ارحمونا شويه

ارحمونا شويه كلمه بقولها لناس مش عارفه اعمل فيها ايه بصراحه بيتهيالي ف كل حته ماشي فيها بنشوف كلمه حافظوا علي نظافه مدينتكم يعني مترميش ورق ع الارض متشخبطش علش حيطه انا وبنات اصحابي بدانا ان احنا معدناش بنرمي حاجه ع الارض ونستني لغايه مانلاقي حته نرمي فيها يا نهار ابيض علي الي بسمعه تريقه من الي قلبك يحبها يعني وتلاقي الواحد ماشي ولما يشوف انك بتعمل كده يقوم عاطيك حته بصه تحس ان انت كنت بترمي قنبله ف الصندوق مش ورقة او كيس شيبسي بقت كارثه اني اعدى الشارع علشان ارمي حاجه ف الصندوق ايه يا ناس الدنيا بقت بالمقلوب وفيه حاجه بقي قريت عنها موضوع انفلونزا الخنازير والكمامات بتاعه الوقايه فيه شخص لابس كمامه وقايه من الموضوع يعني المشكله ان محدش سابه ف حاله تعليقات من الي قلبك يخبها ايه يا جماعه معدش فيه وعي عند المصريين خلاص خلي ده واحد ماشي ف امريكا ولا ف اي حته محدش هيكلمه مش عارفه بقي انا مكبرة الموضوع ولا دى حالات فرديه ولا ايه المشكله بالظبط مش عارفه

هو فعلا موضوع القمامة دا مسبب مشاكل كتير اساسا

فى مناطق ف مصر بتبقى كلها عبارة عن مقلب للقمامة وبيبقى المنظر مش حضارى بالمرة


هو الموضوع دا فى جانب ع الدولة وجانب ع المواطن نفسه يعنى مثلا جانب الدولة ان هى

تعرف المواطن عيوب عدم وضع الحاجات دى ف صندوق وتعمل صناديق للقمامة ف كل مكان

والمواطن عليه بقى انه يحافظ ع بلده اولا دا سلوك حضارى ثانيا منعا لانتشار اى امراض

لو كل واحد نبه اى شخص شافه بيرمى القمامة ف غير مكانها ع ما اعتقد ان احنا هنحافظ ع نظافة بلدنا

ميرسى ع التوبيك.

شكرا mega some one نورتوا التوبيك واللهوشكرا ع الردود الجميله دى

هو للاسف بقت كل حاجه دلوقتي صح تبقى غلط في مصر
وبالذات زي ما بتقولي لما تيجي ترمي حاجه في الصندوق تلاقي الناس بتبصلك
اكني بعمل حاجه غلط

شكرا على التوبيك

شكرا نورني مرورك يا دكتور والله حاجه تفرس فعلا انه كل حاجه غلط هنا نفسي يبقي فيه شويه وعي بس لاياس مع الحياه ولا حياه لمن تنادى استاذ الكيميا بتاع ثانوى كان بيقولي كده

bnsba ll zbala :D ana mn zaman wna shntety basket lya w lso7aby l2n eny adwr 3la bsket da kter byb2a s3b bs lma bt7sl w bla2y brmy 3ady w msh ba5od baly 7d bybos wla l2 asl 3ady y3ny
el moshkela kant f so7aby nafsohom f elawl t3bony shwaya 3la lma 3wdtohom w ba2et bdrabhom 3la edehom lw rmo f elard bs b3d kda b2o byft7o elshna w yrmo feha mn nafsohom
w mercu leky 3 eltopic w 7aga 7lwa mnk lazm nt3b shwaya:D

د.اميرة كتب:فعلا والله عندك حق
انا كمان كدا من صغري مبحبش ارمي حاجة هلي الارض ولا في درس واشتني لما اروح وارمي الورقة او الكيسة وكنت بحطهم في المقلمة وصحابي كنت باخد منهم تريقة جامدة موووووووووووووووووووووت
الي يقولي انت محتفظة بالكيس
والي يقولي مش هاين عليكي
وكانت واحدة صحبتي كمان كدا
فكانو مسمينا الشاذين

ميعرفوش ان دامن الايمان والسنة

ربنا يرحمنا من الزمن دا

شكرا ع الرد يا اميرة ربنا يخليكي اختي والله كده برضه لما بترجع من الكليه تلاقي الشنطه عامرة بما لذ وطاب بس فاضيين وحياتك شكرا علي مرورك

عندك حق بجد

موضوع رائع
جزاك الله خيرا

breathless كتب:bnsba ll zbala :D ana mn zaman wna shntety basket lya w lso7aby l2n eny adwr 3la bsket da kter byb2a s3b bs lma bt7sl w bla2y brmy 3ady w msh ba5od baly 7d bybos wla l2 asl 3ady y3ny
el moshkela kant f so7aby nafsohom f elawl t3bony shwaya 3la lma 3wdtohom w ba2et bdrabhom 3la edehom lw rmo f elard bs b3d kda b2o byft7o elshna w yrmo feha mn nafsohom
w mercu leky 3 eltopic w 7aga 7lwa mnk lazm nt3b shwaya:D

ربنا يخليكي يا قمر الموضوع نور بوجودك وبعدين فين حته الارض بتاعتي ف امريكا انتي هتاكليها عليا ولا ايه ههههههههههههههه

ربنا يخليكي يا رقيه نورتي التوبيك والله

lalal tb3an enty shwry bs ana nzla fy ent5abat elosbo3 elgay 3aleky w elvote:D etsly b 090000000 w isa hksbk elard