كرسي الاعتراف

bossy كتب:شوية اسئلة كدة مش قد المقام lol
1. احمد راضى عن نفسك؟
بصي انا راضي عن حاجات ومش راضي عن حاجات
2.اصعب موقف مريت بيه فى حياتك؟
اني اقعد لوحدي في البيت ايام الامتحانات اللي فاتت دي كلها
3.ندمت على حاجة عملتها قبل كدة؟
لا انامندمتش خالص خالص خالص
بس هو المشكلة اني بخاف من ردة الفعل بتاعت اي حاجه بعملها

4.مين اكتر ممثل بتحبه؟
كريم عبد العزيز
5.لما بتتضايق قوى ايه اكتر مكان بتروحه؟
بخش اقعد في قوضتي عالسرير
6.اكتر لازمة ليك يعنى اكتر كلمة بترددها على طول؟
يا راااااجل

كفاية بقى كدة دلوقتى

mima كتب:1- ايه اللى انت ناوى تغيره فى نفسك السنة الجاية غير المذاكرة والدراسة وكده؟
اني متعاملش مع ناس كتير
يعني على القد وبس
2-ايه رايك فى اعدادى؟
سهلة
بس كأول سنه متعبه
3- لو كان مجموعك مجبش اسنان كنت هتدخل ايه؟
أسنان 6 اكتوبر
ودا كان حاصل فعلا
انا كنت قدمت هناك مع اني جايب 401.5
بس رجعت قبلت هنا ودخلت
4-ايه رايك فى كل دكتور كان بيدينا السنة دى ؟
هجاوبها لوحدها دي
5-يا ترى ايه اكتر حاجة ممكن تعمها وتضايقك من نفسك ؟
ازعل حد مني بجد من غير ما اقصد

6-يا ترى الاعتذار عندك بيمثلك مشكلة ؟ يعنى ممكن تعتذر لحد غلطت في عادى ولا مش بتعرف؟

لا بجد لا خالص
ويا ريت يكون هو الحل

7-ايه اكتر حاجة ممكن تضايقك من والدتك ؟
انها تمنعني من حاجه بحب اعملها
8- لو سافرت عمان ايه اول مكان نفسك تروحه هناك ؟ وليه ؟
هروح صحار
علشان ازور الناس اصحابنا
وبعدين هروح
مسقط علشان اروح مركز التزحلق عالجليد وارجع تاني

وفي صحار لازم هروح المحلات الجديدة وبيت الموضه

mima كتب:السلام عليكم
وعليكم السلام

1- ايه اكتر لون ممكن يعصبك ؟
الاسود
2- ايه اكتر حاجة مادية بتخاف منها ؟
الكلاب
3- ايه اكتر حاجة حلمت بيها وعارف انها عمرها ما هتتحقق؟
اني ابقى رئيس الجمهورية
4- طب ايه اكتر حلم طفولى حلمت بيه ؟
بجد
اني اسوق عربية وانا صغير
5- عمرك مشيت وانت نايم ؟
لا لسه
هههههههههههههههههه
6-طب ايه اكت رحاجة ممكن تصحيك من النوم متضايق وتبقى عايز تقتل اللى صحاك ؟
ان حد يقفل عليا المروحة او التكييف واقوم عرقان
7- عمرك اتعصبت لدرجة انك كسرت حاجة او عورت حد ؟
اه كسرت المكواة بتاعتنا قبل كدا علشان كنت مدايق اوي وعاوز اخرج وطلعت بايظة رحت خابطها في الحيطة ونازل
8- ايه اكتر سؤال كان نفسك تتسأله ؟ وكنت هتجاوب عليه بايه ؟
لا خلاص اتسال وجاوبت عليه

e_pirate كتب:البنطلون يا نبيه لسه ازرق:((؟؟؟؟

dezner كتب:عامل ايه دلوقتى يا أحمد؟

أخبار الموووووووووووود؟

Eman Iran كتب:

ردودك عجبتنى وفى حاجات ضحكتنى اوى
جاوب يللا على شويه الاسئلة دوول

ما هي كل من هواياتك - سلبياتك - ايجابياتك؟
الى اى مدى بتقبل الهزار والضحك ؟
ماهي اجمل المواقف اللى مريت بيها في حياتك ؟
ماذا تفعل في وقت الفراغ؟
مين اكتر حد انت بترتاح فى كلامك معاه ؟
ايه اكتر حاجه حصلت وفرحت بيها ؟
مين اكتر عضو هنا بتحترمه ؟
مين اللى بتحس ان عبقرى زمانه فى اللى تعرفه؟
ايه اكتر حاجه ممكن تعصبك وتخنقك من الشخص اللى قدامك؟
ايه رأيك فى البنات عموما ؟
اكتر حاجه بتكرهها وبتخنقك من البنات ؟
ايه اكتر موقف محرج حصلك فى الكليه ؟
حصل قبل كده وفى بنت احرجتك؟
ايه اكتر موقف حصل مع اصحابك وضحكت فيه اوى ؟لما بتحب تقعد لوحدك بتحب تفكر فى ايه ؟
مين اكتر عضو بتعجبك ردوده على المنتدى ؟
امتى اخر مرة انضربت فيها ومن مين وليه ؟؟؟

حرااااااااام الخط دا يا ايمان انا مش عارف اجاوب على حاجه

1-الهوايات : النت والتلفزيون
والنوم اكيد
ايجابياتي : اني طيب شوية وودو ودمي خفيف وبعرف اتعامل كويس مع غيري
السلبيات : اني عصبي وشكاااااااك

2- انا الحمد لله بتقبل الهزار كويس اوي
بس لما يبقى في حدود اللي الناس كلها عارفاها يعني ميجيش واحد يهزر معايا ويجيب سيرة اهلي مثلا او كدا وعاوزني اتقبله
انما غير كدا انا بتقبل كل حاجه

3-اجمل المواقف بجد فرحتي بنتيجتي ومجهودي بعد سنة تانية ثانوي

4-انا تقريبا الايام دي وقتي كله فراغ وزي منتي شايفه عالنت طول اليوم او بساعد ماما في حاجه
او نايم

5-عمرو اخويا


6- فرح خالد اخويا دي اكتر حاجه

7-بحترم كل الناس والله زي بعض
والحمد لله كلهم اخواتي
بس طبعا فيه ناس انا بفضلهم عن غيرهم ومش هقدر اقول أسماء

8-اصحابي ههههههه مفيش حد فيهم عاقل اصلا

ومن اهلي بحس كدا في جوز خالتي بجد دا موسوعه

9-انه ميقدرنيش او ينافقني او ميحسش بيا

10-البنت عموما حاجه رقيقه و حساسة
وهي بتمثل النص التاني من حياة اي راجل

11-انها تحسسك انها محترمة وتطلع في الاخر فشنك

12-عادي هو فيه حد قال عليا كلام مش زي الفل
وبعدين حصلي مشكلة بسببه
وفي الاخر عرفت اني انا اللي زي الفل والحد اللي اتكلم دا زباله


13-لا مفيش الحمد لله محصلش

14- في يوم في الترم التاني في سكشن فيزيا كان السكشن دا الساعه 4
وكنا انا و 5 غيري في نفس الجروب وكانت تجربة سهله اوي وخلصناها بسرعه

والله العظيم يومها احنا اطردنا من السكشن وفيه 2 اتشطب على اسمائهم بسبب كتر الضحك
علشان كنا بنتريا على واحد صاحبنا كدا وطلعنا عينه

ولما بقعد لوحدي بفكر في اليوم الي انا عايشه
بفكر في اللي حصلي واللي هعمله
عادي بيببقى تفكير تقليدي

15- رحمة
مواضيعها هايله

16-من بابا اكيد
في اولى ثانوي
علشان مكنتش بروح المدرسة
وبفضل نايم طول النهار واصحى اخرج معا اصحابي

راح ماسكني قعد يزعقلي
وبعدين بقوله براحتييييييييي

رحت ضاربه بقا ب وشي في ايده

هههههههههههههه



حلوة طريقة الكتابه دي
منا لازم اطلع عينك زي ما طلعتي عيني على ما رديت

اللون الاخضر ونوع الخط دا مش مخلييني عارف اجاوب كل سؤال تحته

بس يلا
لو فيه اسئلة كمان هاتي

MiSHMISH كتب:مساء الخير خد دول
مساء النور
قيم نفسك في الميه من حيث كلا من
1 _ الاجتماعيه: 90
الحريه: 70
الجدعنه: 85
الرجوله معنويا (من حيث المواقف وكده ): 75
الرومانسيه:50________100 بتختلف
الدبلوماسيه:20
طريقة التعامل مع الناس:90
العصبيه:95
الطيبه:100000000000
الثقه: 75
الصراحه: مع نفسي 40 بس المرادي 1000000000
الصدق: 80
الجرئه: هههههههه
1
الخوف: 90

Dr/Asmaa كتب:اسال انا
امتي بتحس انك راض عن نفسك ؟
لما بعمل اللي انا عاوزة من غير ما ازعل حد من اللي حوليا
اكتر شخصية بتحترمها ع المستوي العام والخاص ؟
اكتر حد في بيتنا بابا اكيد
وعامة برضه يعتبر من عيلتنا وهو عمي
بتحب اكتر الافلام العربي ولا الاجنبي ؟
الاجنبي طبعا
كاتبك المفضل ؟شاعرك المفضل ؟
ولا بحب دا ولا دا
متي مبتمشيش ورا احساسك؟
لما بكون متاكد منه مش ممكن اتردد ثانية اني امشي وراه
رومانسي ام لا؟
كل واحد في الدنيا دي بيكون عنده شوية رومانسية بس الصح اللي يعرف امتى يكون رومانسي او لا
امتي بتبقي عايز تخنق الي قدامك ؟
لما يبقا بينافقني
ايه رايك في :
الفتاوي الكثيرة علي الفضائيات : بصراحة بقت حاجه مملة ان كل واحد يطلع يفتى فتوة ويمشي والواحد مهواش عارف انهو الصح وانهو الغلط
سياسة القطيع : يعني ايه ؟
اصدار الاحكام عي بعضنا عمال علي بطال: أكيد كل واحد بيبقا ليه راي في اللي قدامه بس المفروض الواحد يحكم بعقله قبل اي حاجه تانيه
التعليم في مصر : فاشل ااااااااااااااااخر حاجه

هل تعتقد ان التعليم المفتوح هيحسن من نظام التعليم في مصر ام لا ؟ وليه؟
والله المشكلة مش مشكلة تعليم مفتوح ولا مقفول ولا متوارب حتى
المشكلة كلها ان معدش فيه اي هدف من التعليم
يعني الواحد يفضل يتعلم ويكافح ويطلع عينه هو واهله وفي الاخر يخش كلية الطب ويخرج يلاقي ال 200 جنيه منورين
يبقى ساعتها لازمتها ايه تعليم ؟
مهو انا لازم احس بالنتيجة بتاعت اي حاجه انا عملتها
هل تعتقد ان المنتدي ينقصه بعض الموضوعات الجادة ؟
لا هو بس ناقصة تنظيم يعني في اي قسم بدل ما نشوف كل يوم 10 مواضيع يبقى كويس اوي اوي اوي اوي3
يعني الواحد يلحق يشوف كل المواضيع وحتا الللي منزل التوبيك يحس بقيمته
دا رأيي

معلش لو كنت طولت