غباءxغباء

من طرف dega الثلاثاء سبتمبر 29, 2009 3:22 am

بــسـم اللــه الرحمــــن الرحـــــيم

تخيــل ان انت في مستشفي مجانين
طبيعي مفهاش غير مجانين ودكاتره وممرضات
الدكاتره والممرضات لابسين ابيض والمجانين لابسين الوان تانيه اي الوان بقي هما اصلا مجانين
وفجاه حصل حريقه في المستشفي
الدكاتره والممرضات جروا من باب...والمجانين من باب تاني
انت هتجري من انهي باب ....؟

قبل ما حد منكوا يجاوب..احنا جرينا ورا المجانين

الرسول عليه الصلاة والسلام والصحابه والسلف (العاقلين)جروا علي الاخره
واحنا بنجري علي الدنيا..احنا جرينا ورا الناس علي الدنيا

العاصــي ...غبــــي
البعيد عن ربنا...غبـــي
اللي مش راضــي يتوب...غبــي
الذكــي الوحيـــد في الدنيـــا دي كلـــها ...هو اللي طايع ربنا سبحـــانه وتعالي
الشيطان قال لربنا سبحانه وتعالي..لأحتنكن ذريتك
عارفين يعني ايه الاحتناك (يعني واحد يركب الحمار ويقوله يمين يمين شمال شمال)
غبـــاء ×غبـــاء

نفسي اعرف احنا بنضحك علي جحا ليه
لما شافوا الناس هو ابنه وهما راكبين الحمار قالولوهم حرام عليكوا ..راحوا شايلين هما الحمار
وفضلوا الناس يضحكوا عليه
احنا بنضحك علي جحا ليه
ما احنا شيلنا الحمار
ربنا ادانا الدنيا علشان تبقي حاجه نركبها نوصل بيها ليه
مدناش الدنيا علشان نشيلها ونحطها في برطمان زجاج ونحطها في البنوك

احنا بنضحك علي جحا ليه!!!!!!
جحا لما وقعت فلوسه في الضلمه راح دور عليها في النور
احنا لما وقعت السعاده مننا
روحنا ندور عليها في النوادي والسينما والقهاوي

مع ان السعاده وقعت مننا في الجامع
والله غبـــاء×غبـــاء

سواق تاكسي واحد شاورله راح واقف
جه الراجل فتح الباب اللي ادام وجاي يركب السواق قاله ايه ياعم انت رايح فين
مش شايف الحج اللي قاعد
الراجل راح رازع الباب وماشي وقاله بطلوا بقي اللي بتشربوه ده

جه واحد تاني شاورله جاي يركب قدام راح السواق مزعقله انت رايح فين يا عم مش شايف الحج اللي قاعد
راح الراجل سايبه وماشي

قام السواق بص للراجل اللي جمبه وقاله ايه هو محدش شايفك ولا ايه
قاله انا ملك الموت قدامك فرصه واحده بس تنزل تصلي ركعتين لله في المسجد اللي جاي ده
بعدها هقبض روحك عالطول
الراجل راح جاري علي المسجد ولما رجع ملقاش الراجل ولا لقى العربيه بتاعته

يمكن اللي يسمع القصه دي يضحك علي الراجل
احنا بنضحك عليه ليه طيب
اذا كان ابليس بيضحك علينا اكتر ما اتضحك علي الراجل ده
ابليس عامل لنا غسيل مخ
يا جماعه اللي بيعصي ربنا ده غــــبي

طيب تخيل معايا كده انت رايح تزور واحد صاحبك في المستشفي
والدكتور قالك علي فكره ده هيموت بعد 3 ايام
ودخلت عليه متخيل انك هتلاقيه بيصلي مثلا او قاعد يقرا قرآن
ولقيته ماسك سيجاره وبيسمع اغاني وماسك مجلات قذره في ايده
هتقول عليه ايه
ده اكيـــــــــــــــــــيد مجنــــــــــــون
اهو اللي بيعصي ربنا ده اجـــن منه
طيب ده بيعمل كده وعارف انه هيموت بعد 3 ايام
امال احنا بقي اللي بنعمل كده ومش عارفين ممكن نموت امتي يمكن بعد ساعه واحده
مش نبقي اجن منه بجد
مش يبقي ده غبـــــــــــاء

طيب الشاب اللي يخاف من الالتزام لحسن اصحابه يتريقه عليه
ده هو ده قمة الغبــاء ياناس
طيب هقولك قصه صغيره اوي
كان في ملك ابنه اتولد بودن واحده
الملك قال للدكاتره ازاي انا كده ابني يتعقد نفسيا
قرروا يقطعوا ودن لكل طفل علشان كلهم يبقوا زي بعض وابن الملك ميتعقدش نفسيا
بعد سنين القريه كلها بودن واحده
وفي يوم جه واحد زينا كده بودنين يزور القريه
العيال الصغير فضلت تجري وراه وتقول ابو ودنين اهو..ابو ودنين اهو
اهو الراجل ده بقي لما لاقي كل الناس بتسخر منه قام قاطع ودن من ودانه علشان يبقي بودن واحده ومحدش يضحك عليهيبقي مجنـــــون ولا لا..؟
ده غبـــــــــــي..يبقي غبـــــــي
الشاب اللي خايف يلتزم لحسن اصحابه يتريقوا عليه
يابني انت اللي بودنين....هما اللي بودن واحده

غبـــــاء ×غبــــــــاء
لما الام تيجي تقول لابنها يارب اشوفك دكتور قد الدنيا
ده الرسول عليه الصلاة والسلام قال ان الدنيا قد البعوضه
طب قوليله يارب اشوفك من اهل الجنه..يارب اشوفك صالح او مجاهد
اللي بيحب الدنيا ده غبي
عامل زي اتنين في امريكا
كان عندهم مشوار في برج في الدور رقم 400
راحوا البرج لقوا الاسانسير عطلان
قام واحد قال للتاني خلاص يالا نطلع علي رجلينا
فضلوا يطلعوا يطلعوا يطلعوا
وبعدين واحد بيقول للتاني انا عندي ليك خبر حلو وخبر وحش
قاله قول
قاله الخبر الحلو ان احنا في الدور 350
والخبر الوحش ان مش ده البرج اللي احنا عايزينه
يا جماعه مش ده البرج اللي احنا طالعينه
مش هي دي سكتنا
احنا اهل الاخره مش اهل الدنيا
حب اخرتك واعمل لاخرتك
متضحكش علي اللي مستشفي المجانين
الدنيا دلوقتي عباره عن مستشفي مجانين
كل واحد بقي بيغمض عينه ويقلد
تقليد اعمي
والله غبــــــــاء×غبــــــــاء

طيب العنوسه العنوسه
البنات مش بتتجوز من كتر الذنوب جربوا تبعدوا عن المعاصي والتزمي باللي ربنا قالك عليه
دلوقتي البنت ممكن تعمل اي حاجه اي حاااااجه علشان بس تتجوز الا انها تفتكر تتوب
سبحان الله علي الغبـــــــاء يا ناس

اللي عايز يتجوز واحده متبرجه ده غبـــاء
فرحان وانت ماشي بيها وكل الناس بتبص عليها وقد ايه بيحسدوك عليها
فرحان اوي وانت بتتمنظر بيها قدام قرايبك واصحابك
يومين بعد الجواز دخلت اخدت حمام
هتتخض منها هتقولها فين ياحبيبتي عنيكي الملونه...هتقولك دي كانت لينسيز يا حبيبي
فين يا حبيبتي شعرك الحرير...دي كانت مكواه يا حبيبي
طيب انتي مش كنتي بيضه..ده كان كريم اساس
المتبرجه...ده قمة الغبــاء ...فاكره انك كده هتعجبي الناس وتتجوزي
سبحان الله عليكي يعني مستعده تعملي اي حاجه علشان تتجوزي بس عمرك ما فكرتي تتوبي

مره واحد دخل علي شلة اصحاب ولاد وبنات
قالهم هسألكوا سؤال بس كل واحد يرد بصراحه
قال للبنت انتي لابسه كده ليه..قالتله ستايل وكده
قام سأل الولد اللي جمبها انت تقبل تتجوز واحده متبرجه او لابسه كده..قاله لا يمكن
قال لواحد تاني انت تتجوز واحده مش محجبه ...قاله لا يمكن
سأل واحد تاني انت تتجوز واحده مش محجبه..قاله انا احب ابصلها اصاحبها بس متجوزهاش ابدا

هما دول اللي انتوا يا بنات عامالين تحطوا مكياج وتلبسوا لبس ميلقش بيكي كا مسلمه
كل ده علشان تعجبي الشباب وتتعاكسي وتتجوزي
والله ما هيتجوزك كده
غبــــــــاء ×غبـــــــــــاء
يا جماعه الشيطان بيضحك علينا
بيخلينا مضحكه في الدنيا
وبرده كده هنبقي مضحكه في الاخره
زي ما انت متساق دلوقتي في الدنيا ..هتتساقك وتبقي فرجه برده في الاخره
الشباب اللي لابسين الحظاظه والبندانه والسلسله ولابسين البناطيل المتسقطه
اللي هي اصلنا عملوها في الغرب للشواذ علشان يعرفوهم لما يشوفوهم
غبــاء قمة الغبـــاء مننا
ربنا سبحانه وتعالي بيقول (وسيق الذين كفروا الي جهنم)
تخيل واحد بيتساق لجهنم (خذوه فغلوه ثم الجحيم فصلوه)
واحد جوه اوضه وفيها نار تخيل وقاعد يجري من هنا لهنا بيدور علي باب يخرج منه مش لاقي خلاص
زي ما كان فرجه في الدنيا بقي فرجه في الاخره

العاصي ده خسر الدنيا والاخره
العاصي مفهمهاش صح خسر الاتنين بغباؤه

كفايه غبـــــــــاء بقي
نحاول نحسبها شويه صح
فكر ازاي تكسب الدنيا والاخره
فكر في طريق ربنا
متخافش منه هو ده الطريق الصح
متصليش وانت مكسوف من اصحابك يتريقوا عليك
انت اللي صح وهما اللي غلط انت اللي بودنين هما بودن واحده
فكر في سعادة قلبك وراحة بالك
وحب الدنيا كلها والناس كلها ليك
فكر مره واحده في حياتك صح
ويارب غبــــاء×غبــــــــاء
يتحول لذكــــــــــاء×ذكـــــــــــاء

اتمني مكنش طولت عليكوا اوي
السلام عليكم