ليه الحب مصيره الجرح !!!!!!!!!!!!!!!!

جميلة كتب:يا جماعه ملخص الحكايه ان الشخص اللي قلبه هو اللي بيتحكم فيه لواحده من غير العقل ما اعتقدش انه يبقي انسان ناجح لا في الحب و لا في اي حاجه تانيه

khaled gamal abd elmouemn كتب:

جميلة كتب:يا جماعه ملخص الحكايه ان الشخص اللي قلبه هو اللي بيتحكم فيه لواحده من غير العقل ما اعتقدش انه يبقي انسان ناجح لا في الحب و لا في اي حاجه تانيه

ممكن بردو ياجميله بس العقل مش لازم يكون مسيطر علي طول
وهي لو حكمت بقلبها
مش هتخسر كتير لانه هو الانسان الوحيد القادر علي اسعادها
حتي لو بامكانيات قليله

Ahmed Mounir كتب:بصو يا جماعه اولا بعد اذنكو ادخل المناقشة

الحب اجمل شئ فى الكون كله لو الاتنين بيحبو بعض بصدق بس الحب مش كل حاجة فى مقومات تانية مثلا انه يقدر يتحمل مسؤلية بيت كرب اسرة وعادى هى اعلى منه هو اعلى منها مش فارقة المهم يبقى فى تفاهم بين الاتنين
وبعدين انتو نسيتو حديث الرسول صلى الله عليه وسلم (اذا اتاكم من ترضون دينه وخلقه فزوجوه)والله اعلم

يعنى المقومات دينية واخلاقيه مش مادية وعقلية
ليه دايما بنصعب على نفسنا
ليه مثلا يبقى الشقه بكذا ............والعفش بكذا.......... ليه الواحد ميبداش بسيط ويكبر مع الايام بمساعدة الانسانة اللى بتحبه ويحبها

وبعدين الحب بتبقى نهايته الجرح لاننا اللى بنعمل كده فى نفسنا يعنى مبنخدش خطوة جريئة بنفضل نكتم فى قلوبنا وحتى مبنفكرش نعمل مواجهة ولو بسيطة فى سبيل اننا نحافظ على اللى بنحبه

ويارب اكون ضيف خفيف عليكم

mody كتب:اللى عنده دين وأخلاق لاااااااااااااااااازم يكون انسان ناجح ومتألق أيضا..مينفعش نقول ان فلان خلوق ومتدين بس بيتصرف عليه..أو ظروفه وحشة أوى (ومش بيكافح لتطويرها))..وكلنا متفقين بس ساعات بنبص لحاجات فرعية ...الدين والأخلاق متفق عليه..بجانب النجاح لأن النسان المسلم متميز بطبعه..وأنا معاك ياأحمد ان فيه عائلات تضخم الأمور لدرجة غريبة ودة ليس من الدين فى شئ.....متفقين ان شاء الله

Dr:Hesham كتب:انا راى من راى روما

roma كتب:الحمد لله احمد معانا هو وخالدومودى برده بس هعلق علي كلامك زى ماانت طلبت منى

السعاده في نظرى يامحمد ان الانسانه دى تحس بالامان مع الي بتحبه وبيحبها انها تلاقي عنده الراحه والسكينه الي اى واحده منا منتظراها طول عمرها انه يفهمها وتفهمه وبالتالي هيعرف يسعدها بكل الطرق

ايه الي جاب الثقافه للحب دى طرف بعيد عن ده ماانت مش هتاخد كل حاجه مهو متفهمنيش انك هتجوز بنت وحلوة وفي كليه حلوة وهتحبها وبنت ناس وغنيه ومليانه مميزات محدش بياخد كل حاجه صح؟
مهو يضحى بالحب وتاخد بنت مثقفه وفي كليه وعلي مستوى علمى ودينى واخلاقي وثقافي وكل حاجه بس مش هتاخدها علي حب
يضحى بجزء من دول وتكون واخدها علي حب انا بقي افضل اضحى بجزء من دول واخد انسان علي حب
لان الي هتاخدها عشان زكيه ومثقفه ومستوى تفكيرها حلوة وعالي لو لقيت الي اعلي منها في مستوى تفكيرها وعلمها وثقفتها هتسيبها وتروح للي اعلي منها ومتقليش لا عشان ده الي هيحصل