يا ريت الكل يدخل على الموضوع ده عشان الدكتور مودي مفكرني بقول كلام خايف الدفعة بتعتي تشوفه

بعد ما شديت شويه مع دكتور مودي لاختلاف في رأ] على موضوع كده قلت ابعتله بريفيت اهدي الموضوع شويه عشان اتجنب المشاكل و مخسرش حد ضيف علينا بس واضح اني كنت غلطان كل اللي لقيته تهخديد بيقولي انا ممكن اوري الدفعة بتاعتك كلامك ده على اساس انني قايله كلام عييب ويقولي ربنا يهديك و يقولي متتبسطش من نفسك حضارتكو شوفو طلاما هو هددني بأنه ممكن يوريكو الرساله تعتي فا انا لا بتهدد ولا بيتمسك عليا حاجه انا بنفسي هوريكو اللي انا قلته لان انتو عارفني كويس
و ادي الكلام اللي انا قلته بعد ما قالي في اخر مره دي اختلاف ثقافات و حاططلي ثقافات بين قوسين اظن الكل فاهم معناها :
ايوه يا عم بoتلاف الثقافات معلش انا ثقافتي على قدي وانا مبكبرش سني ومبتعبش الحمد لله انا رجعت للموضوع و لقيت انه حمله و اعلان لمنتدى تاني ومكتوب فاكسات و ايميلات و عناوين وتنظيم في لبنان ولا مش عارف فين وهيصه يا عم انا ثقافتي على قدي والكلام ده مش هسمح بيه هنا من الاخر وبلاش الكلام المستخبي اللي انت بتقوله ده عشان مش معايا لو كنت فاكر انك ذكي فا بلاش تتذاكى عليا انا الموضوع بتاعك فيه اعلان لموقع تاني و فيه فاكسات وحجات غريبه ومحدش هيفيدك هنا لاننا كلنا مهتمين بالتعليم اكتر ومحدش هيسيب تعليمه وهيروح يعمل اللي انت عاوزه ده انا اخلص تعليمي الاول و اعمل اللي عليا و بعدين ابقى اشوف الكلام ده متفكر بدل ما تعمل حملات و تعمل مشاكل مع الناس تفيد في مجالك تبقى دكتور كده و تروح تعالج الناس هتاخد ثواب اكتر من انك تعد تعمل في مظاهرات وحملات و كلام من ده و قفل الموضوع ده عشان في كلام كتير انت وجهتهولي معجبنيش خالص فا قفل عشان الموضوع ميوصلش من النقاش للزعل بينا و يا ريت متعملش زي غيرك و تفكر ان طلبي اني اقفل الموضوع انني خايف انا بس والله مش عاوز العلاقه بينا تبوظ انا مبخافش غير من ربنا

ام رد عليا:
كل اللى أقدر أقولهولك ربنا يهديك ..لما تبعتلى على البرايفت رسالة زى دى.. ولعلمك انا ممكن اوريها ((لدفعتك)) بس ميهمش لعلمك بقى منظمة القدس الدولية اللى انا كنت بتكلم عنها منظمة عالمية مسلمين ومسيحيين ..اللى انا قابلتهم فى أول فعاليات للحملة دى دكاترة جامعةو مهندسين علماء مشهورين فى الغرب وناس الواحد يفخر بيهم انهم مسلمين (ولا نزكيهم على الله) أما بقى ان محدش هينفعنى ومش عارف ايه بردة هقولك ربنا يهديك انت شكلك عايش فى صراع نفسى مش عارف تتقبل الآخر ..ماعلينا أى حد ممكن يبقى ناجح فى حياته وفى نفس الوقت عايش لقضيته .. شرفه..عرضه.. ماراحتش هيبتنا ادام العالم كله الا لما اتخلينا عن حقوقنا ..ولعلمك فيه من نوعك كتير ممكن يكونوا طيبين بس بردة موهومين مش عايز يتطور ويعيش حياته لربنا مش لنفسه ..علشان مطولش عليك انا مش قصدى اغلط لانى مش كدة بس حبيت انبهك((اوعى تتبسط من نفسك)) ربنا يهديك


انا الحمد لله مبديش فرصه لحد يمسك عليا حاجه لان انا مش غبي يمكن اكون عصبي بس مش متسرع لدرجة انني اعمل حاجه تتمسكلي ذله

وشكرا لأي حد قرأ الموضوع ده لاخره لاني قبل ما اكون الادمن انا زميل ليكو

متولي
انتا مغلطتش في اي حاجه
وإنتا اصلا عملتله احترام لما كلمته عالخاص اصلا
كان ممكن بكل سهولة انه يتوقف او الموضوع يتشال

بس عشان الاخ مودي يعرف انك مبتتجناش عليه
ولا اي حد غيرك


وبصراحة الغلط راكبه من فوق لتحت

ده اللي كنت عاوزه مش اكتر لما بعتله على البريف الرد كان فيه كلام شبه تهزيق و انا لولا احترامي ليه و لاني مش عاوز اعمل مشاكل و احنى داخلي رمضان عملت زي ما هو كان عاوز يعمل يوريكو الرساله بتاعتي فا قلت اعمل انا كده عشان الكل يعرف انني مبقولش كلام وخايف من حد

انا مكنتش بهددك ولا حاجة وعلى العموم آسف مادام الموضوع هيكبر سلام

خلاص يا مودى الموضوع خلص فعلا

بالله عليكم بلاش كدا فى الأيام المفترجة دى

حقكم عليا أنا آسف ليكم انتم الإتنين

وياريت يكون دا أخر رد فى الموضوع

آسف على الكلام معاك ..

يا مودى خلاص بالله عليك

وبعدين لازم نشوفك قريب إن شاء الله

ان شاء الله

يا جماعه و الله الموضوع مش مستاهل ... و كل سنه و انتم طيبين و المنتدى مش حاجه تخليكو تاخدو ذنوب بسببها .. انا من رأيى انه اختلاف فى الرأى و لا يفسد ان شاء الله للود قضيه
و كل سنه و انتم طيبين ..كمان مره

كل سنه وانتو طيبين يا رداله المنتدي

كل سنة وإنتم طيبين يا جماعة

خدوا الحكاية على إنها إختلاف فى الرأى و سوء فهم بسيط

معلش يا متولى و إنت كمان يا مودى كل واحد يسامح التانى حتى لو كان كل واحد شايف إنه مش غلطان معلش

إنت يا متولى كسبان لأنك بدأت بالمصالحة

و إنت يا مودى كنت المفروض تتقبل ده ببساطة و تقفل على الموضوع ولو كان ليك وجهة نظر توضحها بالراحة و بأسلوب أجمل من ده حبتين

يللا كلنا إخوة ذى ما العطار قال فبلاش الكلام ده بينا

كل سنه وانتو طيبين
ورمضان كريم عليكم كلكم
وان شاء الله الموضوع مش مستاهل دأنتو كلكم اخوات
ورمضان كريم تاني

يا جماعة خلاص رمضان كريم والموضوع زى ما كل واحد بيقول خلص خلاص اثبتولنا فعلا ان هو خلص وصفو النفوس وكل سنة وانتم كلكم طيبين