مهم جدا و اخر كلام للكل

كلام مضبوط يا دكتور
وعندك حق فى كل كلمه كتبتها
شكرا على الافادة

انا عايزه افهم بالظبط تقصد ايه ب (ثانيا:
ممنوع كتابة اى الفاظ خارج حدود الأداب العامة و أظن عيب اوى لما اقول جملة
زى بس لازم اكتبها بعد بعض الكلام اللى شفته)

قصدى على بعض الردود اللى مسحتها و صدرت من ناس بعينها و الكلام موجه اكتر للولاد بعد كومنتات معينة انا شفتها و مسحتها
و كاتب فوق ان عيب اقول الكلام ده بس الظاهر دى كمان الاقى ناس بتقولى اصلنا منعرفش عشان الكلام بس يبقى واضح ليهم

rona كتب:كلام مضبوط يا دكتور
وعندك حق فى كل كلمه كتبتها
شكرا على الافادة

thx dr.rona

انا موافقه علي كل كلمه انت كتبتها
بس انا لما هتكلم هتكلم عن نفسي
انت مفيش ولامرة مسحتلي اى كومنت كتبته لانى عمرى مغلطت في حد
حتى لما بتناقش مع حد في توبيك وبيكون رايه مخالف ليا بتناقش معاه بالزوق ومش بغلط بل العكس سعات هما الى بيغلطو فيا
ويقولو ان كل واحد حسب كليته يفكر وطبعا انا كليتى مش هقول اقل منكو لا لانى مش شايفه كده فهقول مخالفه ليكو يبقي تفكيري اقل زى ماتقلي بس عموما انا بهزر كتير اوى لان انا عادتى كده لكن عمرها موصلت وغلطت ف حد حتى لو غلط فيا وربنا الاعلم والناس كلها شايفه كده

وانا شايفه ان الناس الى هنا محترمه جدا ومحدش بيغلط في حد لدررجه توصل لمعنى الغلط بس انت ادرى برده
تقبل رايي

ايه ياعم مصطفي
ايه الكلام الكبير ده?
علي فكرة الناس هنا محترمين جدا جدا ومافيش أي كلام بيصدر منهم بيكون خارج عن حدود اللياقة والأدب.
وبعدين ايه اللهجة العنيفة اللي أنت بتتكلم بيها دي?
بتحسسني كأن المنتدي ده مدرسة وأنت المدير بتاعها وبتدي الناس أوامر
وبعدين تعالي أم أقولك: هو في حد يا أخي اشتكالك?
‏ المنتدي ده محترم بشكل مبالغ فيه
ودي شهادة للتاريخ

جميلة كتب:اوكي

علي العموم ميرسي علي الموضوع

انت عندك حق بس علي فكره انا شايفه بما انك من الاداره انك تبعت للعضو ده رساله خاصه تنبه فيها لو حصل اي تجاوزات

مش كل واحد بيبقي قاصد انه يقول كومنت مش حلو بيفتكرها مجرد هزار

لا ده مكانش هزار
عموما اللى موجه ليهم الكلام عارفين نفسهم كويس و مش اى حد منكم
و مش شرط انكم تكونوا شفتوا كل المواضيع طبعا

roma كتب:انا موافقه علي كل كلمه انت كتبتها
بس انا لما هتكلم هتكلم عن نفسي
انت مفيش ولامرة مسحتلي اى كومنت كتبته لانى عمرى مغلطت في حد
حتى لما بتناقش مع حد في توبيك وبيكون رايه مخالف ليا بتناقش معاه بالزوق ومش بغلط بل العكس سعات هما الى بيغلطو فيا
ويقولو ان كل واحد حسب كليته يفكر وطبعا انا كليتى مش هقول اقل منكو لا لانى مش شايفه كده فهقول مخالفه ليكو يبقي تفكيري اقل زى ماتقلي بس عموما انا بهزر كتير اوى لان انا عادتى كده لكن عمرها موصلت وغلطت ف حد حتى لو غلط فيا وربنا الاعلم والناس كلها شايفه كده

وانا شايفه ان الناس الى هنا محترمه جدا ومحدش بيغلط في حد لدررجه توصل لمعنى الغلط بس انت ادرى برده
تقبل رايي

رايك يحترم يا سماح و بقول تانى مش شرط تكونوا شفتوا المواضيع اللى شفتها
شكرا ليكى

Dr/3sam كتب:ايه ياعم مصطفي
ايه الكلام الكبير ده?
علي فكرة الناس هنا محترمين جدا جدا ومافيش أي كلام بيصدر منهم بيكون خارج عن حدود اللياقة والأدب.
وبعدين ايه اللهجة العنيفة اللي أنت بتتكلم بيها دي?
بتحسسني كأن المنتدي ده مدرسة وأنت المدير بتاعها وبتدي الناس أوامر
وبعدين تعالي أم أقولك: هو في حد يا أخي اشتكالك?
‏ المنتدي ده محترم بشكل مبالغ فيه
ودي شهادة للتاريخ

انا مبديش لحد اوامر و انا مش مدير لانى قبل كده عضو بردو
بس مع احترامى هل انت تعرف كل فرد ف المنتدى او تعرف ورا النيك نيم بتاعه فيه شخصية او ردود شكلها ايه
ده اللى بتكلم عشانه و مش كلام من فراغ او عشان اتمنظر بس الموضوع كتبته نتيجه لكلام معين بشوفه ف بعض المواقف
و بعدين انا مش هستنى حد يشتكيلى لانى ليا عين بتشوف و عقل بيقدر ده من ده
اكيد المنتدى ف مجمله محترم الحمد لله بس دى ردود بتخرج نادرا من ناس معينة و يا ريت يبقى المنتدى محترم 100% و ده الهدف الأول من كلامى

نيك نيم يعنى ايه
هو انتو بتقرو كل حاجه مكتوبه عالمنتدى
ازاى وانتو مش بتدخلو تردو علي المواضيع بتاعت الاعضاء

مش لازم مواضيع يا سماح اوقات كتير بتبقى الكومنتات ددى ف النص و محدش بياخد باله منها اوى بس انا على اد ما بقدر لازم اقرا و احيانا ناس بتقولى لانى اكيد مش هقرا كل حاجه
اقصد الاسم اللى مسجل بيه اى عضو ممكن منعرفش هو مين اصلا عشان كده الكلام ده مطلوب

انا ضد ان اي عضو يكون مسجل ب اسم مستعار لازم كل الناس تكون باسمائها .... منعا ان يحصل حاجه و منعرفش دا مين ثانيا يا مصطفى اللي يكتب حاجة منافيه للاداب العامة للمنتدى اقفلو الاكونت

بص بقي في الأساس لازم حد يشتكيلك لأنك كده بتفترض حاجات ليس لها أساس من الصحة.وبعدين أقصدك أيه من ماوراء النيك نيم?. أقصدك أن في ناس بتدخل بنيك نيم بنات و هم في الأصل أولاد
الحقيقة أنا سمعت عن الحقيقة فيما وراء روكي علي غرار حملة قناة ميلودي لكن ماسمعتش عن الحقيقة وراء النيك نيم
‏ المنتدي ماشي في أمان الله ومافيش مشاكل وأكيد الغلط بين والصح بين ومافيش حد هيقبل أن حد يرد عليه بكلام بذئ و هيسكت أما بالنسبه للي بيلعبوا بالنيك نيم أكيد هيظهروا و هقولك علي حاجة أنت حاجة كويسة أنك تصلح الغلط بس كمل شجاعتك وقول علي الناس اللي أنت شايفهم من وجهة نظرك مخطئين والناس هتحكم علي صدق كلامك من عدمه

يا عصام في ناس عاملة الاسم المستعار عادي من غير غرض مش كويس بس برضو في ناس عاملاه بتستغلو استغلال مش كويس يبقا عشان نمنع دا لازم نمنع الاسم المستعار اصلا هل دا هيضر حد يعني و في طبعا اسماء مستعار معندهاش مشاركات اصلا و تلاقيهم داخلين راشقين في موضوع يبوظوه و حجات زي كدا و في ناس اسماءها مستعارة بس خلاص بقينا عارفينهم و مفيش منهم مشكلة خالص

بصوا يا سادة
مصطفى يقصد ناس معينة ومتهيألي عنده حق فيها
والكلام ميزعلش حد
ومش كل واحد هياخد الكلام على نفسه
بس كدا

ربنا يعينك يا مصطفى و يكرمك

شكرا يا جماعة بس برده مهما كان مينفعش حتى نلمح بالكلام معلش يعنى

هو خلاص الموضوع خلص فمنفتحش فيه

ياريت يكون كلامى وصل للجميع

شكرا لارائكم يا جماعه معلش انا موب مش هقدر ارد علي كل واحد
د_رقيه متقصدش حاجه يا منير خلونا بس ف الموضوع الأصلي يهمني الكل يكون مقتنع بالكلام ده عشان انا مش هطبطب علي اي حد يتجاوز حدوده تانى المفروض اننا ناس كبار بس تقريبا فيه قله غاويه استظراف و مشاكل بقولهم اتفضلوا معانا باحترامكم اما غير كده يبقي مكانكم مش وسطنا