انها السياسة يا اكسلنس

من طرف sheref ashraf الأحد نوفمبر 01, 2009 9:29 am

زمان لما كنا صغيرين , لما كنا بنشوف الحجات بمنظار ساذج , متحضر بمعنى أصح كان الواحد فاكر ان الحكومة ناس منتخبين عشان يحكمو الشعب و عشان تحط القوانين اللي الشعب يمشي عليها , و توفر الحماية والامان للافراد و المؤسسات , عشان توفر رغيف العيش لراجل عجوز وشو متكرمش قضى تلات اربع حياتو واقف في الطبور عشان يوقفوا عسكري مرور ينظم الطريق,عشان يحمو حدود بلدي,بعدما عقولنا كلت من الفول المصري المتين و بقينا شاربين من نيلها , لقينا الحكومة اصلا مش منتخبة , و لو في يوم حطو قانون بيبقا قانون فاشل كل غرضو مصلحة الحكومة نفسها , و لو حد شاف جريمة ولا مصيبة بيحاف يبلغ لا يتاخد هوا مكان اللي عملها مهو طلع مفيش امان ولا حماية , و شوفت عسكري المرور قبل قانون المرور الجديد بياخد من كل عربيه مخالفه اتنين جنيه و بعد القانون الجديد بقا بياخد عشرة جنيه ,و الظابط على الحدود بيتضرب بالنار و نقول نيران صديقه و امو كانت مستنياه ينزل اجازة و عاملالو طاجن بسلة بالبطاطس , اتاري هو دا التغيير والعبور نحو المستقبل من اجلك انت !!!!!!

سياسة الدول العربيه سياسة واحدة متفرقش عن اخواتها , ليه؟ , قولتولي ليه , عشان دي سياسه موضوعة لينا , منهج سياسي لكل بلد موضوع من البلاد ذات النفوذ, متستغربش اوي كده , اذا كانت مناهج الدراسة مش احنا اللي حاطينها , هنحط احنا منهجنا السياسي؟ و سياسة كل الدول العربيه بقا تعتمد بشكل كلي على سياسة التجويع , ايوة سياسة التجويع , اعمل من شعبي شعب جعان كل همو لقمة العيش , و اربع حيطان يترمى تحتهم و هدمة قديمة يا ريت تبقا على قدو , يخلي متهى حلمو انو ياكل ويشرب و يقف في طابور العيش الاول, طبعا الحلم العربي , لالالا متفتكرنيش بتكلم عن الاغنية اياها , انا اقصد حلم اللقمة العربي يخالف تماما الحلم الي بيحلمو الانسان الغربي , يعني هما بيحلمو بالوصول الى اعلى معدلات الرخاء ومستوى معيشة الفرد و الكلام اللي بنقراه في الجرايد دا , انما هنا بنحلم الراجل بتاع التموين ينسا ويجيب ازازة زيت زيادة , مين بقا اللي اجبر الناس على الاحلام المزيتة دي , الحكومة اللي بتحكمو ليه , لانو عيشو في فتره حالة من الفقر الشديد , يخليه بعد كده عبد عندو ,يعذبو و يطلع عينو و يكفره يعني , بس المهم انو يديلو اللقمة.
و لما يكون اهتمام الواحد الاول باللقمة و الاكل و كيلو الطماطم بقا بكام , يبقا الاهلي ياخد الدوري زي كل سنة و الاتحاد قوة, و سيبك بقا من مشكلة الاقصى و الحروب الاهلية اللي هتبدا في العراق و انتهاك الغرب لأفغانستان و مشكلة السودان و الصومال , المهم ناكل يا عم و نبات بطننا مليانة و ربنا يخليلنا الحكومة .
الحاجة بقا اللي بتجمع بين كل المشاكل الحقيقية اللي شايفينها دي بعيدا عن الاكل و الجوع ان المشاكل دي وضعتها الحكومات الامريكيه و الاوروبيه عن طريق وضع سياسة الدول العربية , و بالتالي محدش هيقولو انت بتعمل ايه في العراق او في فلسطين أو أو أو , و يبقا اكتر حاجه الانسان العربي بيقدر يقولها حسبنا الله ونعم الوكيل من غير ما يفكر يعمل اي حاجه للبلاوي اللي بيشوفها.
و هنفضل كدا طول ما الناس جعانة , الحل الوحيد ان في يوم ننسا فيه الجوع و الاكل , نحاول نحاسب حكوماتنا , يمكن نرجع السياسة زي ما كنا فاكرينها زمان واحنا صغيرين , اسيبكو بقا تلحقو طابور العيش قبل ما يتملا

من طرف Mostafa ElShirbeny الأحد نوفمبر 01, 2009 6:03 pm

المشكله مش ف الحكومة بس
ثقافة الشعب غلط ف حاجات كتير جدا
و الحديث يطول جدا عن الموضوع ده
ان الله لا يغير ما بقوم حتى يغيروا ما بأنفسهم
ثانكس شيرو

من طرف 7alimoo الأحد نوفمبر 01, 2009 8:31 pm

أشتاتان أشنووت
سامحوووووه
ما بلاش يا عم تجيب سيرتهم لحسن نتمسك كلنا امن دولة
:))
لأ بجد ف رأيي .... ده أحسن توبيك قريته ف منتدي المناقشات العامة لحد دلوقتي
شكرا يا شريف

و من الحاجات المستفزة اللي انا شفتها بعيني و سمعتها بوداني
الموالس الكبير أحمد شوبير اللي فاضحنا ف كل حته
كان بيقول في بداية البرنامج بتاعه من كام يوم
" كل سنة و انتو طيبين يا جماعة بمناسبة ان المؤتمر السنوي للحزب الوطني الأسبوع الجاي"
علي أساس ان مولد النبي مثلا
بجد حاجة تفقع
ولو قعدنا تنكلم ف الحوار ده سنتين بجد مش هنخلص :)

من طرف sheref ashraf الإثنين نوفمبر 02, 2009 7:11 pm

thanx mostafa 3al mror :)
and ya 7alimo thanx awy mabsot eno 3agpak ya m3lm

من طرف MeGa الإثنين نوفمبر 09, 2009 5:57 am

توبيك شديد و رائع يا شريف بجد
من قلوبنا بجد
شكرا ليك ع عرضك للكلام ده
و عفوا .. انها السياسه يا شريف
تسلم

من طرف dezner الثلاثاء نوفمبر 10, 2009 11:24 am

ايه التوبيك دا
دا بيعكس جانب كبير في حياتنا
موضوع من اجمل مواضيع المنتدي
تسلم ايدك يا شريف

من طرف sheref ashraf الثلاثاء نوفمبر 10, 2009 6:20 pm

MeGa كتب:توبيك شديد و رائع يا شريف بجد
من قلوبنا بجد
شكرا ليك ع عرضك للكلام ده
و عفوا .. انها السياسه يا شريف
تسلم

thanx ya mega awy 3a mror el gamil da

من طرف sheref ashraf الثلاثاء نوفمبر 10, 2009 6:22 pm

dezner كتب:ايه التوبيك دا
دا بيعكس جانب كبير في حياتنا
موضوع من اجمل مواضيع المنتدي
تسلم ايدك يا شريف

thanx dezner shokran 3al kalam el gamil , bel ra3`m en mawade3y la talka ekpal kper we mesh 3arf leh elsara7a ella eny sa3ed gedan en elly by2ra mawdo3y bey3gepo thanxz marra tania

حقا انها السياسه ياشريف
ومن لا يتعلمها لا يحكمها
هذا هو الطبيعي
كلام بسيط وسهل ومجمل وشامل في نفس الوقت
مبدع ياشريف بجد :bravo*:

برافو بجد ياشريف وامنالك التوفيــــــــق

من طرف sheref ashraf الثلاثاء نوفمبر 10, 2009 7:40 pm

shokran ya 5alod 3al kalam el gamd da

من طرف sheref ashraf الخميس نوفمبر 12, 2009 10:23 am

مع ان الموضوع نايم على الاخر

من طرف فتاة طموحة الخميس نوفمبر 12, 2009 10:28 am

معك حق في كلمة كلمة بجد
روعة وواقعي وملموس كمان
جميل اوي
على فكرة انا حاولت ارد في الجريدة
بتاع ليوم السابع عليه اكتر من مرة بس معرفش
هو حضرتك طالب عدم اضافة ردود واللاايه؟؟

من طرف sheref ashraf الخميس نوفمبر 12, 2009 11:11 am

ايه ده هو اتنشر في اليوم السابع اصلا؟؟؟؟؟؟؟؟ ازا كنت انا مش عارف الموضوع ده

من طرف sheref ashraf الخميس نوفمبر 12, 2009 11:28 am

اه صحيح دا اتنشر اهو عادي اصل الكومنت اللي بتكتبه بيتحط بعد مده لان الموقع لازم بيراجع الكومنتات كلها وكومنتك اتحط خلاص :)

من طرف فتاة طموحة الخميس نوفمبر 12, 2009 5:12 pm

طيب باذن الله حتابع على طول
بالتوفيق دائما يارب

من طرف sheref ashraf الخميس نوفمبر 12, 2009 8:12 pm

merci :)

انها السياسة يا اكسلنس

انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس

رد: انها السياسة يا اكسلنس