتومى مش خايفين منه..الماده اللى معظمنا ناقص فيها عملى وميد ترم بالاضافه ان القسم بتاع الماده دى زى الفل يعنى سواء فى التصحيح اوالشفوى !!

انتو بتفاضلوا ايه على ايه ؟!!!!

الجنرال هستولوجى اللى كل الدفعات بتذاكروا قبلها بيوم وبتنجح فيه وبتقدير كمان ولا الاناتومى اللى كان حوالى 120 واحد شايله السنه اللى فاتت !!!!!!!!!!!!!!

من طرف dr_khaled الخميس مايو 27, 2010 6:01 pm

الحمد لله لقيت مساندة
كنت حاسس اني بقول كلام غريب أو شاذ ولا حاجة

ياريت بقى نتصرف في الموضوع ده
ونطلب منهم كده في القسم

من طرف kareem.h الخميس مايو 27, 2010 6:55 pm

فعلاً يكون أحسن لو إمتحنا الهستولوجي الصبح قبل الإمتحان النظري عشان نسيب وقت للتشريح
بعدين يا جماعه الشفوي ده فيه حد معين في الدرجات يعني لو مقولتش حاجه حتاخد رده درجات بعدين ده هستولوجي

من طرف Den.Esraa الخميس مايو 27, 2010 7:23 pm

اللي انتو عاوزينه اعملوه
مبقتش تفرق كتير :saaad*:

من طرف Dr_simsima الخميس مايو 27, 2010 7:40 pm

الحمد لله
ياريت بقى ياجماعة نتفق هنعمل إيه عشان معتش في وقت

من طرف نوره الخميس مايو 27, 2010 8:37 pm

اللى انتوا عاوزين تعملوه ده للدفعة كلها ولا للمجموعة الاولى بس.

من طرف dezner الخميس مايو 27, 2010 8:51 pm

والله شوفوا الأنسب ايه وانا معاكم

للأسف هيا كده كده مش فارقه

من طرف فتاة الاسلام الخميس مايو 27, 2010 9:13 pm

حسبى الله ونعم الوكيل

طبعا اننا نمتحن نفس اليوم الصبح هيكون احسن كتييييييييييييييييير

احنا لازم نسيب وقت للاناتومى لان احنا اول مجموعة امتحنت العملى واكتر مجموعة لبخت الدنيا

فكفاية اللى ضيعناه فى العملى مينفعش نضيع النظرى كمان

الله المستعان

من طرف Dr_Yomna الخميس مايو 27, 2010 9:22 pm

انا مش فاهمة حاااااااجة
بتوع طب لو عملتوا ايه مفتكرش يوافقوا
احنا مضطهضين ههههههههه منهم
بس لو وافقوا..................

انتو خايفين ليه لو يومها الصبح دا يبقى قشطة اوى
نعرف الاسئلة نظامها ايه وكده
دا حتى مراجعة ليك وكده
تدخل الامتحان تحل بقلب جاااااامد

خليكوا شجعان مع انى مش كدا خالص
وسيبوها لله وتسبقوش الاحداث

انا حاسة بتفاؤل وان شاء الله ربنا هيكرمنا باذن الله

لاننا اتظبطنا على الاخر طول السنة
(من يتق الله يجعل له مخرجا)
بالتوفيق ياجماعة ان شاء الله

من طرف dr_khaled الخميس مايو 27, 2010 11:40 pm

تمام
حد بقى يروح قسم الهيستولوجي
بس يكونوا مجموعة ويطلبوا منهم نمتحن يوم الامتحان الصبح لو مش هينفع فعلا بعد الامتحان
مين هيتطوع؟؟ :D

من طرف e_pirate الجمعة مايو 28, 2010 6:57 am

7alimoo كتب:sa2fa lel2erd

من طرف Dr_simsima الجمعة مايو 28, 2010 8:23 am

للأسف ياجماعة أنا مش نازلة المنصورة إلا عالامتحانات لأني بسافر
فياريت حد من المنصورة يتفضل مشكورا ويروح وجزاه الله ألف خير

من طرف dr_khaled الجمعة مايو 28, 2010 5:32 pm

أنا مستعد أروح
مين هييجي معايا ؟؟

من طرف dezner الجمعة مايو 28, 2010 8:21 pm

أجى معاك يا خالد

ابئا كلمنى وقولى انت نازل امتى

من طرف dr_khaled الجمعة مايو 28, 2010 11:16 pm

مين كمان ؟

من طرف جميلة السبت مايو 29, 2010 9:54 am

يعني اجي انا ولا اعمل ايه دلوقتي ههههههههه

يا جماعه يلا انجزوا

قبل مانلاقيهم دبسونا في حاجه تانيه

كفايه انت و العطار يا خالد يلا مش مشكله

او حد من الولاد يتبرع كده و يكمل العصابه علشان نخلص

من طرف dezner السبت مايو 29, 2010 1:36 pm

هتنزل امتى يا بنى

من طرف ???? الأحد مايو 30, 2010 6:56 am

هو الكلام ده للدفعه كلها ولا المجموعه الاولي بس ؟؟؟

من طرف جميلة الأحد مايو 30, 2010 8:13 am

لالالالالالالالالالالالالالالالالالالالالالالالالالالالالالالالالالالالالا

احنا قلنا هتخلوا الكلام ده علي الدفعه كلها

علشان كلنا نبقي زي بعض و نوفر يوم للاناتومي

مش كده ولا ايه؟؟؟؟؟؟؟؟؟

من طرف hend waheed الأحد مايو 30, 2010 11:51 am

ah yareet ykon lldof3a kolha bs maznosh hyl72o y5lso eldof3a kolha 2bl elsa3a 2 :question*:

y raaaaaaaaaab ywaf2o b2a y3mlo ay 7aga

من طرف بقايا إنسانه الأحد مايو 30, 2010 10:40 pm

طااااااااااااااااااااااااااااااايب

من طرف dr.omnia الإثنين مايو 31, 2010 1:57 am

على فكرة مش حلو ان يبقى الشفوى قبل النظرى لان افرض محدش جاوب كويس فى الشفوى الدنيا هتسود اصلا والحكاية مش ناقصة قلق قبل الامتحان غير القلق اللى بيقى موجود اصلا فهو الدفعة كلها تبقى تانى يوم وخلاص وانا عارفة ان ده هييجى على حساب الاناتومى بس هنعملب ايه ده نصيبنا بقى لان النظرى درجاته اكتر بكتير من الشفوى فلازم نعمل حسابه اكتر من الشفوى