رد: كرسي الاعتراف

من طرف ???? الخميس أبريل 22, 2010 4:12 pm

جميلة كتب:3-ماذا تفعل اذا احببت الشخص الخطا في الوقت الخطا؟
على حسب السؤال
بس اكيد هكون مخنوق شوية وعلى حسب اجابتى له هعتذر له

يا استاذ بقولك احببت (ا ح ب ب ت)

ا ح ب ب ت طب والله انا قراتها اجبت العتب على النظر وانا اقول السؤال ده غريب كدا ليه
بس انا كدا مبقتش فاهم السؤال

6-صفه فيك لا يعرفها عنك الكتير؟
عدوانى شويه بس شوية صغيرين

هههههههههه

دي قديمه جدااااااااااااااا و بعدين هما مش شويه ضغرين دول كتار اوي بس احنا بنهدي النفوس مافيش اي حاجه

ايه ده هما طلعوا كتيير
انتى ادرى بقى
هههههههههههههههههههههههه
11-عيب فيا انا عايز تقوله ليا؟
هو عيبين مش عيب واحد
زملكويه
وحاسس انك مبتحبيش افلام كريستيان بال

يا لهووووووي عليا

العيب الاول ده من وجهه نظرك عيب و من وجهه نظري انا ميزه و انا فخوره بيها كمان

قشطه

التاني بقي

مين قالك اني مابحبوش هقولك علي حاجه انا في حبي للناس دي بيبقي جزئين حبي للمثل اللي واقف قدامي و للانسان اللي وراء الكواليس

توم كروز انا بحب الممثل و الانسان

لكن بال بحب الممثل لكن الانسان لا لكن ده مايمنعش انه بجد حد موهوب لدرجه كبيره جدا و افلامه تجنن

طب سؤال منى بقى مره من نفسى
ايه خلاكى تحكمى على بال بكدا؟؟

15-انت شايف ان السادات يستحق المكانه اللي وصلها و انه فعلا قائد عقلاني؟
اه
انا بيعجبنى خطبه اوووى خصوصا لما يتكلم عن القذافى
اللى شوه صورة السادات اللى حصل فى الفتره الاخيره من حكمه واللى ظهر فيها عصبى جدا بسسبب
اللى كان بيحصل فى الدوله واللى خلاه اعتقل ناس كتير فى الوقت ده

ماهو فعلا لازم يعجبك خطبه لانه واحد بتاع كلام و بس

يا ابني هو عمل اعتقالات كتير في الوقت ده علشان يخلص اليله لما الناس كلها ضده بعد حركات النداله اللي عملها مع عبد الناصر

انا شايفه انه مايستحقش اي حاجه

نداله مع عبد الناصر
طب هو عمل ايه مع ناصر ؟؟

من طرف بقايا إنسانه الخميس أبريل 22, 2010 4:41 pm

اجابات رائعة يا دكتور
ربنا يبارك فيك
باذن الله لي عودة للتعليق على بعضها
وبالنسة لمكرر فعادي قرات اجابات حضرتك دلوقتي

لي عودة باسئلة باذن الله

من طرف جميلة الخميس أبريل 22, 2010 5:00 pm

دي قصه طويله علي العموم هقولك علي قد ما اقدر

لو ابتدينا من الاول هتلاقي ان كان فيه علاقه مش مفهومه بين عبد الناصر و السادات لما عينه نائب له تقريبا سنه 69 كان رايح عبد الناصر يحضر اجتماع منظمه المؤتمر الاسلامي كانت في المغرب لان كان فيه بعض الاشاعات عن تنظيم لاغتيال عبد الناصر

فيه كتب بتقول انه اختاره كمجرد نائب للفتره اللي هيسافر فيها لحد مايرجع و خلاص و تخلص الحدوته و فيه كتب تانيه بتقول علي لسان عبد الناصر انه اختاره لانه اغبي حد من اصحابه و بالتالي لما يحصل مقارنه بينه و بين السادات هيكون في صالح جمال مش مهم كل القصص دي

الغريبه انه لما رجع ماعزلوش ليه انا مش فاهمه معقول عبد الناصر اللي معروف بالشك في كل اللي حواليه و دهاءه ينسي منصب مهم زي ده

المهم ان ناصر مات بعدها تقريبا ب 9 شهور و فضل طبعا السادات في منصبه و اتعين كرئيس للجمهوريه

المهم ان بعد كل ده دايما السادات كان حاطط نفسه مقارنه بجمال طول الوقت

و حاول يشوه صورته و فعلا في الوقت ده بدات حمله صحفيه ضد جمال يمكن و الله انا لسه شليفه برنامج من فتره ضغيره لنفس القصه و نازلين تقطيع في جمال

عارف كان فيه تار بينه و بين جمال فضلت الحمله دي مستمره لحد 77 و حصلت الانتفاضه الشعبيه المشهوره في الوقت ده اللي انا بقولك عليها ومالقاش حل الا انخ نزل الجيش في الشارع بيقبض علي الناس و في اول خطبه له بعد الحكايه دي قال بنفس اللفظ رافعين صوره عبد الناصر ليه دهه انا عملت اللي هو ماعملوش

وحاجات تانيه كتير

كان مصمم يلغي اسم جمال من الوجود حتي الحاجات اللي باسمه غيرها

استاذ ناصر بقي استاذ القاهره

و بحيره ناصر موجوده كده في كل الخرايط بس هو سماها بحيره السد

حتي صوره جمال اللي كانت محفوره في السد شالها عمل امر بازالتها

بتهيالي الصوره وضحت شويه

من طرف ???? الخميس أبريل 22, 2010 5:04 pm

اه وضحت شوية

من طرف ???? الخميس أبريل 22, 2010 5:06 pm

بقايا إنسانه كتب:اجابات رائعة يا دكتور
ربنا يبارك فيك
باذن الله لي عودة للتعليق على بعضها
وبالنسة لمكرر فعادي قرات اجابات حضرتك دلوقتي

لي عودة باسئلة باذن الله

متشكر على راي حضرتك

من طرف Busicat الخميس أبريل 22, 2010 11:40 pm

السلام عليكم

كنت فاضية فقولت اسئل فيك شوية
هههههههههههههههههه

جبت تقدير ايه السنة اللى فاتت وبنسبة كام
ايه رايك فى السنة دى
اوصفلى ماذا تمثلك كل مادة عندنا فى سطر

هل بتحس بالوحدة
طب لوحسيت بالوحدة مرة تعمل ايه
لو حد تجاهلك بتتصرف معاه ازاى

واثق من نفسك بنسبة كام فى المية
طب لو ثقتك فى نفسك قلت هتعمل ايه

شايف انك ليه مابتقدرش تتغلب او تنسى يعنى جراحك

هل شخصيتك على المنتدى هى نفس شخصيتك الحقيقية ولا فى اختلاف

هل انت لبق فى الكلام مع الاخرين

هل انت تلقائى فى معاملتك مع الناس ولا بتفكر ميه مرة قبل اما تقول اى كلمة او تتصرف اى تصرف

امتى تقول على الانسان اللى ادامك راجل بجد (يعنى ايه مواصفات الرجل من وجهة نظرك)

انت تقريبا قولت قبل كده انك مشترك على الفيس بوك
من وجهة نظرك برده ايه مميزاته وايه عيوبه

ايه اكتر اغنية بتحبها لعبد الحليم
وبرده لام كلثوم

مش عايزة اطول
كفاية عليك كده دلوقتى

موقتا يعنى!!!!ههههههههههه

من طرف ???? الجمعة أبريل 23, 2010 12:09 am

[quote="Busicat"]السلام عليكم
وعليكم السلام ورحمة الله وبركاته
كنت فاضية فقولت اسئل فيك شوية
هههههههههههههههههه

جبت تقدير ايه السنة اللى فاتت وبنسبة كام
وايه الاحراج ده بقى
جيد................. 70.2 %

ايه رايك فى السنة دى
معنديش تعليق على اللى بيحصل لنا

اوصفلى ماذا تمثلك كل مادة عندنا فى سطر
سطر ههههههههههه
الماتيريال .......العفريت الكبير سبرتو مبتسبتش فى دماغى ابدددددددددددا
الهستولوجى الجينرال .... حاجه بيرفهوا عننا بيها
الاناتومى ..... ماده جميلة بس برضو بتتنسى بسرعه
المرفولوجى ...... حاجه زى الجينيرال هستولوجى
الفسيولوجى ......دا العفريت الصغير ماده كبيره بس بحس انها سهله
الاورال هستولوجى ...... بحس وانا بذاكرها انى بتفرج على فيلم خيال علمى
البايو .........اقول عليها احسن الوحشين

هل بتحس بالوحدة
احيانا

طب لوحسيت بالوحدة مرة تعمل ايه
بنزل اقعد مع اصحابى لحد اما اخرج من المود اللى انا فيه

لو حد تجاهلك بتتصرف معاه ازاى
بتاكد الاول انه قاصد يعمل معايا كدا
وبعد كدا بتجاهله انا كمان

واثق من نفسك بنسبة كام فى المية
95%

طب لو ثقتك فى نفسك قلت هتعمل ايه
هحاول ارفع من معنوياتى شوية وساعتها الثقه هترجعلى

شايف انك ليه مابتقدرش تتغلب او تنسى يعنى جراحك
دا طبع فيا من وانا صغير
والطبع يغلب التطبع

هل شخصيتك على المنتدى هى نفس شخصيتك الحقيقية ولا فى اختلاف
مش اوووى
بس بحاول افصل بين الشخصيتين

هل انت لبق فى الكلام مع الاخرين
لا

هل انت تلقائى فى معاملتك مع الناس ولا بتفكر ميه مرة قبل اما تقول اى كلمة او تتصرف اى تصرف
للاسف كلامى فى الغالب بيطلع من غير تفكير

امتى تقول على الانسان اللى ادامك راجل بجد (يعنى ايه مواصفات الرجل من وجهة نظرك)
انه يكون شخص محترم
شهم واخلاقه كويسه
ويكون بيقدر ظروف اهله وبيساعدهم ..........

انت تقريبا قولت قبل كده انك مشترك على الفيس بوك
من وجهة نظرك برده ايه مميزاته وايه عيوبه
الفتيس بوووك
زى المنتدى
بس احسن شوية
عيبه بيضيع الوقت
ميزته انه طريقه بتواصل بها مع اصحابى بدل الياهو

ايه اكتر اغنية بتحبها لعبد الحليم
لحليم ...كتير
حكاية شعب
قارئة الفنجال
اى دمعة حزن لا......وغيرهم كتير

وبرده لام كلثوم
ام كلثوم بردو لها كتيير
الاطلال
فات الميعاد
سيرت الحب

مش عايزة اطول
كفاية عليك كده دلوقتى

موقتا يعنى!!!!ههههههههههه

من طرف Busicat الجمعة أبريل 23, 2010 12:29 am

هل شخصيتك على المنتدى هى نفس شخصيتك الحقيقية ولا فى اختلاف
مش اوووى
بس بحاول افصل بين الشخصيتين

بتحاول تفصل بين الشخصيتين

ازاى يعنى مش فاهمة

طب ايه الاختلاف !!!!!!!!!

من طرف جميلة الجمعة أبريل 23, 2010 3:47 pm

شوف بما انك قربت تودعنا فنلعب مع بعض لعبه كده ضغيره

اسمها لعبه الحياه من اجوبتك هنرف حاجات عن شخصيتك

لان انا محلله نفسيه الكل هنا يشهدلي بكده(ماتقلش لحد) و ناويه افتح عياده امراض نفسيه و انت عارف انت كنت حجزت عندي قبل كده فاكر

انا عارفه ان الجلسه اتاخرت اوي بس ماعلش مشاغل

اتفضل حضرتك استرخي علي الشزلونج علشان نبدا الجلسه

يلا

1- لو افترضنا انك في غابه تقدر توصفلنا شكل الغابه ده ازاي ؟و ايه احساسك و انت فيها يعني مبسوط مضايق قلقلن خايف كده؟

2-و انت ماشي قابلت اسد هتعمل ايه؟ يعني هتواجهه و لا هتهرب؟

3-و بعد كده لقيت فنجان اوصفلنا الفنجان ده كويس ؟ و ياتري هتاخده معاك و لا هتسيبه؟

4-بعد كده خرجت من الغابه لقيت نفسك في صحراء

اوصفلنا الصحراء دي بالتفصيل زي ماوصفت الغابه؟ و برده ايه احساسك و انت فيها؟

5-مشيت شويه لقيت بحيره ماء

اوصفها؟ و ياتري هتنزلها و لا هتعمل ايه؟

6-و انت ماشي لقيت سلم

اوصفه؟ و ياتري هيشيلك و لا لأ؟ و قول هتاخده معاك و لا هتسيبه؟

7-و بعد كده قابلت حصان

اوصفه برده بالتفصيل لونه شعره ...؟ و ياتري الحصان ده هيحبك و لا هيخاف و يبعد عنك؟

وياتري هتاخده معاك و لا هتسيبه؟

8-وبعد كده لاقيت صندوق

اوصفه؟ و ياتري هتلاقي فيه ايه؟

وانت ماشي لاقيت سور مش شايف اوله من اخره و عالي اوي

هتعمل ايه

هتفتح فيه فاتحه و لا هتمشي لحد ماتجيب اخره و لا هتقعد جانبه تستني الفرج؟

جاوب بجد و بالتفصيل و بمنتهي الصراحه

و بعدها هقولك ايه دلاله الحاجات دي

اوكي؟

من طرف ???? الجمعة أبريل 23, 2010 4:23 pm

Busicat كتب:هل شخصيتك على المنتدى هى نفس شخصيتك الحقيقية ولا فى اختلاف
مش اوووى
بس بحاول افصل بين الشخصيتين

بتحاول تفصل بين الشخصيتين

ازاى يعنى مش فاهمة

طب ايه الاختلاف !!!!!!!!!

لا هو مش إختلاف بمعنى الكلمه لان الشخص هو هو اللى هو انا يعنى
انما مثلا ظاهريا انا هادئ نوعا ما ومبهزرش كتير انما ع المنتدى الى حد ما العكس

من طرف ???? الجمعة أبريل 23, 2010 5:15 pm

[quote="جميلة"]شوف بما انك قربت تودعنا فنلعب مع بعض لعبه كده ضغيره
لعبه ؟
اوك انا مستعد
اسمها لعبه الحياه من اجوبتك هنرف حاجات عن شخصيتك
لعبة الحياه .......مش دى بتاعت قناة الحياه
ياترى هكسب فلوس زيهم ولا لا

لان انا محلله نفسيه الكل هنا يشهدلي بكده(ماتقلش لحد) و ناويه افتح عياده امراض نفسيه و انت عارف انت كنت حجزت عندي قبل كده فاكر
هههههههههههههه ودى حاجه تتنسى دا انا كنت اول زبون

انا عارفه ان الجلسه اتاخرت اوي بس ماعلش مشاغل

انا طبعا مقدر كميت الحالات والمشاغل اللى تحت ايدك

اتفضل حضرتك استرخي علي الشزلونج علشان نبدا الجلسه

يلا
طب من غير زعيييييييق

1- لو افترضنا انك في غابه تقدر توصفلنا شكل الغابه ده ازاي ؟و ايه احساسك و انت فيها يعني مبسوط مضايق قلقلن خايف كده؟
شكلها
اشجار كتيير محوطانى من كل مكان مش شايف السما من كتر الشجر
والارض غرقانه ميه
وعمال اسمع اصوات كتير مش عارف مين اللى بيعملها

اكيد هكون خايف

2-و انت ماشي قابلت اسد هتعمل ايه؟ يعني هتواجهه و لا هتهرب؟
هبوسه واطلع اجرى
اواجه مين
مش انتى تقصدى اسد اللى هو شعره اصفر ده وله انياب
انا ههرب على اول شجره هقابلها

3-و بعد كده لقيت فنجان اوصفلنا الفنجان ده كويس ؟ و ياتري هتاخده معاك و لا هتسيبه؟
فنجان
لاقيته مكسور ولونه بقى باهت

لا هسيبه

4-بعد كده خرجت من الغابه لقيت نفسك في صحراء
يعنى انا ما اصدق اطلع من الغابه اوصل لصحراء

اوصفلنا الصحراء دي بالتفصيل زي ماوصفت الغابه؟ و برده ايه احساسك و انت فيها؟
الصحراء
جبال بعيييييييييييده ورمل فى كل مكان
كأن الدنيا كلها اتلونت بلون الرمل
وفى صبار طالع فى الارض
اه وفى اسد بيجرى ورى غزاله

خوفى زاد
دا انا مش ضامن ايه هيطلع لى فى السكه
دا غير الشمس اللى هتاكل دماغى
دا انا حتى مش ضامن الارض اللى بدوس عليها مش يمكن تطلع رمال متحركه
وكمان فى الغابه كنت ضامن انى الاقى مكان اشرب منه واحتمال كمان الاقى حاجه اكلها
انما فى الصحراء كل ده صعب الاقيه

5-مشيت شويه لقيت بحيره ماء
الحمد لله

اوصفها؟ و ياتري هتنزلها و لا هتعمل ايه؟
بحيره
ميه لونها غريب وفى ريم اخضر طافى على جانب البحيره

هنزل اخد شور واطلع

6-و انت ماشي لقيت سلم
سلم !! ودا ايه اللى جابه هنا
اوصفه؟ و ياتري هيشيلك و لا لأ؟ و قول هتاخده معاك و لا هتسيبه؟
سلم عباره عن جزعين من اشجار النخل مثبتين معا ببعض الالواح الصغيره بالمنتصف
لا انا خفيف واكيد هيشيل
وانا فى الصحراء معتقدش انى هاخده لانى مش هكون عارف امشى اصلا

7-و بعد كده قابلت حصان
اه بقى عايزين نفرح شويه
اوصفه برده بالتفصيل لونه شعره ...؟ و ياتري الحصان ده هيحبك و لا هيخاف و يبعد عنك؟
حصان لونه ابيض وفى وشه فيه علامه سوداء حصان عربى اصيل
هيقرب لانى هيكون معايا اى اكل من الغابه هقربه منه وهو هيقرب ليا ان شاء الله

وياتري هتاخده معاك و لا هتسيبه؟
لا دا لازم اخده معايا

8-وبعد كده لاقيت صندوق

اوصفه؟ و ياتري هتلاقي فيه ايه؟
صندوق قديم
وعليه تراب كتير
ومقفول بقفل
وشكله مرمى من زمن بعييييييييييييد

إيه ده وقفل وحركات
وفى الاخر شوية ورق وحبل وقميص قديم

وانت ماشي لاقيت سور مش شايف اوله من اخره و عالي اوي
سور !

هتعمل ايه
اممممممممممممممم !

هتفتح فيه فاتحه و لا هتمشي لحد ماتجيب اخره و لا هتقعد جانبه تستني الفرج؟
دا على حسب شكل الحجاره اللى مبنى بها
هحاول فى الاول لو الحجاره سهلة الكسر يبقى خلاص هعمل فيه فتحه
ولو صعب اكسرها يبقى لازم امشى لحد اخر السور او اشوف طريق تانى

جاوب بجد و بالتفصيل و بمنتهي الصراحه
بحاول على قد ما اقدر

و بعدها هقولك ايه دلاله الحاجات دي

وانا منتظر
عشان اعرف اذا كنت طلعت مجنون ولا لا
طب فى امل اتعالج ؟؟

اوكي؟
اوووووووووووك

من طرف dr teeth الجمعة أبريل 23, 2010 5:19 pm

لو قولت حبة اسئلة كده ...

اكتر اكله بتحبها مثلا ؟؟؟

ايه الشيىء اللى عمرك ما تقدر تستغنى عنه ؟؟

10 صحاب من دفعتك و مش شرط ابقى منهم ؟؟

انت شايفنى ازاى فيما لا يقل عن خمس سطور و كل سطر لا يقل عن عشر كلمات
و من غير مجاملات ؟؟

مواصفات فتاة احلامك :D ????

من طرف ???? الجمعة أبريل 23, 2010 5:44 pm

[quote="dr teeth"]لو قولت حبة اسئلة كده ...
ميـــــــــــــــــــــن احمد هنا
لالالا انا مش مصدق
انا لازم اقوم من على الكرسى وتقعد انت مينفعش تقف سيادتك

اكتر اكله بتحبها مثلا ؟؟؟
بحب السمك واللحوم
بس السؤال ده مكرر

ايه الشيىء اللى عمرك ما تقدر تستغنى عنه ؟؟
النت
بقيت حاسس انه حاجه مقدرش استغنى عنها زى الاكل كدا

10 صحاب من دفعتك و مش شرط ابقى منهم ؟؟
10 اصحاب بس اكيد انا هنسى حد
احمد محمود
احمد مصطفى
البدراوى
العطار
الشربينى
كريم حسنى
منير
حليم
معتمد
البسيونى
مدحت

انا اكيد نسيت حد ؟؟

انت شايفنى ازاى فيما لا يقل عن خمس سطور و كل سطر لا يقل عن عشر كلمات
و من غير مجاملات ؟؟
خمس سطور وكل سطر 10 كلمات !!!....هو انا هكتب موضوع تعبير ولا ايه ؟؟
من غير مجاملات ؟ ........ اوووك

احمد محمود شخص طويل ودى اهم ميزه فيه ورفيع شوويه
وكمان شخص مرح جدا متقدرش تقعد معاه من وتبطل ضحك
بيفقد الثقه فى نفسه وفى اللى حوليه بسرعه اووى ومبيحبش يزعل حد منه
حافظ مشاهد كتير من الافلام كان بيقعد يمثلها قدامى والملاحه الملاحه .........هههههه فاكر؟؟ D:
احلامه كبيره اووى واكبر حلم له انه يطلع مع محمود سعد فى البيت بيتك
صاحب صاحبه ومحترم رسوماته وكلامه بيعجبنى اوووى وكفايه بقى انه من المحله
كفايه كدا ههههههههههههه
مواصفات فتاة احلامك ؟
ههههههههههه مكرر

منورررررررررررر ياريس

من طرف dr teeth الجمعة أبريل 23, 2010 6:16 pm

هى الاسئلة المكررة ما بتتجاوبش يعنى؟؟
معلش اصلى اول مرة ادخل اللعبة دى

سورى سورى سورى :D

من طرف جميلة الجمعة أبريل 23, 2010 8:31 pm

يا لهوووووووووووووووووووووووي علي دي اجابات

انت هتتعقد اكتر علي فكره

شوف يا سيدي

الصحراء و الغابه دول حياتك اللي انت عايشها
شوفت انت وصفتهم ازاي

و الفنجان الناس اللي بتقابلهم في حياتك

اما الاسد فدي المشاكل اللي بتواجهك علشان كده سالتك انت هتواجهه ولا هتهرب

اما البحيره فهي حياتك العاطفيه علشان كده سالتك شكلها ايه و شوفت انت وصفتها ازاي و كمان سالتك اذا كنت هتنزلها و لا لأ

اما السلم فهما اصحابك و علشان كده سالتك هو هيشيلك و لا لأ

الصندوق هو انت من جوه شوفت انت وصفته ازاي

الحصان بقي هو شريك حياتك علشان كده سالتك اذا كان هيقرب منك و لا هيسيبك

السور بقي فهو قدرك و ازاي انت بتتعامل معاه

انا بقول تقوم تنتحر احسن لانك مالكش علاج عندي

:tongue*:

علي فكره دي بجد مش هزار

بس برده هسالك لاي مدي النتائج دي متفقه مع الواقع بصراحه

من طرف ???? الجمعة أبريل 23, 2010 10:13 pm

dr teeth كتب:هى الاسئلة المكررة ما بتتجاوبش يعنى؟؟
معلش اصلى اول مرة ادخل اللعبة دى

سورى سورى سورى :D

ولا يهمك يا ريس
لو تحب اجاوبك تانى عادى يعنى انت تؤمر
بس ابقى اجاوبك لما اقبلك

من طرف ???? الجمعة أبريل 23, 2010 10:29 pm

جميلة كتب: يا لهوووووووووووووووووووووووي علي دي اجابات

انت هتتعقد اكتر علي فكره

شوف يا سيدي

الصحراء و الغابه دول حياتك اللي انت عايشها
شوفت انت وصفتهم ازاي

و الفنجان الناس اللي بتقابلهم في حياتك

اما الاسد فدي المشاكل اللي بتواجهك علشان كده سالتك انت هتواجهه ولا هتهرب

اما البحيره فهي حياتك العاطفيه علشان كده سالتك شكلها ايه و شوفت انت وصفتها ازاي و كمان سالتك اذا كنت هتنزلها و لا لأ

اما السلم فهما اصحابك و علشان كده سالتك هو هيشيلك و لا لأ

الصندوق هو انت من جوه شوفت انت وصفته ازاي

الحصان بقي هو شريك حياتك علشان كده سالتك اذا كان هيقرب منك و لا هيسيبك

السور بقي فهو قدرك و ازاي انت بتتعامل معاه

انا بقول تقوم تنتحر احسن لانك مالكش علاج عندي

علي فكره دي بجد مش هزار

بس برده هسالك لاي مدي النتائج دي متفقه مع الواقع بصراحه

يا نهااااااار مش فايت
ايه ده
وبتقوليلى انتحر
دا الانتحار خساره فيا ههههههههههه

لا طبعا كل دا ولا له اى علاقة بالواقع
يعنى انتى عاوزه تشبهى الاسد بالمشاكل
وانا بقى فى الغابه و لوحدى وعاوزانى اواجه الاسد
والفنجال
يعنى فنجان مرمى فى الغابه اكيد مش هيكون فنجان دهب
والبحيره
ماهى لازم تكون بحيره مش كويسه
مش هى موجوده فى صحرا لازم يكون شكلها كدا دا المفروض كمان كنت كتبت انى منزلهاش

لا اعتقد ان الكلام دا مش صحيح

بعدين فى دكتور يقول للعيان بتاعه روح انتحر !!

من طرف جميلة الجمعة أبريل 23, 2010 10:38 pm

لااااااااااا

انت فهمت غلط انا مش عايزاك تنتحر كنصيحه من دكتور لمريض

لا انا عايزاك تنتحر كنصيحه من زملكاوي لاهلاوي

لا بجد

اصل اللعبه دي مش عايزاك فيه تجاوب ولقعي انا قلتلك تخيل يعني خيالك هو اللي وداك لكده

اصل انا عملتها قبل ما اعرف معناها و لما فهمت لاقيت اجاباتي متشابهه معايا بنسبه 99% بجد

بس سيبك من كل ده

مليون مبروك للاهلي الاول و عقبال اللي جاي كله ان شاء الله

من طرف ???? الجمعة أبريل 23, 2010 10:45 pm

جميلة كتب: لااااااااااا

انت فهمت غلط انا مش عايزاك تنتحر كنصيحه من دكتور لمريض

لا انا عايزاك تنتحر كنصيحه من زملكاوي لاهلاوي

لا بجد

اصل اللعبه دي مش عايزاك فيه تجاوب ولقعي انا قلتلك تخيل يعني خيالك هو اللي وداك لكده

اصل انا عملتها قبل ما اعرف معناها و لما فهمت لاقيت اجاباتي متشابهه معايا بنسبه 99% بجد

بس سيبك من كل ده

مليون مبروك للاهلي الاول و عقبال اللي جاي كله ان شاء الله

شامم ريحه شماته مغرقه التوبيك
عموما احنا خسرنا ماتش ولسه العوده
واحنا ان شاء الله قدها

بس انا مش مقتنع بالاختبار النفسى اللى فوق ده
مش نافع بكل المقاييس

بعدين انتى قولتى لعبت الحياة
وانا عاوز الـ 250 الف اللى انا كسبتهم

من طرف Busicat الجمعة أبريل 23, 2010 11:46 pm

ايه دى ياجميلة

انتى طلعتى بتحبى التحليل النفسى والشخصى زى

بس دى مش تحليل نفسى دى تفسير احلام

هههههه لا والله بس حلو

من طرف ???? الجمعة أبريل 23, 2010 11:51 pm

حلو مين بقى دا بتقولى اروح انتحررررررر

من طرف Busicat الجمعة أبريل 23, 2010 11:55 pm

لا والله حلو بغض النظر عن روح انتحر دى

كنت حاسة انك بتوصف مشاهد مسلسل اجنبى وغابات واشجار ومعاناة الصحرا

وبعدين دى مش احسن مانعملك تحليل نفسى بجد

ونطلع فبك اللى تعرفه واللى متعرفهوش

ههههههههه حلوة اللى ماتعرفهوش دى

من طرف ???? السبت أبريل 24, 2010 12:04 am

مسلسل اجنبى
ههههههههه
اانا كنت فاكر انها عاوزه تقيس مثلا
درجة خيالى ولا حاجه
فا قولت بقى لازم اظبط المشاهد اللى بوصفها
اتريها جات فوق دماغى

لا بس برضو انا مش مقتنع بالكلام ده
دا النتيجه لا تمس الواقع باى شئ من الحقيقة

من طرف Busicat السبت أبريل 24, 2010 12:10 am

مانا قولتلك
دى تقريبا تفسير احلام مش مقياس لشخصية

يعنى لو عايزة تحلل بجد
يبقى من خلال اجابتك على الاسئلة العامة والشخصية

وتسال برده حبة اسئلة نفسية كده وتشوف اجابتك فيها

من طرف ???? السبت أبريل 24, 2010 12:16 am

لا انا مش عيز احلل
انا كويس اوووووووى لحد كدا

هو انا لسالى كتير على الكرسى ده
؟؟؟؟؟

من طرف جميلة السبت أبريل 24, 2010 12:19 am

Ðŕ:ḾƟĤДḾĚÐ كتب:
جميلة كتب: لااااااااااا

انت فهمت غلط انا مش عايزاك تنتحر كنصيحه من دكتور لمريض

لا انا عايزاك تنتحر كنصيحه من زملكاوي لاهلاوي

لا بجد

اصل اللعبه دي مش عايزاك فيه تجاوب ولقعي انا قلتلك تخيل يعني خيالك هو اللي وداك لكده

اصل انا عملتها قبل ما اعرف معناها و لما فهمت لاقيت اجاباتي متشابهه معايا بنسبه 99% بجد

بس سيبك من كل ده

مليون مبروك للاهلي الاول و عقبال اللي جاي كله ان شاء الله

شامم ريحه شماته مغرقه التوبيك
عموما احنا خسرنا ماتش ولسه العوده
واحنا ان شاء الله قدها

بس انا مش مقتنع بالاختبار النفسى اللى فوق ده
مش نافع بكل المقاييس

بعدين انتى قولتى لعبت الحياة
وانا عاوز الـ 250 الف اللى انا كسبتهم

طبعا شمتانه انت مش شامم دي الريحه هتفجر المكان

و بعدين عوده ايه بس ابقي قابلني

و دي لعبه الحياه صحيح بس انت سعت يعني..........و فتحت العلبه اللي فيها القرش اعملك ايه

ملحوظه..

تعرف تكمل النقط؟