اولي اسنان سهلة و لكن !!!!!

من طرف Dr BAZ الجمعة أكتوبر 23, 2009 11:39 pm

اولا اللي لسة معرفنيش انا محمد الباز الفرقة الرابعة اسنان المنصورة

ثانيا لاحظت اسئلة ناس كتير عن اولي و هل هي سهلة و لا لا

هحاول علي قد ماقدر في الموضوع ده اجيب علي اسئلة حضراتكم

لان بجد احنا تعبنا قوي في اولي لان ملقناش حد اكبر مننا يعرفنا اية نظام الكلية

طبعا انتوا شرفتونا في الكلية و انا و ناس كتير خحسينا ان دفعتكم دفعةكويسة و طموحة و بتحب تشتغل و تبقي ايد وحدة لان فعلا احنا اسرة واحدة
بداية بعد ما فات كذا اسبوع في الكلية و المكان الجديد
اكيد كل واحد حاسس بشوية لخبطة و قلق و ايه يا عم الفسيولوجي ده و المتيريال مالها خنيقة ليه كدة و اسئلة كتير بتدور
و كل ده طبيعي محدش يقلق

هبدا ب :

1 \ Physiolgy : اهم و اكبر مادة في مجموعها و دي مادة جميلة جدا و لذيذة و تحس كدة انك دكتور بجد و انت بتذاكرها و رايي الشخصي انها من افضل المواد اللي هتتعلمها في الكلية لانها مادة وظايف اعضاء الجسم كله و هتستفيد منها كتير بعد كدة لو معاك عيان عنده القلب او سكر او غيره ......

هي كبيرة شوية ( تاني اكبر مادة بعد الماتيريال ) و لكنها كلها فهم و سهل جدا تجيب فيها تقدير و عامة مواد طب هي اللي بترفع المجموع مش اسنان لان مواد اسنان مهما تعمل اخرك جيد او جيد جدا لو مقفل كل حاجة ههههه

2 \ Dental Material : اول مطب هيقابلكوا في اسنان لانها مادة كبيرة شوية و كلامها بيعتمد عالحفظ و اغلب كلامها هيتكرر في تانية و تالتة فلازم و لازم و لازم المادة دي بالذات نذاكرها اول باول و نركز في سكاشنها اوي لان سكشنها عبارة عن مراجعة لكلام المحاضرة و مفيش عملي لكن برضه سهل نجيب فيها تقدير

3\ MORPHOLGY : دكتور احمد راغب ياما قالنا ان اللي بيعرف يشتغل مورفولوجي و يحب المورفولوجي هيبقي طبيب اسنان ناجح
و فعلا كلامه محستش بيه غير دلوقتي مادة لذيذة و كلها فن و مش عايزة مجهود ابدا في المذاكرة كل اللي عليك انك تذاكر الرسومات من WHELLER كويس و تكتب اللي انت فاهمه من الرسمة مش عايزة حفظ ابدا
( مادتي المفضلة في اسنان حتي الان )

4\ ORAL HISTOLOGY : طبعا نفس القسم مع المورفولوجي و علي عكسها تماما لانها محتاجة حفظ اكثر من الفهم و مش عايزة مجهود زي الماتيريال لانها مش كبيرة و العملي بتاعها هو slides بنشوفها تحت الميكروسكوب

5\ Anatomy :السهل الممتنع
في طب كرهوها بس في اسنان حبوها بجد لانها اخف كتير من طب
احنا بندرس بس منطقة head and neck
و هي برضه عايزة مجهود بالذات الترم التاني لان اكبر مشكلة في الاناتومي انه بيتبخر بسرعة و عايز مراجعة كتييييييييير
ياريت كله يتصرف في SKULL من اول السنة عشان هتفيدوا جامد

6\ biochemistry : مادة شخصيا مكنتش بحبها لاني كنت مش بحب الكيميا و عايزة حفظ شوية
بس الميزة ان الستاف هيسهل عليكوا المادة و ينزل اسئلة تذاكرها قبل الامتحان بكام يوم تخش ترزع الامتياز ان شاء الله هههههه

7\ HISTOLOGY GENERAL : اسهل مادة في تاريخ اسنان هههه
مادة صغير اوي كام و ستين صفحة لو قعدت عالمنتدي و انت بتذاكرها هتخلصهل في 3 ايام و تراجعها كمان
و محدش بيقل فيها عن امتياز
هههههههههههههه

كلمة اخيرة :
ركزوا اوي عال ماتيريال و الفيسيولوجي لانهم ثلثين منهج سنة اولي
و ان شاء الله كلكوا تجيبوا امتياز و مش صعب علي فكرة خالص
متقولش انا جبت جيد في اعدادي امال هعمل ايه في اولي
اعدادي مش مقياس ابدا لان ياما ناس جابوا امتياز في اعدادي و شالوا في اولي و العكس

و نصيحة : عيشوا السنادي لانها اخر سنة هتحسوا فيها بان الدنيا حلوة هههههه
بهزر طبعا
بالتوفيق ليكوا يارب
و انا تحت امركم في اي حاجة و اي استفسار هجاوب ان شاء الله
و متنسوش تدعولنا بجد لاننا محتاسين مع عيانين السنادي و اللي ليه اي حد عايز يعمل اي حاجة في بقه اي حاجة يبعته عندنا و احنا نظبطه LOOOOL

اخوكم محمد

من طرف Dr_Nehad الجمعة أكتوبر 23, 2009 11:56 pm

مشكور كتير يا دكتور محمد
ربنا ان شاء الله هيوفقك ل patient عشان مساعدتك لينا دي :)

من كلام حضرتك .. أتقل مواد هي الفسيولوجي والماتريال والأورال هستولوجي
احنا بردو حسينا كده .. لأن المواد دي بالذات دخلت في الجد علطول وفجأة لقينا اننا خدنا كم كبير
ياااااارب نذاكر ... وياااارب يوفقنا

شكرا مرة تانية .. وجزاك الله كل خير

من طرف omayma الجمعة أكتوبر 23, 2009 11:58 pm

و نصيحة : عيشوا السنادي لانها اخر سنة هتحسوا فيها بان الدنيا حلوة هههههه

يا لهوى ده انا جايي اكتئاب من دلوقتى امال بعد كد هعمل ايه

عالعموم كتر خيرك يا دوك وشكرا لنصايح حضرتك
ربنا يوفقكوا ويوفقنا كناجميعا ان شاء الله

من طرف mahora السبت أكتوبر 24, 2009 6:02 am

شكرا يا DR على النصيحية
مع انى عندى احساس انى اكون افشل دكتورة طلعتها طب اسنان فى ظل تاريخها العظيم

من طرف فتاة طموحة السبت أكتوبر 24, 2009 6:31 am

شكرا يا دكتور محمد للكلام الجميل ه وشكرا للنصيحة
ربنا يكرمك ويوفقك ويكرمنا ويوفقنا ويسترها معانا

من طرف ???? السبت أكتوبر 24, 2009 12:39 pm

شكرا دكتور محمد
[ندعوك للتسجيل في المنتدى أو التعريف بنفسك لمعاينة هذا الرابط]
مواد أولي أسنان بالتفصيل

من طرف Dr BAZ السبت أكتوبر 24, 2009 4:00 pm

العفو يا جماعة
و متقلقوش و الله الكلية حلوة السنادي
بس يعد كدة هتبقي حلوة خااااااااااالص ههههههه

ربنا يوفقكوا و تبقوا احسن دكترة سنان ان شاء الله

من طرف B a db o Y السبت أكتوبر 24, 2009 5:47 pm

بيزو باشا
ايه يا عم التوبيكات الجامده دى
منور المنتدى والله
شكرا بجد على الاهتمام ده
الهى يا رب يجعلك فى كل خطوه بيشنت :D
شكرا مره تانيه

من طرف dr_khaled السبت أكتوبر 24, 2009 5:48 pm

ربنا يستر
ميرسي جدا ع النصايح يا دكتور
بتهيألي معظمنا دلوقتي متعقد م الأورال هيستولوجي مش الماتيريال خالص
شكرا مرة تانية
وربنا يوفقك

من طرف Dr BAZ السبت أكتوبر 24, 2009 8:17 pm

B a db o Y كتب:بيزو باشا
ايه يا عم التوبيكات الجامده دى
منور المنتدى والله
شكرا بجد على الاهتمام ده
الهى يا رب يجعلك فى كل خطوه بيشنت :D
شكرا مره تانيه

علي اية يا عم سعداوي انت تامرني يا باشا
و شكرا علي الدعوة الجامدة دي ههه يارب فعلا يسمع منك ربنا ده احنا مذلولين :D

من طرف Dr BAZ السبت أكتوبر 24, 2009 8:20 pm

dr_khaled كتب:ربنا يستر
ميرسي جدا ع النصايح يا دكتور
بتهيألي معظمنا دلوقتي متعقد م الأورال هيستولوجي مش الماتيريال خالص
شكرا مرة تانية
وربنا يوفقك

يا باشا الاورال سهل و الله بس محتاج حفظ شوية و مش ينفع انك تركنه
و بعدين ركز في محاضرات دكتور يسري الهواري بالذات الراجل ده بجد محترم جدا و لحد دلوقتي الكلية مجابتش زيه
لو عايز اي حاجة في الهستولوجي ابقي قابلني في الكلية و انا اقولك علي كل حاجة
انا تحت امرك

من طرف dr_khaled السبت أكتوبر 24, 2009 8:22 pm

Dr BAZ كتب:
dr_khaled كتب:ربنا يستر
ميرسي جدا ع النصايح يا دكتور
بتهيألي معظمنا دلوقتي متعقد م الأورال هيستولوجي مش الماتيريال خالص
شكرا مرة تانية
وربنا يوفقك

يا باشا الاورال سهل و الله بس محتاج حفظ شوية و مش ينفع انك تركنه
و بعدين ركز في محاضرات دكتور يسري الهواري بالذات الراجل ده بجد محترم جدا و لحد دلوقتي الكلية مجابتش زيه
لو عايز اي حاجة في الهستولوجي ابقي قابلني في الكلية و انا اقولك علي كل حاجة
انا تحت امرك

هو شرحه روعة
وطريقته صح أوي
بس ده منزل محاضرة واحدة فوق ال 30 ورقة !!

من طرف KAZKOZA السبت أكتوبر 24, 2009 8:30 pm

thanxXx alot dr.BAZ
w bgd mnawar elmontada :okok:

من طرف Dr BAZ السبت أكتوبر 24, 2009 8:36 pm

dr_khaled كتب:
Dr BAZ كتب:
dr_khaled كتب:ربنا يستر
ميرسي جدا ع النصايح يا دكتور
بتهيألي معظمنا دلوقتي متعقد م الأورال هيستولوجي مش الماتيريال خالص
شكرا مرة تانية
وربنا يوفقك

يا باشا الاورال سهل و الله بس محتاج حفظ شوية و مش ينفع انك تركنه
و بعدين ركز في محاضرات دكتور يسري الهواري بالذات الراجل ده بجد محترم جدا و لحد دلوقتي الكلية مجابتش زيه
لو عايز اي حاجة في الهستولوجي ابقي قابلني في الكلية و انا اقولك علي كل حاجة
انا تحت امرك

هو شرحه روعة
وطريقته صح أوي
بس ده منزل محاضرة واحدة فوق ال 30 ورقة !!

يا باشا ده كويس عشان تفهم الموضوع كويس و بعدين 30 ورقة دي مش حاجة في دكترة ربنا يديهم علي قد نيتهم ههه بينزلوا 10 ورقات بس كله ناقص و متفهمش اي حاجة و تكره الورق فاكيد 3خ يبقي احسن
و بعدين لازم تبداوا تتعودوا علي نظام المراجع و التلخيص لان مرحلة نزول الورق خلاص هتبدا تنتهي و كله هيحتاس في ال SOURCE بتاع المذاكرة امال كليتنا دي احنا بنحبها الحب ده كله ازااااااااااي ::D:D

من طرف dr_khaled السبت أكتوبر 24, 2009 8:38 pm

ربنا يبشرك بالخير :D
شكرا تعبتك معايا

من طرف Belladonna السبت أكتوبر 24, 2009 11:47 pm

alf shokr y doc 3l efada

من طرف Dr BAZ السبت أكتوبر 24, 2009 11:52 pm

العفو يا دكتورة شكرا للرد
ربنا معانا كلنا ان شاء الله

من طرف sheref ashraf الأحد أكتوبر 25, 2009 9:59 am

merci bien!

من طرف doctor1992 الأحد أكتوبر 25, 2009 5:24 pm

جزاك الله كل خير يا دكتور
ربنا يوفقك ويوفقنا يااااااااااااااااارب

من طرف vergenia الأحد أكتوبر 25, 2009 11:45 pm

جزاك الله خيرا
ويا رب يكرمك على النصايح دى
ويكرمنا ويوفقنا يا رب
ونجيب تقدير كويس
وشكرا مره تانيه

من طرف ???? الأحد أكتوبر 25, 2009 11:56 pm

الف شكر يا دكتور محمد وربنا يوفقك ويوفقنا جميعا يا رب

من طرف dezner الإثنين أكتوبر 26, 2009 12:19 am

ألف شكر يا دوك

كلامك مريح جدا

اشكرك من اعماق قلبى

هههههههههههه

من طرف hero الأربعاء أكتوبر 28, 2009 7:34 pm

شكرا جزيلا يا دكتور
جزاك الله كل خير على الافادة الكبيرة ديه

من طرف د.اميرة الخميس نوفمبر 05, 2009 4:29 pm

دا ايه التفاؤل دا يادكتور كل حاجة هنجيب فيها تقدير
ربنا يبشرك بالخير يارب
وربنا يكرمك
وميرسي جدا ليك
وربنا مع الكل ان شاء الله

من طرف Dr BAZ الخميس نوفمبر 05, 2009 4:47 pm

العفو يا دكتورة
ربنا يوفقنا كلنا
و بالنسبة للتفاؤل لازم السنادي تتفائلوا لان بعد كدة مفيش ريحة التفاؤل السنين الجاية كله ضرب ضرب مفيش شتيمة
looooooooool

اهم حاجة تذاكروا اول باول و بالذات الماتيريال و الاوراااااااال

اولي اسنان سهلة و لكن !!!!!

اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!

رد: اولي اسنان سهلة و لكن !!!!!