نكت اهلاويه على الزمالك

مع ان المشرفين ع المنتدى ده اتنين زملكاويه بس يلا مش مهم.....يمكن الموضوع يتحذف :P ......دى شويه نكت كده على ما قسم على ما نظبط المسائل
-واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا ...العفريت قاله ده طلب صعب جدا اطلب حاجه تانيه قاله عايزين نفوز على الاهلى..... العفريت قاله انت ابوك مات سنة كام ؟؟؟


2-واحد زملكاوى ليلة زفافه فى غرفة النوم
العروسة للعريس : قبل ماتلمسنى احلف انك مش الراجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا


3-مره واحد زملكاوى راح إشترى بطيخه .. فطلعت حمرا.. راح مرجعها


4-مره واحد زملكاوى بيوقف تاكسى بيقوله 6 اكتوبر فقاله لا ستة واحد


5-مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو


6-مره واحد زملكاوى حب يتجوز واحده اهلاويه جابوا المأذون من ايطاليا


7-واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة


8-اهلاوى اتجوز زملكاوية ستتها ............ ..


9-مره واحد زملكاوي شاور لتاكسي فسآل السواق وقاله رايح ابوالعلا السائق قاله لا : رايح ابو تريكه


10-مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى تطلع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى ينزل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة............ .وحكلهم على الموضوع...المهم عمله اجتماع.....
واتفقوا .....ان الزملكاوى يسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوى وقال مين اللى بيتكلم........قاله انا الزملكاوى......
قالهه برده غلبناكم ستة واحد............ ......... ..




11-مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6


12-إية الفرق بين برت بلس والزمالك؟؟؟؟؟؟
برت بلس 3 لكن الزمالك 3 في عبدالواحد


13-اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول


14-مرة واحد قابل واحد قالة كام بيروح فين .... قالة 6 بيروح ميت عقبة


15-مرة واحد زملكاوى سمع النكت اللى فوق جاتله ستة(سكته)قلبية

انا زملكاوي :scratch: بس الصراحه جامده اويييي :D :D

شكرا ع المرور يا دكتورة طموحه....و ما يبقاش قلبك اسود يا متولى :D :D

شكرا ع المرور يا دكتورة طموحه....و ما يبقاش قلبك اسود يا متولى :D :D

يعينى اهى هى دى النكت ولا بلاااااااااااااااااش 0 :D :D :D :D

ههههههههههههههههههههههههههه

حلوة أوى النكت دى على فكرة أنا أهلوية متعصبة بدأت مشوارى الرياضى من أولى سنوى ومبحبش الزمالك خاااالص :)

amda ya sherbeeny
m3ako 72 ya ahlawya t3mlo elly ento 3ayzeno

والله يا مصطفى كل اللي اقدر اقوله حسبي الله ونعم الوكيل فيك

هههههههههههه....انا عارف انك عايز تخنقنى يا نبيه..بس يلا بقى...المهم ضحكنا شويه سيبك م الكورة

هو نبيه مش ناوى يغير الشعار بتاعه ده ولا ايه 000ههههههههههههههههههههههه

هههههههههههههههههههههه
عمرنا ماهنشوف اللى الزمالكاويه بيشوفوه ف يوم
ههههههههههههههههههههههههههههههههه
طبعا باذن الله
معلش يادوك

emo كتب:هو نبيه مش ناوى يغير الشعار بتاعه ده ولا ايه 000ههههههههههههههههههههههه

الزمالك ده اعتزااز بالنفس واللي يحول اهلاوي يبقى مولش انتماء الزمالك كل اللي بيعملو ده مجرد تدريب لينا لتحمل الظروف الصعبه و كيفية التعامل عندما نكون تحت ضغط عصبي و انك تكون بارد في المواقف الصعبه الاهلي مدلعكو معودكو على المكسب وده شيء مش كويس الدلع مش حلو ههههههه

على كده الزمالك بيدرب بقاله حوالى خمس سنين؟طب مش ناوى يلعب و لا ايه؟؟؟؟هههههههههههههههههههه

لا هو الزمالك ناوى ياخد تدريب لمده قرون

ههههههههههههههههههههههههههههههههههه

هما الاهلاويه ليهم عين يتكلموا بعد مالشرطه غلبتهم هههههههههههههههههههه

نكت جامده
اصلى بصراحه اهلاوى