اغتيال حلم

من طرف جميلة الجمعة يناير 29, 2010 7:30 pm

بسم الله الرحمن الرحيم

السلام عليكم ورحمه الله و بركاتة ، ، ،

هناك أمور كثيرة تتم السيطرة عليها بحياتنا العامة و تكون لها قوانين
غير أن الباري سبحانه و تعالي لم يدع شئ الا وجعل له قانون وحكمه
فقد سنن القوانين له و جعل لكل شئ ثواب وعقاب ، و نجد بأن جميع
ما طبق بالقوانين الأرضية الإسلامية و غير الإسلامية في أطار الإصلاح
ما هو سوى تطبيق لشرع الخالق و لو أنكر البعض ذالك فأحكام الحرابة
موجودة حتى في بعض الدول المعادية للإسلام و أحكام عده لو تطرقت لها
لذهبت بعيداً عن موضوعي ..

و هو الاغتيال

فاغتيال البراءة له طرقة و عقابه
و اغتيال النفس و أهدار الروح له ما يردعه
اغتيالات كثيرة تمر علينا بحياتنا و حتى و أن طال الزمن فلا بد من
أن يكون هناك رادع لمن يقوم بتلك الاغتيالات

و هناك اغتيال وأحد فقط لم أجد له عقاب و كلي ثقة بأن الله جعل له عقاب
و لكني لم أعرفه و لا أعتقد أنه من السهل تطبيقه لأنه لم يدرج تحت بنود
الجريمة ، ، رغم أنه من أبشعها على الأقل بوجهة نظري .

( اغتيال الحلم جريمة لا يعاقب عليها القانون )

فكم من طفل كان له حلم و لسوء حظه لم يكن أحد من المحيطين به وصل إليه
فـ وئد حلمه بكلمه ( أنت فاشل )

كم منا حلم بالصعود للقمر أو الغوص في أعماق المحيط أو الصعود لقمم الجبال ؟
أحلامنا كثيرة منذ نعومة أظفارنا ونحن نحلم ... وفي مرحلة من حياتنا تتغير الأحلام
والأمنيات بسبب كلمة قالها احد الكبار ...
قد يحلم الطفل بأن يكون عالم رياضيات ويتحدث بفرح عن حلمه الصغير ...
و يسمع تلك الكلمة ( أنت فاشل ) فيتقوقع في صدفته و ينتهي حلمه
لماذا نكون نحن الجناة على اغتيالات بشعة لم يكون لها عقوبات رادعه
دنيويه ، ، ،

همسه و تأوهـ صادفتها فامتعضت فخرج منها هذا المقال ، ، ،

لكي أوجه منه رسالة للجميع( لماذا اغتيال أحلامنا جريمة لا يعاقب عليها القانون ) مستنيه رايكوا

من طرف Ahmed El Metwally الجمعة يناير 29, 2010 7:41 pm

موضوع روعه بس انا شفت الموضوع ده قدامي كنت في معرض لمؤتمر في القاهره من كام يوم تبع نادي العلوم بجد ايه ده شباب مصري عامل اختراعات فظيعه جميله جدااااااا و اجي اكلمهم بجد بحزن مش لاقيين حد يشغل افكارهم صارفيين فلووس بالهبل على المشروع و في الاخر شويت جوائز شباب في سنوي والله و في جامعه مشاريع لو الحكومه استفادت منها والله العظيم و مش ببالغ والله العظيم هنكون غير متتخيلوش بجد المشاريع جميله ازاي ومش غاليه و افكار روعه

و في مثالين شدوني الاول واحد عامل مشروع جميل جدا بيقول انه مديون ب 50 الف جنيه بسبب المشروع ده و لو الحكومه استخدمت المشروع ده هتةفر على نفسها ملايين

التاني عامل مشروع يوفر على الحكومه كتير برده راجل كبير جدا عامل المشروع من سنة 1980 لحد دلوقتي بيروح مسابقات بس و عمال كل 20 سنه يعمله برائة اختراع جديده بدل القديمه المشروع مفيد جدا لترشيد استهلاك الماء في البيوت يعني يفيد الصرف الصحي و الحكومه في المقام الاول ومفيش فايده

بجد

ربنا معانا

من طرف جميلة الجمعة يناير 29, 2010 9:13 pm

عندك حق فعلا يا احمد البلد دي فعلا بتخسر و لسه هتخسر كتير جدا لانها مابتستغلش قدرات و مواهب ولادها كله ضايع باسم الروتين و الايحة و الخ...البلد دي فيه بجد ناس تقدر ترفعها لفوق قوي و ترجعلها مكانتها و تلغي مصطلح العلم التالت بس للاسف ده مابيحصلش عشان كده الشباب او اي حد عايز يحقق نفسه في اي مجال اول مابيلاقي فرصه للسفر بيبعد عنها و هما بيستغلوا طاقة ولادنا و يعلوا علي حسابنا علشان كدة هنفضل دايما ورا والاخر يقولوللك الشباب هو اللي مستعجل .مستعجل علي ايه علشان مش لاقي طاقه نور هنا ولا حتي اي امل انه ممكن يحقق حلمه في يوم من الايام .........ويبقي السؤال ليه اغتيال احلامنا جريمة لا يعاقب عليها القانون

من طرف same7 الجمعة أبريل 02, 2010 12:36 am

موضوع جميل يا دكتورة وابسط مثال لإغتيال المواهب عندك ..أنا مثلاً هههههههههههههههههههههههههه

كنت فنان وانا صغير كنت اوري رسوماتي للمدرسة تقولي وحشه وحشه جابت لي احباط ................

بس الحمد لله قدرت استغل بعض قدراتي زي التأليف الأدبي , ربنا يسهل كده واعرف اخترع حاجه بالمرة , ربنا ما يحرم البلد دي من امثالي .ههههههههههههههههههههههههههههههههههههههههههههههه

من طرف beating heart السبت أبريل 03, 2010 10:37 pm

بصى يادكتورة الموضوع هادف جداااااااااااااااااااااا
بس أنا هختلف معاكوا وهتفق معاكوا فى حاجة
اولا وجة الإتفاق فعلا الطفل إنت بتقتل حلمة إذا مشجعتوش لإنة ملشوش خبرة فى الحياة لسة بيكتسب بس معندوش تفكير لسة زى الأرض الخصبة زى ماهتزرع زى ما هتحصد

وجة الإعتراض الإنسان الكبير مش زى الطفل لازم يشق طريقة بعقلة وبفكرة حتى لو هيقف قدام العالم كلة
طلما إنة مقتنع بية ميحولش ياخد غير برأى واحد بس رأى نفسة واللى يشجعة طالما اللى بيعملة كويس
بس لو مش كدة يبقى هو اللى بيقتل حلمة بإيدة إنة بيسلم حاجة سامية لأشخاص لايستيعون حملها

من طرف جميلة السبت أبريل 03, 2010 11:28 pm

babroman21 كتب:موضوع جميل يا دكتورة وابسط مثال لإغتيال المواهب عندك ..أنا مثلاً هههههههههههههههههههههههههه

كنت فنان وانا صغير كنت اوري رسوماتي للمدرسة تقولي وحشه وحشه جابت لي احباط ................

بس الحمد لله قدرت استغل بعض قدراتي زي التأليف الأدبي , ربنا يسهل كده واعرف اخترع حاجه بالمرة , ربنا ما يحرم البلد دي من امثالي .ههههههههههههههههههههههههههههههههههههههههههههههه

علي فكره الموضوع بجد مش هزار

يمكن لو كان حد تاني كان استسلم للكلام ده و نسي موهبته و بالشكل ده ممكن نخسر مواهب كتير جدا في مجالات مختلفه واللي البلد دي في امس الحاجه لحد ينتشلها من الغرق اللي هي فيه

علي العموم انا مبسوطه لمرورك يا دكتور

نورت بجد

من طرف جميلة السبت أبريل 03, 2010 11:42 pm

beating heart كتب:بصى يادكتورة الموضوع هادف جداااااااااااااااااااااا
بس أنا هختلف معاكوا وهتفق معاكوا فى حاجة
اولا وجة الإتفاق فعلا الطفل إنت بتقتل حلمة إذا مشجعتوش لإنة ملشوش خبرة فى الحياة لسة بيكتسب بس معندوش تفكير لسة زى الأرض الخصبة زى ماهتزرع زى ما هتحصد

وجة الإعتراض الإنسان الكبير مش زى الطفل لازم يشق طريقة بعقلة وبفكرة حتى لو هيقف قدام العالم كلة
طلما إنة مقتنع بية ميحولش ياخد غير برأى واحد بس رأى نفسة واللى يشجعة طالما اللى بيعملة كويس
بس لو مش كدة يبقى هو اللى بيقتل حلمة بإيدة إنة بيسلم حاجة سامية لأشخاص لايستيعون حملها

بص يا دكتور

انا مش هقولك انك كلامك مش صح اوي

انا متفقه معاك جدا

بس عايزاك تقولي حاجه احنا بشر لازم حاجه تتدفعنا لقدام و تشجعنا نكمل حلمنا

هتقولي المقتنع بحاجه لازم يكافح علشانها لاخر وقت

هقولك مظبوط بس البشر ليهم طاقه مش كده

ازاي شاب الايام دي يعرف يحقق حلمه

لما حاول يرفع مستوي التعليم بعد معاناه و سهر ليالي و ايام دخل كليه مش علي مزاجه علشان غلطه واحد ماعندوش ادني احساس بالمسؤليه اتجاه حد و لا بيقدر تعب طلبه و لا اهالي

وبعد كده خرج يمكن يعوض فشله في تحقيق حلمه في التعليم بالشغل و يعمل حاجه لنفسه

حاول يشتغل بكليته مالقاش حاجه طبعا لقي نفسه واقف في طابور طويل عريض لو قعد يستني دوره الموت هيجي و هو مش هيوصل لحاجه

قال ما بدهاش بقي اي شغل و خلاص بدل القعده علي القهوه اشتغل طباخ و سواق و ...............الخ

لقي نفسه لو قعد كده مش هيعرف يتجوز ولا بعد خمسين سنه

فكر في حلم السفر

استلف فلوس علشان يسافر و يوصل بقي للي هو عايزه لقي نفسه في بلد غريبه ماحدش يعرفه فيها و لا هو يعرف فيها حد

مالقاش نفسه مجرد مرمطون عندهم ده لو افترضنا انه وصل اصلا و مابقاش طعم للسمك زي ما بنسمع كل يوم

اشتغل و اتبهدل و يدوب اللي جاي علي قد اللي رايح و مديون كمان

يعني لا تعليم و لا فلوس و لا جواز ولا حاجه

تقدر تقولي يعمل ايه هو بعد كده

دي كلها احلام معظم الشباب دلوقتي يا دكتور

ما فبش منهم حد بيحلم يبقي احمد زويل و لا مجدي يعقوب

دول عايزين يشقوا احلامهم في الدنيا و يخدوا نصيبهم منها بس مش عارفين رغم كل المحاولات دي

دي مش كلها احلام اغتيلت باسم الروتين و الدور و ...............

و هيفضل السؤال برده

d]]ليه اغتيال احلامنا جريمه لا يعاقب عليها القانون[/b]

من طرف beating heart الأحد أبريل 04, 2010 6:14 pm

بصى يادكتورة كلامك جميل جدااااااااااااا وحاسس إنك فاهمة جداااااااااااااااااااا
بس للأسف تقدرى تقوليلى لية الناس كلها دلوقتى مش بتفكر غير فى الماديات علشان كدة محدش فيهم بيحاول يبقى أحمد زويل أو مجدى يعقوب على العكس أنا بقى شايف إن اللى بيقتل الإحلام هو تفكير الشخص فى الفلوس وبس عاوز يعيش مرتاح وبس عاوز يعيش إمبراطور فى الدنيا بس تفكيرة فى الفلوس بيخلق جوة الإنسان حالة من الهمجية عاوز فلوس وبعدإما بيجبها صدقينى مش بيعمل حاجة فى حياتة هو بيفكر يجيب فلوس أكتر
تفكيرة غلط من البداية
هتقولك متفق معاكى لازم شريك فى الحياة ودة بيتحقق بالزوجة او الصديق
وبردة أنا قلت إن أى حد بيحاول يحبطك إبعد عنة كأنة لم يكن أوك
هتقوليلى مش لاقين يكلوا علشان كدة مش بيفكروا غير فى الفلوس بس إنتى ممكن تختلفى معايا
هو ممكن يمشى يومة حتى لو بالعافية بس لو تعب وخطط صح هيلاقى الفلوس بترخ
طاب هما بيسفروا برة لية مش علشان هما مش لاقين يكلوا علشان يبفكوا فى إنهم يبقوا أغنية
وواحد عادى بل أقل من المستوى يبقى معاة فلوس ويجى يتجوز أحسن واحدة

مع إنة مش بيفكر
إحنا بنغالى فى تكاليف الزواج بس معتقدتش لو أى أب لقى واحد متقدم لبنتة عندة طوح وبيحاول يحققها ومعيشها مستورة
وراجل صح مش هيرفض لإنة عارف إنها فى إيد أمينة
صدقينى اللى لية هدف فى الحياة لو إتخلى عنة يبقى العيب منة هو لإنة هو اللى هيتحاسب علية
وهو اللى خسرة فى محبطات بس الإنسان الصح هو كمان عندة قدرة التجاهل وتحديد الهدف

من طرف جميلة الإثنين أبريل 05, 2010 1:03 am

ماعنديش حاجه اقولهلاك الا انك صح مليون في الميه

بس عايزه اقولك علي حاجه

الاحلام و الطموحات بتختلف من شخص للتاني

في واحد حلمه المكانه العلميه و تاني بيهتم بالجانب المادي و تالت ..................

مش كده

مش المفروض نققل من احلام حد

واللي انا قولتهولك قبل كده اكبر دليل علي حد بيحاول يحقق احلامه بكل طريقه ممكنه هو ما استسلمش

بيجازفوا بحياتهم علشان حلمهم

حلمهم في الحياه

تفتكر في حلم اكبرمن حلم الحياه

من طرف Busicat الإثنين أبريل 05, 2010 1:08 am

بجد موضوع رااااااااائع ياجميلة

تسلميلى على كل كلمة فيه

بجد بجد
الله عليكى وميرسى كتير على الموضوع الجامد ده

من طرف dezner الإثنين أبريل 05, 2010 1:14 am

الموضوع روعة جدا

تسلم الأيادى

ومننساش ان فى عم محمد البواب اللى كل حلمه انه ينام مرتاح البال على كوباية شاى وسط بيته وأهله

حرام نسلب من الجميع احلامهم

مستكترين حتى الحلم

من طرف beating heart الإثنين أبريل 05, 2010 9:56 am

كلام جميل فعلا راحة البال دى حلم بس كمان الجانب المادى مش حلم
الجانب المادى للمساعدة إنك تتفرغ لحاجات تانية

على العموم إتشرفت بالمناقشة معاكو جدااااااااااااااااااااااااااااا
ودة موضوع جميل جداااااااااااااااااااااااااا تستحقى علية وسام أحسن موضوع الإسبوع كلة

من طرف جميلة الإثنين أبريل 05, 2010 10:26 am

Busicat كتب:بجد موضوع رااااااااائع ياجميلة

تسلميلى على كل كلمة فيه

بجد بجد
الله عليكى وميرسى كتير على الموضوع الجامد ده

ربنا يخليكي

ميرسي اوي لمرورك

نورتي التوبيك

من طرف جميلة الإثنين أبريل 05, 2010 10:31 am

dezner كتب:الموضوع روعة جدا

تسلم الأيادى

ومننساش ان فى عم محمد البواب اللى كل حلمه انه ينام مرتاح البال على كوباية شاى وسط بيته وأهله

حرام نسلب من الجميع احلامهم

مستكترين حتى الحلم

الله

الله

الله

اهي دي الخلاصه

انا عايزه اقول كد بالظبط

ان كل واحد له احلامه بيعمل علشان يحققها طول الوقت

حتي الاحلام علي قد المسؤليه و احساسه بقدراته

مش المفروض نقلل من اي حلم

ميرسي او لمرورك يا محمد نورت و الله

من طرف جميلة الإثنين أبريل 05, 2010 10:34 am

beating heart كتب:كلام جميل فعلا راحة البال دى حلم بس كمان الجانب المادى مش حلم
الجانب المادى للمساعدة إنك تتفرغ لحاجات تانية

على العموم إتشرفت بالمناقشة معاكو جدااااااااااااااااااااااااااااا
ودة موضوع جميل جداااااااااااااااااااااااااا تستحقى علية وسام أحسن موضوع الإسبوع كلة

لا الجانب المادي حتي حلم

بس و الله انا اللي استمتعت جدا بالكلام معاك و ارئك عجبتني اوي

ربنا يخليك لزوقك

ميرسي اوي

من طرف mody الأربعاء أبريل 07, 2010 3:02 pm

موضوع أكثر من رائع ....والاجابة أن اهتمامات الغالبية من الناس تغيرت الى أشياء ليس لها قيمة..فالموهوب منهم تموت الموهبة ويموت الحلم من دون أن يدرى..بسبب الصحبة أو الأهل أو من داخله ..أو (وهو الجانب الفعال) الدولة التى من المفروض أن تكون أول اهتماماتها العقول وتربيتها ولذلك نعانى الآن من هجرة العقول إلى الخارج حيث التقدير والاهتمام والشعور بالآدميه..على الرغم من أن أغلبهم ليسوا مسلمين..ولكنهم طبقوا قواعد الاسلام وسادوا الأرض..عذرا على الاطالة وتسلمى على مواضيعك

من طرف جميلة الأربعاء أبريل 07, 2010 4:49 pm

ايه يا ريس انت فين من زمان

انت عارف ان ارائك بتعجبني من غير شك طبعا

ميرسي اوي لمروك و نورت المنتدي تاني

من طرف mody الجمعة أبريل 09, 2010 5:43 pm

ده بس من ذوقك..شكرا ياجميلة..ومزيد من المواضيع الهادفة

اغتيال حلم

اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم

رد: اغتيال حلم