مشهد شدك اليوم.... اكتب تعليقك عنه

في حياة الواحد في مواقف كتيرة وحاجات كتيرة بتقابلة
حاجات بيحبها جدا وبينبسط لما بيشوفها وحاجات بيزعل جدا جدا لما بيشوفها
الشاهد من الموضوع ........ كل واحد يدخل ويكتب أيه أكتر مشهد أحزنك وأيه أكتر مشهد فرحك
أو بمعني أخر ...... أكتر مشهد شدك اليوم وكل يوم

حقول اكتر مشهد شدني اليوم

ممممممممم

واحدة جاية بابنها الجامعة تكشف على اسنانه تقريبا
ونازلة فيه زعيق بذنب او من غيراقعد هنا
متجيش وريا
كل وخلص
اعمل اعمل
متعملش متعملش
متكلش على ضرسك المحشي
كل النحية التانية
انت غبي مش بتفهم



اااااااااااااااااه
كلام كبير بتقوله ومش عارفة انه بينحفر في عقل الطفل وذاكرته

انا بجد زعلت من جوايا قوووووووي

وخصوصا الولد بكل براءة يقول لها حاضر ياماما
مش حتكلم
حاضر مش حاجي
والله ياماما ما حعمل دوشة

ااااااااااه و اااااااااه
على الامومة والحنان راحوا فيين؟؟




وباذن الله كل يوم حدخل اقول مشهد شدني







فكرة جمييييييييلة جداا جدااا
وجديدة
سلمت الافكار والايادي

اكتر مشهد شدني النهارده
ممممممم

راكبة اتوبيس
جه راجل كبير في حدود
80 سنة
وشكله تعبان ومش مركز كمان
صعب عليا جدا
وممكنش فيه مكان يقعد فيه
فطبيعي حيقف
وهو بيستنجد بنظره عشان يقعد
الطاممة الكبرى ان ولا شاب وقف له عشان يقعد
ويكان احاسيسهم تبلدت
وقلة ذوقهم زادت
المعهود عنهم هذه الايام قلة الذوق
في المواصلات ولكن توصل قلة ذوقهم لذلك
فنقول على الزمن السلام

الموقف ضايقيني
وربنا يكرم واحد في حدود
40
سنة كدا
ويقوم يقوله تعال يا حا اقعد مكاني
ياااااه
متتخيلوش فرح قد ايه
وهو حيقعد لانه مش حمل وقفة
والشباب ينظرون باستغراب كان جريمة حدثت
شباااااااااااااااااااااب اخررررررررررر ززززمن

انا الحاجة الوحيدة الى شدتنى النهردة 
ان مفييييييييش حد كببببير الكبير هو ربنا والى ربنا عيزة هيكووون وانا البلد بتاااااااااااعتنا بقت ماشية بالكوووووووووووووووووسة واشطة ربنا موجود 

انا الحاجة الي شدتنى انى شفت واحدة منقبة ومسكة ايد واحدومشين في الطريق قدام
الناس عادى خالص من غير كسوف
هو دة الي بيخلينى ناخد فكرة غلط علي المنقبات
بس طبعا مش كلهم كدة

ماممكن زوجها ليه دايما نفترض الاسوا
اوممكن كاتب كتابة يا روما يا حبيبتي
انا اللي شدني
عربية ملاكي نصها طاير من قدام
لاحول ولا قوة الا بالله
لدرجة انش شهقت شهقة
عالية
بجد زعلت جدا

واللي شدني امبارح
مممممممممم
مفيش حاجة كان يوم روتيني جدا

Ana ely mesh 2ader ansah
ely shofto f m0bile 7lim0.

الجمعة مفيش


اما السبت بقى اللي هو امبارح

شدني منظر بنوتة
راجعة من مدرسة او دري

بمرية كدا
طويلة من حتة وقصيرة من الحتة التانية
وبنطلون تحتها
منسل ومبهدل
بجد انا زعلت من المنظر
ودماغي راحت لبعيد
طب هي دلوقتي في ابتدائي
وكدا
بعني بكرا مصاريفها تزيد
ثانوية ودروس
لا وكلية كمان
دي لو دخلت ثانوي


فعلا الواحد عايش في نعمة مش حاسس بيها الحمد لله الحمد لله

اللي شدني النهارده اللي هو الاحد
مممممممم


كنا مسافرين في ميكروباص
مممممم
يعني وقاعدين تلاتة
دا المسموح بيه
والتباع ببقى واقف
عادي خالص كل مرة ومبحصلش حاجة
نلاقي واحد متخلف بتاع مرور
يقول مخالفة وياخد رقم الميكروباص
السواق يقوله ليه عملت ايه
يقولوا امشي منظبط
ويديه مخالفة



المفاجاة كمان ان السواق لقيته بدي للتباع فلوس وبقوله راضيه
ههههههههههههه
رشوة يعني





والله والله عمار يا مصر

اللي بيشدني اليوم وكل يوم أنعدام الأخلاق والنظام في كل مكان

اها
اكتر موقف
شدني
ان واحد قريبنا
مسافر بقاله يجي سنة ونصف
قابلني في الشارع
طبعا اكيد محرم ليا يعني
فوقفت سلمت عليه لقيت سلامه بارد
واحاسيسة بليدة كدا
معجبنيش سلامه ودمي اتحرق
ربنا يسامحه
لكن النهارده مفيش حاجة شدتني غير ده

اللى شدنى النهاردة
كنت واقفة ع الطريق مستنية ميكروباص بعد الكلية
واحد كان راكب عجلة تاكسى خبطه
الواحد دة وقع واقعة جامدة جدا وكان ممكن يجراله حاجة
المصيبة بقى ان والله مفيش ولا واحد جرى عليه يشوف حصله ايه
لو كنت ولد كنت جريت شفت حصله ايه وكنت وصلته لو لزم الامر
هو اللى قام بنفسه اخد العجلة ونفض هدومه ومشى وهو مش قادر اصلا
والتاكسى مشى ولا كأن حاجة حصلت
هى الناس مالها يا جدعان

اللي شدني امبارح
كنت واقف قدام مدرج 23 بتاعنا
لاقيت عربية اسعاف معدية
و ده طبيعي
وللأسف الشديد بصيت جوه العربيه لانها كانت جنبي اوي
و لاقيت ....
منظر قد يبدو عادي ولكنه آلمني جدا
لدرجه اني دمعت
بس ما علينا
كان في بنات حوالين بنت نايمه وسطهم ف العربية
وكانت ماسكه ايد واحده فيهم
وايديها بتترعش جامد جدا
...
بس ..ده الموقف
بسيط بس ذكرني بحاجات و آلمني جدا
ربنا يرحمنا جميعا