يا ترى بتضايقى لما بتتعاكسي ولا عادي ؟!!

الموضوع النهاردة مجرد استطلاع راي للبنات ولو في ولاد بردة ياريت يشاركو ويقولوا رايهم في الموضوع
بس دلوقتي سؤال للبنات : (( هل بتضايقى لما بتتعاكسي ولا عادي ))
في ناس بيقولوا ان البنت بتبقى مبسوطة لما بتتعاكس يعني بتحس انها جميلة وكدة بس ياريت تقولوا رايكم
مستنية ردودكم

فيه معاكسات بتضايق فعلا وفيه أوقات بتبقى عااادى بس مبتوصلش لدرجة إن أكون فرحانة لما بتعاكس

دي حاجه مستفزه
ولاد فاضيه

بالنسبه ليه انا لو ولد عاكسنى بزعل من نفسى لأن اكيد فى حاجه فى لبسى او تصرفاتى خلته يعمل كده
عامة هو تصرف غبى جدا ورزل جدا جدا

لالا خالص مش شرط عشان عاكسك ان انت مش كويسه

فى بنات كتير محترمة وبتتعاكس
ولا ايه؟؟

اه طبعا صدقونى انا بشوف بنات منقبة وبتتعاكس هو مش من البنت خالص بحس انه فضيان نقص ممكن عنده هو اللى بيخليه يعمل كده

انا بكره الولاد اللى بتعاكس جدا
بيشتغل ايه هو علشان يقول رايه فيا وفعلا ساعات بحس ان الغلط منى

لا الموضوع بيكون مستفز لما يزيد عن حده وبعدين تحسيهم بيعملوا حركات وكلام عشان يحسوا انك خايفه منهم

هى دى ارخم حاجة بتحصلى فى الدنيا
وببقى هموت واروح اضرب الولد اللى بيعاكس ده بالالم بس طبعا مينفعش

ولا حرج لاوشي طبعا

مع اني ولد بس احب اقول رايي في الموضوع ده
انا شايف ان الولاد اللي بيعاكسوا بيبقوا عندهم عقدة نقص عايز يكلم اي بنت وخلاص وطبعا بيرخم عليها لانه شايفها مطنشاه وبيفرح جدا لما يشوفها ضحكت او عملت اي استجابة للي بيقوله

وده يا جماعة بيحصل للكل محترمين ومش
بس برده في "بعض البنات" اللي نازلة اصلا عايزة تتعاكس علشان تحس انها حلوة و اصلا المعاكسة زي ما بقول مش بالحلاوة خالص ودي اصلا هي اللي بتفرح لما تتعاكس وبتدي الولاد الغير محترمين دول الفرصة لانه يتمادى في اللي بيعمله

ونصيحة صغنونة مني اخ ليكم حاولوا مش تدوا اللي بيعاكس ده اي اهتمام لانه لو حس بده هيتمادى و بجد انا مش عارف ازاي هما بيعملوا كده لو بس تخيل للحظة ان ده بيتعمل و هيتعمل في اخته او مامته طول مهو بيعمل كده
ومعلش طولت عليكم بس حبيت اقول رايي :)

يا اليكس يا جامد

طبعا دى حاجة تضايق بس انا بطنش ومبضايقشى نفسى كانه كلب وبيهوهو

لا والله دبانة بتذن
ولما الذن يزيد ملهاش غير حل وحيد شريد
الي كلنا عارفينه :geek:

ههههههههههههههه

ده انتو عاملين تحالف هنا بقا علينا ولا ايه :evil:

وزعلانين بقي من المواضيع الي انا بنزلها علي البنات طيب انا هتوصي بيكم احلي توصية هههههههههههه

انا بهزر طبعا بس هتوصي بيكم برده

انا كمان بضايق برده من الولاد الي بيعاكسوا دول بس البنت ليها دور كبير اوي في سبب المعاكسه

تصرف معفن من بعض أولاد معفنين
و لا عزاء للمحترمين فى الزمن ده

بصي هو ممكن تكون المعاكسة عشان يجذب الانتياه وبس مش شرط تكون سايكو
THE MOON KNIGHT .....

ميرسى على الموضوع الجامد ياايمى بصى هو الموضوع فى مجمله بيضايق اكيد بس لماالواحد يفكر فيه شويه هيلاقى انه الولد اللى بيعمل كده مريض نفسى مش شرط شكله اهيل او بيعمل حركات المجانين 8) بس ده داخليا المفروض انه يصعب علينا لانه مريض ومش حاسس انه مريض اصله لو انسان بيفهم هيفكر مش هقولك بقى يفكر انها اخته او بنته او بنت خالة عمه :shock: لا ده هيفكر ايه الاستفاده من اللى بيعمله فهو يااما هايف يااماهايف برضه يااما حابب يفرد نفسه وده شئ اصبح معروف وواضح لان حتى اللى البنات اللى لبسها كويس بيتعرضوا لنفس المواقف السخيفه والخنيقه اللى زى دى حتى اننا كبنات اصبح شئ اعتيادى بيحصلك سواء كنتى فى تاكسى فى شارع حتى واقفه فى بيتكوا حاجه بقت زى الميه اللى بنشربها على الصبه وتيجى تكلمى حد فى الموضوع ده يقولك ده مكون اساسى من مكونات شخصية معظم الولاد مش شرط المعاكسه بالكلام المتخلف اللى بيقولوه لا ده بيبقى بالنظرات بكل الحاجات اللى احنا نبقى عارفينها دى فالكلام المفروض يبقى للولاد مش لينا اجنا واخده بالك معايا ولا نستيه فى حته 8) وسورى على التطويل :shock:

انا شايفة ان البنت المحترمة مش المفروض تتعاكس اصلا