حلم جميل

من طرف RoMaNce الأحد أكتوبر 18, 2009 10:39 pm

حلم جميل

كانت الشمس منورة
مالت الشمس والقمر مال
ضاقت علينا دنيا صغيرة
وكتير على ده الحال
بتشوفيني في المرايا
وبشوفك وسط الآمال
لكن ما بينا استحالة
ده حرام ده ولا حلال ؟
حلم جميل وعايشه
وكلمة حب مابينا بتتقال
بسمعك بتقوليها
ولو كان مابينا جبال
وبهمسي بتسمعيها
ترقصي بين الأشواك
يرسم ألمك قلبين
بينهم مكتوب ..
مستحيل أنساك
والشوق في قلبك ياخدك
ويوديكي هنا وهناك
وتطيري وسط دموعك
وأطيرلك ونتقابل
وبإيدي أمسح الدموع
اوعي تبكي يا ملاك
أوعي تبكي يا ملاك

بنار القلب تقيد شموع
والزمن ساكت
ساكت بحزنه في خضوع
بيحلم منحلمش
بيحلم منكنش
بيحلم منطرش ...
لكن مستحيل نطيع الزمان
شايفك وكأن ما بينا شفاف
شايفك ولو خفتي
عمري في يوم راح أخاف
شايفك ولما تفكري فيا
بحسك وتفكيرك يتشاف
شايفك في كل صباح
زي العصفور بنغم مرتاح
شايفك للقلب كنز ومفتاح
شايفك في الهمس وفي الصياح
شايفك مع كل نسمة طيبة
ومع كل وردة قريبة
شايفك وسامع صوتك
سامع صوتك في سكوتك
بتقولي في السكات
آهات
ما يسمعها إلا انا
ما يسمعها إلا حبيبك
الحلم الجميل هو إنتي
حلم بشوفه فين ما بكون
وبتشوفيه فين ماكنتي
حلم ع الصفحة مرسوم
حلمك ع الجفون مختوم
حلم شاف قلبي
وقلبي كان مهموم
ضحك الزمن وضحكت معاه ..
وعشت إحساس مجنون
حبك فعلا مجنون
لو كنت نايم مش هقوم
ولو كنت صاحي
هفضل عايش في حلمك..
هعيش أحلم .. والحلم يدوم
حلمي وحلمك في الهوا بيتلاقوا
حلمي وحلمك زينا بيشتاقوا
بيشتاقوا لشعاع نور وسط الغيوم
بيشتاقوا للحظة لقى وسط النجوم ..
حلمك يا حبيبتي .. حلم جميل

بقلمي

من طرف Dr/3sam الأحد أكتوبر 18, 2009 10:43 pm

هو واضح أن المعاني جميلة
بس أنا مش قادر أوصل للي أنت المفروض عاوز توصلة
حاسس بتشتيت
ياترى أية السبب؟؟؟؟؟؟؟؟؟؟؟؟؟

من طرف RoMaNce الأحد أكتوبر 18, 2009 10:48 pm

Dr/3sam كتب:هو واضح أن المعاني جميلة
بس أنا مش قادر أوصل للي أنت المفروض عاوز توصلة
حاسس بتشتيت
ياترى أية السبب؟؟؟؟؟؟؟؟؟؟؟؟؟

2 بيحبوا بعض جدا وعارفين كده كويس لكن الظروف بعدت ما بينهم ولسة بيحبوا بعض رغم إن الظروف فرقتهم هي دي الفكرة
وعدم المباشرة دي طريقة معظم الشعر الحديث
شكرا

من طرف فتاة طموحة الأحد أكتوبر 18, 2009 10:51 pm

جميل جداااا
دمت متاقا
استمرررر

هو فعلا حساه مضطرب المشاعر في البداية
متهيالي تمتلك صراع بين الضمير والقلب
صحيح؟؟
والدليل على ده
ده حرام ده ولا حلال ؟
دا دليل على صراع الضمير او العقل
بس لعلم حضرتك

القصيدة معناها جميل اوي
اوووووووووووووووووي

استمرررررررررررررر

من طرف RoMaNce الأحد أكتوبر 18, 2009 10:55 pm

فتاة طموحة كتب:جميل جداااا
دمت متاقا
استمرررر

هو فعلا حساه مضطرب المشاعر في البداية
متهيالي تمتلك صراع بين الضمير والقلب
صحيح؟؟
والدليل على ده
ده حرام ده ولا حلال ؟
دا دليل على صراع الضمير او العقل
بس لعلم حضرتك

القصيدة معناها جميل اوي
اوووووووووووووووووي

استمرررررررررررررر

ميرسي على التشجيع هو صراع أكتر بين المجتمع والحب مش الضمير والعقل
بس عن نفسي شايف الاضطراب ده سمة من سمات المدرسة الرومانسية أصلا وساعات كتير بيكون كويس مش عارف ممكن توافقوني ولا لأ بس انا شايف كده

من طرف فتاة طموحة الأحد أكتوبر 18, 2009 10:59 pm

هو فعلا الصراع جميل
والواحد لما بيقرا ويلاقي صراع بحس ان الموضوع فعلا يستاهل
مممممممم
والله برضو من رايي
ان المجتمع بيتكلم بعرف والعرف بتحكم فيه عقل
لكن الحب بتحكم فيه قلب
عشان كدا قلت بين العقل والقلب

استمررررررررررررررر

من طرف RoMaNce الأحد أكتوبر 18, 2009 11:10 pm

فتاة طموحة كتب:هو فعلا الصراع جميل
والواحد لما بيقرا ويلاقي صراع بحس ان الموضوع فعلا يستاهل
مممممممم
والله برضو من رايي
ان المجتمع بيتكلم بعرف والعرف بتحكم فيه عقل
لكن الحب بتحكم فيه قلب
عشان كدا قلت بين العقل والقلب

استمررررررررررررررر

تمام مختلفناش شكرا للرد