عضو جديد معاكم

Ahlen bek
ely b3dy yegawbk

اهلا وسهلا بيك يا ابو حميد

وتفاءل خير بإذن الله يا باشا السنه دي اسهل مما تتخيل بس خلي بالك عندكوا ترم

اهلا وسهلا

نورت المنتدى ونورت اسنان

وطبعا المنتدى مش مقتصر على اولى بس احنا ان شاء الله هنعمل قسم لاعدادى اسنان فيه كل حاجه خاصه باعدادى وكمان علشان لو هتدخلوا تساعدوا بعض وكده

ثانيا بقى مفيش اسهل من اعدادى خالص ولو باقل مجهود فى المذاكره ممكن تجيب تقدير كويس

متقلقش خالص

ومره تانيه منور المنتدى

اهلا بيك يا ابو حميد
اعتقد ان في قسم هيكون قاصر للمناقشات الدراسية لإعدادي لكن طبعا من حق اي حد انه يشارك في اي قسم في المنتدى
و إن شاء الله السنة دي تكون سهلة بس واظب على الحضور زينا كدا
منور يا دوك

Ahmed Napeeh كتب:اهلا وسهلا بيك يا ابو حميد

وتفاءل خير بإذن الله يا باشا السنه دي اسهل مما تتخيل بس خلي بالك عندكوا ترم

ان شاء الله خير

وبعدين الترم ده بتهيألى حاجه حلوه مش وحشه ؟؟ طبعا انتى ادرى

وشكرا يا احمد باشا على مرورك الجميل

sCorpion كتب:

Ahmed Napeeh كتب:اهلا وسهلا بيك يا ابو حميد

وتفاءل خير بإذن الله يا باشا السنه دي اسهل مما تتخيل بس خلي بالك عندكوا ترم

ان شاء الله خير

وبعدين الترم ده بتهيألى حاجه حلوه مش وحشه ؟؟ طبعا انتى ادرى

وشكرا يا احمد باشا على مرورك الجميل

طيب بص لو احتجت اي حاجه بجد إسألنا

وحكاية الترم دي بس محتاجه انك تحضر وتذاكر من بدري
علشان الترم الاول هيعدي بسرعه اوي وفجأة هتلاقي نفسك منتاش ملاحق
انا مش بخوفك يا احمد بس لازم تعمل حسابك

شكرااا mega & emo &dezner

على مروركم الجميل

ربنا يطمنكم

يعنى ممكن ان شاء الله اطلع من الاوائل وكده ؟

طيب بص لو احتجت اي حاجه بجد إسألنا
وحكاية الترم دي بس محتاجه انك تحضر وتذاكر من بدري
علشان الترم الاول هيعدي بسرعه اوي وفجأة هتلاقي نفسك منتاش ملاحق
انا مش بخوفك يا احمد بس لازم تعمل حسابك

ان شاء الله هسألكم
خلاص انتو دلوقتى بقيتو خبره :D
بس اول سؤال وان شاء الله تجاوب بكره او بعد الصلاه
هو انا لما اخترت اسنان كان اختيار سلييم
علما بانى جايب 99 يعنى تقريبا كل الكليات مفتوحه لى وناس كتير جابت اقل منى ودخلت طب
طبعا انا استخيرت ربنا واخذت برأى ناس كتير ومعظمهم رشحولى اسنان
بس ناس كتير بردو قالتلى ادخل طب بدل ما مجموعك جايب وكده .. طبعا فاهم
وشكرا ليك مره تانيه
فى رعاية الله

اهلا يا احمد منور المنتدى
اول واحد من الدفعه الجديده شرفتنا
هنعمل قسم لاعدادى ان شاء الله بس شوية كده و اى حاجه من بتاع السنى اللى فاتت موجودة و كل حاجه ف وقتها ان شاء الله
و دلوقتى بييجى اليوم اللى احنا ندى فيه نصايح lol الايام بتعدى هوا
كنا داخلين تايهين كده و سالنا كتير بس و الله الموضوع بسيط و بكره تعرف ان شاء الله
و اى حاجه ف اى وقت اسال و احنا نجاوبك
و ادعيلنا بقى احنا رايحين اسنان و ربنا يستر م اللى هيحصل
و تقدر تطلع م الاوائل لو انت عايز و فرصتك كبيرة جدا ف اعدادى تجيب تقدير عالى
و ربنا يوفقك و يوفقنا

اهلا بيك طبعا فى المنتدى
وموضوع الترتيب على الدفعه دى بتهيالى سهل وخصوصا ان الدكاتره
متساهلين اوى وبيسهلولكوا حاجات كتير مش هتلاقيها فى اى سنه تانيه
ولازم طبعا تذاكر اول باول
لان الترم الاول بيعدى سريع اووووووووووووووووى
واكيد هتاخد وقت على ما تاخد على الجو وتبدا تتجاوب مع الدكاتره
وخصوصا فى موضوع اللغه بس ما بيدققوش اوى

وربنا يوفقك وتكون سنه جميله فى علوم

وطبعا لو اى استفسار ممكن نساعدك
وان شاء الله تستفيد من المنتدى وتحقق كل اللى طموحاتك

اهلا بيك دكتور احمد
نوت المنتدي واسنان كلها كمان
ربنا معاك حاول تنظم نفسك من الاول اعدادي مش بتضاف كتير في التقدير العام بس مش معني كده انك تكسل حاول تستفيد من الخبره الي هتخدها السنه دي وربنا يوفقك وترتب ان شاء الله

اهلا يا احمد منور المنتدى
اول واحد من الدفعه الجديده شرفتنا
هنعمل قسم لاعدادى ان شاء الله بس شوية كده و اى حاجه من بتاع السنى اللى فاتت موجودة و كل حاجه ف وقتها ان شاء الله
و دلوقتى بييجى اليوم اللى احنا ندى فيه نصايح lol الايام بتعدى هوا
كنا داخلين تايهين كده و سالنا كتير بس و الله الموضوع بسيط و بكره تعرف ان شاء الله
و اى حاجه ف اى وقت اسال و احنا نجاوبك
و ادعيلنا بقى احنا رايحين اسنان و ربنا يستر م اللى هيحصل
و تقدر تطلع م الاوائل لو انت عايز و فرصتك كبيرة جدا ف اعدادى تجيب تقدير عالى
و ربنا يوفقك و يوفقنا

شكرا يا مصطفى على النصايح
ربنا يوفقك فى العزله اللى انتو رايحينها
انتم السابقون ونحن اللاحقــــــون :toycar:

اهلا بيك طبعا فى المنتدى
وموضوع الترتيب على الدفعه دى بتهيالى سهل وخصوصا ان الدكاتره
متساهلين اوى وبيسهلولكوا حاجات كتير مش هتلاقيها فى اى سنه تانيه
ولازم طبعا تذاكر اول باول
لان الترم الاول بيعدى سريع اووووووووووووووووى
واكيد هتاخد وقت على ما تاخد على الجو وتبدا تتجاوب مع الدكاتره
وخصوصا فى موضوع اللغه بس ما بيدققوش اوى
وربنا يوفقك وتكون سنه جميله فى علوم

شكرا Funny girl على النصايح الغاليه دى
ان شاء الله ناوى اذاكر اول باول مع انه مش طبعى لان ثانوى تختلف كليا عن الكليه
و يارب تكون على قد اللغه مش حاجه تانيه
يلا شدو حيلكم فى اسنان عايزينكم تشرفونا

اهلا بيك دكتور احمد
نوت المنتدي واسنان كلها كمان
ربنا معاك حاول تنظم نفسك من الاول اعدادي مش بتضاف كتير في التقدير العام بس مش معني كده انك تكسل حاول تستفيد من الخبره الي هتخدها السنه دي وربنا يوفقك وترتب ان شاء الله

شكرا يا مشمش على ردك الجميل
المنتدى منور باعضائه (( طبعا انا بقيت منهم خلاص ))
ان شاء الله هى سنه ونبقى خبره زيكو كده وندى نصايح

:flowerReal*: ( جميله اوى الاموشنز اللى فى المنتدى ده)

اهلا بيك د/احمد
طبعا المنتدى مش لاولى بس وطبعا نورتنا
وبالنسبة لاعدادى متقلقش خالص والله انا كنت داخلة اول السنة تايهة ومش عارفة حاجة ولال فاهمة حاجة
بس هى فترة بسيطة وتفهم ك حاجة
اهم حاجة فعلا تحضر المحاضرات والسكاشن وتاخد بالك من كل حاجة بتتقال فى امحاضرة والسكاشن
وتذاكر اول باول بجد لو عملت ده ان شاء الله ترتب عادفعة
وطبعا لو احتجت اى حاجة احنا فى الخدمة

منور الكليه و منور المنتدى و ان شاء الله تتبسط معانا ف المنتدى هنا
و الكليه مش عارف لو هتتبسط ولا لا بس اضمنلك المنتدى يعني ههههههه

منووووووووووووووووووور يابوحميد
طبعا الناس ردت عليك فى كل حاجه
بس انت ماعرفتناش بنفسك منين وكده
يارب يكون المنتدى عجبك
وتستفيد منه وتفيدنا ان شاء الله
كنت عاوز برده اقولك ان اسنان اختيار موفق جدا لان انت هتدخل اصلا هتلاقى تقريبا نص الدفعه جايبين مجموع طب وداخلين اسنان بمزاجهم

وياريت تقول لاصحابك فى الدراسه ان شاء الله على المنتدى
لان ان شاء الله
هيبقى فى كل حاجه ليكم اول بأول تجارب عملى وبوربوينت الدكاتره
اتمنى مااكنش طولت عليك

mima كتب:اهلا بيك د/احمد
طبعا المنتدى مش لاولى بس وطبعا نورتنا
وبالنسبة لاعدادى متقلقش خالص والله انا كنت داخلة اول السنة تايهة ومش عارفة حاجة ولال فاهمة حاجة
بس هى فترة بسيطة وتفهم ك حاجة
اهم حاجة فعلا تحضر المحاضرات والسكاشن وتاخد بالك من كل حاجة بتتقال فى امحاضرة والسكاشن
وتذاكر اول باول بجد لو عملت ده ان شاء الله ترتب عادفعة
وطبعا لو احتجت اى حاجة احنا فى الخدمة

شكـــراا يا ميما على النصايح الغاليه دى
ان شاء الله هحاول التزم بيها على قد ما اقدر
يا رب الفتره البسيطه دى تعدى قبل الترم ما يخلص
شكرا مره تانيه لمرورك الجميل

منور الكليه و منور المنتدى و ان شاء الله تتبسط معانا ف المنتدى هنا
و الكليه مش عارف لو هتتبسط ولا لا بس اضمنلك المنتدى يعني ههههههه

اهلا .. ده نورك والله انت وباقى الاعضاء فى المنتدى
وادى اول واحد يخوفنى من الكليه
بس المنتدى باين عليه انه جميل بجد
شكرا يا شريف باشا على المرور

منووووووووووووووووووور يابوحميد
طبعا الناس ردت عليك فى كل حاجه
بس انت ماعرفتناش بنفسك منين وكده
يارب يكون المنتدى عجبك
وتستفيد منه وتفيدنا ان شاء الله
كنت عاوز برده اقولك ان اسنان اختيار موفق جدا لان انت هتدخل اصلا هتلاقى تقريبا نص الدفعه جايبين مجموع طب وداخلين اسنان بمزاجهم

وياريت تقول لاصحابك فى الدراسه ان شاء الله على المنتدى
لان ان شاء الله
هيبقى فى كل حاجه ليكم اول بأول تجارب عملى وبوربوينت الدكاتره
اتمنى مااكنش طولت عليك

:hat:
شكرا يا bad boy على ردك
وحكاية ان نص الدفعه جايبين مجموع طب دى حاجه تقلقنى
المنتدى بجد جميل اوى ان شاء الله هستمر فيه واقول لاصحابى عليه
وشكرا ليكم كلكم على عرضكم للمساعده
:wfkkAllah*:
:flowerReal*:

اهلااااااااااااااااا بيك يا احمد


سبحان الله انت فكرتنى بنفسى اول ما جالى التنسيق انى هدخل اسنان ..قعدت اعمل سيرش ع النت واشترك فى منتديات بتاعة اسنان وكنت تايهة تايهة مش هزار يعنى

بس بجد السنة دى سهله جداا ..و الغريب اللى انت هتلاحظه وكل اصحابك هيلاحظوه ان معظم اللى هتدرسه فى اعدادى ملوش اى علاقة باسنان

متستغربش دى مش وجهة نظرى انا حتى ..ده فى دكتور قالنا الكلام ده ...قالنا السنة دى مش هتفرق معاكو بعد التخرج ..يعنى اللى كان بيذاكر فيها وجايب تقدير كويس هيفرق عن اللى جايب تقدير عادى انه هيبقى دكتور-- مثقف--((ده لو افترضنا انه هيفتكر اصلا الحاجات دى :k555*: ))

ده بالاضافه ان التقدير العام بياخد نسبة قليله اوى من مجموع السنة الاعداديه يعنى حوالى 5% كده


انا مش بحبطك ..انا بس بفهمك النظام اللى كان ماشى قدامى..واللى انت اكيد هتلاحظه ان شاء الله بنفسك

وبالنسبة للمذاكرة ..متعتمدش على المحاضرات اعتماد كلى ....لازم تجيب ورق المعيدين ...لان انت فى الاول هتواجهك مشكلة اللغة ومش هتعرف تكتب حاجه ولو كتبت فاكيد هتكتب حاجات غلط لان هتتقال قدامك كلمات غريبه انت اول مرة تسمعها

فالاحسن انك تجيب ورق المعيدين ...هتلاقيه نازل فى مكتبه ميدان عند شارع الجلاء كده ...المكتبات اصلا اول يوم فى الدراسه كده بيبعتوا مندوبين يوزعوا اعلانات عليكو فى المدرج بيبقى فيها عناوين المكتبات بالظبط

حكاية المذاكرة يوم بيوم دى معتقدش انها هتبقى مريحة للاعصاب ..بمعنى ان انت كل يوم هتلاقى قدامك كم كبير مهما كان وفى احيان كتيرة لو انت مشيت بنظام اليوم بيومه ده مش هتلاقى مصدر تذاكر منه الا الكتاب ((واوعى تذاكر من الكتب خاااااااالص ..انا بقولك اهو :teeeeeth: ))
فهتلاقى نفسك مستنى الورق بتاع المعيدين لما ينزل وكده وتذاكر منه ...الملخص يعنى لو معرفتش تذاكر اول باول متقلقش ابدااااا لانك ببساطة السنه دى مش مطلوب منك مجهود كبير زى ده !

فى ناس والله ممكن تذاكر من اول السنه وتيجى اخر االسنه وتجيب تقدير عادى جدااا وناس تركز اخر شهر او شهرين وتجيب امتياز ودى حاجه انا واثقه منها جدااا ...يعنى اهم حاجه انك تذاكر كويس --قبل--كل امتحان ومش شرط تذاكر من اول السنة عشان تجيب امتياز

خصوصا انك هتلاقى حاجات كتير فى السنه دى كنت دارسها فى ثانوى بس مكتوبه بالانجليزى لا اكتر ولا اقلل

اوعى تفتكر انى بحبطك brush


يعنى ابسط مثال --عشان انت بتسال اذا كنت تقدر تطلع من الاوائل او لا -- انا والله ماروحت امتحان من امتحانات اى مادة فى اخر السنة بالمنهج كامل وجبت فى الاخر جيد مرتفع !!
يللا بقى الله يجازى الفيس بوك والشات :walk:

يعنى انت لو ذاكرت بس فى اخر شهر او اتنين مش هتجيب امتياز بس ..ده انت هتدرس فى الجامعة lol

و ربنا يوفقك يارب وتتبسط فى الكليه ((على فكرة دكاترة علوم سهلين اوى وبوء ع الفاضى :shshsh*: ))

معلش طولت عليك اوى بس كنت حابه اطمنك مش اكتر

ولو عوزت اى حاجه احنا زى اخواتك :hat:

هههههههههههه
هو شوية تشجيع وشوية احباط
بس والله شكرا انك تعرفينى النظام
حكاية المذاكره اول باول دى والله عمرى ما عملتها فى حياتى
كويس انها مش هتفرق كتير فى الكليه
بس الف شكر والله يا ايمان على النصايح المفيده
شكلى كده هبلغ فيكى دكاترة علوم :shshsh*:
ربنا معاكم فى السنه الجديده يلا داخلين اسنان بقى عقبالنا ان شاء الله

منور المنتدى يا ابو حميد ...

يا عم دوووووووووس ... وخليها على الله ...

خايف من ايه؟؟؟

و بالنسبه لحكايه(طب ولا اسنان)

ما انت كده كده فى طب هتتخصص ..

يعنى هتطلع دكتور بتاع كله !!!

لا...طبعا كل واحد بيقى له تخصص ..

كده تبقى اسنان احسن ...

تخيل معايا اليافطه كده و هى متعلقه على عيادتك

( عياده د|أحمد )

أخصائى جراحه الفم والأسنان....


شكلها حلو ...مش كده؟؟؟


وان شاء الله سنه سهله عليك .. وتطلع من الاوائل كمان ..


مافيش حاجه صعبه على اى حد ..مادام بيعمل اللى عليه بما يرضى الله ..

ربنا يوفقك يا احمد

اهلا بييك يا باشا بص يا عم انا بما انني بيتهيقلي انا الادمن هنا فهجاوبك

انا مكدبش عليك هو المنتدى دراسيا مقتصر على دفة 91 اللي هيا دفعتنا اما بقيت المنتدى من حيث المناقشات اصلا في ناس من كليا تانيه ومن دفعات اكبر مننا لان المنتدى الحمد لله بفضل مجهود الاعضاء و الدفعه كلها ليه سمعه كويسه فممكن تستفيد في المناقشات المواضيع تشوف الجو لكن صراحه انا مش هقدر ادخل في اعدادي اللا معلومات بس ممكن افيدك كده لكن محاضرات وكلام من ده صعب انا حبيت اخليه يكون مقتصر علينا عشان يكون افيد لينا لان لما تركز على حاجه هتاخد حقها اكتر ما انك تركز على حاجه تانيه معاها فاهم قصدي و دي الحاجه اللي نجحت المنتدى الدراسي بتاعنا ان كل صغيره وكبيره كانت بتكون موجوده بيتهيألي كده انا اتكلمت كتير بس انا حبيت افهمك بظبط عشان متقولش عننا ناس مع نفسنا بالعكس والله دنا مبسوط ان معانا حد من اعدادي

من حيث بقى الكليه هو بص الموضوع صعب اوي و سهل اوي في نفس الوقت ات ممكن تنظم نفسك من الاول و تريح نفسك لا تضغط على نفسك في الاول هتزهأ في الاخر ولا تنفض في الاول هتتزنق في الاخر انا اه عملت كده و اتونقت جامد في الاخر بس انا متعود على كده من زمان ف انت و ظروفك التقدير حسب اللي انت هتتعب عشانه مفيش حد هيتعب على حاجه و ربنا مش هيديهالو مينفعش تقول عاوز اجيب امتياز ولا جيد جدا عشان انا جايب كزا في سنوي

ملحوظه مهمه ................النظام في الجامعه حاجه و في سنوي حاجه درووس مذاكره اصحاب دكاتره محاضرات كل حاجه مختلفه و الخوف اللي هتحس بيه في الاول طبيعي مثلا المذاكره بال الانجليزي هترعبك في الاول بس هتيجي بعد كام شهر كده هتلاقي الموضو سهل اوي و هتيجي على اخر السنه والله ما عدت هتعرف تذاكر اللا انجليزي فا متخافش يا معلم من الحوار ده

بيتهيألي كده انا زودتها اوي

والله بص انا في الخدمه 24 ساعه لو عزت اي استفسار معلومه اي حاجه انا في الخدمه انت في علوم اول سنه و انا عارف النظام هناك كويس فا معاك يا باشا في اي وقت تعوزني انت بس ابعتلي

سلام بقى عشان هبط :haha: