نصايح من واحد مجرب

من طرف Dr/3sam الإثنين أكتوبر 05, 2009 11:05 pm

بسم الله الرحمن الرحيم
كل عام وأنتم بخير ..... ويارب يكون العام الدراسي دة سعيدعليكو
الدراسة في أولي تختلف تماما عن الدراسة في أعدادي
أعدادي دي سنة عادية جدا جدا جدا جدا
ومش معني أنك نجحت في أعدادي بسهولة ........ أه طبعا بسهولة .. يقوم تفتكر أن الامور هتمشي كدة كل السنين
أولي مرحلة جديدة جدا ومحتاجة شغل مختلف
طبعا كل الناس جريت علشان تشتري مذكرات القاهرة عديمة الفائدة ......المذاكرات دي بالكاد هتستعملوها في بعض الحاجات
التركيز كل التركيز يكون في الكلام اللي بيتقال في المحاضرات لأن المحاضرة هي الأمتحان
حاول ما تأخرش مذاكرة المحاضرات وبص ع الورق اللي في المكتبات لأنه هيفيدك كتير
وأعلم أن دكاترة أسنان ماعندهمش يا أما أرحميني . ده بالنسبة لمواد أسنان أما بالنسبة لمواد طب فعينك ع الكتاب لأنة هناك هو الأساس
أما بالنسبة للسكاشن فلازم طبعا تحضر سكاشن أسنان أما سكاشن طب فلا قيمة لها ع الأطلاق
ونصيحتي ماتستهترش أبدا بأى حاجة ماهما كانت تافهة وعلي رأى المثل اللي بيقول يؤتي الخطر من مأمنة
والسلام خير ختام

من طرف Eman Iran الإثنين أكتوبر 05, 2009 11:13 pm

طبعا كل الناس جريت علشان تشتري مذكرات القاهرة عديمة الفائدة ......المذاكرات دي بالكاد هتستعملوها في بعض الحاجات
التركيز كل التركيز يكون في الكلام اللي بيتقال في المحاضرات لأن المحاضرة هي الأمتحان

ana wlahy lsa msh gbtha lessa 3shan sem3et en wara2 l droos byb2a agmad ..bs msh 3rfa wr2 l coursat da hynazel emta :S ...wl mo7adrat b2a hb2a aswrha mn wa7da s7bty 3shan mlish f gw l ktaba da 5ales ll 2sf :D!!

من طرف Dr/3sam الإثنين أكتوبر 05, 2009 11:17 pm

أحتمال أحتمال أن شاء الله أحط ورق الدروس والمحاضرات اللي معايا في المكتبة
أنا معايا نسخ منقحة ...... شغل كتب خارجية

من طرف فتاة طموحة الإثنين أكتوبر 05, 2009 11:23 pm

طيب قول حضرتك حتحطى في انهي مكتبة
؟؟

بعدين ليه قولتوا لينا اشتروا في الاول
يلا حصل خير

وياريت حضرتك متتاخرش في حطه

عشان ميتراكمش حاجة بعدين نحس ان الدنيا كركبت وكله فوق دماغنا احنا

ولك مني جزيل الشكر والتقدير والاحتراام

من طرف dezner الإثنين أكتوبر 05, 2009 11:26 pm

فل اوى يا دوك

شكرا للنصيحة

من طرف ahmed nassib الإثنين أكتوبر 05, 2009 11:28 pm

thanx ya doc 3la el nase7a

من طرف Dr/3sam الإثنين أكتوبر 05, 2009 11:31 pm

أه نسيت .......... كتاب الماتيريال مهم جدا جدا
يعني علشان تذاكر ماتيريال لازم تحضر المحاضرة و تذاكر من الكتاب و تتابع الورق الخارجي
الورق اللي معايل أنا شارحه باللغة العربية علشان يسهل الفهم
أن شاء الله هبدأ في تنزيل ورق الماتيريال عن قريب
والورق بتاع المواد التانية أنا مجهزة بالصور التوضيحية
ربنا يسهل و أنزله

من طرف فتاة طموحة الإثنين أكتوبر 05, 2009 11:34 pm

يعني حينزل على امتى كدا؟؟ وفي انهي مكتبة لو سمحت
عشان نعرف راسنا من رجلينا

من طرف Dr/3sam الإثنين أكتوبر 05, 2009 11:37 pm

يعني علشان يكون أكيد يبقي علي أول الأسبوع الجاي
وأنتظروا ورق غير تقليدي بأذن الله

من طرف dezner الإثنين أكتوبر 05, 2009 11:38 pm

تماك اوى يا دوك

بس هينزل فى مكتبة ايه؟؟

من طرف فتاة طموحة الإثنين أكتوبر 05, 2009 11:40 pm

شكرا يا دوك
بس في انهي مكتبة؟؟

من طرف Dr/3sam الإثنين أكتوبر 05, 2009 11:41 pm

ماي دريم ......... أن شاء الله
هتفق مع محمد هناك أنزل الورق .... أن شاء الله

من طرف فتاة طموحة الإثنين أكتوبر 05, 2009 11:44 pm

شكرا يا دوك
ربنا يكرمك
ويوفقك
واحنا باذن الله حنروح على السبت كدا ياريت يكون نزل

وشكرااااااااا يا دكتور جدا
وربنا يوفقنا كلنا
يااارب

من طرف Dr/3sam الإثنين أكتوبر 05, 2009 11:47 pm

العفو ............. الشكر دة يكون بعد ظهور النتيجة و أنتو جايبين كدة امتيازات

من طرف Eman Iran الإثنين أكتوبر 05, 2009 11:48 pm

gzak allah kol 5eer ya doc :)

من طرف mahora الإثنين أكتوبر 05, 2009 11:51 pm

شكرا جدا يا DR على النصيحة

شكرا على الورق مقدما

من طرف hero الثلاثاء أكتوبر 06, 2009 2:28 pm

جزاك الله كل خير يا د/عصام
يا رب تكون سنة موفقة لينا كلنا

جزاك الله كل خير يادكتور

من طرف B a db o Y الثلاثاء أكتوبر 06, 2009 10:33 pm

شكرا يا دكتور عصام
واتمنى انت كمان ربنا يوفقك فى السنه بتاعتك وتلاقى حد يفيدك زى مابتفيدنا
جزاك الله كل خير

من طرف Ahmed El Metwally الأربعاء أكتوبر 07, 2009 1:25 am

شكرا بجد على النصايح

من طرف Den.Esraa الأربعاء أكتوبر 07, 2009 2:46 am

جزاك الله خيرا كثييييييييييرا يا د\عصام

يعني هو احنا لازم نذاكر مواد طب كلها من الكتب :waaa2*: ؟؟؟؟
يعني مفيش ورق بينزل للمواد دي؟؟

طيب هو ورق الدروس بينزل برده في ماي دريم ولا فين؟؟

وشكرا علي جهودك ومساعدتك ربنا يوفقك ويوفقنا