تأملات أملجامية (سلسلة معلومة ع الماشي)

بسم الله الرحمن الرحيم
الموضوع دا للطالب اللي مش عارف اي حاجة في اي حاجة...وكله عنده...سمك لبن تمر هندي....والكلام بالبلدي خالص
لكن بتوع الكورسات والمحاضرات..فنصيحة أخوية مني..اغلق الموضوع ومش تضيع وقتك..مش هتطلع بأي جديد

أنا النهاردة عايز أعيش معاكم عشر دقايق وتأملات بسيطة جدا في الAmalgam

وتعالوا كده تخيلوا الموقف اللي أنا اتخيلته دا...ذهبنا سويا لوحده العلاج بأجر...وخلاص عايزين نساعد أحد المرضى الموجودين قبل ما طبيب الامتياز اللي دايما بيتأخر على ميعاده
أول حاجة هنحدد نوع الحشو....يعني ياترى هل هو amalgam. *composite * glass ionomer
وطبعا من خلال دراستنا بنحدده على أساس classes....وعندنا سته أنواع ...واللي هم
class one >>occlusal of posterior teeth-
class two>>occlusal &proximal(mesial&distal) of posterior teeth-
class three >>proximal of anterior teeth-
بس خللي بالك ..not reach mesial angle
-class four>>proximal of anterior teeth
خللي بالك بردو..reach mesial angle

-class five>>facial and lingual (exp. cervical)
-class محذوف من قبل الادراه>>cusp tip

طااااااااااااايب ..افترضنا ولقينا المريض عايز حشو في upper six

يعني amalgam وانا مغمض لانك مش في عيادة هتجيب glass ionomer
وبعدين عمك الحاج شكله غلبان عايز حاجة رخيصة

ممكن واحد من بتوع سمك لبن تمر هندي ..يقولي ...اشمعنا يعني amalgam bardu???
هقولك يا سيدي وندخل على uses of amalgam
عد معايا وقول
واحد: كل الحلات اللي فوق ..يعني class 1.2.3.5.6 ما عدا الرابع .......طيب ليه؟؟؟...علشان brittl

تنين يعني تو مش من اللي بيطلع نار: لا يستحب نستخدمه في الحاله التالته ..ليه بردو؟؟؟....علشان unaesthetic appearance
والعيان أهم حاجة عنده شكل سنانه..طبعا علشان يعرف يكركع من الضحك

انتوا زهقتوا وللا ايه؟؟!!

ركز بس كده يا مسكر انت وهو وخليك معايا
يللا نقول تلاته: دي أهم حاجة واني أتأكد ان المريض مش عنده حساسة من الزئبق....hypersensitivity to mercury
وطبعا دي نادر أوي تلاقيها يعني

طيب واحد بردو من بتوع سمك لبن تمر هندي ..ايه علاقة الزئبق بالموضوع...ودي يا باشا معلش..اركن انت بئا على جنب وخليك في الاخر لما نتكلم عن composition باذن الله

المهم
روحت قايل لعمي الحاج بقلبي جاكد ...بص يا حج احنا هنستخدم amalgam

عمك الحاج حشري وبيحب يعرف كل حاجة...وراح خبطك سؤال..ايه الأمالجم ده؟؟

سيادتك كطبيب لازم بئا ترد ..رد يفحمه ويخليه يحط لسانه في بؤه
فروحت قايل
بس يا حاج...amalgamبصفه عامة هو سبيكة من المعادن ومعاها الزئبق
لكن احنا كأطباء أسنان فالأمالجم بتاعنا اسمه dental Amalgam وده عبارة عن mercury ومعاه silver-tin
يعني يا حاج بردو زئبق بس معاه نوعين اتنين بس من المعادن هما اللي انا عايزهم silver والtin >>>فضة ورصاص

طبعا الحاج شايفك عمال تلطم بالأفرنجي..فسكت

المهم...عمك الحاج مش قادر يمشي....وقالك طيب معلش يا ابني روح هات لي البتاع ده أصلي مش هقدر أنزل من الرباع واطلع بره الكليه ..صحتي على أدي

وهي دي ان شاء الله الحلقة الجاية

وووووأنا في الفجر ..ايه اللي حصل...وفيه كام نوع أمالجم؟؟..طيب علشان الراجل ما يضحكش عليا هو بيتكون من ايه؟؟..طيب لما رجعت والطبيب اتأخر ...اضطريت أعمل manipulation??

كله ده هنعرفه الحلقة الجاية من معلومة ع الماشي
لو عجبتكم الفكرة..ياريت تقولي...علشان باذن الله أعمل بقية الحلقات قبل الامتحان\

ودمتم بخير جميعا

بسم الله الرحمن الرحيم

الحمدلله قرأت الردود كلها والله ...... ما شاء تشجيع جميل اوي ...بس مش هقدر أقتبس كل رد وأرد عليه سامحوني


أنا مقدر كل عضو والله كتب رد بس ياريت مش أكون بعطلع إنه يدخل ويفتح الصفحه ويكتب رد وكده

المهم ان شاء الله نستفيد سوا لاني أصلا ولا حاجة من غيركم

وان شاء الله هنكتر المعلومات شوية .... ونحاول نسيبنا من الاسلوب القصصي ونشرح بس علشان الوقت بتاعكم مش يضيع



ألف شكر مرة تانيه ع التشجيع ده


وان شاء الله كل جزء يكون منفصل لوحده .... في المادة الواحده

ونخلص امتحانا على خير ونعدي بئا على بقية المواد