هل تمنيت الموت فى أوقات ضعفك؟

لى كل من يتمنى الموت في لحظة ضعف لماذا لو شعرنا بالحزن يخنق أنفاسنا تمنينا الموت ..!؟ ولماذا لو رأينا بالمصائب تواجهنا تمنينا الموت ...!؟ ولماذا لو أنهكنا التعب والإرهاق تمنينا الموت ..!؟
هل المـوت هنا وفي هذه الحالات سيكون الحل .. أم أنه أداه من أدوات التعبيرعن شده الضعف والإنكسار ؟؟؟؟
ياتري ايه الموت هو الحل ولا نحاول من جديد وامتي بتمر اللحظات ده علينا الموت مش بس كلمه او انه هيموت هيخلص من عذابه لا فيه لسه اللي بعد الموت ياتري كلنا مستعدين للي بعض الموت؟؟
يلا نتناقش الحل مش فى الموت
اكيد فى مليون حل

من ناحية تمني الموت في وقت الضعف فكتير اوي عشان ابقى صادقه معاكي
بس دا مش حل خالص

بس دا من طبيعتي اني مبستحملش خالص اي خبر

ايوه في ساعتها الواحد بيبقى مفكر انه حيرتاح
ومبيفرش في حاجة تانيه
ودا برضه تفكير غلط

بس دا بيبقى تنقيس عن النفس مش اكتر وبعد ما الوقت العصيب دا بيمر الواحد بندم انه فكر في حاجة زي ديا

كلامك صح الصح ياطموحه ميرسى للمرور ياجميل 8)

شكرا يا حبيبتي على ذوقك
وربنا يجازيكي خير

شكرا للرد الجميل ده يادكتور وزى مابتقول الموت ده حقيقه لابد منها

أنا زى كل الناس أكيد مرست بمراحل ضعف و إحباط كتيير

لكن عمرى ما تمنيت الموت ..........

مش حبا فى الحياة ولكن عملا بقول رسول الله

يمكن من طبيعتى مواجهة المشكلة و عدم الفرار منها

مش عارف دا صح ولا غلط

بس موضوع كويس و أكثر من رائع يا دوك

لا بصراحه 000انا اتمنيت الموت كتيييييييييييير اوى 0
لما بكون مخنوقه او مضايقه
اول حاجه بفكر فيها الموت 0000بس الحمد لله عى بتبقى فترات وتعدى
وطبعا اكيد الموت مش هو الحل 000بس ده بيبقى هروب من الحياه ومشكلاتها
ربنا يهدينا ويحمينا

الموت كاس و الكل زائقه ولكن في لحظه الضعف كل إنسان بيبقى عقله مغيب عشان كده الشيطان بيحاول يدخله من هذا المكان و لكن الإنسان القوي إلي يقدر يكسر حزنه لا يمكن إنه يفكر في الموت حتى إني سمعت إن تمني الموت حرام و في حديث للرسول بيقول فيما معناه (اللهم إجعل الحياه زياده لي في كل خير و الموت راحه اي من كل شر ) بمعني إن الإنسان هو إلي في إيده يسيطر علي إنفعالاته.

ردود جميله اوى يادكاتره وشكرا للمرور الكريم ده

اكيد الواحد مر عليه مواقف صعبه كتير...بس ما اتمنتش الموت ابدا......لان لازم الانسان يتعامل مع الواقع بحلوه و مره....و هى دى طبيعه الحياه......و شكرا لطرح الموضوع د.سومه

الواحد كتير فكر فى الموت وكده بس بيبقى ساعه غضب وساعات الغضب كتير لان الواحد بيتخنق بيبقى نفسه يسيب الدنيا خالص بس لما بيفكر فيما بعد الموت يخاف من الاخره وبيفكر يا ترى اخرته ايه جنه؟ ولا نار؟
يا ترى ربنا بيتقبل صلواتى ولا لا؟
اسئله كتيره واجابات قليله ولا يعرفها احد
بس اكيد الموت مش هو الحل للمشاكل
والله يهدى النفوس ان شاء الله

أي إنسان بيمر بظروف صعبه الفتره إلي بيقضيها في التفكير في موضوع الموت ده لا تتجاوز ثواني و بعدها بيسأل نفسه شويه أسئله :
1- هل أنا مستعد للي بعد الموت ( ماذا أعدت له)؟
2- هل الموقف ده يستاهل كل الحزن و الضعف ده ؟
3 -بعد كده أنا لما أستريح هل غيري حيكون سعيد بموتي ؟
أنا أقصد إن الضعف ده طبيعه ربنا خلقها في كل إنسان إنه ييجي عليه لحظه عقله بيقف و أكيد كلنا مرت علينا أوقات مبنعرفش نفكر فيها في أي حاجه.

dr/m sh كتب:الواحد كتير فكر فى الموت وكده بس بيبقى ساعه غضب وساعات الغضب كتير لان الواحد بيتخنق بيبقى نفسه يسيب الدنيا خالص بس لما بيفكر فيما بعد الموت يخاف من الاخره وبيفكر يا ترى اخرته ايه جنه؟ ولا نار؟
يا ترى ربنا بيتقبل صلواتى ولا لا؟
اسئله كتيره واجابات قليله ولا يعرفها احد
بس اكيد الموت مش هو الحل للمشاكل
والله يهدى النفوس ان شاء الله

ميرسى للمرور الجميل يا حبيبتى وكلامك طبعا صح ده غير ان الاسئله دى بتخلى الواحد يفكر مليون مره قبل مايعمل اى حاجه تغضب ربنا

Mostafa ElShirbeny كتب:اكيد الواحد مر عليه مواقف صعبه كتير...بس ما اتمنتش الموت ابدا......لان لازم الانسان يتعامل مع الواقع بحلوه و مره....و هى دى طبيعه الحياه......و شكرا لطرح الموضوع د.سومه

كلامك معقول وشكرا بجد للمرور الكريم

kareem.h كتب:أي إنسان بيمر بظروف صعبه الفتره إلي بيقضيها في التفكير في موضوع الموت ده لا تتجاوز ثواني و بعدها بيسأل نفسه شويه أسئله :
1- هل أنا مستعد للي بعد الموت ( ماذا أعدت له)؟
2- هل الموقف ده يستاهل كل الحزن و الضعف ده ؟
3 -بعد كده أنا لما أستريح هل غيري حيكون سعيد بموتي ؟
أنا أقصد إن الضعف ده طبيعه ربنا خلقها في كل إنسان إنه ييجي عليه لحظه عقله بيقف و أكيد كلنا مرت علينا أوقات مبنعرفش نفكر فيها في أي حاجه.

@white smile in your face = alot things @
K.H.B

اسئله مخيفه فعلا واجاباتها مخيفه اكتر ربنا يكرمنا باذن الله ويخفف عننا سكرات الموت ميرسى للمرور يادكتور كريم :D

أنا كنت ساعات بحس بألم نفسي كبير جدا
وده كان بيخليني أكره الدنيا كلها

بس أكيد عمري ما هفكر في الانتحار في يوم
لان المنتحر كافر..

walahy ya3ny mosh kteer 3shan ana now 3andy self control bey2olo ya3ny kwayes taba3an ana mosh 7asa. bs 7ata lma kont batmana elmot kont ba2ol fy nafsy ya rab ya3ny blash now ana bs za3lana shwaya. da fy nas gbanat sa7e7 :D

أنا بتمنى الموت كتير وخصوصا أيام ثانوية عامة وأنا بتمناه دلوقتى عشان أخلص من الفيزيا العملى وشرايح الهستولوجى دى وأنا الحمد لله علاقتى بربنا كويسة بس أكيد فيه ذنوب ربنا يغفرها لنا كلنا

عمر التفكير في الموت ماكان حل
بالعكس دا بيبقى هروب
مع ان المفروض الموت ده يكون اكتر حاجة بنخاف منها لان الله اعلم هيكون مصيرنا ايه
الجنة ولا النار
اللهم اجعلنا من اهل الجنة