رد: فسيولوجي -- مهم

من طرف Dr.M.Ask الجمعة نوفمبر 13, 2009 2:18 am

der.hero كتب:ياجماعة انا مكنتش بحضر بانتظام ومش عارف اي حاجة في الفسيولوجي اعمل ايه

عزيزى der.hero

معذرة" على التأخر ف الرد .. بس فعلا أنا لسه راجع حالا

المهم .. الموضوع بسيط جدا إن شاء الله
أنا بسمع تسجيلات المحاضرات اللى بتسجلها زميلتكم الفاضله صاحبة المجهود الرائع الدكتوره رقيه (فتاه طموحه)
وبظبطها بأسلوب سهل بسيط .. هتحبه إن شاء الله
نزلت منها بس أول محاضرة CVS ولإنشغالى مكملتش بسرعه .. بس الحمد لله فضيت .. تمام

فإن شاء الله هتبدأ تذاكر محاضره محاضره براحه وواحده واحده
وعندك فرصه أجازة العيد الكبيره (10 أيام) ممكن جدا تعوض فيها كل اللى فاتك .. بس بإصرار وعزيمه
علشان بعد العيد إن شاء الله تبدأ تحضر وتنتظم وتبدأ بدايه جديده .. وربنا يوفقك ويكرمك يادكتور أنت وكل زملائك وخالد أخويا حبيب قلبى ...

وأى حاجه تقف قدامك يسعدنى إستفسارك .. وهتلاقينى إن شاء الله أخ أكبر لحضرتك

دمت ف رعاية الله وحفظه

د.محمد العسقلانى

من طرف der.hero السبت نوفمبر 14, 2009 2:36 pm

شكرا علي الرد يا دكتور بس مس لازم المحاضرات اذاكر منين المصدر وللا لمحاضرات كفاية؟؟؟؟؟انا تايه بجد يف المادة والتشريح دة برضه يتعمل فيه ايه؟

من طرف snowhite الإثنين نوفمبر 16, 2009 12:07 am

meci 5alas ya doc rabna y5alek [ندعوك للتسجيل في المنتدى أو التعريف بنفسك لمعاينة هذه الصورة]

من طرف Den.emoOo الإثنين نوفمبر 23, 2009 3:57 am

Dr.M.Ask كتب:
السلام عليكم

أنا دكتور محمد العسقلانى

طبعا أنا عارف أد إيه أنا مقصر معاكم .. وأن معترف بكده .. وحقكم عليا ...

بس كل الموضوع إنى مشغول حبتين شويه
فقلت أخلص كل اللى ورايا الأول علشان أفضالكم .. والحمد لله قربت أفضى

فأرجو إنكم تسامحونى وتعذرونى ..

على وعد إنى إن شاء الله أعوضكم عن العطله اللى فاتت دى ...

فخلينا نتفق مبدئيا إن شاء الله إنه من يوم السبت اللى جاى .. هيبقى فيه فى المكتبات كل يوم محاضره أو محاضرتين جداد .. ده وعد ..

وإن شاء الله يوم الخميس هتكون كل المحاضرات ف المكتبات

كده تمام يادكتوره إيمان

وإن شاء الله الفسيولوجى هتبقى ماده لذيذه وهتحبوها .. وده وعد منى بكده إن شاء الله

مع أطيب أمنياتى وخالص دعواتى ليكم بدوام التفوق والتقدم والرقى ...

د.محمد العسقلانى

على فكره يا دكتور انا روحت المكتبه كذا مره ومفيش اى محاضرات تانيه نزت مفيش غير المحاضره الاولى بسسسسسس اللى موجوده والفرع دا خلص من زمان

يااااااااااااااااااااااريت حضرتك تنزله لان مفيش حد فاهم البارت دا ولا حتى عرف يكتبوا ورا الدكتور

[ندعوك للتسجيل في المنتدى أو التعريف بنفسك لمعاينة هذه الصورة]

من طرف DR.darsh الإثنين نوفمبر 23, 2009 10:46 pm

شكرا يا د\محمد و يا خالد واللى الامام دائما
و جزاكم الله كل خير

من طرف فتاة طموحة الثلاثاء نوفمبر 24, 2009 7:23 am

لو سمحت يادكتور محمد
عايزين بجد كل البارت دا وكمان البارت بتاع دكتور صبري
وبالمرة بارت الدم للدكتور التاني ده
عشان انا قررت بجد اني ابدا
بجد حكون شاكرة لحضرتك جدااااا
وياريت بجد ينزل قببل العيد
عشان انا عايزة الم على قد مااقدر الحاجات اللي فاتت
عشان انا حاسة بتوهان واحباط
فيا ريت لو سمحت بجد
تنزل دول
وربنا يكرمك
وانا النت عندي بطئ جدا اليومين دول يوم فاصل ويوم بطئ
وبحاول من امبارح انزل اخر محاضرة قبل العيد
مش عارفة
ففحاوال لما ارجع واحس ان النت بقى كويس
بس ياريت حضرتك بجد
تنزل الورق لااننا سالنا كام مرة وقالوا مفيش
غير المحاضرة الاولى وفرعها خلص

وشكرا لكلام حضرتك
اخي الفاضل
ربنا يكرمك يارب

من طرف كرومبو الخميس نوفمبر 26, 2009 1:33 pm

يا جماعه معلشى يعنى مافيش ورق هيفيدك فى الفسيولوجى ابدا ابدا ابدا,,,,,,, واللى بيعمل ورق اصلا بيعمله منين من الكتاب والدكتور او الدكتوره اللى بتشرح محاضرات اصلا منين من الكتاب يعنى افضل حاجه ليكم تذاكرو وتتابعو من الكتاب احنا كنا بنعمل كده وبعدين ده اجمل واشيك واحلى كتاب فى المذاكره الفسيولوجى بس انتو بس قسموه شابتر كده كل شبتر لواحده عشان متتخضوش بس وهتلاقى نفسكم زى الفل ومبسوطين كمان وهتقدرو تحلو كويس هوا ده احسن حاجه فى الفسيولوجى
امضاء
كرومبوووووووووووو

من طرف Den.emoOo الخميس نوفمبر 26, 2009 1:35 pm

بس يا دكتور ..دكاتره الفسيولوجى مش بيشرحوا زى الكتاب خاااااااااالص

وكل دكتور ليه نظاموا وكمان بيقولوا اننا نذاكر اللى هما بيقولوه بس

لانهم مش بيقولا كل اللى فى الكتاب

علشان كدا لازم ورق

[ندعوك للتسجيل في المنتدى أو التعريف بنفسك لمعاينة هذه الصورة]

من طرف كرومبو الأحد نوفمبر 29, 2009 6:45 pm

مافيش حد كامل فى الدنيا يا دكتور ومش معقوله يعنى الدكتور هيشرحلك زى الكتاب تيبكال بالظبط يعنى الدكتور مش بيعمل حاجه فى المحاضره غير انه يفتحلك حاجات مش اكتر والباقى انت ملزم بيه والا ازا مكنش له لازمه الكتاب وبعدين اسالى اى حد اكبر منك مش شرط انا يعنى هيقولك والله هوا الكتاب مش هتلاقى سورس تانى احسن منه وبعدين الامتحان له نموذج اجابه متصور من الكتاب شوفتى ولكانك فى امتحان ثانويه عامه يعنى الفسيولوجى عايزه مذاكره كتاب مش ورق كورسات ولا ورق جرايد حتى فرجاء يعنى عشان مصلحتكم والله مش اكتر التزمو بالكتاب واللى يخليك تذاكر من الورق ذاكر من الكتاب وبعدين لو شكل الكتاب مش عاجبك قسميه اجزاء كل فصل لواحده عشان روحك المعنويه بس مش اكتر وربنا يوفقك يارب
امضاء/

كرومبووووووووووووووووووووو

من طرف dr_khaled الثلاثاء ديسمبر 01, 2009 7:35 pm

حضرتك أكيد متعرفش ان الدكاترة اتغيرت
و في بارت مثلا زي ال Blood ده مفيش أصلا تشابه بين الكتاب وبين كلام الدكتور

كل وقت وله أدان

من طرف Dr/Asmaa الثلاثاء ديسمبر 01, 2009 10:29 pm

فعلا blood و autonomic لازم يتذاكروا من كلام الدكتور ومينفعش فيهم الكتاب خالص
اما الفرعين التانين ينفعوا من الكتاب

من طرف Dr/3sam الخميس ديسمبر 03, 2009 12:23 am

والله تذاكر من الكتاب تذاكر من ورق المهم أنك تذاكر وخلاص

المحاضرة والكلام اللي بيتقال فيها والكتاب والكلام اللي مكتوب فيه كلهم بيتكلمو عن حاجة واحدة ولكن كل واحد له طريقته

الفيصل أنك تذاكر مش مهم المصدر المهم أنك تذاكر

وبعدين ماتحضرو محاضرات وتكتبو ورا الدكاترة وخلاص

بطلو دلع بقي

من طرف Dr/Asmaa الخميس ديسمبر 03, 2009 5:10 pm

ايه يا دكتور انتي داخل فينا شمال ليه كده بس
احنا بنشوف احسن مصدر ونذاكر منه
مش دلع ولا حاجه
وبعدين محنا بنحضر ونكتب وكل حاجه
بس في ناس مبتعرفش تكتب بسرعه ورا الدكتور
فمن واجب اللي بيعرف ينظم ويكتب انو يساعد زميله
مش هيخسر حاجه يعني
ولا انا بتكلم غلط ؟