مين رئيس مصر القادم ....... لو خفت ما تدخولش

الدوره الجايه اعتقد الرئيس نازل ربنا يديله الصحه لانه لمح بكده في احد خطابات مجلس الشعب
علي مستوي علاقاتنا الخارجيه انا مطمن طول ما الرئيس موجود اما من بعده هبقي قلقان جدا
شكرا يا عطار

يسعدني اكون اول واحد يرد يا ابو ديزنر بص يا عم
انا لا ارفض فكرة ان جمال مبارك يبقا رئيس مصر لكن ميبقاش رئيس مصر عشان ابوه رئيس
لو تم انتخابات نزيهة صادقة و ده تنساة خمسين سنة قدام لو تمت و فاز جمال مبارك مش هعترض ومش مفروض حد يعترض , لان لو تم انتخابو فعلا ده مش هيبقا توريث .
طبعا انت ركزت في موضوعك على جمال مبارك و قلت عليه السيد ههههههه لكن ايا كان اللي خلا جمال مبارك يبقا محور الكلام كدا ان ابوه رئيس .
انما لو كان الموضوع متساوي كنا هنلاقي شخصيات كتير افضل للحكم , علماء , ادباء , في ناس مثقفة واذكياء كتير يقدرو يديرو البلد دي و عمرهم ما يفكرو يتقدمو للحكم لان الجو العام فاسد و مش صح اني اقحم نفسي في جو فاسد .
عشان كدا مفروض لو الناس عاوزة تغير هما اللي يبداو بده بينهم مش يفضلو مستنيين صلاح الدين
شكرا اوي يا ديزنر عالموضوع

شكرا للردود يا جماعة

وانا كنت عاوز اعرف رأيكم فى الشخصية اللى ممكن تمسك الحكم وترشح ميين وتدى صوتك لمين

وانا حددت الكلام عن جمال مبارك( من غير سيد اهو يا شريف ههههههههه) عشان الناس اللى قلقانه من التوريث

وهل هو سيناريو التوريث قائم وممكن يكون واقع

انا شويه يعنى
فتح يا عطار وانت بتتكلم انت مش عارف بتكلم مين

والله يا سيدى مممممممممممممم بصراحه انا ما اعرفش حد غير جمال مبارك والريس ربنا يطول فى عمره ما تقول امين يا راجل
انت حاول تصنف شخصيات سياسيه انت تعرفها والشارع يعرفها نقدر نتخبها
انا مش عايز اخوض فى حاجات ما لهاش لازمه
بس اظن تلميحى واضح
وربنا يخلى الرئيس محمود على محمد جمال محمد حسنى مبارك
واحنا بنحب الريس والله
وبدعيله بدعوة عادل امام فى مسرحية الزعيم

موضوع الرئاسه فى مصرمساله مهمه جدا جدا و ناس كتير بتخاف تتكلم فى الموضوع و زى ما طبعا كلنا عارفين ايه الى بيحصل
بس لو هنتكلم على جمال مبارك او البرادعى او او غيرة او غيرة
الاول ايه الصفات ايه البرنامج الانتخابى و انا هنا بتكلم فى حاله انتخابات نزيهة حرة زى الى بتحصل طبعا كل دورة انتخابيه
يعنى لو جمال مبارك عاوز يرشح نفسه و ماله مفيش ماتع بس يقدم برنامج انتخابى مرضى للشعب و يحقق طموحاته
انا عن نفسى مش ضد ان جمال مبارك يرشح نفسه عادى زى اى مواطن مصرى عدى عمرة 40 عام و طموحه رئاسيه مش عيب بس كل شى يتوقف على برنامجه الانتخابى
ولازم ناخد بالنا ان مفيش دوله بتقوم على العلم بس ولا الديمقراطيه و نظام حكم الشعب بس لازم تقوم على الاتنين مع بعض

ربنا يديله الصحة اه
لا تعليق

اولا شكرا على تعليقاتكم جميعا

احنا مش هنرشح شخص او نكره شخصه لمجرد شخصه انما المفروض ان البرنامج الانتخابى دا ينفذ ومايكونش كلام على ورق بس

كادر المعلمين على ما ينفذ وفى الاخر طلع فشنك ضحك على الدقون

مساكن الشباب اللى فى الزقازيق بئالها 6 سنين قالوا هتتعمل ولسه يادوب بتتشطتب اهى فى بداية الحملة الجديدة

لازم الحكومة ما تستخفش بعقول الناس

"إنكم ،معاشر المصريين، قد نشأتم في الاستعباد، وربيتم بحجر الاستبداد، وتوالت عليكم قرون منذ زمن الملوك والرعاة حتى اليوم، وأنتم تحملون عبء نير الفاتحين، وتعنون لوطأة الغزاة الظالمين، تسومكم حكوماتكم الحيف والجور وتنزل بكم الخسف والذل، وأنتم صابرون، بل وراضون.. وتستنزف قوام حياتكم ومواد غذائكم المجموعة مما يتحلب من عرق جباهكم بالمقرعة والسوط، وأنتم في غفلة معرضون! ..

فلو كان في عروقكم دم فيه كريات حياة، وفي رؤوسكم أعصاب تتأثر فتثير النخوة والحمية لما رضيتم بهذا الذل والمسكنة، ولما صبرتم علي هذه الضعة والخمول، ولما قعدتم علي الرمضاء، وأنتم ضاحكون ! . .

تناوبتكم أيدي الرعاة، ثم اليونان والرومان والفرس ، ثم العرب والأكراد والمماليك ، ثم الفرنسيين والمماليك والعلويين . . وكلهم يشق جلودكم بمضع نهمه، ويهيض عظامكم بأداة عسفه، وأنتم كالصخرة الملقاة في الفلاة لا حس لكم ولا صوت !
انظروا أهرام مصر وهياكل ممفيس وآثار ثيبة ـ طيبة ـ ومشاهد سيوة وحصون دمياط شاهدة بمنعة آبائكم وعزة أجدادكم.
"فتشبهوا إن لم تكونوا مثلهم . . إن التشبه بالرشيد فلاح"
هبوا من غفلتكم، اصحوا من سكرتكم، انفضوا عنكم الغباوة والخمول.. وشقوا صدور المستبدين بكم، كما تشقون أرضكم بمحاريثكم .. عيشوا، كباقي الأمم، أحرار سعداء، أو موتوا مأجورين شهداء .."


جمال الدين الأفغاني
سنة 1871م

دايما تظلموا الناس كده
مش كان بيشجع المنتخب
عايزين ايه اكتر من كده!!!

انا حسة ان التوبك ده حيودينى فى دهية بس انا حرد وامرى لله
اولا احنا بقينا شعب مسير مش مخير فى اى حاجة ومعدش لينا اى راى فى اى حاجة خالص (وكفاية كده علشان ملبخش) هههه
انا اعتقد ان السيد جمال هو الرئيس القادم بعد الرئيس حسنى مبارك بعد عمر طوييييييييييييييييييييييييييييييييييييييييييييييييييييييييييييييل ربنا يديله طولة العمر والصحة يا رب ههههه بصرف النظر عن انى موافقة او لا
وان شاء الله متقلقوش احنا حنعيش و نموت فى عهد السيد حسنى مبارك اوعو تخافو ههههههههه
وربنا يستر بقى

والله مش بعيد يا طحطح

شكرا للتفاعل يا جماعة

منورين

على فكرة يا ايمان البرادعي قال انو مش هيرشح نفسو خلاص

بص يادزنر
اى حد هيجى دلوقتى او بعد عمر طوييييييييييييييل للسيد حسنى مبارك
فهو كده كده هيشلوحنا
فاهمنى انت؟
وبعدين لايغير الله مابقوم حتى يغيرو مابانفسهم
يعنى التغيير لازم يجى من عندنا احنا
وغير كده مثلكم يولى عليكم
يعنى احنا اصلا عايشين فى بوتقه من الفساد وبنموت فى الفساد ومانقدرش نعيش من غيره
يبقى ازاى هيجى حد كويس وصالح ويقدر يحك البلد زى ماتيس بيقول
يعنى احنا اللى بادينا كل حاجه من الاخر كده

من اعمالنا سلط علينا

والله رأى ممتاز يا دوك وانا معاكى تماما فيه

انت عاوز تحبسنا يابني
جماااااااااااااااااااااااال جمااااااااااااااااال جمااااااااااااااااااال طبعا والله مااعرف غيره اساسا هههههههههه
كفايه وهو بيقول
منتخب مصر كويس زي ما قال الريس ههههههههههههههه
بيقولها باتقاااااان لا يا جماعه الراجل ده عنده اتقان ف العمل وباذن الله هانروح ف داهيه
شكرا يا عطاااااااااااار ع التوبيك

هههههههههههههههههههههه

على رأيك يا رنا

اساسا فى العيد معدوش بيقولوا ( عيد مبارك) بئوا بيقولوا ( يا جمال العيد)

هههههههههههههههههههههههه

منورة

انا الصراحه والله ومن غير مجاملة
بحب الريس بتاعنا محمد حسنى مبارك
لانى شايفة انه عمل حاجات حلوة للبلد
بغض النظر عن الحاجات الوحشه الي فيها

بس لو جمال مبارك هيطور البلد اكتر وهياخدنا لقدام اوكى
مفيش مانع يبقي الريس
بس متهيقلي ان الرئيس حسنى مبارك يعنى اهو بقي خبرة في حتة الرياسة دى وكمان
الي نعرفه احسن من الي معرفوش
وعنده علم بحاجات كتير

مش عارفه بقي
كل الي عارفاه ان عايزة انتخابات من غير تزيف انتخابات نظيفه وبس

وهما بقي يشوفو من الاصلح للبلد ويحطوه وفي النهاية
الله الملك الشعب
ههههههههههههههههه

اكيد فى حاجات كتير كويسة ولكن مساوىء العيشة والحالة اللى الشعب فيها هيا اللى مش مبينه

واكيد البرامج الانتخابية اللى جاية هتكون فى مصالح الشعب وخاصة الفلاحين انا اعتقد كدا

المهم فعلا نزاهة الانتخابات والأصلح هو اللى يمسك