زكريات طالب فى اولى اسنان

جزاك الله كل خير يا دكتور كرومبو على النصايح الغالية دي

الفسيولوجي أنا متأخرة كتير في مذاكرته بس فعلا الكتاب حلو أوي ماشاء الله
الماتريال بردو كتابها كويس بس د.سلوى كلامها مختلف شوية
الأورال أنا حاسة انه بس محتاج مذاكرة كتييييير .. انا بيديني د.مازن في السكشن .. هو كويس بفهم منه
المورفولوجي فعلا كل الناس بيقولو بسيط جدا ربنا يوفقنا بقى
الأناتومي بردو حاسة انه محتاج تخيل بس سهل
البيو انا مش حاباها بس عرفت ان الكتاب كويس
الهستولوجي فعلا ان شاء الله مفيهوش مشكلة

بس هو حضرتك أكبر مننا ؟؟

اها انا اكبر منكم يا دكتور وللاسف مريت بتجربه وحشه فى اولى فعشان كده حبيت انصحكم مش اكتر

ثانيا دكتوره سلوى بتنزل محاضرات ولا لاء ؟ ولو على الكتاب فذاكرى منه لانه نازل من القسم والدكتور ابراهيم بدل المره هيقولكم مليون مره التزمو باللى موجود فى الكتاب لانهم ماشيين زى الدستور بالظبط فخليكى دايما فى المذكره هيا فعلا كبيره بس بيتلغى حاجات كتيره وكتيره زى السنه اللى فاتت لغو كتير اوى من الكتاب فركزى دايما فى الحكايه دى وهقولك كمان على حاجه احلى واحلى ياريت تعرفى كل دكتور بيديكى ايه يعنى مثلا لو اخدتى مثلا سيم اى موضوع اكتبى فوق الموضوع ده شرح الدكتور/فلان الفلان لانه كل ده بيبقى مسؤؤل على مواضيعه سواء فى امتحان اخر السنه او الشفوى ياريت تركزو فى النقطه دى.
الاورال هوا كويس وهينفعك فى كل السنين الجايه ولو على دكتور مازن بصراحه انا مكنتش متفاهم معاه اوى بس لو فعلا جربتى الدكتوره رحاب مشاء الله عليها فعلا ربنا يحرسها يارب زى العسل فى كل حاجه ومتمكنه اوى فى الشرح والتبسيط وفى المعامله وياريت تبقو تسلمولى عليها كتير
الاناتومى زى مقولتلك حاولى وانتى بتذاكرى النظرى اتخيلى الرسومات وفيه فعلا ورق بينزل فيه الرسومات فده هيساعدك كتير اوى وانا كنت بعمل كده ومشاء الله المنهج لسه ثابت فى دماغى
الباقى بقا سهل اوى ولذيذ ومواد عامله زى التربيه القوميه والوطنيه والرسم كده حاجات كلها فاكس يعنى سهله لزياده التقدير مش اكتر
وربنا يوفقك يا دكتور
witn best wishes
كرومبو

شكرا يا كرومبو على الموضوع الاكتر من رااااااااااااااااائع بجد شكرا

وربنا يستر انا لحد دلوقتي والله مبدأتش مذاكره صح بس ان شاء اله هتتظبط هبدأ ارتب نفسي كده و اجازتنص السنه الم فيها كمان و ربنا يسهل

شكرا ليك يا د/كرومبو

و نتمنى انك تكون في الخدمة علطول

الف شكر ليك يادكتور كرمبو
على النصايح دي
جزاك الله كل خير وبارك فيك ونفع بك

merciiiiiiiiiiiiiiiii awe 3ala el kalam da bas ana doctora re7ab betedeny fe section w bardo mabafhamsh mnha 7aga we el oral da 3amely 3o2da asln

شكراااااااااا يا كرومبو باشا عالكلام دا بجد ألف الف شكر أوييييييي
انا بقا واااااااااااااااااقع طينه في الفسيولوجي وكمان الاورال بحفظ مش بفهم حاجه خالص
والمورفولوجي ممتع بجد وبسيط الحمد لله
أما الاناتومي ذاكرت حاجه بسيطة فيه مش كله والله بس شكله حلو وعاوز فعلا تخيل
والحمد لله ان أخويا الكبير في طب سايبي هنا هيكل كامل وبشوف كل حاجه فيه

وشكرااااااا تاني يا كرومبو باشا
تسلم

شكرا ياكرومبو ع النصايح الجميلة دى
وفعلا لازم نذاكر الفسيولوجى والماتريال باستمرار
وربنا يوفقنا كلنا ونجيب تقديرات كويسة

شكرا يا كرومبو على النصايح دى
بصرف النظر عن المذاكرة دلوقتى بس اللى حامل همه طبعا الاورال هستو لانى تقريبا مش فاهم فيها حاجه
الفسيولوجى شكله هيبقى حفظ اكتر منه فهم
الماتريال كانت كويسة لحد المحاضرة اللى فاتت خنقتنى و كمان مفهمتهاش ف السكشن ما شاء الله

يعنى عموما هم 3 مواد دول عند الناس كلها هيبقوا العقدة ف المنشار ربنا يسترها معانا و يوفقك ف تانية ان شاء الله
و الف شكر مرة تانيه

لاء عادى يا دكتور بالعكس دى كانت تجربه استفدت منها كتير اوى بالنسبه بقا للدكاتره هيا مساله كيميا بين الدكتور والطالب لو انتى مستريحه مع اى دكتور خليكى دايما معاه ومافيش مانع برضه تحضرى لدكاتره تانيه وخصوصا فيه ميزه انكم متقسمين مجموعتين فاتك هنا تحضر هنا ودى حاجه كويسه اوى ليكم .............. اما بقا بالنسبه بقا لدكتوره امنيه فالاورال كويس جدا على فكره وسهل بس عايز تركيز وحاولى دايما تكتبى انتى بابديكى يعنى تفهمى وتكتبى اللى انتى فهمتيه بايديك وبتعبيرك كانك بتكتبى مذكرات هينفعك اوى الموضوع ده وبعدين انا معاكى ان الاورال رزل شويه بس معلشى نيجى على نفسنا شويه, انا عن نفسى فكنت بلعب كتير اوى فى اولى بس انا جيت انا وواحد صاحبى ربنا يمسيه بالخير جيت فى اخر السنه تقريبا اسبوع انا وهوا متواصلين نذاكر سوى بنذاكر ازاى بقا بنتفق مثلا هنذاكر ايه النهارده وبنحضر قدامنا المذكره والورق اللى بينزل فى الماده ونعمل ايه بقا بنلخص انا وهوا فى ورق بنكتبه احنا بخط ايدينا او انا اكتب وهوا يملينى وبنسال بعض دايما واحنا بنكتب ونريح ونكتب الكتابه دى فعلا نفعتنا اوى قبل الامتحان بتذاكريها بس وفعلا بتدخلى الامتحان بتقفلى الامتحان مشاء الله علينا قفلنها وجبنها فيها امتيازات مشاء الله كانت حلوه اوى. وبعدين والله دكتوره رحاب بتبسط المنهج حلو اوى بس انتى معاكى قلم وورقه وتابعيها وهيا بتشرح وافضلى اسالئيها فى السكشن مره واتنين وتلاته هيا مافيش مشكله لانها بتحب شغلها اوى ومركزه فيه وربنا يوفقكم يارب ولو احتجتو اى حاجه او اى تلخيص ومذكرات انا تحت امركم فى اى وقت.....

with best wishes
كرومبوووووووووو

thanxxx alot dr.krombo
ana 3ndy nfs zat el3o2da oral w physio
bs ymkn eloral aktr l2nny msh fahma fih wala nos kelma except mo7adrt dr.yosry wala 3rfa azakro wala ay nila 5als
rbna y3in b2a w thanxxx again

بالنسبه لكلام دكتور مصطفى فيه طلبه بتدور على تقدير وبتفرق معاهم موضوع التقدير ده وفيه طلبه تانيه بتدور على النجاح وخايفه من السقوط وللاسف النوع ده اغلبه بيفشل وبيسقط محدش يزعل من كلامى يا جماعه ده لمصلحتكم وبعدين انتو لسه اصلا فى بدايات امال لما تدخلو وتتعمقو جوه المنهج اكتر هتعملو ايه؟؟؟؟؟؟؟ انا بس عشان كده بقولك خلص نفسك اول باول انت عارف حتى لو هتقرأ اللى انت بتاخده زى الجريده او مجله انت بتحبها ده كويس مش وحش لكن انك تقعد تركن وتطنش يوم ورا يوم فجاه هتلاقى نفسك داخل فى دوامه انت مش قدها الا من رحم ربى يعنى تنجز نفسك وتخلص اول باول وانت بالك مرتاح ولا تفضل تسيب تسيب تسيب لغايه فجاه تلاقى بيقولوك فيه امتحان وانت تقعد تقول ده عليه درجتين ده عليه تلات درجات وهبقى اعوضهم فى اخر السنه وتيجى برضه فى الاخر للاسف تلاقيك ساقط او شايل الماده فعلى الاقل اقرا مش حتى تذاكر تذاكر بس اقرى وافهم ويا جماعه لو سالتم اى حد هيقولوك فعلا اولى صعبه لانك اولا جاى من جو اعدادى اللى هيا فعلا تعتبر مش سنه اصلا دى اعدادى دى ترفيه او مصيف بالظبط لكن اولى تقيله فعلا تانيه اسهل منها بكتير فاعملو اللى عليكم وربنا يوفقكم يارب وخليك دايما ريلاكس وان شاء الله يبقى فيه كل خير

with best wishes
كرومبوووووووو

هوا بصراحه خلاصه الاورال مشاء الله عليهم يعنى الدكتور احمد راغب والدكتور يسرى والدكتور محمد هلال والدكتوره لبنى فى الامبيرولوجى مشاء الله عليها بس فعلا لو كنت بتاخدو امبيرولوجى فعلا كل اللى فى المذكره فاكس يعنى محدش يبصله خالص فيه ورق جميل اوى بالنسبه للامبيرولوجى بينزل فى المكتبه مش عارف بتاع مين بصراحه بس لو كده انا ممكن اجبهولكم من معايا مشاء الله عليه حلو اوى بس هيبقى احسن واحسن لو تكتبه انت تانى بايديك وتذاكره بتلخيص كده وفعلا اكيد كل واحد فينا متفوق وعنده مواهب ده شئ مفروغ منه يعنى الكتابه شئ مهم اوى فى المواد الكبيره اللى زى دى اكتب عشان تستريح فى الاخر وبعدين هتلاقى tooth developmentدى كويسه اوى وسهله وكلها مراحل مترتبه على مراحل وبينزلها برضه ورق كويس اوى فى المكتبه وصغير ومشاء الله عليه ورق خلاصه بعدها بقا حاجات صغيره enamel,dentin,cementumوبرضه دى حاجات سهله وكويسه اوى والله ومذاكرتها حتى سهله وفيها متعه بعدها برضه pulp ,peridontal ligamentودول حلوين اوى برضه وبعدين يا جماعه كلهم بينهم حاجات مشتركه ودى ميزه حلوه اوى وكده يبقى ترم اولانى خلص الترم التانى بقا اتقل شويه من الاولانى بس برضه حاجات سهله وكويسه اوى بس لازم تتقبل الماده وتحبها عشان هيا كمان تحبك واللى عايز اى حاجه فى الاورال ان شاء الله انا تحت امره فى اى وقت .

with best wishes
كرومبووووووووو

elwa7d bs bytoh 3la maystkr 3la 7aga yzakr menha
bs ok isA nhtm bl ktaba
w thanxXx alot again 3la ehtmamk w 2oslobk :)

thanx ya m3lm 3la el ma3lomat el cool di :D

شكرا علي المجهود العظيم ده بس ممكن تقولي انا ممكن اوصلك ازاي

ميرسييييييييييييي جداااااااااااااااااااااااااا يادكتور
بجد ربنا يكرمك علي كلامك دا
فعلا ميرسي وربنا معانا يارب
ومع حضرتك ان شاء الله