رد: كرسي الاعتراف

من طرف جميلة الخميس أبريل 15, 2010 5:16 pm

--------------------------------------------------------------------------------
منوراني و الله يا روح قلبي

ايه اكتر حاجة بتحبيها فى نفسك

اني واتقه في نفسي

و كلام الناس مابياترش فيا بسهوله

الحمد لله يعني

وايه اكتر صفة بتكرهيها ونفسك تغيريها فى نفسك برده

اني ساعات بتق في ناس بسهوله و يطلعوا مايستهلوش ده

اكتر صفة بتشدك للشخصية اللى قدامك

انه يكون عنده شخصيه اصلا و كيان مستقل

مابيهمنيش شكله ولا مظهره قد مابيهمني الحته دي

يهمني كمان انه يكون راجل قد كلمته و لع مبادئ ومايتنازلش عنها مهما حصل

حتي لو كانت واحده بنت

امتى بتقولى لنفسك برافو يا جميلة

لما امشي خطوه في سكه النجاح و اني احقق حلمي

وامتى بتزعلى من نفسك اوى

لما اقصر في شغلي

مين اكتر حد محتاجة يكون جنبك دلوقتى

محمد اخويا

ومين اكتر حد بتحسى قدامة انك كتاب مفتوح

محمد برده

ومستر عمر

قوليلى 3 اسماء بنات واولاد حاسة انك بتعزيهم وبتحترميهم وحاسة انهم اقرب ناس لكى فى المنتدى

[b]يعني تلاته بنات و تلاته ولاد

بنات

ايه

سماح

ورقيه

ولاد

خالد

و احمد

و مصطفي الشربيني

واكتبى عن كل حد حاجة بتميزه فى جملة كده

ايه

بحس انها بسكوته المنتدي بجد

سماح

صاحبتي و من اعز الناس عليا

شقيه كده و قطوته

رقيه

عاقله و متزنه و مؤدبه جدا و انا بعتز بيها

خالد

شاعر الدفعه و اكتر حد رومانسي هنا و هادي

احمد

اكتر واحد دمه خفيف و كومنتاته تموت من الضحك و كتاباته تحفه

مصطفي الشربيني

شخصيته جميله اوي حد يعتمد عليه و عنده احساس بالمسؤليه

لما بتزعلى بتعملى ايه

انا جاوبت علي السؤال ده كتير

طب بتفضلى تحكى لحد ولمين ولا بتفضلى تحتفظى بيها جواكى

اللي كنت بحكيله عن كل حاجه مش موجود معايا فبقفضل احتفظ بيها لنفسي

عمرك اعجبتى بحد

اه

مره واحده من فتره قليله بس دلوقتي نسيت خلاص

طب ايه مواصفات فتى احلامك غير انه يكون طبيب بشرى (شكلا وموضوعا)

انا قلت برده قبل كده يا ايه كتير

علي العموم انا عيزاه شخصيه بالمواصفات اللي انا قلتها قبل كده

و برده ياريت يكون شكله مقبول يعني

دم حبة اسئلة على الماشى
دا فى الاول بس [/b]

ماشي يا قمر

تنوريني في اي وقت

مستنياكي

من طرف جميلة الخميس أبريل 15, 2010 5:25 pm

بس في حدود اللي انا اعرفه بتهيالي انك رومانسي زياده لو اعتبرنا ان ده عيب يعني

مظبوط الكلام

قشطه

وهو انتي اسمك جميلة بجد

لا طبعا انتوا معاكوا حد في الدفعه اسمه كده
أنا كنت فاكره فعلا اسمك كده :D
علي فكرة بحب اسم جميلة

انا فاكره ان الكل فاهم ان ده مجرد نيك نيم علي اساس انكوا فاهمين ان مافيش حد اسمه كده في الدفعه

انا برده بحب الاسم اوي

و فيه موقف تاني حصل مع حد زميلنا بس مش هحكيه
لا احكيه :D

هههههههههه

لا مش هحكيه بلاش احراج

حد خانك قبل كده ؟ ولو اه .. ازاي ؟

اه

كانت اعز صاحبه عندي كنت بحكليها كل حاجه

فوجئت اني هي حاكيه كل حاجه للناس كلها تقريبا
جامدة صاحبتك دي :D

هههههههههههههه

يا سلااااام عجبك موقفها يعني

ايه السؤال اللي نفسك تسأليه ليا ؟

ممممممممم

انت بجد شخصيتك في الحقيقه زي شخصيتك هنا؟
اه والله :D

طب كويس

و مصدقاك من غير ماتحلف

أو الحاجة اللي عايزة تعرفيها عني ؟

انت بقي عايش قصه حب دلوقتي

لأ

و كمان حاجه

فيه حاجه ممكن تخليك تتنازل عن مبائك ؟
لأ إن شاء الله عمري ما اتنازل عن مبادئي

ميرسي علي إجابتك يا جميلة

وقولي اللي في دماغك ده وأنا أحاول اكتبهولك

بص انا امبارح كان في دماغي حاجه بس دلوقتي نسيتها

انا بقي دلوقتي

تكتبلي حاجه كده عن بنت او ممكن تكتب عن الولد

ان هو بيحبها اوي بس هي مش عاره تحس بيه

هي بتعزه بس زي اخوها

و هي نفسها يخرج من الوهم اللي هو عايش فيه و ينساها

عايزاك تكتبهولي زي دويتو تعرف

وبالنسبة لصباح الماتيريال .. أنا كاتب أول كومنت وكاتب أنا اسف علي القصيدة دي .. وعلي الفيسبوك كاتب انا بعتذر علي الاسفاف ده :)
هو كان مجرد خروج من حالة اكتئاب وملل

ما انا فاهمه و الله

بس برده هي تخصك و تتحسب عليك و احنا يهمنا ان كل حاجه تخصك تبقي كويسه

من طرف Dr/3sam الخميس أبريل 15, 2010 5:38 pm

انتي واثقة من نفسك?
ولو واثقة ليه واثقة?
ولو واثقة من نفسك يبقي تدي نفسك كام في المية?
امتي ثقتك بنفسك اتهزت?
سر ارتباطك بأخوكي?
أخوكي مسافر فين?
هل كل اللي كتبتيه في كرسي الأعتراف صحيح 100%?
اكتر سؤال احرجك في اللعبه?
السؤال اللي امتنعتي عن اجابته?
اجابه غلط هحطتيها لسؤال اتسألتيه هنا?
حلم تودي أن تحلميه كل يوم?
مذاكره الجارات كويس?
اخبارك السكل معاكي ايه?
اوصفي نفسك في حرف
وقولي الحرف ده بيمثل ليكي ايه?
شئ تفكري فيه وتتمني أن تنسيه لكنه مسيطر عليك لدرجه عدم القدره علي نسيانه?

من طرف جميلة الخميس أبريل 15, 2010 5:43 pm

Dr/3sam كتب:طالما مش عايزين اسنان بتخشوها ليه
علبه الكبريت اساسا مزحومة مش محتاجه عيدان تانية

يعني بتطردني من الجنه يا عم

ده انا نفسي اغور منها

و الله

من طرف جميلة الخميس أبريل 15, 2010 6:00 pm

جميله هااااي انا مش عارفه اللعبه بالضبط بس بتهيالى اسالك يعنى وانتى تاجبي مش كده؟؟؟؟؟؟؟؟؟

هااااااااااااااي

ايوه يا قمر

اتفضلي

اولا كده انتى تعرفينى 00بتهيالى لا

الحقيقه لا

من وجهه نظرك ازاى نقدر نحل مشكله زي البطاله المقنعه 00اقصد الكليات اللى لا تناسب سوق العمل؟

اننا نبطل كليات

اه

علشان نشيل كلمه المقنعه دي

و تبقي بطاله شامله

هههههههههههههه

لا بجد انا شايفه ان كل واحد المفروض هو اللي يعمل ده لنفسه

لان البلد خلاص لا هتوظف حد و لا هتعين حد

و انا شايفه انه يبقي ضمن البطاله المقنعه احسن ما يبقي عاطل خالص

ممكن من اي شغل تاني يحقق حلمه في انه يشتغل بكليته

يعني متلا خريجي هندسه

ما فيش وظايف اوكي اشتغل في اي حاجه لحد مايبقي عندك امكانيات تفتح مكتب او تعمل اي حاجه بمؤهلك

ده مش عيب علي فكره

الدنيا مش عايزه اللي يقعد يستني حظه و دوره عايزه اللي يقلها انا هاخد كل اللي انا عايزه منك بالزوق او بالقوه

اللي يقولها يا انا يا انتي

ما الشىء اللي ممكن تضحي بعمرك عشان تحصلي عليه؟

نجاحي و كياني

من الشخصيه القياديه التى تحبيها عامه؟

عبد العزيز الرنتيسي الراجل ده انا بفتخر بيه

ماذا تمثل مصر بالنسبه لك؟؟؟

ام الدنيا

ما رايك في برامج التوك شو؟

ايه ده

ما عرفوش

تعملى ايه لو حد ظلمك تصبري ولا تخدي حقك؟ وبتخديه ازاي؟

بصبر و باخد حقي برده

بالصبر برده بدون تفاصيل

اه الاخير بقي لازم احرجك00ايه رايك ف مستوى كتا باتى موازي للناس اللي ف المنتدي ولا اقل ؟ولو ياتري ليه طابع خاص ولا لسه مظهرش اما اكتر شويه؟؟؟000000000000000000بس

انتي طبعا موهوبه جداا و كلنا نشهد بده و الله من غير مجامله

بس انتي ناقصك برده شويه حاجات يمكن محتاجه تقري شويه زياده

و افتحي نفسك شويه انا انك مقيده نفسك بحاجات معينه

مهم ان الشاعر يعمل ده علشان يبقي مميز

بس انتي برده اسلوبك مميز لحد كبير

من طرف جميلة الخميس أبريل 15, 2010 7:00 pm

انتي واثقة من نفسك?

تاني السؤال ده برده

ولو واثقة ليه واثقة?

انا جاوبت علي السؤال ده قبل كده برده

بس هجاوب تاني علشان ماحدش يفهمني غلط

يا جماعه انا فعلا الحمد لله عندي قدر من الثقه في نفسي بس مش علشان انا جامده او عندي حاجه مميزه مش عند حد

انا واثقه في نفسي علشان ببساطه انا راضيه بيها كده

او بمعني اوضح راضيه باللي ربنا كتبهولي في كل حاجه

حياتي

و شكلي و مظهري

عقلي

كل حاجه

و ان كان كل ده عندي عادي جدا ان ماكنش اقل من العادي كمان

ولو واثقة من نفسك يبقي تدي نفسك كام في المية?

ماعرفش اقول كام يمكن اكتر من 90%

امتي ثقتك بنفسك اتهزت?

لما حد كده اتهمني بحاجه مش فيا

سر ارتباطك بأخوكي?

علي فكره اخويا اللي انا بحكلكوا عليه ده

مش اخويا شقيقي

ده اخويا في الرضاعه

تقريبا اتولدنا مع بعض في نفس الشهر

اتربينا مع بعض من واحنا ضغيرين

ماسبناش بعض و لا ثانيه في حياتنا

النفس اللي كان بتنفسه كنت بعرفه في نفس اللحظه و هو كمان كان كل تفاصيل حياتي مشاركني فيها

ماكنتش بحس بالراحه و الامان الا و انا معاه

عارفين اللي بيقولك كان اماني و حمايتي اهو محمد كان و لسه بالنسبالي كده

يااااااااارب يرجع بقي

أخوكي مسافر فين?

لبنان

هل كل اللي كتبتيه في كرسي الأعتراف صحيح 100%?

اه و الله

اكتر سؤال احرجك في اللعبه?

سؤال اوصفي نفسك ده من هشام ما تزعلش مني بس الصراحه احرجني

السؤال اللي امتنعتي عن اجابته?

نفس السؤال

اجابه غلط هحطتيها لسؤال اتسألتيه هنا?

مافيش و الله

حلم تودي أن تحلميه كل يوم?

ان محمد رجع

مذاكره الجارات كويس?

لا لسه ماخلصتش

اخبارك السكل معاكي ايه?

كويسه

اوصفي نفسك في حرف

حرف ههههههههههههههه

حرف ازاي يعني

ممكن نقول متلا م
وقولي الحرف ده بيمثل ليكي ايه?

ده اول حرف من نصي التاني

شئ تفكري فيه وتتمني أن تنسيه لكنه مسيطر عليك لدرجه عدم القدره علي نسيانه?

ما فيش

من طرف بقايا إنسانه الخميس أبريل 15, 2010 7:06 pm

اهلا جميلة

اوصفي جميلة شكلا ومضمونا؟؟

امتى تضحي؟؟ ولمين؟؟

قد المئولية؟؟واللا عمرك ما جربتي تتحمليها؟؟

لما اصحابك بيمدحوكي بيمدحوكي بايه؟؟

ولما بذموكي بيشوفوا فيكي عيوب ايه؟؟

جميلة معروفة بايه وسط اخواتك واسرتها؟؟

سبب انك مش راضية تقولي اسمك على المنتدى؟؟

انتي بتسمعي اغاني واللا بطلتيها؟؟

مش نفسك تلبسي نقاب؟؟
(انتيمك مش شجعتك على كدا)

امتى تقولي برافو عليكي يا جميلة؟؟

كرهتي حد؟؟ وايه السبب؟؟

ايه سبب حزنك معظم الاحيان لما بتبقي زعلانة؟؟

زعلانة من حد هنا؟؟

اول انطباع بيبقى عندك تمام؟؟

بتعرفي اللي قدامك عايز ايه؟؟

معلشي اتاخرت عليكي بس باذن الله لي عودات

من طرف Dr/3sam الخميس أبريل 15, 2010 7:16 pm

حلوة قوي حكاية اخوكي في الرضاعه
يابختو ده سافر لبنان
هو سافر ليه

من طرف جميلة الخميس أبريل 15, 2010 7:40 pm

اهلا جميلة

ازيك يا روكه

اوصفي جميلة شكلا ومضمونا؟؟

برده

علي العموم الشكل انتي عارفاه

و المضمون كل كلامي اللي فات ده يوضح ايه المضمون بتهيالي

امتى تضحي؟؟ ولمين؟؟

للي يستاهل و في الوقت اللي هو محتاجني اضحي علشانه

قد المئولية؟؟واللا عمرك ما جربتي تتحمليها؟؟

اعتقد كده الحمد لله

لما اصحابك بيمدحوكي بيمدحوكي بايه؟؟

ساعات بقول كلام في الصميم

عارفه ممكن نكون بيتكلم في موضوع معين محتارين فيه و في تانيه تلاقيني قلت كلمه تقفل الموضوع و نوصل للحل اللي يريح

و الله مش بقول كده و خلاص هو ده فعلا اللي بيحصل

ولما بذموكي بيشوفوا فيكي عيوب ايه؟؟

ساعات بافش عليهم

بسرعه برضه و بيزعلزا مني اصل انا مابحبش الكلام الكتير في نفس المواضيع

جميلة معروفة بايه وسط اخواتك واسرتها؟؟

انا دلوعه البيت هنا

كل طلباتي مجابه و من غير نقاش و كلهم بيحولوا يرضوني باي شكل

بيقول ساعات اني عقلي حلو

سبب انك مش راضية تقولي اسمك على المنتدى؟؟

نفس السؤال برده

بجد انا مش فاهمه حكايه الاسم دي مضيقاكوا ليه

و الله انتوا لو فارقه معاكوا الحكايه دي و انتوا حابين الاسم مش الشخص انا ممكن اقول ببساطه

الغربيه انك عارفه يعني

انتي بتسمعي اغاني واللا بطلتيها؟؟

بطلتها الحمد لله

مش نفسك تلبسي نقاب؟؟
(انتيمك مش شجعتك على كدا)

انا نفسي و الله و احنا كنا متفقين اصلا اننا نلبسه مع بعض بس هما في البيت مش موافقين خالص

عارفه بابا قالي ماتفتحيش اصلا حوار معايا في الموضوع ده

امتى تقولي برافو عليكي يا جميلة؟؟

لما اعمل حاجه كويسه او خطوه نجاح

كرهتي حد؟؟ وايه السبب؟؟

اه حد جارنا

ظالم بكل ماتحمله الكلمه من معني

و الباغي للبرءاء العيب عارفه دي

ايه سبب حزنك معظم الاحيان لما بتبقي زعلانة؟؟

مش دايما بيبقي نفس السبب
زعلانة من حد هنا؟؟

اول انطباع بيبقى عندك تمام؟؟

مش دايما ساعات بتخدع في الناس

بتعرفي اللي قدامك عايز ايه؟؟

غالبا

معلشي اتاخرت عليكي بس باذن الله لي عودات

باذن الله

هتنوريني دايما يا روح قلبي

من طرف جميلة الخميس أبريل 15, 2010 7:46 pm

حلوة قوي حكاية اخوكي في الرضاعه

اتفضل

يابختو ده سافر لبنان

عقبالك

هو سافر ليه

عايز ياجر عجله

ههههههههههههههههههههه

بيحب و عايز يرتبط بيها و لازم كاشات طبعا

من طرف بقايا إنسانه الخميس أبريل 15, 2010 7:53 pm

اوصفي جميلة شكلا ومضمونا؟؟

برده

علي العموم الشكل انتي عارفاه

و المضمون كل كلامي اللي فات ده يوضح ايه المضمون بتهيالي

هو مكرر واللايه
واللا ماانا عارفة مقراتش اجاباتك

خلاص حصل خير

سبب انك مش راضية تقولي اسمك على المنتدى؟؟

نفس السؤال برده

بجد انا مش فاهمه حكايه الاسم دي مضيقاكوا ليه

و الله انتوا لو فارقه معاكوا الحكايه دي و انتوا حابين الاسم مش الشخص انا ممكن اقول ببساطه

الغربيه انك عارفه يعني

دا كررته لاني ماقتنعتش باجابتك اول مرة
بس يا ستي والله ما مشكلة
المهم انك انسانة محترمة

سواء قولتي اسمك واللا لا

وبعدين انا كل الاعضاء انا فرد بينكم

طب سؤال محاولتيش تقنعي باباكي بلبس النقاب واللا المبدا مرفوووووض تماما؟؟

من طرف جميلة الخميس أبريل 15, 2010 8:39 pm

اوصفي جميلة شكلا ومضمونا؟؟

برده

علي العموم الشكل انتي عارفاه

و المضمون كل كلامي اللي فات ده يوضح ايه المضمون بتهيالي

هو مكرر واللايه
واللا ماانا عارفة مقراتش اجاباتك

خلاص حصل خير

مش المشكله انه مكرر

الصراحه
هوو اصلا مش عجبني

سبب انك مش راضية تقولي اسمك على المنتدى؟؟

نفس السؤال برده

بجد انا مش فاهمه حكايه الاسم دي مضيقاكوا ليه

و الله انتوا لو فارقه معاكوا الحكايه دي و انتوا حابين الاسم مش الشخص انا ممكن اقول ببساطه

الغربيه انك عارفه يعني

دا كررته لاني ماقتنعتش باجابتك اول مرة

ليه؟

بس يا ستي والله ما مشكلة
المهم انك انسانة محترمة

ميرسي

سواء قولتي اسمك واللا لا

يا بنتي ما انتي عارفاني

ماتحسسهمش اني شخص مجهول فعلا زي عصام ما بيقول

وبعدين انا كل الاعضاء انا فرد بينكم

بس معظمهم سالني نفس السؤال

و انا رديت نفس الاجابه

بس بجد انا اللي عايزاكوا تردوا

اسمي و لا انا اللي يفرق معاكوا

طب سؤال محاولتيش تقنعي باباكي بلبس النقاب واللا المبدا مرفوووووض تماما؟؟

بابا رافض المبدا اصلا ككل

عارفه ماما معترضه برده بس ممكن بشويه دلع كده اقنعها

بس بابا و الله اتخانقنا و قالي ماتفتحيش الموضوع ده معايا تاني ابدا

من طرف ???? الخميس أبريل 15, 2010 8:50 pm

انا زائر فى التوبيك ده ويا بخت من زار وخفف
فانا مش هطول

بما انك بتحبى الافلام الاجنبى
ايه اكتر فيلم عجبك لتوم كروز ؟
وايه اكتر فيلم عجبك عموما فى سينيما هوليود ؟
ايه اللى عجبك فى الزمالك عشان تشجعيه ؟
ايه هطموحك فى الحياه ؟ بس !!

من طرف جميلة الجمعة أبريل 16, 2010 9:36 am

انا زائر فى التوبيك ده ويا بخت من زار وخفف

زائر ايه يا عم ده انت صاحب بيت

فانا مش هطول

بما انك بتحبى الافلام الاجنبى

ها

ايه اكتر فيلم عجبك لتوم كروز ؟

افلام توم كلها حلوه

بحب اووووووووووووووي
Days of Thunder
و
Rain Man
و

Legend

بس اكتر حاجه بحبها و ان كان معظم الناس هتشوفه عادي يعني بس انا بموت فيه

Top Gun

وايه اكتر فيلم عجبك عموما فى سينيما هوليود ؟

السنادي ماشفتش حاجه

السنه اللي فاتت

Avater
و
The beast stalker

ايه اللى عجبك فى الزمالك عشان تشجعيه ؟

نفس اللي عجبك في الاهلي علشان تشجعه

ايه هطموحك فى الحياه ؟ بس !!

اني يبقي ليا وجود و ماتنزلش الستاره قبل ما اعمل دور في المسرحيه

نورتني الحبه الضغيرين دول يا محلاوي

من طرف ???? الجمعة أبريل 16, 2010 3:06 pm

طب جاوبى بقى على دوول كمان

شايفه ان افيتار يستاهل الضجه اللى عملها دى ؟؟

شوفتى فيلم The Shawshank Redemption 1994 ؟؟

ولو شفتيه هل فى رايك انه يستاهل يكون احسن فيلم فى تاريخ هوليود ولا انتى فى رايك ان فى فيلم تانى احسن
منه ويستاهل انه يكون مكانه ؟؟

... عبرى عن نفسك فى 3 كلمات بس ؟

تحبى تسافرى اى دولة اوروبيه ؟

ولو اه تحبى تسافرى فين ؟

من هو مثلك الاعلى؟

كفايه كدا

من طرف جميلة الجمعة أبريل 16, 2010 6:50 pm

طب جاوبى بقى على دوول كمان

انت تؤمر

شايفه ان افيتار يستاهل الضجه اللى عملها دى ؟؟

هو الفيلم حلو قصته حلوه و الله يعني فيه تحدي كده لكل حاجه حتي الحدود البشريه

الناس دي بجد خيالها واسع جدا لدرجد كبيره

بس اكتر حاجه عجبتني فيه اصلا انه هو بتاع جيمس كاميرون انا بحب شغل الراجل ده جدا هو اللي خلي الفيلم يظهر في صوره روعه

اخراجه بجد تحفه بس الفيلم يستاهل الصراحه

شوفتى فيلم The Shawshank Redemption 1994 ؟؟

اه

ولو شفتيه هل فى رايك انه يستاهل يكون احسن فيلم فى تاريخ هوليود ولا انتى فى رايك ان فى فيلم تانى احسن
منه ويستاهل انه يكون مكانه ؟؟

شكله مش عجبك

يمكن قصته عاديه في البدايه انت عارف القصه في افلام كتير بدات بيها اللي هو خيانه و قتل و الجو ده

بس الراجل نفسه بعد كده تيم روبنز موقفه عجبني

انا بحب اي حاجه الواحد فيها بيتحكم كده في نفسه علي الرغم انه كان مسجون بس كان راجل كده بجد

لا حلو و عجبني

... عبرى عن نفسك فى 3 كلمات بس ؟

3 بس

اوكي

الحياه نجاح و فشل

ماتحسبش الواو دي اداه عطف مالهاش محل من الاعراب

تحبى تسافرى اى دولة اوروبيه ؟

ياريت

ولو اه تحبى تسافرى فين ؟

باريس

من هو مثلك الاعلى؟

احمد زويل

كفايه كدا

اوكي

من طرف ???? الجمعة أبريل 16, 2010 10:23 pm

ولو شفتيه هل فى رايك انه يستاهل يكون احسن فيلم فى تاريخ هوليود ولا انتى فى رايك ان فى فيلم تانى احسن
منه ويستاهل انه يكون مكانه ؟؟

شكله مش عجبك

يمكن قصته عاديه في البدايه انت عارف القصه في افلام كتير بدات بيها اللي هو خيانه و قتل و الجو ده

بس الراجل نفسه بعد كده تيم روبنز موقفه عجبني

انا بحب اي حاجه الواحد فيها بيتحكم كده في نفسه علي الرغم انه كان مسجون بس كان راجل كده بجد

لا حلو و عجبني

لا ميعجنيش ازاى
دا انا بحب كل اعمال مورجان فرى مان راجل جاااااااااامد اوووى الصراحه
وكل اعماله ناجحه

من طرف جميلة السبت أبريل 17, 2010 7:39 am

تمام

من طرف Hancock السبت أبريل 17, 2010 9:37 am

يا ساتر ..... فى حد هنا ؟؟؟؟؟

طب أنا هسأل بقى و اللى ييجى يرد عليا

بتحسى انك شريرة أحيانا ؟؟؟ ( مجرد سؤال )

أما حد يعمل قدامك أكتر حاجة بتضايقك و تنرفزك بتبقى حاسة انك نفسك تعملى فيه ايه ؟؟؟

زمالكاوية متعصبة .... صح ؟؟؟ ولا بتشجعى اللعبة الحلوة ؟؟؟؟

بتحبى تشربى شاى باللبن ؟؟؟؟

بتحطى فى الشاى كام معلقة سكر ؟؟؟

ايه أكتر فيلم بتحبيه لاسماعيل ياسين ؟؟؟؟

عملتى حاجة كنتى مبسوطة و انتى بتعمليها قبل كده و كنتى حاسة انها مجنونة ؟؟

تحبى أول أما تيجى الأجازة تروحى فين ؟؟؟

ايه أكتر مكان تحبى تروحيه كمصيف ؟؟؟

فى اجابتك على أول سؤال ... يا ترى كنتى هتكتبى جنب الاجابة مجرد جواب ؟؟؟؟؟؟

شكرااااااااااااااااااااااااااااااااااااااا

من طرف انوار السبت أبريل 17, 2010 2:03 pm

كده يبقى مفيش لخبطه و لا حاجه
و سورى مره تانيه

من طرف roma السبت أبريل 17, 2010 4:09 pm

هو من قاعد عالكرسي
جميله ولاانوار
اصل انوار بتجاوب عالاسئله
اكيد هى فهمت غلط

من طرف جميلة السبت أبريل 17, 2010 4:48 pm

مش مشكله يا سماح

حصل خير

هي بس ماخدتش بالها

كله من محمود

من طرف Hancock السبت أبريل 17, 2010 4:56 pm

أنا مالى ؟؟؟ مش الأصول بتقول نستأذن قبل ما ندخل
انتى هتخلينى كده أضطر أعملك كده لفت جزر ... أصدى لفت نظر

من طرف جميلة السبت أبريل 17, 2010 5:00 pm

يا ساتر ..... فى حد هنا ؟؟؟؟؟

اتفضل البيت بيتك

طب أنا هسأل بقى و اللى ييجى يرد عليا

ههههههههههههه

ارحمني

بتحسى انك شريرة أحيانا ؟؟؟ ( مجرد سؤال )

يعني

ساعات بحس اني نفسي اقتل اللي قدامي و ببقي مغلوله كده

بجد و الله مش بهزر

(مجرد جواب)

أما حد يعمل قدامك أكتر حاجة بتضايقك و تنرفزك بتبقى حاسة انك نفسك تعملى فيه ايه ؟؟؟

بحس اني نفسي اولع فيه

او اديله بالقلم علي وشه و الله

زمالكاوية متعصبة .... صح ؟؟؟ ولا بتشجعى اللعبة الحلوة ؟؟؟؟

ايوه

انا بشجع اللعبه الحلوه خارج اطار المحلي

دولي يعني بس جوه زملكاويه طبعا

بتحبى تشربى شاى باللبن ؟؟؟؟

اه

بتحطى فى الشاى كام معلقة سكر ؟؟؟

انت هتفتح كافيه و لا ايه

معلقتين

ايه أكتر فيلم بتحبيه لاسماعيل ياسين ؟؟؟؟

ابن حميدو

عملتى حاجة كنتى مبسوطة و انتى بتعمليها قبل كده و كنتى حاسة انها مجنونة ؟؟

اه

تحبى أول أما تيجى الأجازة تروحى فين ؟؟؟

لخالتو ناديه في الجيزه

ايه أكتر مكان تحبى تروحيه كمصيف ؟؟؟

شرم

فى اجابتك على أول سؤال ... يا ترى كنتى هتكتبى جنب الاجابة مجرد جواب ؟؟؟؟؟؟

ههههههههههه

انت شايف ايه

شكرااااااااااااااااااااااااااااااااااااااا

عفواااااااااااااااااااااااااااااااااااا

من طرف جميلة السبت أبريل 17, 2010 5:03 pm

Hancock كتب:أنا مالى ؟؟؟ مش الأصول بتقول نستأذن قبل ما ندخل
انتى هتخلينى كده أضطر أعملك كده لفت جزر ... أصدى لفت نظر

لا و الله

طب ماترفندي احسنا

من طرف انوار السبت أبريل 17, 2010 8:46 pm

سورى يا جماعه
انا بجد مش متابعه اللعبه من الاول
و معلش ع اللخبطه