اضحكوا اضحكوا :D:D:D:D

من طرف e_pirate السبت نوفمبر 28, 2009 1:07 pm

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

****

مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

***

واحد بيقول لخطيبته يلا نلعب انا هستخبى لو لقتينى تبوسينى ولو ملقتنيش انا ورا الباب

***

مره ابن قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشان أبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو

***

راجل و مراته ساكنين جنب شريط سكة حديد فكل لما القطار يعدى يوقع لهم الدولاب فالزوجه زهقت فجابت نجار طلبت منهيصلح الدولاب النجار اختبر الدولاب قال لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى القطر؟

***

بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك سمى، صدرى اتحرق!

***

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟

***

واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهماحنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

***

مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو
راح الرابع قال وووووووو
رد عليه واحد قاله لوسمحت ما تخرجش عن الموضوع

***

واحده ست بتخون جوزها مع ثلاثة رجاله جوزها كبس عليها راحت مخبياهم في ثلاثة اشولة جوزها دخل عليها وقال لها ايه ده قالت له دي زيارة من البلد قرايبك بعتوها... قام ضرب الشوال الاول بالشلوت دييب.. قام الراجل الى جواه قال كاككاك جوزها قال اشطه حناكل فراخ.. فراح ضاريب الشوال التاني دييب.. قام الراجل الى جواه قال ماء ماء جوزها قالاشطه هناكل معيز و راح ضارب الشوال التاليت دييب ديب.. محدش رد.. دييب ديب .. قام الراجل الى جوه الشوال خرج وقاله بطاطس مانتاش فاهم بطاطس

***

صعيدى بيطلع فى الروح.... فلحقه شيخ,,,,قاله انطق الشهاده بسرعة .......قاله دبلوم صنايع

*********

واحد متصل بلإذاعه بيقول أهنيء الشعب العربي و المصري بالفوز و أطلب أغنية غطونوي وصوتوا إهداء إلي كل جزائري راح الإستاد

*********

واحد فرفور مراتة بتولد وقاعدة تصرخ وهو واقف عمال يعيط ويقول انا السبب انا السبب هههههههههههه

*********
واحد بلدياتنا راح يزور واحد يابانى صاحبه فى مستشفى فى اليابان اليابنى
كان نايم وبيتنفس بجهاز التنفس الصناعى فبلدياتنا بيقول لليابانى شد حيلك
امال واليابانى يرد ( يوكى شنج ) وبلدياتنايقول ( يوكى شنج ) دى فى عنيا
بس شد حيلك انت اليابانى ( يوكى شنج ) وبعدين مات وفى الجنازه بتاعته
بلدياتنا كان بيقول لواحد صاحبه الله يرحمه كان ...بيوصينى على بنته ( يوكى
شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من
على خرطوم الاكسجين

***********

جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة

*****

تلاتة بلدياتنا راكبين قطار واحد طلع راسه من الشباك جا قطار فى الاتجاه
المعاكس طيرها. الثانى طلع ايده جا قطار وطيرها قعد يسرخ و يصوت الثالث
قال أخوك راسه طارت ماسمعناش صوته وانت اُلى ايدك طارت عامل دوشه

******

فيل ضخم كل يوم يمر على مملكة النمل يهدها، النمل اتفق عليه قالوا :
حنستخبى له فوق الشجر و أول ما يعدى نقفز عليه و نقرصه لحد ما نقضى عليه
المهم الفيل مر راح النمل قفز عليه الفيل حس بيهم راح خابط زلومته شمال
وقع نصهم و راح خابط يمين وقع النص التانى و مفضلش غير نمله واحده فكل
النمل واقف تحت يهتف لها اخنقه يا فوزى

**********

واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور

**********

سواق ماشى ع الطريق واحد لابس احمر فى احمر شاور له فوقف السواق و قاله
انت مين و عايز اية قالة انا الفرفور الاحمر و عايز توصلنى فقالة لا
مبوصلش فرافير و مشى و سابة شوية لقى واحد لابس اصفر فى اصفر و بيشاورلة
فوقف و قالة انت مين و عايز اية قالة انا الفرفور الاصفر و عايزك توصلنى
فقالة لا مبركبش فرافير و مشى و سابة شوية و قابلة... واحد لابس اخضر فى اخضر
عمل معاة نفس الحكاية ف السواق سابة و مشى شو ية كمان كدة و لقى واحد لابس
ابيض فى ابيض بيشاورلة ف السواق وقف و قالة يا ترى انت بقى الفرفور الابيض
فقالة الراجل فرفور اية رخصك يا روح امك

********

مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وبسوسته

*********

مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟

***********

مرة وحده جوزها مبيغرش عليها راحت قالت لجارتها جارتها قالت لها اول ما تشوفي جوزك داخل قولي بايباي يا سامي و اققفلي التلفون برضه جوزها مغرش عليها جارتها قالت لها اول ما تشوفي جوزك داخل قولي بايباي يا سامي و اققفلي الشباك ببرضه جوزها مغرش عليها جارتها قالت لها خودى سامي جوزي و حوتيه فل دولاب و خللي جوزك يشوفه فا جوزها بيق...ولها يلا يا حببتي عشان نخرج قالتلو ازاي معنديش فساتين قالها ازاي انا جيبلك خمس فساتين فتح الدولاب قالها اادي الاول و اادى التاني و اادي التالت حاسب يا سامي اادى الرابع و اادي الخامس

***********

مرة واحد مخنوق اوى من الدنيا كلها جرس الباب رن
الساعه 10 الصبح فصحى و فتح الباب لقى وحدة مذيعة بتقله ممكن نعرف ياترى
بتعمل ايه اول تقوم من النوم ؟ قالها انا بقوم من أم النوم اروح أم الحمام
افتح أم الحنفية اغسل أم وشى اروح أم الاوضه اقلع أم الترنج البس ام
البنطلون انزل من أم الشقة اركب أم الاتوبيس اروح أم الشغل وبعد ما اخلص ام
الشغل ارجع أم البيت وخلاص .. قالتله المزيعة: يا فندم يلعن أم البرنامج
اللى خلانا نشوف أم وشك

*******
مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة)

***

مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى

***

سوداني جاله ولد أبيض عيونه زرق شعره أشقر سماه... المستحيل

***

صعيدي بالجيش اسمه ثابت كل ما يصرخ الضابط ثابت يقول : افندم!!! الضابط يقول للصعيدي : يابابا مش انته ,أنا قصدي خليك ثابت مكانك. علم الضابط ان الوزير حيزورهم وقال : أكيد ثابت حيفضحني قدام الوزير ، فأحسن لي أطلعه اجازه . يوم وصل الوزير صرخ الضابط : ثابت صرخوا الصعايده كلهم : مش هنا يافندم طلع اجازه

****

لماذا يطلق المصريون على زوجاتهم لقب "الحكومة"؟ - لصعوبة تغييرها مهما تسببت فى كوارث