انفلوزة الخنازير

ايه هو مرض انفلونزا الخنازير؟

انفلونزا الخنازير هو انفلونزا بتيجي للخنازير .. واضحة يعني ..
و لو الخنزير عطس و ما قالش الحمد لله ممكن العدوى تتنقل لخنزير تاني بالذات لو ماقالش يرحمكم الله.
المرض بيظهر على شكل دور برد .. تلاقي الخنزير بدأ يسخن .. و يكح و يعطس .. و لو قست درجة الحرارة تلاقيها ممكن توصل ل 38 .. و تلاقي الخنزير ملوش نفس كدة للاكل و مأريف .. بعد كدة تلاقي الخنزير شكله حزين و زعلان و مش بيمارس حياته الطبيعية زي زمان.


طرق الوقاية من انفلونزا الخنازير:

1- ما تسلمش على اي خنزير و لا تبوسه من بقه .. بلاش تاخد الخنزير في حضنك و انت نايم .. ممكن تخليه ينام على الكنبة في الصالة او على سرير تاني في الاوضة .. و ممنوع منعا باتا السلام باليد و يستحسن الكلام بلغة الاشارة.

2- استخدم الكمامة دايما قبل الاكل و بعد الاكل .. و ماتاكلش مع حد .. و لو كان ضروري استخدم المطهرات في الاكل بكثرة و بغباوة.

3- لو شكيت في اي حد ان عنده انفلونزا الخنازير ما تبلغش عنه .. لا ابسلوتلي .. اتخلص منه بنفسك بطريقة صحية .. و ده عن طريق حرقه بقسوة .. و وضع بقاياه في كيس بلاستك اسود .. و دفنه على عمق مناسب في مكان بعيد عن الكتلة السكنية .. و يستحسن ده يكون بالليل.

4- استخدم مناديل فلورا عند الكحة او العطس .. و مناديل فلورا متوفرة باشكال و احجام مختلفة و بجميع المحلات .. و طبعا عارفين ان فلورا ناعمة و قوية و كلها حنية .. اي مناديل تانية مش هتحميل من الاصابة .. (برنامج التوعية ده برعاية مناديل فلورا!).

5- لو حسيت ان عندك برد ما تستناش .. بسرعة روح على صيدلية الدكتور مرسي 14 ش الحرية المتفرع من ش الديمقراطية و اطلب الجرعة المحخصوصة المستوردة .. الجرعة بسعر مهاود 20 جنية بس للرجالة و ب 30 جنية للستات! .. و ماينفعش من اي صيدلية تانية.. (البرنامج برعاية صيدليات دكتور مرسي).


مع تحيات الهيئة المصرية للوقاية من المواطنين.