هل فعلتها يوما ؟؟؟؟؟؟؟؟

هل فكرت يوما في ان تواجه نفسك بسلبياتك؟

جميعنا يملك سلبيات ولكن ما يميزنا هو اي منا تطغي ايجابياته علي سلبياته

اذن فهل تواجه نفسك بها؟
وهل تحاول تغيرها؟
قد ياخذها الكثير علي كرامته قائلا ليس لي سلبيات وان كانت موجوده فهي لا تذكر

ولكني اود الوصول الي انه قد تكون ساعه مع نفسك تجعلك تعود الي نفسك وتدرك سلبياتك محاولا تصليحها بقدر الامكان

فقد يكون هذا اقصر الطرق الي النجاح بان تعرف من انت وعندها تعالج سلبياتك ومن ثم تحدد وجهتك ثم اليك باقصر طرق النجاح

وآخيرا سؤالي هو هل تعرف سلبياتك وتعترف بها ام تعتقد انك انسان كامل الاوصاف؟

مفيش انسان طبعا كامل الاوصاف
الا الانسانة اللي عبد الحليم كان بيغنيلها "كامل الاوصاف ندهلي" lol lol lol

انا بواجه نفسي بسلبياته علي قد ما اقدر وبحاول بجد اصلحها
لكن بيني وبين نفسي
والحمد لله عارفة كويس سلبياتي

انا كمان بقول ان مفيش حد كامل الا ربنا سبحانه وتعالى

بس بالنسبه للسلبيات بحاول اشوفها بيني وبين نفسي
واصلحها على قد ما اقدر
واستفيد من كلام الناس برده ...

شكرا على الموضوع الجميل ده ...

والله الواحد بيحاول ع قد ما يقدر انه يصحح سلبياته
لان طبعا كل واحد مننا اكيد فيه عيوب

بجد لازم الواحد يعرف سلبياته ايه ويحاول على قدر المستطاع
انه يصححها بدون حرج
بجد الوضوع جميل ياسويت شكرااااااا

Iam not the best but iam different

اكيد فية
بس انا ابقى بكدب لو قولت انى عارفاها كلها
وحتى اللى عارفاها مش كلها قدرت اصلحا

وجهة نظرى غريبه شويه الطبع بيغلب التطبع مهما كان وده دافع الانسان فى التغاضى عن اى سلبيات ممكن تكون فيه الواحد ممكن يعرف عيبه لكن مش هيعرف يصلحه مهما كان الدليل الدكتور لما بيتعب بيروح لدكتور تانى يكشف عليه احنا مثلا بتوع السنان مستحيل واحد فينا يعالج نفسه لأنه مش هيشوف نفسه زى ما اى دكتور تانى شايفه ممكن مثلا يبص فى المرايه ويشوف نفسه ويقعد يحفر بالكونترا شويه وبتاع بس مش هيظبطها برضه وحتى الجماد العربيه لما بتعطل بنوديها لمكانبكى يصلحها من الاخر عشان دمى بقى تقيل الانسان بالفعل بالفعل ودى ممكن تكون مخالفه لقرار خدته قبل كده محتاج لصديق وحد يقف جنبه ويساعده يغير السلبيات دى
اسف طولت عليكوا :fly:

أنا الحمد لله فعلا بطلع السلبيات اللى فيا و بحاول أصلحها و بفشل للأسف بس بحاول تانى و ربنا يعسنى و يقوينى


ميرسى ع الموضوع

شكرا يا حماعة على كل الردود وجميل اوووى ان الواحد يعترف بسلبياته والاهم من كدة انه يحاول يغيرها