مامعنى الصداقة ، وهل وجدتم اصدقاء حقيقيون؟؟

Dr_sadbird كتب:ما مفهومك الشخصي عن الصداقة؟؟

ظروف صعبة وفرح وجرح واراء مفيدة وروح واحدة

هل تعتقد بوجود فرق بين الصاحب والصديق؟ وان كان هناك فرق فما هو؟

نعم ,

الصديق اقرب من الصاحب

ممكن بسهولة يكون عندى اكتر من صاحب لكن من الصعب ايجاد حتى صديق واحد وافى

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

انا كنت فى الاول اى حد لكن بعد كدة بقت له مواصفات خاصة

هل تولي ثقتك الكاملة لصديقك ام تعطيه جزء منها؟ولماذا؟

حسب مواقفه معايا

هل هناك عدد معين من الاصدقاء يجب التوقف عنده؟ ولماذا؟

انا افضل واحد بس ,لو كان اكتر بحس ان فيه حاجة غريبة

من برأيك اقرب الصديق ام الاخ؟ ولماذا؟

على حسب والله يا رقية

هل تجعل صديقك في اختبار دائم ام تحدد وقت لذلك ؟

فى الاول بس

حين تتعرض لخيانة الصديق فعلى من تلقي اللوم عليه ام على نفسك ام على من؟

عليه وعليا علشان اقدر اشوف مين فينا اللى غلطان


موضوع حلو اوى يا رقية وكترى من المواضيع دى

dr teeth كتب:هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟

للأسف ساعات كتيرة بنقول كذا صديقى .. بس بيبقى مجرد كلام
او استخدام للمصطلح فى غير معناه ..
الاصدقاء طبعا بيبقوا معروفين
لكن احنا من عشمنا بنقول على كله أصدقاء ..

ما مفهومك الشخصي عن الصداقة؟؟
حد يحبك و تبقى انت فى دماغه يخاف على مصلحتك كده يعنى
و انت تكون كده برضه و تبقى مرتاحله ..

هل تعتقد بوجود فرق بين الصاحب والصديق؟ وان كان هناك فرق فما هو؟
فيه فرق طبعا .. الصديق ده بيبقى تقريبا توأمك
و للأسف كان ليا اصدقاء كتيرة اوى بس اتفرقنا بقى من ايام الثانوى العام
اللى دخل ادبى و اللى دخل علمى
و اما روحنا الكليات برضه العلاقة ما بقتش زى الاول ...

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

المفروض يبقى فيه اسس و قواعد
بس ما افتكرش ان فيه حدد بيدقق فى الحاجات دى دلوقت

هل تولي ثقتك الكاملة لصديقك ام تعطيه جزء منها؟ولماذا؟
جزء منها ...

هل هناك عدد معين من الاصدقاء يجب التوقف عنده؟ ولماذا؟
لا خالص ..

من برأيك اقرب الصديق ام الاخ؟ ولماذا؟
دى مش قاعدة
ممكن تبقوا توأم او قريبين من بعض فى السن فتبقوا قريبين من بعض اوى
وممكن يبقى اخوك رذل و مش طايقين بعض:D

هل تجعل صديقك في اختبار دائم ام تحدد وقت لذلك ؟
لا ..
انا عمرى ما اختبرت حد صاحبى بالقصد
المواقف هى اللى بتبين تلقائى يعنى ..

حين تتعرض لخيانة الصديق فعلى من تلقي اللوم عليه ام على نفسك ام على من؟

عليا و عليه
يمكن عليه اكتر ..

متشكرين يا د.رقية
موضوع مهم ..

Dr/Asmaa كتب:
ما مفهومك الشخصي عن الصداقة؟؟
الصداقة اجمل شيء في الدنيا
هي اللي بتخلي للحياة طعم وتقدري بيها تواجهي الظروف والمشاكل والصعوبات طالما جنبك صديق بيخاف عليكي اكتر من روحه

هل تعتقد بوجود فرق بين الصاحب والصديق؟ وان كان هناك فرق فما هو؟
اه طبعا في فرق
الصديق اقرب ليا من الصاحب
الصديق زي ما قال د.احمد تؤام روحك يفهمك قبل ماتتكلم
حاسس بيك وبهمومك حتي لو مش قادر يعملك حاجه فكفايه انه جنبك بس
الصديق ده بيبقي بيموت لو انتي بس زعلان شويه
ويتمني يشيل هو هموم الدنيا وانتي ميمسكش اي حاجه ولو قد كده

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
لا مفيش قواعد معينة بس هو بيبان
مش عارفه اذاي بس بيبان
واحيانا بيخدعك احساسك

هل تولي ثقتك الكاملة لصديقك ام تعطيه جزء منها؟ولماذا؟
الصديق الحقيقي ؟
اه ثقتي الكامله

هل هناك عدد معين من الاصدقاء يجب التوقف عنده؟ ولماذا؟
بالنسبالي الاصحاب هما اللي يبقوا كتير اما الاصدقاء واحد بس

من برأيك اقرب الصديق ام الاخ؟ ولماذا؟
مش عارفه
بتهيالي مفيش مقارنة بينهم
يعني كل مهم في مكانه

هل تجعل صديقك في اختبار دائم ام تحدد وقت لذلك ؟
اختبار ؟
لا ابدا الظروف هي اللي بتبين
مش بيقولو الصديق وقت الضيق

حين تتعرض لخيانة الصديق فعلى من تلقي اللوم عليه ام على نفسك ام على من؟
علي نفسي اني اتخدعت فيه
او علي الظروف لو فرقتنا
او علي نفسي لو انا اللي ضيعته من ايدي

وانا لقيت الحمد لله الصديق الحقيقي
اللي هي لي الاخت والام والصديقة
اللي بتخاف عليا وتحبني اكتر من روحها
اللي لو طلبت عنيا وروحي وعمري ميغلوش عليها
لا بتهيالي قليلين اوي عليها
ربنا يخليها ليا يااااااااااارب
وميحرمنيش منها ابدا ابدا

ميرسي اوي يا روكة ع الموضوع الرااااااااائع ده

snowhite كتب:هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟
مش كل الناس كده بس الواحد تعب اوووووووووى على م وجد الشخص الحقيقى ده على كبر
ما مفهومك الشخصي عن الصداقة؟؟
يكون بيحبك بيخاف عليك مش عايز منك حاجة ولا مصلحه وييشركك مشعرك
هل تعتقد بوجود فرق بين الصاحب والصديق؟ وان كان هناك فرق فما هو؟
اه فى فرق كبيييييييييييييير
الصاحب ده واحد تقعد معاه تهزر تخرج معاه بس مش شرط انو يكون موضع سرك
اما الصديق فده بقى انت تحكيله على كل حاجة وانت مغمض وتكون واثق انو امين ع السر ده ومتقدرش تبعد عنه
هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
هو الاول بتبدا بصداقة ولما بتفهمه اكتر وبتحبه وتحب شخصيته بتتقلب صداقة من غير متحس
هل تولي ثقتك الكاملة لصديقك ام تعطيه جزء منها؟ولماذا؟
اه اوليه ثقتى الكاملة معرفش ليه ده الى حصل معايه
هل هناك عدد معين من الاصدقاء يجب التوقف عنده؟ ولماذا؟
اه فيه كتير لان فيه الى عيزك علشان مصلحه وبعدين يرميك عادى جدا
من برأيك اقرب الصديق ام الاخ؟ ولماذا؟
الصديق لانو ببساطه من سنك وبيكون معاك فى كل حته وبحس انى بقدر اكلم معاه من خير مخاف
هل تجعل صديقك في اختبار دائم ام تحدد وقت لذلك ؟
لا مش حختبره اصلا لانى بثق فيه لنكن ممكن اختبر صاحب
حين تتعرض لخيانة الصديق فعلى من تلقي اللوم عليه ام على نفسك ام على من؟
اه اتعرضت كتييييير بس بلومه اولا ولا اعفى نفسى من الخطا انى وثقت فى حد ميستهلش ثقتى

dezner كتب:

بقايا إنسانه كتب:

السلام عليكم ورحمة الله وبركاته
وعليكم السلام ورحمة الله وبركاته

ما مفهومك الشخصي عن الصداقة؟؟
دوما ما اقول ان الصداقة مشتقة من الصدق
اذا الصديق هو من يظهر الحقائق للشخص ايجابية كانت ام سلبية على حد السواء فيكون له كالمرآة بل اهدى
ولا بد ان تبعد الصداقة عن النفاق والرياء فهذا ليس بالصديق
من يشاركنى همومى ويكون بجانبى فى الشدائد هو الصديق
من يتمنى لى الخير ويخاف على ودائم النصح لى هو الصديق

هل تعتقد بوجود فرق بين الصاحب والصديق؟ وان كان هناك فرق فما هو؟
فرق شاسع............ بينت الصديق من وجهة نظرى
اما الصاحب مشتقة من الفعل صحب او اصطحب بمعنى رافق
اى هو مجرد انسان يسير معك لايرشدك ولا يدلك بل هو سائر لمسألة ما ويأتى ساعة يتفرق فيها كل منكما
وهذا ليس معناه انه انسان سىء دائما ولكن لم تربط بينكما علاقة الحب فى الله التى هى اساس كل صداقة وخير

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
طبعا نحن نحب الكل ونظن الخير فى الناس ولكن ليس كل شخص بصديق
لابد ان تتوافر فيه شروط اهمها
1- الحب فى الله دون المصالح
2- النصح الدائم وابراز عيوبى قبل محاسنى
3- الصدق الدائم
4-الأمانة خصوصا فى القول


هل تولي ثقتك الكاملة لصديقك ام تعطيه جزء منها؟ولماذا؟
بالنسبة لى عندما اصادق شخص اوليه كامل الثقة وهذا نابع من شعور اننى بحاجة الى اخ اجده بجوارى دوما فى النكبات

هل هناك عدد معين من الاصدقاء يجب التوقف عنده؟ ولماذا؟
لا اعتقد ذلك فالمحبة والصداقة شعور فطرى لا يمكن ان يحد بعدد والانسان وحده هو القادر على تحديد علاقاته وبعقله يستطيع التفرقة بين من يستحق المصادقة ومن لا يستحق
من برأيك اقرب الصديق ام الاخ؟ ولماذا؟
بحكم عدم وجود اخوة لى فأصدقائى مقربين جدا الى نفسى لكن انا مصر انهما علاقتان متكاملتان لا يستطيع الانسان المقارنة بينهما
هل تجعل صديقك في اختبار دائم ام تحدد وقت لذلك ؟
فى اوقات معينة فقط

حين تتعرض لخيانة الصديق فعلى من تلقي اللوم عليه ام على نفسك ام على من؟
على حسب الموقف وغالبا ما ارجح العقل واسأل الأهل و ذوى الرأى

شكرا د/ رقية لطرح هذا الموضوع القيم وجعله الله فى ميزان حسناتك

دمتى متألقة دوما فى ثوب الإجادة

beating heart كتب:كلام جميل بس انا لسة ملقتش صديق على دماغى