ايهما اقسي نزول الدموع ام كتمانهاااا ؟ ! ؟ ! ؟ !

جميلة كتب:الحقيقه انا مابحبش حد يشوف دموعي

مش لاني جامده ولا لاني بميت راجل في بعض

بس انا طبيعتي كده

يعني افضل احتفظ بهمومي لوحدي

بس بعيد عن كل ده

موضوع حلو اووووووووووووووووي

تسلم ايديك يا روكه

snowhite كتب:اكيد كتمان الدموع اشد قسوة لان الدموع فى معظم الاحيان بتكون وسيلة لتخفيف الهموم و الحزن اما كتمان الدموع ممكن يؤدى لاكتأب
شكرا با رقية على التوبك التحفة ده

loka كتب:هو كتمان الدموع صعب اوي يا روكا بجد
بس الاصعب انك تأذي مشاعر حد بدموعك وتضايقيه
فالاحسن في الحالة دي الكتمان زي حالاتي كدا



توبيك جميل يا روكا اوي
واتمني تتقبلي رايي

roma كتب:كتمان الدموع اقسي من نزولها
تخيلي لما تبقي هتموتى من الالم والحزن (مش انتى طبعا بعيد الشر عليكى دا مثال)
ونفسك تبكى ومش عارفه نفسك تنزلى دمعه واحده وحاسه ان الدموع متجمده
في عنيكى
محبوسه ومكتومه
ومش راضيه تنزل
اكيد اصعب لان حتى لما بتزعلي بتلاقيهم يقلولك ايه عيطى عشان ترتاحى فنزول الدموع فيها راحه في النهايه
وحبسها وكتمانها في تعب واحساس بالاحباط والحسرة وانا كمان ممكن اقولك موت بالبطئ

تسلمى ياروكا
ومبروك عالاشراف
بس اياك تنقليلي موضوع او انقليه زى متحبي بس عرفينى اصلى بموت من التدوير عليه ومش بلاقيه غير بالصدفه
هههههههههه

dr_khaled كتب:اصلا نزول الدموع مريح مش مؤلم
لكن كتمانها ومنعها انها تنزل هو قمة الألم

dr teeth كتب:موضوع روعة

و بالنسبة للسؤال :

أيهما أشد مرارة و قسوة ؟؟

عندما تتخلى عنك الدموع بلحظة يأس......

أم عندما تهطل كالمطر عندما تحاول اخفاؤها....


معظم الناس هتقول الاولى اصعب

بس انا شايف ان التانية اصعب بكتير
حاجة صعبة اوى لما تضيع منك حاجة و تبكى عليها
و يزيد بكائك كل اما تستوعب ان البكاء ده عمره ما هيرجعها ..

شكرا د.رقية على التوبيك ..

ma7allawy كتب:أيهما أشد مرارة و قسوة ؟؟

عندما تتخلى عنك الدموع بلحظة يأس......
.
أم عندما تهطل كالمطر عندما تحاول اخفاؤها....

انا شايف ان التانية اصعب بكتير
بدليل ان معظم الناس بتقول ان البكاء بيريح

توبيك جميل اوووى
شكرا

جاسوس من تجارة كتب:انا من راي ان اذا الدموع امتنعت عن النزول
فدا بسبب كثرة الجراح
ومابقتش عارفه تنزل علي ايه ولا ايه

فعلا الواحد معدش عارف يزعل على ايه واللاايه

والاشد مرارة هو كتمانها
والاشد مراره هو نزولها امام اي شخص ينتمي لبني ادم
لان لو كتمها مره هتتعبك ساعه
اما لو نزلت امام اي انسان هتتعبك الف ساعه



جزاكي الله خير يا دكتورة رقية

rona كتب:موضوع فى غايه الروعه يا دكتوره رقيه

هوا فى الحقيقه الاتنين اصعب من بعض
بس انا شايفه ان الاصعب التانيه لانى جربتها كتير وبحس انى
بتالم اكتر لما بعيط قدام حد بس للاسف مبعرفشى اخبى

عالعموم الموضوع رااااااااااااااااااااااائع تسلمى

تقبلى مرورى

dr ramy كتب:لا تبكي على اللبن المسكوب
انا من رايي ان كتمان الدموع افضل بالنسبه للرجل خاصة
لان ده يدل على ضعف شخصيته ان كان يدل على احساسه العالي ومدى عزة النفس لدى هذا الانسان لكن
هذا المجتمع لا يقدر هذه الامور
اما الفتاه فممكن تنزلها او تكتمها حسب الموقف او المشهد اللي هيه فيه
وان كنت افضل كتمانها لان الغير يفهم هذه النقطه انها نقطه ضعف
وعلى راي الشاعر
اروح اعيط اروح اعيط
وفي روايه اخرى
بكاؤكما يشفي وان كان لايجدي
موضوع جميل جدا جدا